أول مرة أحس إني نصراوي ؟؟
هذي اول رسالة جتني من صديق على الجوال بعدالمباراة مباشرة !؟
رغم الهزيمة وخسارة البطولة إلا إني ( فطست من الظحك ) على الرسالة !
فعلا شعور قاسي مايشعر به الأشقاء في النصر سنوياً ؟؟
ادري الحين يبي يجيك واحد راضع مع ( أسامة المولد ) وينبرش إنبراشه مهيب صاحيه
تبعدني عن ملاعب الكتابة سنة .... وحجته بأنه وش دخلنا بالنصر؟
النصر ( حالة ) لابد من الإستفادة منها ومن مأساتهم ومصايبهم المستمرة لكي تهون علينا مصيبتنا وهي في خسارتنا أمام الإتحاد .. الفريق البطل ... ونقوله مبروك ...
لكن ماأثر فيني هو شعورالخيبه والخسارة اللتي أحسست بها بعد المباراة مباشرة فكم هو قاسي هذا الشعور ولم أخرج منه إلا بعد رسالة هذا الصديق وهي :
( أول مره أحس إني نصراوي ) تلك الرسالة اللى هونت علي مصيبتي
... هل يشعر جمهور النصر بهذا الشعوري اللذي طغى علي لمدة خمس دقائق بعد نهاية المباراة وخرجت مع المسج اللى وصلني ؟
الحمد الله إني هلالي ... ومبروك للإتحاد ... والله يعينكم يالنصراويين ..
نقاط نقاط نقاط نقاط ......
* الإرهاق كان واضح على لاعبي الزعيم ( ماالومهم )
* البرود والتراخي وإنقطاع الكور أهم العيوب .. لابد من حلها قبل الآسيويه
* جمهور الهلال الحاضر ... ماقصرتوا ووعدنا آسيا
* ماودي والله أقول حكم وماحكم ... بس نور من بداية المباراة وهو يبي ( بلنتي ) وجاه البلنتي ونس الأخطاء لصالح ياسر ماتنحسب ! لكن برضه لاتحكيم ولا أرضيه ولا غيرها سببت خسارة الهلال
* الشوط الأول كان هلالي وليتهم مستغلين فرصة هالمستوى بهدف ومريحين
* عمر الغامدي مع حسن العتيبي هم نجوم المباراة
* الفريدي نجم كبير وفنان وموهوب بس عيبه ( بارد ) إلا ( ثلوج ) ولايهون الزوري رغم مستواه الرائع اليوم إإلا إن مشكلته كل اللى بالملعب يدري إنه يبي يمرر الكورة !
* الزعيم يبارك ويهنيء الإتحاد وجمهورة .. تخيلوا لو غير الهلال وش يبي يجي الحكم من تشكيك .. وغمز ولمز .. وهذا أسباني يقرب لحمد المنتشري بالرضاعة ... والمساعد غمز لتكر .. وحكم اللاين بينه وبين بوشروان علاقه !! كبير يازعيم
* رادوي إنطرد وإنحرمنا منه في مباراة مهمة ... وكتبت موضوع في الجمهور عن تهور رادوي وجاني كم واحد ( إنبرش ) وكانت مداخلة الأغبية غير منطقية ... أقولهم تيس يقولون أحلبوووه ! و فايدة لاعب كبير ومؤثر وهو خارج القائمة !! يالله وش إستفدنا من المقاتل الروماني وهو بغرفة الملابس ( يقشر بصل ) ؟ وهذا رابط موضوعي
بعنوان :
طلع من الموسم ببطولتين ... والفقراويه ولا بطوله..
الوضع العادي
