بقآيآنقودي تكفيراً لذنوبي ~/ << أول فكرة دعوية لنا =$ - نادي الهلال السعودي - شبكة الزعيم

متلثمة بالشماغ · #1 03/05/2010, 04:47 PM

بسسم الله الرحمن الرحيم

السلام عليكم ورحمه الله وبركاته

قبل لا أبدآ بموضوعي ابي انبهكم ع شي وهوا انو قروبي مكون مني ( ميوم ) ونيما وجود وفيرو وكم حبه مالهم
بالطويله شي < طبعاً الاسسماء بالدلع =$

والحيييين نبدآ وع بركة الله

الفكرة والكلام والششغل ع نيمآ الله يخليها لي يارب ’،

>> النــــاــآس لـ الناس والكل لله ..

الداع ـيات إلى الله ..

لن أناـاام وبي ح ـقداً على احداً,| ولو كاـآن النوم شهوة النعسي ..

بسم الجام 'ـع

اممم دحين بهرج جد..

موضوعي عباره عن شي بسيطـ جداً جداً والأهم انو شي متوفر عندنا كلنا.!

اول طلب النيهـ ...<< و ح اتكلم عنها شويتين

طيبـ وبالنسبه للـ أشياء الماديه

احكيكوم هيا بستوري احسن..

كان يا مكان مره جيت من السكول وكونت هلكانه وكولي مويه وبيدي 600 مطا'ط<<اكيد عرفتو ايش كونت اسوي....
يب عليكم لمبه كونت اللعب انا ووقروبي

ونمطمط بعض ونلعب بالمويه<< عجبتني نمطمط ههههه دوم الضحكه

و لا اراديا وبحركه بهلوانيه افك المطاط واحطو بالدرج اللي عند راسي <<لو شوفتوالدرج مستوووودع خاااالص

طيب ياحبي للهرج الزايد

ودا بأختصار اخر مطاط

يعني بأختصار اول شي مطاــاط

الموهيم اخدت شور ورجعت لـ الروم حقتي والمفاجئه.....والمصيبهـ ..والكارثهـ... وانا هلكانه وابغى اناااام ..
>> مالقيت كيس المخده حقتي<<

ورحت طبعاً عند "دوي"شغالتنا وقولت لها وين كيس حق مخده وانا مطرطعه>> ردت لي بكل سهول هدا كيس انحرق من كلوركس
عااااااد انا ما قصرت فجرت فيها ,, ونسيت انو عندنا واحد زيو بالتمااام زايد << لاتعليق مسكينه دوي

نومت وبس قومت رحت عند دوي وقلت لها"معليش دوي انا مافي معلوم في واحد تاني زي هادا كيس <<هالكلمتين اللي قولتهم مررررره بسيطهـ وسهلهـ وما كانت بتخسرني شي<< لأني كونت ادري ان هالكلمتين البسيطه بترحمني من وقفه استنى فيها كل الخلايق تتحاسب عشان ربي ياخد حق هالمفشه اللي كول ما طفشنا فشينا فيها....! " العماله اقصد"

الموهيم روحت شيكت ع الكيس لقيتو منتهي وانا بعادتي احب استغل اي شي خربان ليا

الموهيم سويت بالكيس اشيا مررررحلوه وبقيت قطعه صغيره.اللي هيا دي

يعني تاني شي قطعة قماـاش <<اي قطعه من t-shirt او من كيس مخده زيي شرشف اني ثنق يا هو اهم شي قطعة قماش

الموهيم نسيت اقولكم لمن روحت المطبخ اكلم دوي لقيتها تسوي شي غريب شويتين!!

كانت تغسل برطمان جبنه سائله <<طبعاً بعد ما خلصت الجبنه اللي فيه غسلتو قمت انا عاد ما قصرت اخدتو غرفتي معايا

ودي صورتوا الكريماـآ...

يعني تالت شي كان برطمان <<ويا حبذا لو كان قزاز عشان تتشجعو....!!

الموهيمـ

مراااا كونت مره طفشانه وكان بابا دوبوا جاي من سفر وجابلنا كاكاوات وبنبونيات<<لازم تتعودوا ع هرجي

الموهيم قومت وزبط البرطمان وكان ما باقي للهرجه الا...
سيلكون...

وقلم فولمستر<< ادري حتى انا حسيت اننا ببرنامج كيدزبور وفقرة الأعمال الفنيه بس يلا كملو وبتشوفا ايش بيصير

ودحين بأسم ربي ح ابدء اوريكوم كيف نسويها

1- نحط سيليكون على غطى البرطمان

وزي مو موضح بالصوره<<وه وخروااااااااااااا عني حركات والله وصرت اقول موضوع بالصوره"يارب تمم لي"

وطبعا زي ما احنا شايفين حطيت السيليكون بس من النص و بعدين نحط على الغطى قطعة القماش وحتصير كما هوا موضح في الشكل (2-6)<<هههههههههههه والله صدقو كتاب علوم سادس ابتدائي ع غفله<<يلا مشو معايا

الشكل (2-6)<<<حالفه الا واعيشكم الدور يلا تبعو يا حلوين معايا<<اقصد تابعو لوول

طبعاً حطيت المطاط على الغطى<<والمطاط لو شي ذكروني اقولوا لكم

طبعا اكملك القصه الموهيم وحطيت بنبونياتي واكلتهم وشبعت منهم<< وبما انو خلصو ف انا مو من النوع اللي
اوله ع الكاكاوات فجلس ع مكتبي فتره<<ع فكره كثير اشياء لها قيمه واحنا تاركينها فتراااااآآآآآت
الموهيم مره كونت جالسه ع مكتبي وكونت افكر....!! وربي نور علي والله وامسك لكم قلم الفولمستر<<صح نسيت يمكن لاحضتو انو انا راسمه بنوته بالقلم ع البرطمان<<من باب تغيير رسمتها من زمان ع البرطمان..
قررت انو.........احول هالبرطمان لشي تاني شي يجي منو...عقاب ...راحه ...تكفير...وشي يناااااسو عليه
وشوفوا ايش كتبت عليهـ

ايوهـ كتبت عليهـ gift او عطاـاء
وحطيت ف بالي دا الشي ما حيكون مجرد قزازه وقطعت قماش فوقها وفكرت اني اخليها
عقابـ يعني كول ماسويت شي مو حلو او يزعل ربنا احط فيـ <<اترك فرض اكدب اغش.....الخ
راحهـ لاتستغربو كلنا احياناً يجيني خوفـ بدون سببـ حلم مزعج نتشائم منووحتى لوماكونا بالمود نحط ووشوفوا المود بعدها كيف ح يتعدل >> وانتو اكيييييييد عارفيين والله انا مجربتها وزاااابطه
تأديب برضو لا تسغربو تأديب اقصد نزبط وضعنا وانا اقولكم كيف اولاً شي حلو لمن تعودوا اخوانكم الصغار انهم يجو ويحطو في معاكم ,برضو لأنفسكم عشان تحس انك مسلم وانك تخرج شي منكــ لغيركـ ...<< واهم شي بطييب نفس

ومع الأيامـ..

ووالله انا بدأتو بانصاص ريال مرميه في دورج الصاله وطبعاً غيرالريالات اللي بالمطبخ<<<خخخ انا اقولكم ليه الله يعافيكم
"دوي" لمن تغسل ملابس تلاقي ف جيوبها فلوس وتحطها بكاسه في المطبخ<<وطبعا انا ما قصرت شيكت ع كل ريال في الهوم

وطبعا انا ما اقول كدا من باب اتوجهن او شي انا اكتب كدا عشان تشوفوا قد ايش الشغله نجحت
ودي النتيجه...

ويمكن ملاحضين ان في فلوس ع شكل مثلثات ودي الطريقه سويتها عشان ماتاخود مكان في البرطمان
وبأختصارسوو لفة الرقاق والسلام

وهـ يلالالالا انبسطو خلاص خلصت و احلى جزء هوا دااااااااااااااااااااااااا

ايوهـ لاتستغربو او شي....!

كويتها << لانها كانت مطبقه
عطرتها << لانها بتخرج لربنا
وبالمطاط ربطها << دي فايدتو

في النهايه الصحابه رضوان الله عليهم كانو يخرجو من اوساط امولهم صحيح بس كانو يطيبوها لانها بتخرج لملك الملوكـ
واهم شي النيه والله والله والله ما دخلت ريال ورجعت طلعتو لان النيه اقوى من كل شي

خلاص خلصت هرجتي كونت حابه انبه ع انو القصه مو كولها حقيقيه... بس عششان اقدر اوصل لكم الفكرة بشكل
سلس وحلو ..

..طيب ياهو

ايش تستنو خلاص قوموا همو

ياهو اشبنا؟؟؟؟؟؟؟؟؟؟؟

ههههههههههه خلاص خلصت؟؟؟؟

ما ح احلف واطلق واقول الا وترسلوهاـا بكيفكمـ /يا هوووو ادا دينا على طولوا وعرضوا
مافي اكراهـ ودين سهوله فـ ما ح اصعبها عليكم /~

واللي يهمني اكتر انكم أنتم تطبقوها..

ويا عالمـ المدارس جايهـ وما اقولكم لاتشحنو جوالاتكم بالمصروف<< حركاتنا
بس الريال اللي بتشتري في قرورة مويه عشان تلعبي فيها
خلي بجيبك بين ماتوصلي بيتك وحطي بالبرطمان<<والله مو خسرانيييين شي

صح اسمها

×× بقايا نقودي تكفيراً لـ ذنوبي{ ..

دي اول فكره دعويهـ
..وارحب بالتعليقات والنقد البناء والناجح.. وانتظروني بـ موضوع وفكرة جديدة والله يعطني القوة ع الحمله ويارب تثمر .. ~