من خـــان الرياض .............. - نادي الهلال السعودي - شبكة الزعيم

القبيسي0500 · #1 09/05/2010, 01:55 PM

آآآه وبس ..!!
صدقوني ياناس، ليس من سمع كمن رأى..
بدأت المسخرة الساعة 2 ونصف الظهر..
سمعت صوت هواء قوي، طلعت الحوش أشوف، مطر وهواء ..
استمرت نصف ساعة ثم توقف الهواء واستمر المطر..
خلال هالنصف ساعة غرقت شوارع الرياض..!!
طاحت أشجار الرياض..!
طارت لوحات الرياض..!!
ضاعوا أطفال الرياض..!!
طلعت العصر، وشفت المسخرة ..
تتوقعون مين اللي ينظم السير..؟!!
مين اللي يوقف الناس ويحول الطرقات..؟!!
الشرطة..؟
المرور..؟
الدفاع المدني.؟
ولا واحد منهم….!!!!

اللي جالسين ينظمون الشوارع وينبهون الناس شباب، لا بسين ثياب وغرقانين تحت المطر ساعات..!
ينبهون هذا، ويحذرون هذاك. ويساعدون عائلة، وينقذون أطفال..
كفو يا شباب، والله كفو..
تدرون وش الشيء اللي ضايقني وضايق الناس..؟
الشرطة وين..؟
المرور وين..؟

لهم شهر وهم واقفين عند الاشارات يحررون مخالفات وياخذون فلوس الناس..
ومزعجينا بنظامهم الجديد ساهر..!!
ويوم جاء الجد ما لقينا واحد منهم في الشارع..!!
ما جو ألا يوم الشباب خلصوا وأنقذوا المحتجزين ..
ورب الكعبة -شوف عيني- انه من العصر إلى بعد المغرب والنفق اللي تحت طريق أبو بكر مع تقاطعه مع الملك عبدالله مسكرينه شباب (مدنيين )، وجالسين يحولون الناس على الطرق الفرعية لإن النفق غرقان..!!
ولا فيه سيارة شرطة تساعدهم أو تنبه الناس..
ولما دخلت الحواري لفيت سيارات الشرطة هناك..!!
والنفق الجديد اللي نقاطع طريق الجامعة -الامام- مع ابو بكر اللي جالسين فيه سنين يشتغلون غرق في غمضة عين ..!!
لا تجلسون تقولون هذي عواصف وأعاصير..!!
لانلعب على بعض..
كل اللي جانا هواء قوي نصف ساعة مع مطر..
وغرقت رياضنا..!
عاصمتنا..!

وانتم يا اللي كنتم تضحكون على جدة وتقولون ان السيول اللي جتها بسبب معاصيها..!!
وش صارت المشكلة..؟
في معاصي جدة..؟
ولا في حرامية بلدنا..؟
اللي متوزعين في كل مكان..؟؟
أول مرة أكتب تدوينة بالعامية ،،
بس قهر والله قهر..
وسامحوني على أسلوبي..
بس والله ما قدرت أنام وأنا أشوف الأشياء اللي صايره ..
فيه غيور يرضى على حبيبته -بلده- يصير فيها كذا..؟
حسبي الله ونعم الوكيل على كل من خان بلدي ..
حسبي الله ونعم الوكيل..
اللي يبغا يشوف صور أو فيديو عن الأشياء اللي صارت يقدر يدخل يوتيوب أو أي موقع أو منتدى ..
لإني ماراح أضع صور للي صار في مدونتي..!!
يكفي الكلام..!!

(اسير& المحبة ) · #2 09/05/2010, 05:02 PM

والله اللي صار فضائح بس وين التحقيق وين الرقيب والحسيب هنا الكلام مافيه احد

زعيم المستديرة · #3 10/05/2010, 01:32 PM

موضوعك في قمـة الـروعه

وانتم يا اللي كنتم تضحكون على جدة وتقولون ان السيول اللي جتها بسبب معاصيها..!!

وش صارت المشكلة..؟
في معاصي جدة..؟
ولا في حرامية بلدنا..؟

اقـولهـا و انـا في كـامل قواي العقلـية

حرامية بلدنا حرامية بلدنا حرامية بلدنا

$$فارس النور$$ · #4 10/05/2010, 03:09 PM

وش عليكم يا هل عسير الامطار والوديان والجبال ما يبيلكم صرف ولا زحمه يا لبيه يا خميس مشيط ديرتي وربعي

برهوميـ · #5 10/05/2010, 03:42 PM

يآرجآل كل شي مآِي بالبركه ..

الله يعين بس شآطرين في القسايم وشفط فلوس الشعب الطفرانين ..

سلآم