#1  
قديم 06/05/2010, 09:36 PM
زعيــم نشيــط
تاريخ التسجيل: 16/01/2010
المكان: الرياض
مشاركات: 656
Talking || مــذكــرات شــاب ضــيــقــااااااااااااان....

السلام عليكم ورحمة الله وبركاته

اليوم جايكم ولأول مره اطلع في مهمة قنص في النت
لكن اعجبكم...جبتلكم شي جديييد مرررره من عام 2003<<<يلق يلق يلمممع

المهم جبتلكم شي من صيدي--->

ترا على فكره مصطلح ضيقااان ذا مدري وش معناه بس حبيت اجيب كل شي على طبيعته وما اغير فيه ولا حرف

اليكم الصيد |
v

هلا شباب كيفكم هذا موضوع ان شاء الله يعجبكم
(شباب تدرون الردود ببلاااااااااش!!!)



خلص العام الدراسي وطلعت راسب في الامتحان

رجعت البيت وحصلت الاسد منتظرني وهو غضبان


اتاريه عارف بالنتيجه من ابن عمي شحمان

قلت في قلبي: هذا الدب دومه شغال فتان

عطاني الوالد كفين وبوكس وقال لي: ما في منك فايده انته ولد خربان

تميت بغرفتي فوق سريري ملان

اسمع اغاني ايرانيه لعلي دريان

قلت: ايش يقول هذا بعد... والله انه مغني تعبان



قلت لنفسي: اسمع يا ولد روح شغل الكمبيوتر بدون ما يدري ابوك الطفشان

فتحت باب غرفتي وركضت شوي شوي مثل ركضت الفيران

وصلت للكمبيوتر وفتحته وانا اضحك مثل السبلان

قالي الكمبيوتر: يا هلا والله دومك مو شايف خير يا جربان

قلت له: سوي الكونكشن وانته ساكت لسانك طويل ما منه أمان

قالي: عشان ابوك الطيب بسويه لكن انته ولد فسدان

دخلت النت وفتحت على الشات الي بالناس عمران

حصلت اسامي وايـد!! دلوعه سمسومه ونمله ما ناقص الا أشوف عايلة خان

جلست ادور وفي النهايه طاحت عيني على وحده مسميه عمرها كهرمان

سويت كليك على اسمها وكلمتها برايفيت .... وقلت لها: يا هلا والله بالرمان

تميت أدعي يا رب ترد على وتكلمني تراني عطشان

نطرت وبعد 5 ثواني حصلت رد صغير وحلو يقول: تسلم لي يا جنتل مان

قلبي دق وطرت من الكرسي مثل الغراب الفرحان

قلت لها: من وين انتي يا زمرد يا فرقدان ؟

ردت على من البلاد العربيه ... وانت يا فلان؟

قلت لها: من بلاد العرب المليانه ظلم وطغيان

قالت لي: صدقت ...والله انك انسان فهمان

قلت لها: شو اسمج وكم عمرج ووين تدرسين ؟؟ اذا بالامكان

بعد هذا السؤال سالت نفسي ..انا شايف خير ولا بعدني جوعان

ردت على وبكل ذوق ...انا اسمي (........) 22 سنه ..جامعيه وانت يا فلان

قلت: أخ هذي اكبر مني وجامعيه بعد وانا بعدني احوس في الثانويه مثل الجربوع العرقان

رديت عليها وقلت: انا اسمي (......) 23 سنه ..واشتغل في مدينه كان

وانا بيني وبينكم ما اعرف ايش هذي كان ووين موجوده بس سمعت انه يسوا فيها مهرجان

قالت لي: وش عندك يا (......) في كان

قلت لها: الوالد عنده فندق ومخليني مدير عليه وفي الحقيقه الوالد دومه طفشان

قالت لي: على كذا اكيد لفيت أوروبا وانت حيران

قلت لها: انا ما احب اروح الا لندن وباريس مع اني ما رحت الا السودان

قالت لي: اكيد كونت صداقات في كثيير بلدان

قلت لها: اتعرفت على كثير بس ما اذكر الا جون وميتران

وانا صراحه ما اعرف الا واحد مأذيني اسمه عصمان

كل يوم يتسلف مني على باله بسوي شركه ألبان

سألتني ايش نوع السياره الي تسوقها يا (.......) يا ابن فلان

قلت لها بورش موديل 2003 وانا ما اسوق الا بيكب موديل 79 مال ايام زمان وزمان

قالت لي: الله يزيدك من نعيمه كمان وكمان

ما انتظرت ردي وسألتني ....انت مرتبط ولا بعدك عايش في عالم العزوبيه والتوهان

قلت لها: انا وحيد وما في حد يشارك قلبي بالأحزان

قالت لي: انا هنا جنبك ما رحت ولا بروح مكان

رديت عليها وقلت: انا كلني لك قلبا وعقلا ووجدان

قالت لي: ابي اسمع صوتك تراك كثير عجبتني حسيت انك انسان فنان

قلت لها: وانا اكثر لاني صرت بحبك هيمان

بس اخاف تسمعي صوتي وتقولي ايش هالطرزان

قالت لي: ولا يهمك انا قابله فيك حتى لو كنت حيوان

عطني رقمك وانا اتصلك خلال ثوان

قلت لنفسي: خلاص البنت ذابت وصار حبي في قلبها مليان

توني بكتب الرقم واحس بالساطور فوق كتفي غليان

رفعت راسي فوق مثل الاهبل فزعان

ما اشوف الا الاسد جاي لي من عرينه زحفان

قالي يا ملعون يابن الملعون جالس فوق الكمبيوتر مثل البريعصي الهربان

امشي للغرفه بوريك انا بخليك تغني اغنيه كنت نسيان

وهو يسحبني من رقبتي مثل الكلب الصعران

حصلت رساله منها تقول: وينك حبيبي عطني رقمك خليت قلبي ولهان

قلت: مسكينه حبيبتي انا رايح جهنم وهي تحسبني في كان

وما اقول الا آه منك يالشات خليت الناس عايشين في عالم الكذب والخذلان


تحياتي لكم ورجاء اللي يعرف معنا ضيقاااان يعلمني لاهنتو
طبعا تدرون انه ملطووووووش


خــالــد

اضافة رد مع اقتباس
  #2  
قديم 06/05/2010, 09:56 PM
الصورة الرمزية الخاصة بـ حروف الغلا
عضو استشاري بالمجلس العام
رئيسة رابطة توتنهام
تاريخ التسجيل: 02/04/2010
مشاركات: 7,040
مذكرات شاب ضيقاااااان

مساك خير زعيم


تسلم على القصة .... واااايد حلوة


اضافة رد مع اقتباس
  #3  
قديم 06/05/2010, 10:00 PM
الصورة الرمزية الخاصة بـ مـوت ومـيـلآد !
زعيــم مميــز
تاريخ التسجيل: 22/12/2008
المكان: روما البدايات وآخر ساحل ومينا *
مشاركات: 5,084
Arrow

فتحت باب غرفتي وركضت شوي شوي مثل ركضت الفيران

هههههههههههههههههههههههههههههههههههههههههههههههههههههههههههههههههههه

والله شششي هالقصه ! كلمآإته واسلووبه خطير !



قالت لي: ولا يهمك انا قابله فيك حتى لو كنت حيوان

ههههههههههههههههههههههههههههههههههههههههههههههههههههه

قوويه الصراإاحه !

بس من جد وربي يضحك هو وسالفته ! بس فيه بعضهآإ موزونه وبعضهآإ لا !

بس وربي ششششي شششششي اسلوبه !

وعلى سسسآإلفة ضيقآإن وقسسم كنت بسألك وش معنآإتهآإ !

بس بعد ماقريت المووضوووع قلت يمكن !

ضيقآإإن = متضآإإيق !

يمكن ! وإذآإ فيه أحد يعرف اكيد بيفيدونك !


مششششكوور على هالمووضووع ! الله يسسعدك اخوووي !
اضافة رد مع اقتباس
  #4  
قديم 06/05/2010, 10:26 PM
زعيــم متألــق
تاريخ التسجيل: 09/01/2010
المكان: في بيتنآ <<قولي قسسسم
مشاركات: 1,010
هههههه

اما جد نصآب بس خطيير

يسلمووو خيوو

موضوعك مررررة جنآن لآهنت~~~
اضافة رد مع اقتباس
  #5  
قديم 07/05/2010, 01:08 AM
الصورة الرمزية الخاصة بـ الزعيم سام6
زعيــم مميــز
تاريخ التسجيل: 13/07/2005
مشاركات: 30,219
ماقصصصرت على القصصة
وبالتوفيق للجميع
اضافة رد مع اقتباس
  #6  
قديم 07/05/2010, 03:37 AM
زعيــم مميــز
تاريخ التسجيل: 07/08/2009
المكان: بـــيتـــنا
مشاركات: 2,806
ههههههههههههه قصه حلووووووه اتوقع

يقصد بضيقااان / متضااايق يمكن هذا اللي

يقصده وازنهاااا صح
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:13 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube