السلام عليكم ورحمة الله وبركاتهـ
مدخل:
على كثر الهموم اللي فقلبي ماشكيت الحال
على كثر الجروح اللي تمادت أكتم العبرة
رضيت أبقى تحت مر الزمان اللي غدا همال
مدام الله كفل عبد(ن) تصبر واحتسب اجره
أخباركم؟؟ ان شاء الله كويسين.. اول باركولي اني وصلت 200 تصدقون ماودي اشارك ودي احنطها شكرا يا محمد لانك باركت لي في الموضوع جارنا اللي قلبتوه دردشه حياكم في خيمتنا.. اتحداكم تعرفون اي مباره ابوي يطالع؟؟<<
اقلد مشرفنا ماجد شرايكم ؟؟؟<<عاد ابغى ارويكم ان عندنا خيمه<<بس احنا عندنا ((النسيان))
وانا اصلي الفجر تذكرت موقف الله يلعن ابليس
اذكر من والله مدري من كم سنه المهم ان كنا بنروح عرس وكانوا بنات عمي بيرحون معانا
المهم اني قلت لهم من بعد صلاة المغرب خلكم ببيتنا..
وو جاوا في هالوقت واذن العشاء وقاموا يصلون بالغرفه
انا ماكنت جنبهم
لما دخلت الغرفه وهم يصلون اقول في نفسي في شيء غريب<<انا اكلم نفسي
ورحنا الزواج وجينا تقريبا 3 الفجر
ودخلت للغرفه مره ثانيه وعرفت ايش الشيء الغريب؟؟
انهم يصلون بعكس اتجاه القبله وانا اللي اتصل عليهم واقولهم عيدوا صلاتكم مابقى على الاذان الا ربع ساعه. عاد اللي تكلمني وجهها صار مثل هذا ليه توك تقولين قلت والله دلاخةً فيني والنسيان عاميني.. على طاري النسيان
جاتني فتره صايره نسايه بشكل مو طبيعي
ولااذكر الا بعد يومين
اذكرمره كنت طالعه من الجامعه ورحت للمشغل كان عندنا زواج بنت عمي
ونسيت ثيابي في المشغل في غرفة التبديل وماذكرت الا بعد يومين ..
اروح للمطبخ ابشرب ماي اغسل ايديني وارجع..
تتوقعون النسيان نعمةو الا نغمه؟؟ تصدقون اني تذكرت بكتب موقف غير اللي بكتبه فوق يالله مره ثانيه ان مانسيته كتبته.. ((قصيدة اخت صديقتي اللي هي صديقة اختي)) الا على طاري القصايد ترى انا اول يوم كنت بابتدائي كانت لي محاولات في الشعر بس احبطت وصرت احب اتذوقه لااصنعه اذكر اول بيت كتبته في صديقتي اللي امها مصريه وكان: يامنيره يامصريه ..... يااحلى بنت سعوديه ومن بعدها اعتزلت كتابته.
نرجع لقصيدة خويتنا
هذي القصيده جدا فيها عظه وعبره
والله يجزاها خير انها ركزت على موضوع مهم ومنتشر بين البنات واللي عجبني فيها انها ماكتفت في حكرها مثل قصايدها
هذي ألقتها في الرئاسه وفي المدارس وحازت على جوائز كثيره بسببها...
ماراح احرقها عليكم اقرؤها ..
عنواننها
((الذيب والغزالهـ))
بنت من أحلى البــنات جالســــه لوحـــدها
أهلها راحوا في سُبات والملل خيّــم بهــــــا
قامت تدور قــناة يعني تـــسلي وقتهــــــا رنّة الجوال جـات وطار معـها قلبـــهـ♥ــــا قــالت ألو مرحبا قــال أهـلاً يانُــــــــها
قالت غلطان أخــوي هذا ماهُو رقــــــــمها
قال كيف غلطان وانتِ تشبهين صــــوتـــها !!!
في رقـتّك ونــعومـــــتك كل شيٍ مــثلـــــــــها
صابها فخـر وغرور والشيطان وسـوس لـــــــها
قـــالت ياللّه أتـــسلى وأتســــمى بإسمــــــــــها
مـرشهر ين وأكثر والأخت على حـــــالـــــها
كل ليـــــله هالأخــــو يدق ويسمع صــــوتها
والسوالــــف مــــستمرّه مابيــــنه وبيــــــــــــــنها
لـين شمس الصبح تــــطلع وتشرق بنورهـــــا
غــــاب عنها ليلتين وكل جنــــــونٍ صــــــــابها
وطـبعاً من غلاتــــه أرخــصـت له نــفســـــها
دقت تسأل عليه وبكل ذكاء تعذر لـــــــــــــها
بـــطاقة جوالي ((سـوا)) واللّه خلّــص شحـنها
وحــالتي حاله رديّه ربك أعلـــــم بـــــــــــــها
قـــالت يــعني خلاص قــــطاعتك بعتادها؟؟
قــــــــال لاوألـــــــف لايافــــريده بحـــــــسنها
الـــحل ندخل الشــات وكل سعاده نعيشـــها
هالغبـــيه وافقت لأنّـــــــــــه ساحــرعقــــــلها
ونــست إنّ الحــــــرام صار زرعٍ في أرضــــها
تطورت هاذي العـــلاقه ووصـــلت لحدّهــــا
وقـال صـورتك ياحياتي أبغى أعرف شكـــلها
أرسـليها على الجهاز لجل أفرح بشـــــوفها
وفي دقايق أرســلتها دون خـــوف من ربـها
قـــام يتغزل بمـكرٍ في حـلاها وحــــســنها
ووعــــدها بهــديّه بــاكر تــــوصل لــــــها
يوم ثاني افتـحت هالغبيه جــــــهازهــا
وشــافت شيٍ فظيع غيّر لون دمّــــــها
الوجه هُو وجهها والجــسم هُو جســــمها
لكن المصيبه الصوره مجردّه من ثـــــيابها
ومكتوب بخطٍ كبير في وسط صــــــدرها
الذيب لاشاف الغزاله لابُد ياكل لحــــمها
هـــاذي نهاية بنتٍ جابت الـــعار لأهلـــــــها
أتمــــــنى ياحضور تـــاخذوا العبـــرّه مـــــــنّها
اللّه يـــــستر علينا ويغــــــفر لها ذنـبها
ويجنبنا طريق دنـيا زاد فيــــنا شـــــــرّها
وسلامتكمــ
شعر:
ملكة الأحساس
مخرج:
أنا باقي وأظل أبقى على جور الحزن حمال
ولاني من صنوف اللي بسهولة ينفجر صبره
ترى كل الطعون اللي في ذاتي ماطرت عالبال
ولا هزت كياني لا..ولا هزت ولا شعرة
دمتم بكل الوّد مني لكم