|
الظاهر أنه يبي ينهي موسمه الرياضي بشكل أسرع:s2: .. أعتقد أن حماسه الزايد وعصبيته الإنفعالية لها دور كبير .. الإدارة لازم تتخذ الرأي المناسب ، مثل : خصم من راتبه ، تمارين فردية .. أما إيقافه لنهاية الموسم ما أشوف أنه يبي يأثر خصوصاً أن الموسم شبه انتهى .. يعني مافيه إلا النهائي وبعده دور الـ 16 ، وبهذا ينهي الهلال موسمه .. شكرا لك .. :smilie47: |
ردة فعـــل طبـيـــعيــة والمفروض من اللاعب يتعود يمسسك اعصابــة لآنه بيواجه مثل هالآمــور كثــير |
مشكور اخوي على الموضوع .. بس اسمحلي اقولك اي واحد يقول ان الفريق الاحتياطي للهلال مو فريق اعذرني اقوله انت ماتفهم في الكوره شي ... والله ان الفريق قدم كل شي حلو صحيح ان عليهم بعض الاخطاء ولاكن شي طبيعي هذا مو فريق اول او انه فريق منسجم .. ماقصرو جميع الاعبين .. تقبل مروري ^^ |
أعتقد أن الدفاع مع الحارس هم سبب الخسارة .. ولدينا ضعف في الأظهره والثلاثه اهداف إثنين من الجهه اليسرى الهلاليية وهدف عن طريق الجهه اليمنى! أما الوسط والهجوم كانوا جيدين ماعدى الفريدي اللي خربها بكرت أحمر!! الصويلح + الغامدي + العنبر = يجب على الإدارة تسريحهم نهاية الموسم وإعطاء فرصه لـ شباب النادي أو التعاقد مع لاعبيين من أندية محليه |
انا اقف مع الفريدي قلب وقالب وهو نجم المبااااااااااااره |
الفريدي .. قنبله موقوته للأسف يشوه لعبيه الجميل برحكات غير مسئوله |
ماينلام الفريدي وكل التوفيق لنادي القرن |
والله الرجال معه حق يبي يلعب فاول والرجال مسوي مغطي وهو يصارع يستاهل اكثر من اللي جاه ~ والفريدي اليوم والله لعب مباراة خرافيه ولكن الحظ ماكان معنى ~ اهم شي مبروك التأهل وبالتوفيق ان شـآءالله بدور الـ 16 وفالنا التأهل والكأس يارب ~ |
: لا اختلف معك اخوي .. اعتقد ان شباب الزعيم قدموا مستوى مميز :yes:.. لكن الدعيع اليوم اخطائه كانت فادحه ولاتخرج من حارس كبييير كـ الدعيع..! بس الحمد لله انها جات في مبارة غير مهمة.. واتمنى منه تلافي مثل ذا الاخطاء.. . |
اخطاء الحراسه والدفاع / والفريدي والكرت الاحمر .. بالصور . http://img405.imageshack.us/img405/1176/27905318.png صباحكم / مساكم عطر .. لااحبذ المقدمآت الطويله .. وهارد لنا نتيجه المباراه مع ان زعيمنآآ قدم شوط ثاني حلو لولا الاخطاء الدفاعيه الفادحه .. ولا انسى الدعيع آخطاء بالصور .. http://img694.imageshack.us/img694/2179/37850087.png استغرب هالدخول من الدعيع .. وكان بامكآن الدعيع ابعآد الكوره اقل شي رميه تماس مآيتفنن بالتسحيب كالعآده http://img245.imageshack.us/img245/6946/32174845.png وهنآآ كان بامكان الدعيع يرجع للبآب .. بس طبعآ لاعب خبره لازم يلحق الكوره لو بنص الملعب http://img522.imageshack.us/img522/3693/88002978.png ونجي للدفآع .. تمركز غلط .. اثنين رايحين للباب انا مالوم بهاللقطه الا خيرات http://img440.imageshack.us/img440/4522/35205046.png ونرجع لخيرآت .. بالله هذا دخول لاعب احتيآط للفريق الاول انبراش داخل منطقه الجزاء يعني لو ماتسرع بالدخول يمكن تمكن من رد الكوره .. ماقول الا الله يعين .. http://img695.imageshack.us/img695/3535/79890263.png واخيرآآ وليس اخرآ سلامي للاتحاد الاسيوي على هاللافته اللى تكررت مرتين بالملاعب الايرانيه اتحاد نايم ويدورون التطور نقآط : x الفريدي رغب ابدآعه الا انه لازم يتمالك اعصابه ويترك تدخلاته اللى مالها داعي بدون كوره x الف علامه استفهام على الدعيع .. خبره ويخطي اخطأء مايخطيها حارس مبتدىء x عمق الدفاع الهلالي .. بدون الاساسي ولا شي ومشكله اذا الفريق بيكمل بدكه احتيآط بهالمركز راح يتحسر الفريق مستقبلا والسبب هالمركز x رغم الهزيمه الا ان الفريق قدم شوط ثاني حلو لولا الله ثم الاخطاء الدفاعيه وحراسه المرمى http://img188.imageshack.us/img188/9286/38500034.png |
لالالالالالالالالالالالالالالالالالالالالالالالالالالالالا بالعكس الفريق قدم مستوى جيد وكاد ان يخرج فائزا لكن الحظ والحكم وهفوات الدعيع,’ هي السبب |
بالعكس الفريق اليوم قدم اداء ممتع وكانو يستحقون الفوز إذا استثمرو الفرص او على الاقل الخروج بتعادل ولكن الدعيع بخبرته واستهتاره قدم الفوز لـ مس كرمان وماقدر حماس واجتهاد لاعبين الشباب الي قدمو مباره كبيره إذا اخذنا فارق الكبير بين لاعبين مس كرمان والهلال يتفوقون من الناحيه البدنيه والخبره الي تصب في مصلحة مس كرمان |
سريعا من المباراة ......... بسم الله الرحمن الرحيم هاردلك للجميع على الخسارة الغير مستحقة !!
دمتم في رعاية الله |
انا اقف مع الفريدي قلب وقالب وهو نجم المبااااااااااااره |
إقتباس:
ياويله من قيرتس!!!!!!!!!!!!! الدعيع يتحمل النتيجه ويجب ركنه لكي يعرف انه يلعب بسمعة الهلال |
والله صراحه اني مستغر ب هل انتم جمهور الهلال الى نعرفه الهلال ابدع ثم ابدع اذا فزنا مدحتو واذا خسرنا سبيتو ياخي تكلمو بواقعيه |
يبو لا تفلها عاد ترا الفريدي لاعب كبير وأكبر من أنه يتوقف لنهاية الموسم عشان كرت.. وبعدين أنا متأكد انك شايف الكرت في مباراة الننصر وهل كان يستحقه ولا لا... أنا منب قايل انك مندس ومن هالخرابيط لكن أنت كانك هلالي فعلا ليش تقول هالكلام على لاعب أخطأ زيه زي أي لاعب ترا ياسر غاب عن تمرين مهم قبل الديربي ولا تكلمت وعزيز(نقول حالة خاصة) |
الحماس فقط يجعله يتصرف هكذا ولكن ان شاءالله يستفيد مستقبلا شكرا لك |
كلنا نقف مع الفريدي فهو رجل المباراة الاول كبير يابو محمد..... الله يوفقك,,,, |
عيب الدعيع هو الغرور والثقه الزائده وخط الدفاع كان سيئ للغايه خصوصا الجهه اليمنى الشوط الاول وعبدالعزيز الدوسري اللذي لم يقدم اي شئ في المباراة وكان من الافضل استبداله بمحمد الشلهوب والعابد المغرووووووووووووووووووووور لابد ان نشيد بمستويات الغنام والغامدي والمحياني |
شكلك كنت تطالع مباراة كاواساكي وسونجنام مو مباراة الهلال ومس كرمان الهلال كان بالعكس الهلال كان مسيطر على اللعب ولاتنسى ان الحظ وقف عاثر امام الهجمات الهلاليه الحمد لله على كل حال والقادم افضل باذن الله,,,,,,, |
والله مستوى خرافي و الصويلح لم ياخذ فرصته. الغامدي كان نعم القائد في ربط الوسط بالهجوم. المحياني و عزوز و الفريدي نجوم المباراه. اخطاء دفاعيه نظرا لقله الخبره. الدعيع كان مستواه ضعيف في هذه المباراه و اتوقع انها زله و راح تعدي |
يعطيك العافيه انا ماني معك بنقطة الدعيع الدعيع والله كابتن الى الان لم يكتب نهاية سنه ولاشي |
كلامك صح اخوي واليوم في اخطاء كثيره حتى الدعيع خروجه غلط |
الفريدي لاعب ممتاز بس مشكلته النرفزه وان شاء الله يراجع نفسه |
كالعاده يأتي منكم هذا الكلام ياجماهير ( الهلال ) رغم ان المبارات كانت ( تدريب ) يعني سواء خسرنا ولا فزنا ماراح يتغير شئ .. |
صحيح الطرد ارعن لكن الحق ينقال الفريدي افضل اللاعبين في هالمباراة والله ما قصرت يافريدي والرافضة يكرهون اللاعب الملتحي شف كم مره طقوه |
انا ماقهرني بالمباراه غير الدعيع اخ يادعيع ليه كذا اتمنى يصحصح بالمباريات المقبله الحمدالله ع التأهل وان شاء الله الحظ يكون معنا بدور الـ16 مو مثل كل سنه :( بالتوفيق للزعيم |
هههههههههههه مدري كيف تفكرون هههههههههههه ايقاف لاخر الموسم زين ماقلت تنسيق المباراه تحصيل حاصل واللاعب مستواه مقنع هو والعابد ابرز بدلاء الهلال |
, مآ أقول إن الفريدي غلط ! بس برضو لآ تنسون إلي سوآه في المبآرآة أكثر لآعب بدع اليوم هو الفريدي .. كبيير يآ أحمد ومآ عليك من أحد |
الهلال اليوم قدم كره جميله بالنظر الى من لعب لكن الكره اخطاء ومن يستغل الأخطاء يكسب دمت في رعاية الله |
الدوسري ماقصر والله انه رجل المباراة اتذكر لقطة لما ركض سبرينت على الكورة وطلعت جاء الحارس الايراني ومسك فنيلة الدوسري وبكل احترافية من النجم الخلوق عزوز الدوسري سكت وخلاه يمغط فنيلته على راحته فعلا لاعب محترف والفريدي نجم لازم يتعلم من الصغر مانبي نخسرة مو اي لاعب ينرفزه يقعد يكفخه واعجبني لما ترك الاعب (الاصلع) ولا رد عليه السلام |
الحركه لا تستوجب الكرت الاحمر لكن الشيئ هذا لا يعفي الفريدي |
× × يآزُعمآء لآ تآخذكـم العآطفـهـ ! الفـريدي أخطـأ بآلكـرت .. وأعتقـد حركتــهـ مآكـآن لهـآ دآعـي أبـداً والمُبـآرآة مآتستـآهل ! لآعـب مُحتــرف وخلـوق .. و مقـدم مستــوى مُمتــآز خربهـآ الله يهـدآهـ بآخر شي :yes: يعنـي بنخسـر خدمـآتــهـ بمُبـآرآة آهـم ! × × |
والله ياخوان من اشوفه يلعب اتشائم واحس ان الهلال يلعب ناقص برود + انانية + فلسفة زائدة + قتل للعلب لما يلعب تحس انه يلعب كرة شاطئ كل لعبه نقشات واللي يقول انه لاعب حماسي ما ادري كيف يجتمع الحماس مع البرود |
اركنوهم على دكة الاحتياط وخلوهم يلعبون بعيونهم. ولا تنسون تقلمون الراتب.!!!! لا نرضى التلاعب بسمعة الهلال؟؟؟؟؟ لاعبين منضبطين يحترقون من اجل الهلال وناس تطفيء توهجهم وقتالهم بكل برود. |
بصرآآآآآحة بدا هالولد يلعب بأعصابنا كثير..! حركة مالها داعي هو لاعب محترف..! الله يصلحه وبس..! |
هاردلك للجميع والشباب ماقصروا كانوا للفوز أقرب في أكثر من مناسبة أما ما يخص الفريدي فعذراً ربما نكون السبب في كروته في وصفه بالفيلسوف والثناء عليه دوماً الفريدي موهوب ولكن يجب علينا ان لانخسره !!!!1 أتمنى أن تكون هذه الكروت دروساً يستفيد منها مستقبلاً ويعي تماماً بأنها تضره وتضر النادي والحمد لله على كل حاااااااال شكراًلك أخي :rose: |
اهدا من كذا ياصديقي روووووق وتعوذ من الشيطان صحيح اللعب اليوم مو ذاك الدرجه والدعيع مو طبيعي بالنسبة لي يكفيني هدف المحياني كل الود لك ... |
الدعيع اول مرة يلعب مع دفاع مثل كذا العيب في دفاعك الي مايعرف يغطي يالزين هوساوي والمرشدي ياليت تراجع المباره وتشوف الدعيع وهو يوجهه الدفاع النايم |
لا يالغالي اختلف معاك بدرجه كبيرة جدا يابيلهم خبره والخبره ماتجي بيوم وليله وباتوفيق للهلال.... |
[اليوم الفريدي كمل الناقص وانطرد ( مباراتيين ) = طردين حرام عليك يالفريدي تسوي كذا بـ الهلال وجمهوره!!!!:mad: أتمنى من إدارة الهلال معاقبة الفريدي وإبعادة عن الفريق حتى نهاية الموسم لأن اللاعب أثبت أنه قنبلة موقوته وين ياااااخوووي لين نهاايه الموووسم وش تحسبهـ من جد مع انوو يبيله لفت نظر بس موو لدرجه الإقاف لنهايه المووسم شااكرلك،، |
ســــــــــــــــــــــــــــــــــــــــــــــــــلآمتتتتتتتتتتك .. لا قنبببله ولا شششششي .. إرجع للقطـه وششششف كيف تشوووت من الششششششيعي الراااافضي بعدين تعال تكلم ..!! شوووته شوووته والحكم الوووصخ ماقال ششي ,, إتنرفز ورد عليه .. إرررجعوو للقطه |
هاردلكـ للجميع والزعماء ما قصرو بسم الله الرحمن الرحيم ماهو رأيك في التنظيم الدفاعي للفريق ؟ وأيضاً ماهو رأيك بسرعة بناء الهجمه والارتداد للهجوم بتعاون (خط الدفاع - خط الوسط - خط الهجوم) ؟ وهل ترى بأن المدرب وفق في التبديلات التي أجراها ..؟ تنظيم جيد ولكن ينقصه توجيه الدعيع بناء الهجمه جيد لحد ما وان كنت أرى ان الأرتداد للهجوم ليس بتعاون أجتهادات فرديه تبديل الكابتن عزيز مميز وتبيدل الدوسري ليس بمحله لست ضد أدخال الصويلح كان المفروض ادخال الصويلح بدلاً من نواف العابد ماهي أبرز السلبيات والإيجابيات التي دونتها على أداء الفريق خلال المباراة ..؟ الحمد لله سلبيات مافيه وان كنت أعاتب عتاب محب لأبو عبدالعزيز مو هذا لعبكـ يا عميد وعتاب محب لأحمد الفريدي قهر ينرفزونكـ اللأيرانيين الأيجابيات كثيرة بث روح التنافس بين الصف الأول والثاني للفريق الأزرق أعطاء فرصه للوجيه الشابه في الفريق أراحه العناصر المتميزه في الفريق للدور المقبل ماهو تقييمك لآداء لاعبي الهلال ، ومن هو اللاعب الذي ترى أنه كان من نجوم المباراة ؟ ومن اللاعب الذي ترى أنه لم يقدم المستوى المأمول ؟ تقييم جيد أحمد الفريدي مع تحفظي للكرت الأحمر المستحق الذي أخذه الاعب اللي مو في يومه أبو عبد العزيز ماهي رؤيتك الخاصه عن المباراة (( مساحة حره للعضو )) مبارة جيده بمجملها بالتوفيق للزعيم في باقي الأستحقاقات |
سؤال / كم باقي من مباراة على نهاية الموسم ؟ الجواب باقي 3 مباريات ( في حالة التأهل لـ نهائي الملك ) الفريدي لن يستطيع اللعب في مباريتين بسبب الكرت الأحمر ( الإياب مع النصر ودور الـ 16 الاسيوي ) إذاً باقي مباراة واحدة وهي النهائي وانا اطالب انه مايلعب النهائي عشان يكون درس له في المستقبل . لذلك طالبت بإيقافة لـ نهاية الموسم ( كلها مباراة وحدة ) :) إقتباس:
قبل لا تحترمني أحترم المنتدى وأحترم تاريخ الهلال اللي قاعد يلعب فيه الفريدي بإستهتاره والا مبالاة! مباراة النصر مايستحق الكرت الأول لكن مادام الحكم اعطاك كرت اصفروليه تبحث عن كرت اصفر ثاني!! لو يدري ان فيه جمهور وإدارة بتوقف في وجهه كان ماسوى هالحركات البايخة واحرج فريقه ! ياخي ياليته يغاب عن تمرين ويرجع يبدع ويسجل أهداف مثل ( ياسر ) لكن مشكلته مايغاب في التمرين يغاب في نفس المباراة وينطرد!! بعدين من قال انه اخطأ زيه زي اي لاعب؟؟ طرديين خلال 5 أيام يعتبر فضيحة مو خطأ!! |
موضوعك يجب يقفل وســــــلاااااااااام |
الصويلح ما اخذ فرصته اليوم عشان تجي انت !! وتنتقده بكل بساطه .. خلك واقعي |
شئ عادي لاعبين غايبين عن المبارايات لايوجد طموح لكن الدعيع يخوف |
في مبارتين متتاليتين..؟ عجيب امرهـ |
هههههههههههه لا أحد يستغرب ولا يتحمس هذا الموضوع للفرفشه فقط غير ودهم ينسقون فريقهم بالكامل ويكون عندهم دكه بدلاء الزعيم وللمعلومية حنا لعبنا بالالومبي تصدق |
إقتباس:
طيب على سبيل المثال الهدف الثالث تتذكر شلون جاء انا اذكرك الدعيع كان بنص الملعب والباب فاضي لو شات الكوره من اول بدون فلسفه احسن صح ولا غلطان تحياتي لك:rose: |
لا قنبله موقوته ولهم يحزنون >> مايأثر على الاعبين الا بعض الكتابات اللي مثل كتاباتك واردى من كذا وش يعني اذا اخذ كرت احمر في مباريتين متتاليتين >>> عادي جدا |
مااااااااقصرو شباب الزعيم في اداء مستوى رائع ولكن الدعيع لم يكن في يومة |
إقتباس:
بس ألين متى مع الفريدي |
مافيها شي اي لاعب فالعالم بيتنرفز زي كذى خصوصا والحكم جمبه والايراني الحقير يضرب حتى بعد صافرة الحكم للفاول والحكم تسرع |
الحين حطيتو المجهر على الفريدي والدعيع وتركتو عبدالعزيز الدوسري ياناس والله موهب ماشاء الله عليه حرث الملعب حرث انا استغرب من غيرتس مايدخله |
والله كلامك فيه الصحيح والخااطئ والاعبين قدمو مباراة جيده ولا تنسى الفريق تلقاا هدف في الدقيقه الاولى يعني ان الاعبين ماااقصرو يحااولون يرجعون الا المباراة وكل واحد يعرف الي عليه واتفق معك ولا واحد صحيح يقطع الكور ماادري ليش وتقبلو تحياتي:ابـــــــــــــــــــــوعلي |
بسمــ الله الرحمن الرحيم بالنسبه للمحـــور الاولـ الدفاع اليوم ماكان فيه الانسجام المطلوب ام لسرعة بناء الهجمه كان متوسط مع سرعة الارتداد ايضااا ووجود بعض الاخطاء سببهااا الاستعجال امـــــــــــــا تبديلات المدرب يبدولي ان تغيير الدوسري جاء متأخر ؟؟؟؟؟؟؟ المحــــــــور الثــــاني الفريق كانت تنقصه خبره كبيرة في ادارة مثل هالمباريات وين الادراه عن تجهيز الصف الثاني للفريق المحور الثالث التقييم للفريق 7.5 من 10 لااعتقد هناك لاعب اثر في المبارة او لاعب تسبب بالخسارة المحور الرابع كـــــــــــــان يجب على ادراة النادي تنبيه اللاعبين بالانتباه من الضغط النفسي من اللاعبين الايرانين زي ماشفنا طرد الفريدي الفريدي والدعيع من الذين يملكون الخبرة وكان يجب عليهم تهدئة الفريق والمساعده على ثباته في اوقاته الحرجه بدلا من الاخطاء خسارة المبارة يجب الاتعطي لفريق الهلال الاساسي الغرو بانه هو الذي كان يعطي الفوز للفريق ومن ثم خسر الفريق بعد ماذهبوا شكراااا |
أولا مشكور على الموضوع الرائع ثانيا رادوي ماقصر بالتغصية والتخليص والهجوم وأرد على أخوي أنا صاحيلهم أن الدعيع أحسن من العتيبي بمليون مره تقارن واحد خبير بواحد مبتدئ |
من الجيد ان نسبة 97% من الردود غير متفقين مع موضوعك اعد نظر في انطباعك عن الفريق |
| الوقت المعتمد في المنتدى بتوقيت جرينتش +3.
الوقت الان » 05:31 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd