السلام عليكم ورحمة الله وبركاته..
انا اشوف اننا واجد قسونا على خالد عزيز.
لالا تكفون لا خالد عزيز هو من حمى وتدفق عرقا ولعب بروحه وحماسه من اجل الزعيم.
خالد عزيز هو من حمى مرمانا بتاريخه الكروي.
خالد عزيز كم موسم مع الهلال خدمنا.
بصراحه الرجال اخطى وهذا مقبول اننا نقوله اما اننا نقول يخاف من المباريات المهمه ومدري ايش هذا خطا كبير.
انا ويشهد علي الله اني ياكم ابو مره اصفق لعزيز على مستواه والحين يوم طاح الجمل كثرة طعونه لا يامعشر الزعماء لازم اننا نشجعه ونسامحه ولانقسو على شخص مثل عزيز..
من ينسى حينما كان خالد وعمر الغامدي افضل محورين بالكوره السعوديه.

لاتقولون كذا لان رادوي موجود ورادوي ونعم محد يشكك بقدراته وبحماسه وروحه القتاليه لكن يضل عزيز في يوم من الايام لاعبنا المفضل ولايزال بالنسبه لي لاعبي المفضل.
ياكم ابو يوم غنينا باسمه مو بس نذكر سلبياته لا لازم نذكر ايجابياته صحيح ان غيابه خطا لكن محد يدري عن ضروف الرجال غير الله..
والكل يدري ويعرف ان ادارتنا ونعم الاداره وهم ادرى مننا ولو حسو ان خالد عزيز لايستحق الهلال ما ابقوه بالكيان الازرق لان الهلال مايقف على لاعب واحد فلذلك هم افهم وادرى مننا وحنا علينا التشجيع والحضور والباقي نخليه لاهله.
حبيت اوصل ماببالي وابي مانقسى على نجمنا يوم اخطى قبله واجد اخطو وصححو خطاهم.
وحنا الحين مقبلين على اغلى البطولات فلذلك فل نكن يدا واحده لمصلحة الزعيم اولا واخيرا..

يسعدني أن اكون اول من يرد على موضوعك
خالد عزيز لاعب كبير غني عن التعريف
لكن الي اشوفه حسب وجه نظري ان المدرب جيرتيس مايشركه بالمباره
لكي لاينظر خالد ان الهلال هو من محتاج خالد وليس خالد من يحتاج للهلال
هذا من جانبي ووجه نظري ان الهلال غني عن اي لاعب لايحترم قوانينه:

خالد عزيز انسان وليس معصوم من الخطء لاكن نحنو في زمن الاحتراف ولازم علي عزيز يعرف انه هو من يحتاج الهلال وليس الهلال بحاجته وبنسبه للمستوا خالد مايختلف عليه اثنين خالد افظل محور في الكره السعوديه بل الخليجيه والعربيه والاسيويه والله يوفقنا في مباراتنا مع العصابه الافريقيا يوم الجمعة

هو صحيح انه زودها لكن محتاجين له

بالتوفيق للهلال

يظل خالد عزيز لاعب كبير
وصدقوني اذا شارك المباراة القادمه ولعب بمستواه المعروف اعتبرو موضوع نور منتهي
خالد عزيز أكثر لاعب يخشى مواجهته محمد نور لأنه يرميه خارج اجواء المباراة
وانا شخصيا أتمنى يكون أساسي لأني واثق انه غاب بسبب ضروري

تدري وش ودي فيه ان جمهور الزعيم يردد اسمه اذا لعب عشانه وعشان نسكت الافواه اللي تقول ان بينه وبين الهلال مشاكل

وعزيز لاعب كبير ومحد ينكر هالشي وان شاءالله يسجل هدف ويخرص المندسين

يعطيك العافيه

بس ياخوي قريتس يمديهـ يعلمه كيف الانظباط وعزيز كبير
لاكن المزاجيه مو زينهـ ولابد يتعلم حتى لايخطا ولذل غاب فيه عمر وغنام وصالح الدوسري
دمتم بزعامهـ

إقتباس الرسالة الأصلية كتبت بواسطة هلاليه زي القمر بقولها لك من الحين اذا ما كانوا المحاوره عزيز والفريدي او عزيز والغامدي انسى شي اسمه فوز واذا جريتس ما يفهم بالكوره بيلعب بالغنام << وهالاعب هذا عمري ما اقتنعت بلعبه لاعب اول ما ينزل لازم يتسبب بخطأ قريب من المرمى الهلال وارجع للمباريات ولاحظ واظن انه سبب من اسباب غياب رادوي ليته ما خذ احمر والا تجي برادوي

حسستوني ان خالد عزيز خرافي خالد عزيز مهوب موهوب خالد عزيز يلعب بجسمه فقط لا غير باصات خطاء تغير اللعب خطا

واللي ينتقد الغنام انا ما اقول انه فوق النقد بس يكفي انه منظبط ويعتمد عليه قيرتس في كثير من المباريات إلا اذا كنتو تقولون قرتس ما عنده سالفه شي ثاني

وبعدين إلا متي وحنا نجلس علي خالد عزيز وليه ما نلعب بدون خالد عزيز عندنا الغامدي الغنام الفريدي اتوقع انهم يكفون ويوفون

كلمه اخيره خالد عزيز تمادي وتمادي بقوه واتمني يبيعون عقده ونجيب لاعب بقيمه عقده صغير ويفيد الهلال مستقبل واتركو التطبيل اللي علي غير سنع

طيب واذا لعب يوم الجمعة وانطرد وهذا المتوقع وش بيكون ردك

نشووووف

خالد عزيز صحيح انه بيخطئ ولكن في النهايه بيعتذر بس لازم الاداره الهلاليه تشوف حلول لمشاكل خالد انا ما اعتقد انه الاعب يسويها من عنده ويغيب إلا وعنده مشاكل وظروف صعبه في النهايه عزيزيحتاج الرعايه واهتمام من قبل الاداره الهلاليه واتمنى من الجماهير الهلاليه انهم يوم المباراه النهائيه طوال المباراه يصفقون له علشان يستعيد حماسه

كفوووووووو موضوع جا في وقته

ولله الحمد ان عضويتي تفعلت في هذا الوقت ( أقسم بالله ان كل ردودي اطلب فيها عزيز انه يلعب في المباراة القادمة )

ياشعب الهلال العريييق لازم نوقف مع خالد عزيز ونتعاطف معه

نحن في أخر الموسم وهذا وقت الحصاد والمثل يقول اللي تكسبه العبه والاحتراف يعني انك تكون محترف في تصرفك وقرارتك ونا اشوف انه التكبر عن مشاركة عزيز في النهائي لايمت للأحتراف بصلة وش فايدة معاقبته واخسر بطولة ليه ماأصير محترف في فكري واستخدم اي وسيلة ممكن تجيب لي البطولة والفرحة بدال تكبري وحزني بخسارة البطولة وبصراحة نحن نحتاج خالد عزيز وبذات في هذه الفترة الحرجة ولاتنسو بان هناك مرحله حاسمة في تاريخ الهلال في الايام القادمة ولازم قيرتس يكون ذكي ويتقاضى عن عزيز حتى نهاية الموسم ولكل حدث حديث وهاذى هو الاحتراف الحقيقي ياسيد قيرتس وحنى مانبي الاحتراف والعناد اللي راح يخسرنا بطولاة ونحن في نهاية الموسم.
الف شكر لك ويعطيك العافيه على موضوعك المهم في الوقت الحالي