|
((خيمتنا+نسياني+الذيب والغزالة)) السلام عليكم ورحمة الله وبركاتهـ مدخل: على كثر الهموم اللي فقلبي ماشكيت الحال على كثر الجروح اللي تمادت أكتم العبرة رضيت أبقى تحت مر الزمان اللي غدا همال مدام الله كفل عبد(ن) تصبر واحتسب اجره أخباركم؟؟ http://img104.herosh.com/2010/04/30/967573178.jpgان شاء الله كويسين.. اول باركولي اني وصلت 200 تصدقون ماودي اشارك ودي احنطها:s2: شكرا يا محمد لانك باركت لي في الموضوع جارنا اللي قلبتوه دردشه:s4s: حياكم في خيمتنا.. اتحداكم تعرفون اي مباره ابوي يطالع؟؟<<اقلد مشرفنا ماجد:s2: http://img105.herosh.com/2010/04/30/143923461.jpgشرايكم ؟؟؟<<عاد ابغى ارويكم ان عندنا خيمه<<بس احنا عندنا:naughty: ((النسيان)) وانا اصلي الفجر تذكرت موقف الله يلعن ابليس اذكر من والله مدري من كم سنه المهم ان كنا بنروح عرس وكانوا بنات عمي بيرحون معانا المهم اني قلت لهم من بعد صلاة المغرب خلكم ببيتنا.. وو جاوا في هالوقت واذن العشاء وقاموا يصلون بالغرفه انا ماكنت جنبهم لما دخلت الغرفه وهم يصلون اقول في نفسي في شيء غريب<<انا اكلم نفسي ورحنا الزواج وجينا تقريبا 3 الفجر ودخلت للغرفه مره ثانيه وعرفت ايش الشيء الغريب؟؟ انهم يصلون بعكس اتجاه القبله:s5s: وانا اللي اتصل عليهم واقولهم عيدوا صلاتكم مابقى على الاذان الا ربع ساعه. عاد اللي تكلمني وجهها صار مثل هذا :ranting: ليه توك تقولين قلت والله دلاخةً فيني والنسيان عاميني.. على طاري النسيان جاتني فتره صايره نسايه بشكل مو طبيعي ولااذكر الا بعد يومين اذكرمره كنت طالعه من الجامعه ورحت للمشغل كان عندنا زواج بنت عمي ونسيت ثيابي في المشغل في غرفة التبديل وماذكرت الا بعد يومين .. اروح للمطبخ ابشرب ماي اغسل ايديني وارجع.. تتوقعون النسيان نعمةو الا نغمه؟؟ تصدقون اني تذكرت بكتب موقف غير اللي بكتبه فوق:ap: يالله مره ثانيه ان مانسيته كتبته.. ((قصيدة اخت صديقتي اللي هي صديقة اختي)):d الا على طاري القصايد ترى انا اول يوم كنت بابتدائي كانت لي محاولات في الشعر بس احبطت وصرت احب اتذوقه لااصنعه اذكر اول بيت كتبته في صديقتي اللي امها مصريه وكان: يامنيره يامصريه ..... يااحلى بنت سعوديه :ap::ap: ومن بعدها اعتزلت كتابته. نرجع لقصيدة خويتنا هذي القصيده جدا فيها عظه وعبره والله يجزاها خير انها ركزت على موضوع مهم ومنتشر بين البنات واللي عجبني فيها انها ماكتفت في حكرها مثل قصايدها هذي ألقتها في الرئاسه وفي المدارس وحازت على جوائز كثيره بسببها... ماراح احرقها عليكم اقرؤها .. عنواننها ((الذيب والغزالهـ)) بنت من أحلى البــنات جالســــه لوحـــدها أهلها راحوا في سُبات والملل خيّــم بهــــــا قامت تدور قــناة يعني تـــسلي وقتهــــــا رنّة الجوال جـات وطار معـها قلبــ:smilie47:ـهـ♥ــــا قــالت ألو مرحبا قــال أهـلاً يانُــــــــها قالت غلطان أخــوي هذا ماهُو رقــــــــمها قال كيف غلطان وانتِ تشبهين صــــوتـــها !!! في رقـتّك ونــعومـــــتك كل شيٍ مــثلـــــــــها صابها فخـر وغرور والشيطان وسـوس لـــــــها قـــالت ياللّه أتـــسلى وأتســــمى بإسمــــــــــها مـرشهر ين وأكثر والأخت على حـــــالـــــها كل ليـــــله هالأخــــو يدق ويسمع صــــوتها والسوالــــف مــــستمرّه مابيــــنه وبيــــــــــــــنها لـين شمس الصبح تــــطلع وتشرق بنورهـــــا غــــاب عنها ليلتين وكل جنــــــونٍ صــــــــابها وطـبعاً من غلاتــــه أرخــصـت له نــفســـــها دقت تسأل عليه وبكل ذكاء تعذر لـــــــــــــها بـــطاقة جوالي ((سـوا)) واللّه خلّــص شحـنها وحــالتي حاله رديّه ربك أعلـــــم بـــــــــــــها قـــالت يــعني خلاص قــــطاعتك بعتادها؟؟ قــــــــال لاوألـــــــف لايافــــريده بحـــــــسنها الـــحل ندخل الشــات وكل سعاده نعيشـــها هالغبـــيه وافقت لأنّـــــــــــه ساحــرعقــــــلها ونــست إنّ الحــــــرام صار زرعٍ في أرضــــها تطورت هاذي العـــلاقه ووصـــلت لحدّهــــا وقـال صـورتك ياحياتي أبغى أعرف شكـــلها أرسـليها على الجهاز لجل أفرح بشـــــوفها وفي دقايق أرســلتها دون خـــوف من ربـها قـــام يتغزل بمـكرٍ في حـلاها وحــــســنها ووعــــدها بهــديّه بــاكر تــــوصل لــــــها يوم ثاني افتـحت هالغبيه جــــــهازهــا وشــافت شيٍ فظيع غيّر لون دمّــــــها الوجه هُو وجهها والجــسم هُو جســــمها لكن المصيبه الصوره مجردّه من ثـــــيابها ومكتوب بخطٍ كبير في وسط صــــــدرها الذيب لاشاف الغزاله لابُد ياكل لحــــمها هـــاذي نهاية بنتٍ جابت الـــعار لأهلـــــــها أتمــــــنى ياحضور تـــاخذوا العبـــرّه مـــــــنّها اللّه يـــــستر علينا ويغــــــفر لها ذنـبها ويجنبنا طريق دنـيا زاد فيــــنا شـــــــرّها وسلامتكمــ شعر: ملكة الأحساس مخرج: أنا باقي وأظل أبقى على جور الحزن حمال ولاني من صنوف اللي بسهولة ينفجر صبره ترى كل الطعون اللي في ذاتي ماطرت عالبال ولا هزت كياني لا..ولا هزت ولا شعرة دمتم بكل الوّد مني لكم |
********************* هلا فيك طفله خانك التعبير:smilie47: فالبـدايه احب أهنيك عـ أسلوبك وطرحـك قلم راقي ومتميز جدا ماشاء الله فالكتابهs13s ويشرفني افتتح الردود ولأول مره <<مومصدقه مسويه انجاز:wub::razz: || ماشاء الله تبارك الله الله يطعمكم خيرها ويكفيكم شرها عاد نبي عزيـمه:razz: المباراة أتوقعها اوربيه بس بين وبين ماادري<<لا والله :wub: || عـ طاري النسيان هوفي احد ماينسى:wub: عاد أنامشكلتي مضرب المثال بالنسيان عند العائله:cry: أنواع المواقف شقول وش اخلي :ap: والقهر لااجتمع نسيان مع عجز:cry: يعني متعيجزه انزل تحت مثلا ويالله بالغصب نزلت وآخرتها ناسيه وش أبي أوم الحاله:cry::razz: || الذيب والغزاله ^^^^^^^^ قصيده جميله جــــــدا بأسلوب سهل وبسيط ومعبرs13s صح لسان قائلتهـــــــا:ba1: و للأسف هالقضايا يوميا تزيــــــــــد والضحايا