للخبراء هل تنصوني بالماجيك2 او الميشا (المسايه) نرجووووو الدخول - نادي الهلال السعودي - شبكة الزعيم

أهـ(1)ــم · #1 28/08/2002, 11:04 AM

بسم الله الرحمن الرحيم
كيف حالكم جميعا

انا كنت ناوي اشتري بلاي ستيشن2 وحصلت عند المحل عرضين الاول ماجيك2 والثاني ميشا

تنصحوني باي شي

وانا سعرته وقالي بي 1400 ريال

وسعر الماسيه فقط لحالها 350 ريال

وهذا عنوان المحل للي بيروحن للمحل بس اعذروني ماعرف رقم تيلفونه
والمحل هو افكار جيم في الرياض / حي الشفا / مقابل اسواق العوده/ ادخل مع اشارة السلوم وبتل يمكن حوالي 2 كلم يجيك على اليمين على نفس الطريق0

ومشكورين

GLADIATOR__mx · #2 29/08/2002, 05:19 AM

نصاب إذا قالك قطعة الميشيا ب350 لأن قطعة الماجيك2 أحدث منها وأفضل بكثيييييييييييييييييييييييييييييييييييير وانا مركبها ب380 والميشيا ما تتعدى 300 ريال هذا اعلى سعر للقطعة ويمكن تلقى ارخص

لكن في النهاية خذ قطعة ماجيك 2 او ماجيك3 على حسب موديل جهازك وكلهم شغالة تمام

أهـ(1)ــم · #3 02/09/2002, 12:18 AM

هلا والله فيك اخوي GLADIATOR__mx

ياليت لو تقولي الفرق بين الماجيك 2 والماجيك 3
وايهم افضل نوع
وتقولي افضل محل في الرياض وبكم اسعارها

ومشكور

صحن قلابه · #4 02/09/2002, 02:31 AM

السلام عليكم

اخوي الفرق بين الميشيا والماجيك 2 هو ان الميشيا مايدعم الجيم شارك , اما الماجيك 2 يدعم الجيم شارك . فقط ... مافيه فرق كبير

اهم شي لا تشتري الا الأصلي وعند محل مضمون النسر على سبيل المثال .

وترا يقولون ان فيه قطعه جديده بتنزل تشغل كل الي تشغله الميشيا بالأضافه الي العاب البي سي !!!؟؟؟؟؟ تخيل !!

تحياتي

أهـ(1)ــم · #5 02/09/2002, 01:13 PM

هلا فيك
صحن قلابه

ياليت لو تعطيني عنوان النسر
وبكم عند البلاي ستيشن بقطعة الماجيك 2

صحن قلابه · #6 03/09/2002, 06:07 AM

محل النسر تلقاه قبال اسواق الجزيره ... قبال اسواق الجزيره في ارض فاضيه , بعد الأرض الفاضيه من الجهه الثانيه . ورقمهم : 4659008
------

أما السعر فماعندي اي معلومه , اتصل عليهم وشف .

تحياتي

أهـ(1)ــم · #7 03/09/2002, 03:31 PM

مشكور
صحن قلابه

وياليت لو تعطيني معلومات عن المحل في حي يوجد

صحن قلابه · #8 03/09/2002, 05:19 PM

في حي السليمانيه

وانت ماشي في طريق العليا رايح جنوب ... اذا جيت عند اشاراه العقاريه رح يسار وابتل ..... بتجيك اشاره وابتل ... بتجيك اشاره ثانيه عند حرف T رح يسار وبتجيك اشاره ثانيه عند حرف T وانت واقف عند الأشاره ناظر المحلات الي قدامك على اليسار شوي بتلقا المحل وجمبه محل ثاني اسمه ألعاب طوكيو .

تحياتي

أهـ(1)ــم · #9 04/09/2002, 01:36 PM

مشكور والله يعطيك العافيه وماقصرة

امير الحب · #10 18/09/2002, 06:55 AM

السلام

انا ابي جيم شارك

و جيم شارك بورت

عشان اشغل بعض الاكواد على الالعاب

وين القاه بالرياض خاصه بحي العليا

وكم سعرها وش تنصحوني مع هذولى القطع...........

تحياتي واللله يرضى عليكم....

فتى الشرقاوي · #11 27/09/2002, 10:37 PM

والله حيرتونا كل شوي طالعين بقطعة جديد وانا اللي اعرفه ان الميشيا تشغل الكوبي على طول

والماجك ايش تسوي وانت قلت انها تدعم الجيم شارك يعني كيف

وشكرا

أبومحمد2003 · #12 20/10/2002, 09:17 PM

مشكور أخوي على هذي المعلومه

GLADIATOR__mx · #13 25/10/2002, 07:46 AM

إقتباس


	<center><normalfont><u>إقتباس من مشاركة فتى الشرقاوي </u></center> والله حيرتونا كل شوي طالعين بقطعة جديد وانا اللي اعرفه ان الميشيا تشغل الكوبي على طول والماجك ايش تسوي وانت قلت انها تدعم الجيم شارك يعني كيف وشكرا</normalfont>

اخوي حتى الآن مافيه ولا قطعه في العالم تدعم الجيم شارك وأي واحد يقولك كذا لا تصدقه لا ماجيك 2 ولا ماجيك3 ولا ميشيا كلهم ما يدعمون تفعيل الشفرات

المحلات كلهم بكش ،، قبل ما تركب القطعة انوع الإقناع والكلام العسل لا ويقول تدعم الجيم شارك وخذ من الكلام الرخيص لكن بعد ما تركبها وياخذ فلوسه ماله دخل فيك ، لو تسأله تشغل الجيم شارك بيقولك مدري أو بيقول لا ما اضن

هلالي الهويه · #14 01/11/2002, 09:57 AM

ياشباب انا اشتريت بلايستيشن 2 ب1300 وقلتله يركب لي افضل قطعه وما اعرف وش اسمها ويشغل كل الاشرطه جربت الكوبي والاشرطه حقت بلايستيشن 1 كلها شغاله كيف اعرف انها مسيه ولا ماجيك وشكرا لكم جميييييعا

أبومحمد2003 · #15 03/11/2002, 09:45 PM

في هاذي عاد اسمحولي بس اقل
الجيك أفضل
وشكران

تحياتي لك