|
||..مــقــالــب و مــواقــف طــريــفــه مـضـحـكـه و مــواقــف مــحــرجــه..|| السلام عليكم ورحمة الله وبركاته اليوم قريت بعض المذكرات وذكرتني بمقالب ومواقف فيه منها الطريف والمضحك و فيه منها المحرج واللي طار فيها وجهي بعض الايام من الاحراااج والموضوع ماراح اجيب المواقف والمقالب اللي تعرضت لها انا فقط بل سنتبادل المواقف والضحكات يعني نبي تجيبون لنا المواقف والمقالب اللي تعرضتو لها راح اقولكم بعض المقالب اللي تعرضت لها واللي بصراحه عرضتني لاحرااااج بكل ماتعنيه الكلمه احرااج مثل مره في الجامعه انا وسط القاعه في المحاضره جالسين ومركزين وانا كنت الصرااحه مزاجي زفت ذاك اليوم لان كان جهازي (الاب توب) طاقه فاااايرووس يمشي الفين وكنت افكر في انه لازم اسويله فرمته وانا لي فيه اشياء ابيها وحالتي حاله المهم اثاري الشباب عيال الـ..مانيب قايل ماخذين جوالي قبل ادخل المحاضره و مجهزينلي مقلب وحاطينلي الساعه ضابطينها ترن في نص المحاضره وياليتها على كذا الا ماوقفت على كذا حاطين رنة الجرس (النغمه) اغنية (ياراعي الجمس):s2: المهم وانا جالس والله مفهي ما توعيت الا و الجوال يشتغللل يااااااراااااااعي الجمس وكل من يتواجد في القاعه كان يطاالع فيني وانا سويت يعنني ماهوب انا:s5s: وجلست اتلفت وكــاني طالع منها ولا الدعووه مكشووفه بس وقتها والله وجهي صاار احمممر كاني ضااارب بريك ومولع الوجه احممر:wub: عاد انا اغلب مواقفي محررررجه جدا جدا دقيقه خلوووني اتذكككر موقف صارلي مع اثنين من الشباب اللي هم سعود و محمد عاد سعود ذا ان شاء الله ماتعرفونه صح ان مقالبه كنها وجهه ثقيله تسبب احراااج ماله حد الا انني سبحان الله احبه المهم حنا كنا في عزا واحد يعرفه محمد اما انا و سعود جايين مسويين يعنني ندور الاجر يعني جايين قطه وعزينا اهل المتوفي الله يرحمه وجلسنا شوي كالعاده وحنا جالسين الثلاثه جنب بعض الا وانا جالس ماخذيت الا سعود ينغزني قلت هلا قال اقرب بقولك حاجه بصوت خفيف قلت هلا قال سرعه اقرب قربت منه وانا على بالي بيقولي شي ماتوقعت توصل به المواصيل يحطني في موقف محرررج في العزا وخصوصا ان حنا عند ناس مانعرفهم:ranting: المهم قربت منه.. الا والرجال يقولي بصوت خفيف في اذني (نـكـتـه مــضــحــكــه) هو بس قال النكته انا مامسكت نفسي هليت ابوها وامها ضحك قسم بالله ماعاد قدرت امسك نفسي من الضحك والمسيكين محمد ضاع وجهه قدام ربعه اهل العزا وسعود الخسيس جالس وقسم بالله ماعليه اثر ضحكه وانا ضحكت ثم على طول طقيت بريك كالعاده طقيت بريك و وجهي وللع اشاره حمراااا:wub: ومحمد والله العظيم شهر مايكلمني وانا مالي ذمب بس الخسيس ذاك اللي حطني في الموقف ذا:cry: هذي مواقف من مواقف كثيير لكن خلونا نشوف ردودكم ومواقفكم ومن ثم نكمل والحين ابي اجيبلكم مواقف ما تعرضت لها بس سوالف مجالس دايم نسمعبها يعني مثل ماتعرفون اذا جلست في المجلس سالفه من ذا وسالفة مقلب من ذاك بقولكم سالفة واحد هو و اخوه في صلاة الفجر يعني كالعاده يجيك الواحد سهران ما نام وما يمديه يسجد في الصلاه الا والرجال صاكها نومه:d وهو ساجد عاد تعال وصحه تصير الهوايل و الضحك من بعيد يعني اذا كان الموقف بعيد عنك:wub: يقول ابو شباب كان رايح هو واخوه يصلون الفجر في المسجد ويوم سجد الامام وسجدو معه ..اخوه ماصدق على الله يلمس راسه الارض الا وراحت عليه نومه في السجده..:s2: عاد رفعو من السجده وابوالشباب عاده ساجد(احلام سعيده) ونايم يقول اخوه حاولت اصحيه بس ابو الشباب ماصحى نايم..يقول وحاولت انغزه.. ونغزه من جنبه نغزه قوووويه.. قام وقال بصوووت عالي..ياهيييييه ماتعرف تصحي النااس..:mad: يوم شاف درا انه في المسجد ونايم حط رجله من المسجد.. وفي الختام نبي نشوف ردودكم وتفاعلكم ونبي نسمع مواقفكم ومقالبكم وترا الموضوع ..يــتــبــع.. اذا حسيت انكم تقبلتوه خــالــد http://www./lives/12731827651.gif |
هههههههههههههههههههههه اوما عليك مواقف بقولك موقف صار لي مره رحت اعزي صاحبتي في وفاة ابوها الموهم تخاوينا انا وبنت خالي لان صاحبتنا مشتركات^^ الموهم جالسين مع البنت دخلتنا نسلم على امها ولا الام مرررررررررررررره متأثره لدرجه لونها مقلوب جدا البنت كانت عادي لانو ثالث يوم من العزى فأنا جالسه اسولف مع صاحبتي واقلها امك مبين عليها التعب مسكينه قالت مررررررررررره نفسيتها زفت الله يستر عليها ويطول بعمرها قلت انا ((ام الذرابه انا والحتسي السنع)) قلت اشحذي ابوك خليه يسافربكم لمكه لعل نفسيتها تزين اذا طلعت من البيت وشافت الحرم بنت خالي غزتني بجنبي عرفت اني كبيت العشاء^^ تحياتي |
هههههههههههههههههههههههههههه والله عليكم مواقف انا صار لي موقف مره كنت مطلع السياره من الحوش ومستعجل بلحق صلاة العشاء ويوم وصلت للمسجد وقفت ونزلت الامام خلاص بيسلم وادخل مستعجل واصلي وطلعت للسياره يوم جيت للسياره لقيت قدامي سياره bmw :to: لاصقه في صدام السياره عاد انا طلعت وانتظر عند السياره بشوف راعي الـ BM وش قصت امه لاصق في السياره :ranting: وياليتني ما انتظرت :s2: يوم طلع الرجال وانا اتذكر ان الجلنط (مفكوك) :razz: ماسحبته من العجله ههههههههههههه عاد دور وجهي :D الرجال مسكين يطالع في سيارته يقول : فيها مخوش الله يهديك انتبه ثاني مره :D قلت ماعليش والله ناسي الجلنط مفكوك ونزلت الحق قبل لايسلم الامام :s2: وصرت الحين اذا نزلت اسحب ام الجلنط اطلعه مع الفتحه :ap: |
وش هالمقآلب الثقيله .!! ض1 والله عليكم مزح بعد .~ والله انا اخويآي مآيحبون المزح الثقيل الح ـمد آلله .~ مجرد مدآعبآت وشويه تنتيف ونرجع نسولف لان جونا سوآآآليف اكثر شي |
هذي سالفة صارت مع ناس رايحين لمكة وهم مجموعة من الشباب اللي فيهم عباطه ومزح زايد شوي واللي اعرفهم وكنا نسولف في مجلس وقالوها اخذو عمره وجلسو كم يوم بمكة المهم أن واحد منهم ما يستحي أبد وجهه مغسول بمرق طلع يوم من الأيام من عند ربعه من الشقة ولقى ( تكرونية ) منسدحة على الرصيف ترضع ولدها ... وقف يناظرها .. . الرجال ما تطوف عليه العيارة أبد معه كاس فاضي ... أشر للحرمة .. وقال : ممكن شوي حليب ... ناظرته بعيون قشرا .. وقالت : يالله روهي .. أنت ما يستهي .. أنت همارة ... الرجال : صامل ولا همه .. طلع خمسين ريال .. وقال : أبغي حليب .. وابعطيك خمسين ريال .... التكرونيه طاحت لهاتها عند الدراهم الرجال شافها لانت وقال : أبعطيك مية ريال ... التكرونية ... وافقت ... وأخذت الكأس وملت الكأس ... عطاها الفلوس ورجع لربعه ...! ! ! ! دخل عليهم ..... ومعه الكأس مليان ... قال : يالربع لقيت واحد عند باب الحرم يبيع حليب يقول أنه حليب خلفات ... وانا ودي أشرب حليب خلفات وأعرف أنكم تحبونه .. بس قلت أخاف أنه غاشني وأخذت منه هالكأس علشان تشوفون هو حليب خلفات وإلا حليب قواطي .. طمر واحد مافيه صبر .. وقال : هاته أنا اللي أعرف حليب الخلفات ... هات أشرب .... وكل واحد يقول عطني أذوقه وأنا أعلمك ... وتهاوشوا علشان كلن يبي يشرب .... المهم قال : يالربع كل واحد يشرب منه فنجال .... ونشوف ... كل واحد خذ فنجال أو فنجالين وشربها .. وآخر واحد خذ الكأس .. ولطه .. ولحس الباقي باصبعه ... يوم خلصوا ... قال: وش رأيكم أحد يقول حليب خلفة .... بس حالي ... يمكنها بكرة واحد يقول لا : أنا أبخص تراه غاشه حاط فيه سكر ... يوم قضوا .... قال لهم هاه اشرايكم نروح نشتري منه !!!! قالو لا بصراحه مايستاهل...المهم حاول فيهم وحلف عليهم لين اقنعهم كلهم يروحون معاه راحوا لين وداهم عند التكرونيه الا هي قاعده ترضع ولدها في نفس مكانها قال لهم شباب: ((تراكم كلكم إخوان هاذا من الرضاعه)) هههههههههههههههههههههههههه الله يهديه بس |
إقتباس:
الله يرجكم بس على مواقفكم |
العمراني ....أمبـــــــــــــــــــــــــــــــــــية ياللي إخوانك من الرضاعة. قوووووية خوووويك تحفة. عآآآآد ياكثر المواقف اللي تمر علينا بس على الله نتذكر ونعاود نهدر.. يعطيك العافية ياصاحب الموضوع |
يعطيك العافيه موضوع شيق ,,http://www.a7tajk.com/vb/images/smilies/biggrin.gif : يؤيؤيؤيؤيؤيؤ مواقف محررررجه,,, وياكثر المواقف الي صارت لي .. لي بآك ,, : |
ههههههههههههههههه مرهـ اياااااام الابتدائي كااااان ابووووي(الله يرحمه) دائماااا يصحيناااا على صلاة الفجر وقمت توضيت واناااا اصلي بسجده سحبتهاااا نوووومه وشششوي ويجي ابوووي يسستناااني اقوووم ماااافي امل وقاااال يااااابنت وانااااا اصحى واقووول الله اكبر ودي اسسلم وكنت بكمل الصلاه واخذني وقااااالي يالله وضي من جديد وتوضيت وصليت من جديد وبعدهاااا رحت اكمل النومه حتى يجي وقت الروحه للمدرسسسه |
ههههههههههههههههههههههههههههههههههههه آه بطني ض1 الله يسعدكم يآرب . . اذآ تذكرت شي رجعت ض1 |
إقتباس:
لا يا الواوا لا تفهم غلط انا ماني معهم |
مواقف محرجه ومضحكه بنفس الوقت الله يعطيكم العافيه |
والله مواقفكم عنيفه تبغى لها بس مخرج وتصير افلام انا صار لي موقف حسيت فيه بالاحراج بس مدري بيعجبكم ولا لا كنت مره عندي مراجعة في المستشفى وكنت جالس في غرفة الانتظار وكان فيه ناس كثيرة تنتظر طبعا صاحبكم انسان لا يطيق الانتظار وكل شوي اشوف ساعتي وادقدق بالجوال واعد بلاط الغرفة >> حفظ عدد بلاط القاعة في الجامعة المهم كنت منزل راسي تحت ولا اسمع صوت واحد يقول السلام عليكم .. انا قلت : وعليكم السلام وارفع راسي الا هو واحد كان جالس ويكلم بالجوال الا ويطيحون اللي في غرفة الانتظار ضحك علي وانا طبعا ضاع وجهي |
ويــــــــــــــي وربي قوييييه المواقف احراااااج ..مت ضحك عليكم ..:s2: .. ام متعب ..حتى انا بنت خالتي خبصت الدنيا :to:..الله لايرجع ذاك اليووم .. ماقدرت اقابل الحرمه وبنتها.. اجل" كيف عمي سلميلي عليه" والرجال متوفي له 3 سنين ..نسيت الاخت..:to: ... القصه ان واحد من العيله يصير عم امي واحنا احتراما له نقوله عمي ..توفى والكل حزن عليه :cry:حتى انا الله يرحمه....علاقتنا فيهم مرره كويسه .. حضروا اهله زواج ..وتقابلنا.. وجلسنا معاهم وبنت خالتي مسويه فيها .. بتجيب هرجه الاخت ..قالت للحرمه.." كيف عمي وايش اخباره وووو"..مسكت خط الاخت .. وانا انغزها..اسحبها ابغاها تقوم..بالقوها تحركت ..بالنهايه وانا اسحبها قالت "سلميلي عليه" ..طبعا الحرمه ماكانت ترد عليها الا بــ"الحمدلله" ..<<والرجال متوفي الله يرحمه ..له 3 سنين ..مافي كلمه الا وقلتها لها قالت يووو نسيت!!!:s5s: ..صارت تترجاني ما اقول لأحد بس انا طلع عرق النذاله s121s رحت طيران على امها وهي بين خالاتي :naughty:وحكيتهم القصه من طأطأ لـ سلام عليكم..وهم استلموها..:s2::s2: بقايا الذيب.. إقتباس:
|
بآك..~ : صارلي موقف توهـ طالع من الفرنs121s>> امس بالمدرسه كنا بمعمل الحاسب عاد انا وصديقتي اول مانجلس على الكرسي الا يجينا ضحك مو طبيعي:to: خصوصا بهالحصه مدري ليه..؟ المووهم قمت انا من زود اللقافه احوس بالجهاز والقى تحت بشريط ابدا مربع اخضر <<مدري اصفر:razz: الموهم هو حق الشبكه ان المعلمه لاجت تشرح تحط شبكه وكل الاجهزه تكون معها.. واضغط عليه وانا داريه انه بتاع الشبكه بس اللقافه قرافه خخخخ يوم ضغطت تطلع لي نافذه مكتوب الاسم والرساله..وطلب مساعده.. وانا اختار طلب مساعده واحط اسمي ..رورو بكل ثقه..:ap: واكتب الرساله >>>يؤيؤيؤ تفشل مانيب قايله :s5s:>>خلي اللقافه تنفعك..:s3s: الموهم واحط ارسال وطلع لي تم ارسال طلبك لـ pc...يعني لجهاز الاستاذه نفسها.:to: انا ماتوقعت انها بتروح لهاا ..عاد حزتها وجهي انقلب الوان...:s2: وانتظر بأي لحظه تهاوشني..ثم قالت رجأ يأ >>قالت اسمي..:s4s: انا ماني فاضيه اجري محادثه معك او تطلبين مساعده وخلوا اللقافه عنكم.. >>>>لو اوصف لكم شكلي يوم تكلم حاطه راسي على الطاوله ووجهي احمر وصديقاتي ماقصروا كلهم حوولي متسدحات من الضحك..:d ثم قمت اضحك ع البنات واعلمهم من بعييد واخليهم يرسلون عليها ومااعلمهم الا بعد ماتروح لها الرساله:s4s: >تعبت..:s5s: : |
| الوقت المعتمد في المنتدى بتوقيت جرينتش +3.
الوقت الان » 07:44 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd