بسم الله الرحمن الرحيم

مساء / صباح الخير لكل الزعماء

اولا / الف مبرووووووووووووووووك لكل الجماهير الهلالية هذا الفوز والتاهل المستحق
وخير ختام لخير موسم

طبعا اول مرةاطرح موضوع في مجلسنا الغالي وذلك لكثرة المواضيع ولكوني متابع لشبكة الزعيم بشكل يومي واهتم بقراءة المواضيع لكن حبيت اوضح للجميع نقاط من المباراة لفتت انتباهي


. جمهور الهلال شكرا شكرا شكرا وياليت يستمرون بنفس الدعم كم تمنيت اني اكون في الرياض ولكن ضروف العمل ولا اخفيكم اني حاولت بكل ما املك لكي احضر النهائي بين الهلال والاتحاد وما وفق ربي ونفس الشئ مباراة الامس بس عندنا مدير اتحادي حاقد علي بعد مباراة الهلال والنصر 5-3 لاني مشيت وما كلمته لكن الله يسامحه بس .

. تشكيلة الهلال اعتقد تشكيلة الامس كانت الافضل على الاطلاق للهلال من بداية الموسم الى مباراة الامس ولكم الحكم في متابعة نتائج الفريق لان عزيز ورادوي بجنب بعض قوة هجومية وفي نفس الوقت دفاعية

. يبدو ان اللياقة وعوامل الارهاق اثرت على الفريق في نهاية الموسم ولكن ماقصرو اثبتو انهم رجال

. بالنسبة للاعبين فيه نقطة كنت ملاحظها على الفريق بشكل عام وهي الضغط على حامل الكرة اللاعب يتمشى بالكورة وفيه لاعبين يتفرجون طيب اضغط عليه ويمكن اللاعب الوحيد اللي تحس انه يضغط نواف العابد

. جمهور الهلال بالرغم انه حضر وعبى المدرج كامل لكني لاحظت عدم التفاعل في الشوط الاول لدرجة اني كمتابع سمعت اهازيج جمهور بونيدكور وهم ما يتعدون العشرة صمت رهيب !

. بعد الهدف الاول استحوذ الفريق الاوزبكي على الكرة وامتلك الجرأة وهدد مرمى الدعيع اللي كان واضح عليه شوي ارتباك في بداية المباراة لكن يبقى الكبير كبير وفيه نقطة ياليت يلتفت لها الدعيع وهو اذا رجعت له الكورة وما عليه ضغط يثبت كورته وله الخيار اما انه يمررها للدفاع او يشوتها اما انه يندفع ويشوتها وهو ماعليه ضغط من لاعبي الخصم ! ياليت ما تكرر لانها حصلت في مباراة الامس ومباراة الاياب مع مس كرمان

.مراقب المباراة وقفها 3 دقايق عشان المفرقعات النارية اجل وش بيسوي لو شاف مباريات الفرق الايرانية والعبارات السياسية والدينية والشغب الخ


. الفريق الشوط الثاني ظهر بوجه مختلف وسوى كل ماعليه يستحقون الشكر واحد واحد .

.شكر لرؤساء الاندية اللي حضرو واخص بالذكر خالد المرزوقي لانه مكسب للكرة السعودية ويكفي انه خلال فترة رئاسته كان واضح عليه الاحترام والطيبة شكرا طبيب القلوب وياليت يتعلمون منك !

. يبدو ان التعصب عند اخواننا النصراويين وصل بهم لحد الجنون فهذا صالح الداود السعودي يتمنى خسارة الهلال والرد جاءه من البحريني حمود سلطان بعد ان قال له هارد لك لفوز الهلال ودور لك فريق ثاني يهزم الهلال في برنامج المجلس والامثلة كثيرة ومنها خويي نصراوي تابع معي المباراة والغريب انه كان يقول ابشجع الهلال ولكن بعد انطلاقة المباراة تشوفه ينشد مع هجمات الفريق الاوزبكي وكان يتمنى فوز الفريق الاوزبكي لكن ما اقول الا الله يشفيهم من المرض

.بقي فيه نقطة وهي المعلقين كمتابع عصام الشوالي ما ادري وش فيه كانه مغصوب يعلق على المباراة اما عامر عبدالله فقمة الاستمتاع مع هذا المعلق وعبدالله الحربي يعني واقول ياليت تحتفظ باسلوبك ايام الارتي .

.اخيرا اتمنى اني اكون وفقت في طرحي وهذي وجهة نظر لا اقل ولا اكثر قد يوافقني البعض فيها وقد يخالفني البعض الاخر.

اسف على الاطالة
دمتم بووووووووووووووود