بازديــــاد :to: والوسائل الحديثه ماجابت خير أبـــــــــــدا سهلت هـ الأاشياء وصارت العلاقات والتشبيك أسهل من شرب الماء:cry::cry: اللّه يـــــستر علينا ويغــــــفر لها ذنـبها ويجنبنا طريق دنـيا زاد فيــــنا شـــــــرّها الله يستـــــرنا وبنات المسلمين بستره ويكفينا شر الفتن:yes: عــــــــــــــوافي اختي طفله:smilie47: أحييك عـ هـ الموضوع الرايقs13s تقبلي مروري:rose: |
http://up.rabe7.com/get-4-2010-b58xrz3f.jpg تتآإبعين مبآإرآإة برشآإ وانتر:naughty::smilie47: ! صوووح:s2: ! طيب مو حرآإم عليك تسسوين فيني تسسذآإ:cry: ! اعزميني على الاقل يادافع البلا:cry: ! على الاقل احس اني اتابع مباراة ومعي بنااااات:cry::smilie47: ! مو مثل خيمتنآإ اللي كل ابوها عيآإل:mad: ! وانا بوسطهم:mad: ! تقل ضآإيعه:mad: ! وتدور احد يشوتها براآإ:mad: ! خخخخ:s2::smilie47: امزح ياابعدهم :smilie47: عسسى هالخيمه عامره ويشوفونها عيال عيال عيال عيال عيالتس:s2: الحين الحين:cry: ! متأكده ان قلبك رق رق لي:s2::smilie47: وبتقولين تعالي عندي بس:smilie47: ! <<<--- ركزي على كلمة رق رق بالله :s2: × وعلى طآإري النسسسسيآإن:to: ! عندي وعندك خير:to: ! يختي والله تعجبني سسوآإليفك:smilie47: ! احسك انسسانه مرحه :smilie47:! امسسكي ذي:d ! لا امسكيها زين طاحت :d يالله خوذيها الحين :d هاه مسكتيها:d <<---ابو السماجه على هالصبح:s2::smilie47: اجل فيه احد ينسسسى يسكر المكيف:s2: ويطلع من البيت ويغيب عنه ست ساعات:s2: ! وياليتني طالعه الحالي:s2: ! كل ابونا طلعنا برا البيت :s2:! بس والله لو كان ابوي موجود:s2: كان ماشفتي شي مفتوح كل شي يسكره ويقفله:s2: ! هع :s2:! × ومكتوب بخطٍ كبير في وسط صــــــدرها الذيب لاشاف الغزاله لابُد ياكل لحــــمها يـآآآآآآآآآآآآآلله والله حرآإإم:cry: ! يآإعالم يكفي اللي يصير:mad: ! وبعدين من جد هي غبيه غبيه غبيه:mad: ! ليشششش تكلمه:mad: ! وليش من الاسسسآإس ترضى:mad:! يأختي هالششششبآإب يوم عن يوم يزيد كرهنآإ لهم:cry: ! قال ايش قال تتتسلى:to: ! تسسلي بشي ينفعك:ranting: ! وبعدين وربي ماراح يفيدك هالتعارف:mad: ! يعني بس مجرد مكالمات:mad: ! طيب وبعدين:mad: ! مافكرتي وش بيصير عقبها:mad: ! عمر الرجال مااحب بنت كانت تكلمه:mad: وارخصت نفسسها ونزلت راسها له:mad: ! ترا مهما قال وقال وتكلم وحط:mad: ! عمره مااصدق فمه:mad: ! كلامه مو صدق:mad: واتحدا اي واحد ان كان كلامه للبنت اللي يكلمها من قلبه:mad: ! كله لعب بقلب البنت:mad: ! وبصراحه ماالومه:mad: ! لان البنت رااضيه بالشي هذا:mad: ! عطته اشاره وهو مششى معها:mad: ويسستاهلون اللي يجيهم:mad: فكروا قبل لا تعضون اصابع الندم:mad: ! وحتى البنات بعد فعايلهم توجع القلب:mad: ! تقولك انا اكلم تسسليه بس:mad: ! ولا تقولك بعضعن لا هو يحبني:mad: ! حبتس القراده قولي امين:mad: ! معليش على كثره كلامي:cry: ! بس هالاششسيآإء قسسسم غصب عليتس تنرفزين:mad: ! الله لا يحطكم بذي المواقف ياارب:yes::smilie47: ! والله يسستر علينا وعليكم:yes::smilie47: ! والله يبعدنآإ وإياكم مصاايب هالدنيآإ:yes::smilie47: ! ويكفيكم ششرها ويعطيكم خيرهاا:yes::smilie47: ! مشككككوررره ياابعد حيي:wub::smilie47: ! موااضيعك قسسم تووحفه تعجبني والله:yes::smilie47: ! كثري لنا من مواضيعك ياابعدي:smilie47::wub: |
هلا والله طفلة .. :rose: اولا على البركة 200 مشاركة وعقبال مليونين .. :wub: بالنسبة للموضوع الاول .... نسيت عن وش الموضوع ..:surprised: برب اطلع اشوف وارجع .. !! :to::s2: باك [ النسيان ] والله يا هو مشلكة مؤرقتني لدرجة كبيرة جدا .. :( صارت عادة فيني اذا رحت اجيب لاهلي اغراض , لازم ارجع وناسي شئ .. :razz: حتى بعض ااوقات اروح السوق وانسى وش كنت جاي عشانه ...:s5s: وافر فيه شوي فيه , اذا تذكرت ولا ارد البيت .. :d بس اتوقع ان سببه هو( كثرة التفكيييييير ) .. الله يعيننا بس .. :yes: / بالنسبة للقصيدة .. صح لسان صديقتك .. اتوقع هي نفسها صاحبة قصيدة سوالف جدتي ..!! :rose: وياكثر الذيب والغزالة , والذيبة والغزال :d بـ الوقت الحالي .. لكن ما نقول الا الله يهدينا واياهم وجميع المسلمين .. :yes: يعطيك ربي الف عافية على الموضوع ,, :rose: |
اهلا وسهلا طفله..! http:///2010/04/30/283864402.jpg مباراه الاتليتكو وليفربوووول يالبى الخيمه تستاجرونه باليوم؟؟ الله يهنيكم فيه.. النسيان نعمه احمدالله ان النسيان نعمه حصلت لي ظروف وحمدلله اني نسيته..! اما قصيده الذيب والغزاله قصيده رووووعه..! |
حجز ولي .. عودة .. فيجب ان نعد العدة .. ونحسن اخيار الكلمات .. لكاتبة بحجمك .. انتظر عودتي .. |
ماشاء الله ..طفلة موجودة هنا..؟!! مبروك الــ200 مشاركة وإن شاء الله عقبال الآلاف على خير وصحة وفايدة.. أول شيئ الخيمة تهبل ماشاء الله وربي يسعدكم فيها ..:laugh: حرام عليك طفلة شوفي هلالية إيطالية وش صار فيها ..؟!! اعزميها تشوف عندكم مباراة إيطاليا في كأس العالم << وش رايك هلالية إيطالية..؟!!!:s5s: بالنسبة للنسيان أعتقد أنه في حدود المعقول يعتبر نعمة ونعمة عظيمة بعد..فبدون النسيان لايمكن أن يعيش المرء بهناء وسعادة.. لكن إن زادت نسبة النسيان فعندها تصبح مشكلة.. أجل كنتي شاعرة وانتي صغيرة..؟!! :s2: أجل منيرة مصرية وأحلى بنت سعودية..<< لك مستقبل صارخ بعد :laugh: بالنسبة للأبيات والله أبيات مؤثرة جدا ومعبرة.. يجب أن تنتبه الفتيات لهذا النوع من لرجال الذئاب ..فهم يريدونها وفقط ولايهمهم الأسلوب ولا الطريقة ..فقد يتبعون أسوأ الطرق وأخسها وأرداها للحصول على مايريدون ..- كفى الله بنات المسلمين من شرورهم -.. هلاليةإيطالية / وش دعوى عاد كل يوم يزيد كرهك للشباب..؟!! أهم شيئ لاتكرهين الهلال ..<< وش رايك بالزحليقة..؟!! هههههههه:naughty: شكرا لك طفلة وأنا أخوك.. لاتحرمينا من مواضيعك .. |
هلا بطفلة :ba: ماشاء الله روعة الخيمة الله يسعدكم فيها ، ياليت تعزمينا فيها ترانا جيرانكم :d المباراة ( الأنتر والبرشا ) :wub:<< تقلد هلالية إيطالية :smilie47::d النسيان اممممم حالياً مايحضرني موقف :razz: صح لسان صاحبة القصيدة:rose: كلماتها سهلة ومعبرة :smilie47: طفلة يسلمووو على موضوعك :rose: |
اهلن اهلن اخت طفله :ba1: مبررروك مبرروك عقبال المليون :d<<< مطوله :s5s: بمآ انك عزمتنآ وقلتي حيآكم تررى جلست بالنص :wub: وبمآ انك حطيتي صورت الخيمه خلاص ماعلينآ منك انا وهلاليه أيطاليه راح نشوووف مبآرة الهلال والنصر عندكم ان شآء الله :d:d النسيآن ومآ ادراك ماالنسيآن :ranting::mad::cry: بالنسبه لي شي فضيييع لا يوصف والله يأني انسى نسيآن مو صاحي والمشكله اني سألت الدكتور وقال لي يمكن من كثر التفكير :cry: احمدي ربك ابي اجيب الشي من الغرفه واذآ دخلت الغرفه اطلع وادخل وانا مدري وش ابي :ranting: والله لو اقول ماوقف النسيان كان مآحد صدقني :cry: بس الحمد الله على كل شي يمكن النسيآن يكوون نعمه :d يامنيره يامصريه ..... يااحلى بنت سعوديه <<< لا ابدآ لك مستقبل :ap: امآ قصيدة ((الذيب والغزالهـ)) رووووعه روووعه بمعنى الكمه مشآء الله عليها :ba1::ba: على كثر الهموم اللي فقلبي ماشكيت الحال على كثر الجروح اللي تمادت أكتم العبرة ^^^^ احلى شي :cry::ba1::ba::smilie47: الف شكرآ لك على الطرح المميز .. تحياتي لك :rose: |
إقتباس:
وعليكم السلام ورحمة الله وبركاته بخير ياعساك بخير إقتباس:
الله يبارك فيك ما أذكر إني باركت لك <- مابوه محمد إلا أنت :s5s: إقتباس:
للأسف ماطلعت لي الصور وبالتالي ماعندي تعليق أقوله :d إقتباس:
إقتباس:
النسيان نعمه ولكن ليس في كل الأمور الموقف نفسه هُوَ من يُحدد إن كان نِعمه أونقمه // يعني بصراحه تخيلي اليوم زواج أعّز صديقاتك ونسيتي ولا ذكرتي إلا نص الليل :s5s: إقتباس:
إقتباس:
ما أمداك دخلتي المُعترك الشعري إلا وإعتزلتي :s5s: إذا عندك موهبه لاتقتلينها :rose: إقتباس:
إقتباس:
وتسلم يمينك على نقلها موضوع أكثر من رائع حضورمُميز ياطفله سمي :rose: |
.. روعه القصيدة صح لسان كاتبها .. .. وخيمتكم حلوة .. ^_^ |
مبآرآه بآيرن ومدري مين ض1 الآنسآن مآسمي انسآن الا انه انسآن .. :s2: يعني مآسمي انسآن الا عشآن يسنى .. :laugh: يعطيك العافيه طفله .. ومآقصرت صديقتك مآشآء الله شعرهآ فيه عظه وعبره وقصص محكوبه مدري مبحوكه ذيك يعني كويسه .. :ap::s5s: مآقصرتي :smilie47: |
لي عوده للتعقيب بعد التحضير |
:to:بصراحه خيااااااااااال وشي يفتح النفس لمشاهدة مباراة ممتعه تحمست ودي أطب وأتربع قدام التلفزيون:s2: |
:to:خياااااااااااااال بصراحه تصلح لمشاهدة كرة قدم تحمست ودي أطب وأتربع قدام التلفزيون وتروني عازم نفسي يوم الأحد حالف عليك أن تقولين تم |
| الوقت المعتمد في المنتدى بتوقيت جرينتش +3.
الوقت الان » 12:26 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd