السلام عليكم ورحمة الله وبركاته ..

الف الف الف الف الف الف الف الف الف مببرووووووووووووووووووووووك التاهل وعقبال ما نروضها باذن الله



وصلت للملعب الساعه الخامسة والثلث .. وحصلت موقف مميز .. ولكن لم يكن هناك اي بوادر حضور جماهيري

كبير .. بل بالعكس اشوف ناس يطلعون من الملعب متجهين للمواقف .. وحسيت اني ابي اديور معهم خوفا اني

ما اجد اي شخص في الملعب .. ولكن اتكلت على الله ووقفت عند العسكري .. اللي من قلب قاعد يفتش حتى البوك

طلعه ويفتش فيه .. دخلت الملعب ورايت الحضور وكان لا باس وجلست في حيرة من امري المواقف فاضية

والحضور تقريبا 8000مشجع .. طبعا دورت مكان وما ان هممت بالجوس الا واللي يصايح علي ينادي والتفت

التفاتة اسد على فريسته :d واذا به صديق لي منذ ايام الثانوي .. طبعا ما اوصلت اني التقطه بالاحضان ولكن

من كثر ما سلمنا على بعض حسيت اني ابي احضنه واسوي اكشن مصري :d .. سالته كم نفر موجود معك

قال سبعه قلت تعال ووسع صدرك معي .. جلسنا ونحن نتجاذب اطراف الحديث واذا بعاصفة رملية تجتاح الاستاد

ويعقبها رياح شديدة مصحوبة بامطار ( بالله كيف الوصف ) كدنا ان نخرج من الملعب لشدتها .. ولكنها لم تدم

طويلا .. هي بس اوقفت واهوجس مع نفسي قلت اكيد ما بيجون وبيتعذرون بالغبار .. ولكن خويي قال اصبر

ترى باقي وقت طويل على المباراة .. صحيح اني حسيته يسلك الوضع بس مشي حالك .. بعد الهواء القوي

والغبار جاء حر شديد وكتمة .. قللانا كله يهون لعيون ابو فيصل والزعيم قبله ..

الساعه تشير الى السادسة والنصف طلعنا نصلي ورجعنا .. والجو باقي ما تغير .. والواجه تقريبا فللت

بعدها دخل لاعبي بونديكور على دفعات وكل ما خشت دفعه عطيناهم كم صافرة استهجان .. وطبعا اكرام الضيف

واجب اذا رفعوا يديهم يصفقون لنا حن نصفقلهم وهكذا .. دخل اللاعبين الاوزبكين وجهازهم الفني بالكامل

وياخذون فرة في الملعب .. ومن اشكالهم في البداية واضح انهم يقولون شكل الوضع موب لنا اليوم .. بس الله

يستر لا ننصقع مثل الاتحاد والنصر :d .. المهم ويخش المدرب العالمي ايريك جريتس .. هو دخل والا ما دخل

ويشعلل المدرج الازرق ويهتفون باسمه وانواع الفله صراحه يوم خش .. بعدها راح سلم على مدرب بونديكور

واحسه قال له والله ما تفوز اليوم ورجع غرفة الملابس ..


الساعه تشير الى السابعه وعشرون دقيقة .. بدأت الرابطة بالترحيب بروابط الاندية الثانية وهي رابطة النادي

الاهلي .. رابطة نادي الشباب .. وسينضم لاحقا رابطة البحرين ... الجمهور متحمس وينتظر بس اشارة

البدا من الرابطة التي اجادت في اغلب اهازيجها في المباراة .. وتعلن الرابطة بداية الاهازيج ويقف اربعون

الف متفرج ملؤوا الواجه قبل الامباراة بساعه ونصف .. وبصوت واحد شيلوها شيلة والفوز الليله .. انت تخيل

المنظر بالله ما يخليك تتحمس .. الا والله انه حماس .. وتفاعل الجمهور مع باقي الاهازيج حتى اذن العشاء .

بعد اذا العشاء بعشر دقائق دخل لاعبو بونديكور لاداء تمارين الاحماء .. وفي عز صافرات الاستهجان ويدخل

الاسد العملاق محمد الدعيع الى ارضية الملعب .. ويتحول المدرج الى مسرح من الفرح .. وبعدها بلحظات

دخل بقية الاسود الى ارض الملعب وبادلوا الجمهور التحية .. وبدات الرابطة باهزيجها للاعبين على النحو التالي

محمد الدعيع / حيو الدعيع حيوه .. اسامه هوساوي / ترديد هوساوي ( اكثر لاعب تفاعل الجمهور معه )

ماجد المرشدي/ ترديد ماجد .. عبدالله الزوري /ترديد زوري .. لي يونج / ترديد لي ( تفاعل الجمهور معه بشكل

مميز) .. ميريل رادوي / يرفع الجمهور يده ويردد ميريل رادوي ميريل نلف اليد يمين ورادوي نلف اليد يسار )

محمد الشلهوب / يا شلهوب يا شلهوب ( الاهزوجه ما لاقت استحسان الجمهور فما تفاعلوا معها )

ياسر القحطاني / ترديد ياسر .. سامي الجابر / سامي سامي هو الاسطورة .. طبعا الرابطة نست نيفيز فذكرتهم

الجماهير وردد تياقو تياقو تياقو . بعدها تفاعل الجمهور مع الرابطة .. ولما اقول الجمهور فهو قرابة 35 الف

متفاعلين ولكم ان تتخيلوا المنظر .. طبعا الاجواء تحسنت نوعا ما ثم رجعت الكتمة والحر ..

دخل اللاعبون الى غرفة الملاس وساد الصمت المكان انتظارا لبدا المباراة .. والجميع كان متفاءل وبشكل كبير

وخصوصا ان التشكيلة كانت مثالية ويتمناها اي مشجع هلالي .. طبعا نسيت ما اذكر ان الجمهور وكعادته

في المبارايات الاسيويه ما يفرق بين النادي الضيف والحكام فاطلقوا صافرات الاستهجان ثم تلاحقوا الوضع

بعد خراب مالطة :d . دخل ابو فيصل الملعب وتعالت الاصوات .. وزادت حرارة التصفيق وبادلهم التحية .

دخل اللاعبون الى ارض الملعب ورفعت الجماهير الشالات .. وبدات الرابطة باهازيجها .. وبدات المباراة وقل

التفاعل .. وما الوم الجمهور ولا الرابطة ولكن هالمرة الجو كان له تاثير قوي جدا .. ثمان دقائق ويطير الصقر

ماجد المرشدي للكرة ويسجل اول اهداف اللقاء . ويتفاعل الجمهور بعدها لمدة خمس دقائق تقريبا .

انتهى الشوط الاول بسلام .. واطمان الجمهور على وضع الفريق .. بين الشوط دخلت رابطة البحرين وقام الجمهور

يردد بحرين بحرين .. ابتدا الشوط الثاني وما هي الا عشر دقائق ويضيف ويلهامسون الهدف الثاني ..

وبعدها بخمس دقائق تياقو نيفيز يضيف الثالث .. بعدها الجمهور حس انه ما لد داعي يقعد ساكت

ويتفاعل مع الرابطة حتى نهاية المباراة .. طبعا بعد الهدف الثاني جانا تنبيه عن طريق مكبرات الصوت من اداراة

الملعب ان مراقب المباراة يهدد بايقاف المباراة لو اطلق الجمهور اي العاب ناريه .. ولكن بعد الهدف الثالث

اصر الجمهور وقذف العاب نارية واوقفت المباراة فعلا .. وجاء يهدي الوضع ياسر القحطاني وسامي .. وقوبلوا

بتحية جماهيرية .. ولكن كنت خايف الى نهاية المباراة لانكم تعرفون في المبارايات المجانية العينات اللي تجي

للملعب . انتهى اللقاء وفاز الهلال وبدات افراح الجمهور .. وجاء يمنا اللاعبين وحييناهم . .وجاء قريتس

وابو فيصل اللي تفاعل كثيرا مع الجمهور ووضح عليه انه في قمة البسطة والسعاده .. الله يديمها عليه يا رب .


ختاما / نبي ننسى ماسينا .. وتتشابك ايادينا وننثر للفرح ازهار