|| UCL || بايرن الطقطقة بالثلاثة طرف أول .. الإنتر بـ كتيناشيو مورينيو يوقف البرسا ويطير لمدريد ||تقديم + متابعه|| - صفحة رقم 17 - نادي الهلال السعودي - شبكة الزعيم

FLORINTINO · #241 29/04/2010, 04:44 PM

البطولة هذي وش اسمها ؟
uefa champions league

يوم اجي اتكلم عن التشامبينز ليـغ بأكون اتكلم عن أحسن بطولة في العالم سواء كانت اندية او منتخبـات .. الي يعطيها هـ الأمتيـاز هو أولا وبدون شك
ليفـل التنافس بين الأندية و قوتها غير انها تجمع افضل اندية العالم وهذا يضمن لنا نشوف شو رهيب ومباريات ممتعـة .. طيب وش بعد ؟!

الي يعطي هالبطولة رونقها اهتمام المسؤولين بـ أدق التفاصيل من تنظيم و اوقات مباريات و بروتوكول خـاص لـ البطولة .. غير هذا قيمة الاندية المشاركة
فيها وانه يلزم لـ كل نادي انه يحترم الأندية الباقية مهما كان اسمها اذا حلوا ضيوف عليه طبعاً .. هل هالكلام شفناه من برشلونة ؟! .. اكيـد لا !!

لما نقول ان بعثة الأنتر واجهت مضايقات من اول لحظة طبت فيها برشلونة ما بنتكلم من فـراغ .. فيه مقاطع فيديو توضح كلامنا بعكس الي معتمد في كلامه
على مصـادر ’ تابعه لـ ناديه ‘ وشيء طبيعي وبديهي انها بتنفي .. كلامي على نفي السبورت لـ الأزعجات و المضايقات من الجمهور لـ البعثة وانه
كذب متعودين عليه من صحيفة ما تهتم بـ مصداقيتها قدام العالم واهم ما عليها الترفيع والتطبيل الزايد لـ فريقها .. المصيبة الكبرى ان أكثر المصادر
العالميـة ذكرت هالكلام وبعضها وثقوه بـ مقاطع فيديو .. لكن بمجرد اننا سمعنا نفي قلنـا خلاص ترا مصدرنا معنا خخ

هذا مقطع اول من الميدياسات لـ الجحلط الي تجمعوا
http://www.sportmediaset.mediaset.it/calcio/articoli/articolo31610.shtml

هذا مقطع لـ سب الجحلط لـ مورينيو بعد ما طلع من المؤتمر
http://www.youtube.com/watch?v=bwihcz-apk0

المصيبة اننا نعيد ونزيد .. هالبطولة دوري أبطال أوروبا .. يعني التنظيم وحمية الفرق المنافسة شي ملزم به الأمن .. منب نلعب في دوري أبطال العرب
ولا دوري أبطال افريقيا عشـان نشوف هالأفعال العنجهية من هالجمـاهير المحتقنة .. قبل كذا نشوف وش سبب ان الجمهور وصل لهـ الدرجة من
الأحتقان ؟؟ .. اولا تصريحات اللاعبين قبل المبـارة .. بيكيه طالع وماسك كورة الأنتر مبنشرة يعننا بنمردغهم خخخخ تشافي بعد القيم الأول طلع وتكلم عن
التحكيم وتوعد مورينيو في الكامب نو وهو كان لسـان حال بقية اللاعبين وهو الوعيد وكأنها حـرب موب قيم كورة .. الفكرة وصلت لـ الجمهور
في كل مكـان حتى عندنا هنا .. تشوف التواقيع و الكلام والوعيد .. سوف نصعقكم في الكامب نو ايها الشرذمة خخخخ .. سيزر سوف تعاني من هاتريك
ميسي في شباكك .. انهووو جحيم الكامب نووو .. الخارج مولود و الداخل مفقود ومن هالحكي الي لا يودي ولا يجيب !

خلصت المبـارة .. ناس متأهله وفرحانه انها وصلت لـ الفاينل .. اول شي يطمر فالديز على مورينيو يبي يمنعه من الفرحة ولو موري كان معه وقته
بتكبر السالفة وبتصير مضاربة وش كبرها .. لاعبين في ارض الملعب يفرحون وادارة الملعب بكل حقـارة تشغل رشاشات الموية عليهم عشان يطلعوا
ولا يفرحوا في الملعب .. هل هالكلام يعقل من نـادي كبير وبطل اوروبا سابقاً ؟! .. السؤال الي من جد يدخلك في حيرة .. مبارة السيمي فاينل العام لكم
مع تشيلسي تأهلتوا من الستامفورد بريدج والطريقة الكل عارفه .. هل شفنا هالحركات من لاعبين تشيلسي او حتى من ادارة الملعب ؟!
طيب لييه !! .. على الأقل لو سواها معهم حقهم صراحة خخخخ طالعين بطريقة مقززة ومع ذلك ما شفنا دروغبا يطق انيستا ولا شفنا رشاشات
مويـة تشتغل في الملعب بعد ما انتهى القيم .. الكلام كله كان مع الحكم الي تسبب في هالكلام .. ليه ما راحوا رشوا على دي بليكر امس مويه موب
هو الي حرمكم من التعـادل خخخخخخخخخخ ولا الظاهر خلصت الموية ههههههههههههههه

عـأشـق ـألزعيـم · #242 29/04/2010, 05:04 PM

الله مبروك للانتــر

ودي.؟

السهم الصعب · #243 29/04/2010, 05:16 PM

يعني تبي الانتر يفتح الملعب لكم وتفوزون
هذا ذكاء مورنيهو وبعدين لاتنسى ان الاعب موتا انطرد ولعب الانتر بـ10لاعبين
وتبيه يهاجم وبرشلونه هو من خسر البطولة بكل صراحه
امس مورينهو هو من تغلب على البرسا وجمهووره
كبير هذا المدرب
طيب موب من حق الانتر انه يدافع هذا حق مشروع يلعب على كيفه
ليش ماتقول ان البرسا ضيعها من اول المباراة
عادي ياخي الانتر لعب بطريقة ممتازه..يعني لازم برشلونة يصير افضل فريق حتى وهو مهزووم موب معقوول هالكلام
اجل الانتر جبناء اذا هم جبناء ماكان تاهلوا للنهائي
تقول برشلونة لاينافس الا برشلونة كان فزتوا وتاهلتوا كلام غير منطقي..
واللي يتكلم عن هدف بويان اقوله
لاتنسى الموسم الماضي المباراة الشهيرة برشلونة وتشيلسي في لندن الحكم النرويجي الذي اهل برشرلونة واهداْ المباراة لكم بضربيتين جزائيتين بيد بيكي وبيد ايتو اتمنى انكم مانسيتوا هذي المباراة
اتوقع ان اخر من يتكلم عن التحكيم برشلونة
وخطة الانتر خطة واقعية لان يلعب بـ10 لاعبين ولا ماانطرد موتا كان كلام ثاني ..مورنهو اسكت الجمهور واسكت مقاطعة كاتلونيا باكملها..
(وجهة نظر يجب ان تحترم) تقبل مروري..

PUYOL Carles · #244 29/04/2010, 05:24 PM

عبدالله . . ركز شوي الله يرضى عليك .. ماودي اقلبها لصراع قبلي واوروبي وانا اللي لاشميت ريحة برشلونه ولا هامتني هالسوالف ..

الحين وش المشكله بالضبط ؟ .. لاتنط ليي بحاجات جديده

التصاريح .. والوعيد ؟ اللي من لاعبي برشلونه .. لو شئ ثاني ؟

اذا قلنا التصاريح .. فـ اذا صرح لاعب من برشلونه .. على اللقاء بينهم وبين الانتر .. فـ مااعتقد فيه أي مشكله

مورينيو صرح في دور المجموعات .. بافوز عليهم في الكامب نو وباطلعهم من البطوله من الدور الاول .. وش زاد يعني بتصريحه ؟ ووش نقص ؟

يصرح لاعب برشلوني على الانتر والعكس .. مو احسن من انه يجيك غوتي ورونالدو يتفلتو وهم ماله امهم اي داعي او قضيه بالموضوع ؟

الصحيفه او النادي .. يحمسو جماهيرهم ! .. وين المشكله ؟ .. وش الغلط في الموضوع ؟ .. يعني جماهير الانتر لما استلمو تذاكر المباراه في ايطاليا كان مكتوب على التذكره .. بشويش في ناس يلعبو تحت ؟

---

تواقيع ؟!

وش فيها لو حط برشلوني توقيع .. عن مباراه قادمه لفريقه ؟ مو اي مباراه .. نص نهائي التشامبيونز ليغ

انت ماحطيت توقيع عن الكلاسيكو مثلا ؟ غيرك ماحط عن الكلاسيكو ؟

في دور المجموعات .. في واحد قال لو تشوف ياحسين التواقيع الا على مورينيو بتعرف ليه نتكلم عليه .. طيب خلي العالم تحط توقيع عن مورينيو ؟ وين المشكله ؟

---

تعامل النادي مع النتيجه النهائيه ؟

لو تلاحظ من كلامي .. ماتكلمت عن الرشاشات .. لأني مادري وش الا شغلهم ولا ادري ليه مشغلينها ولا انا مدافع عنهم فيها .. مخلي الشئ على جنب وعاطينك حق الانتقاد فيه

بس حركة فالديز وش المشين فيها ؟

انت قلت انها مباراة دوري ابطال .. والشي له وزنه ووو .. صح ؟ حلو

هل فالديز راح تضارب ؟ .. هل اللاعبين راحوا تعاركوا مع احد ؟

ترى اللاعبين والمدرب .. راحوا حيوا لعيبة الانتر وبكل روح رياضيه

فالديز كل الا سواه خلى مورينيو يتباعد عن جمهور برشلونه .. ومااعتقد طلع كلام انه فالديز شتم مورينيو او شئ

طيب كلنا عارفين انه هالأوقات عاطفيه .. ولاتدري وش يصير مع استفزاز مورينيو .. فيها شئ لو وقفه فالديز ؟

هل تشوف فالديز بعدين سوا مشكله ؟ ابد جوا اداريي الانتر وماصار شئ ..

تقول لي بطولة تشامبيونز وانها حدث مهم ؟

طيب .. خذ امثله لاحداث مختلفه ومهمه .. في كاس العالم .. الارجنتين اظن مع المانيا صارت بينهم بلاوي في 2006 .. الانتر مع فالنسيا في التشامبيونز قبل كم سنه .. الاسبوع الماضي او اللي قبله بالاحرى .. روما ولاتسيو في الكالتشيو .. لعيبة مانشستر وتشيلسي اظن في نهائي التشامبيونز او في بطوله ثانيه صار بينهم ملاقط

عادي .. مااشوف كلام طلع على انه اذا مانفوز بنخرب ومادري ويش ؟

طيب .. غير هذا كله .. وبما اننا في الانتر والبارسا .. في الذهاب طلع كلام عن ارضية الملعب ومادري ايش وكانت بأوامر من مورينيو [الصراحه مانا ذاكر الكلام بالضبط لأني ماكنت مركز مع الشي من الاساس] .. ماشوف طلع كلام منك او من الا في صفك حاليا على انه شئ عيب او شي غير اخلاقي او او

---

جماهير برشلونه .. ممكن لها مواقف تحسسك بانها سخيفه .. اوكي براحتك .. ويحق لك .. بس مومعناتها مالها مواقف ايجابيه عديده .. ومايحضرني حاليا الا لقائي ليفربول في 2007 والتنظيم الرهيب الا صار بين جمهوري الناديين في لقائي الذهاب والاياب

انا هني عايش .. ولا ادري عن كل مخلوق هناك .. بس متأكد وشفت .. حالات كثيره ايجابيه من جمهور الكامب نو .. واذا طلعت منهم اشياء سلبيه .. فـ هم موبعيدين عن اي جمهور ثاني اوروبي .. لا دين لا ديانه لا قيم ثابته .. كل واحد ماشي بحال مخه

ماسوو شئ في الملعب .. راحوا سوو شغب .. ماسوو شغب .. راحوا سوو قصه ثانيه ..

كلو سيم سيم يعني .. انا مابتصيد على جمهور كل فريق الحين .. بس متأكد طلعت اشياء عديده من جماهير ثانيه .. ممكن تختلف الحادثه .. بس مايفرق شئ في النهايه .. كلها اشياء موحلوه لصورة النادي اجمالا

---

مورينيو حالته خاصه لأنه قبل لا تدافع عنه .. انت تدري انه بايعنها وخالص .. وزي مايقول للناس .. فـ هو يستقبل مثل الكلام وينرد عليه زود

---

الا صار على سوالف بعثة الانتر .. فـ انا كل الا قلته الكلام منفي .. وطالع من ناس تبع بعثة الانتر .. المصدر عاد .. كلهم نفسي الشي بالنسبه ليي .. المصدر الايطالي بيحط شئ لصالح ولد بلده والاسباني ومثل .. جبت ليي فيديو .. كثر الله خيرك .. لكن رديت عليك قبلها .. وقلت لك كم واحد سوو الشئ اصلا ؟ هل كل المدينه راحت لعند فندق الانتر ؟

---

يعني خلاصة الشئ مايدخل العقل لما اعمم نوعية ردودكم بهالطريقه

«°Stamford Bridge°» · #245 29/04/2010, 05:26 PM

أستغرب من عشاق البرشا الذين يهاجمون الفرق التي تلعب بتكتيك دفاعي ..

لكل فريق أحقية اللعب بأي طريقة يريدها .. وأنتم ما بقي إلا انكم تضعون للخصوم الخطة التي تناسبكم

فريقكم هو من يجعل الفرق تلعب بتكتيكات تتضايقون منها ..

ومن المفترض انكم تحاولون التنويع بالتكتيك كي ينوعوا الخصوم بتكتيكاتهم أمامكم ..

أنا أرى ان الانتر نجح , وفريقكم هو الذي فشل ..

هجومكم هو الذي فشل في مجاراة دفاعات الانتر ..

أتمنى انكم تتقبلون وجهة نظري ,,

وبالنهاية أبارك لعشاق الانتر , وهاردلك لعشاق البرشا ..

I B R A H I M O VIC · #246 29/04/2010, 05:40 PM

مايكون:" شكرا برشلونة"

أعطى دوغلاس مايكون برشلونة الفضل في تأجيج روح فريق الإنتر بعد محاولته زعزعة الايطاليين.

وكان الأسبان قد ارتدوا تي شيرت خاص مع رسالة إلى خصومهم ، في حين أن المشجعين تجمعوا تحت فندق الفريق طوال الليل لرمي الألعاب النارية والطبول.

"بالتأكيد ، ساعدنا ذلك! برشلونة أطلق كلمات كثيره ضدنا ، وكنا محظوظين حقا, أن محاولاتهم في الواقع كان له تأثير عكسي "، ابتسم

مايكون.

"انه انتصار لتضحية والتواضع. بعد البطاقة الحمراء أظهرنا قوتنا وكافحنا حتى النهاية للوصول إلى النهائي ".

وكان الانتر قد للعب بعشرة بلعبين لأكثر من ساعة ، بعد طرد تياجو موتا.

"نحن نعلم أن هناك طريق طويل يتعين علينا قطعه للكأس ، لكننا سعداء لتحقيق هذه الخطوة الصغيرة. ولقد أخبرنا تياجو موتا أننا في الشوط الثاني سنقاتل لتحقيق الفوز من أجله."

كبيررررررر يا دوجلاس

فريق جميع من فيه صرح .. سووا دعاية للمباراة خخخخخخخ .. مساكين فصلوا فنايل

مقابلين فريق حواري تهددونه وبنكرهه في الكورة ومدري ايش .! .. سلامات يا ناس والله فريق بزارين

سويتوا حملة على الحكم وكأنه مسبب لكم ازمات في مباراة الذهاب وهي مباراة طبيعيه جدا .! .. هدف اوف سايد صعب على الحكم يحسبه مثل هدف بيكيه في الإياب .. مساكين تبون تورون العالم انكم كتولنين محاربين ولازم مؤامره عشان تطلعون من البطولات

.. جدا حالكم مؤسف

كارلوس بويول .. بمشي معاك وبقول برشلونة استقبلنا بالزهور وبشوف نفسي ماشفت الفيديو والمقاطع والتفال على مورينهو

فسر لي حركة رشاشات الموية .!؟ .. مع انها اكيد جت من ادارة الملعب والي ترجع للنادي اكيد

كريستالي الهلالي · #247 29/04/2010, 05:42 PM

نعم الدفاع اللي خلى ميسي وربعه زي القطاوة

وبعدين وين الغلط اذا انت فايز بمباراة الذهاب وعلى ارض خصمك تدافع

ما اشوف فيها شي

لكن كبير يا ميرنهو مسخر برشلونة على ملعبه

مبروك للانتر مع اني كنت اكره الانتر عشان ابراهيماوفتش والحين اكره برشلونه عشانه

سيناتور هلالي · #248 29/04/2010, 05:46 PM

أهلا بالناقد..
هاردلكم الخسارة..

لكن كلامك بعيد عن المنطق بصراحة لعدة نقاط ..منها :
- أتريد الانتر يلعب على هواكم يالبرسا..؟!! طيب لماذا لانقلب المسألة على البرسا ..؟ لماذا لانقول أنكم أنتم لم تلعبوا على هوى الانتر أيضا..؟!!
- أن الكالشيو الإيطالي معروف للعالم أجمع بأنهم ملوك الدفاع..وبالتالي فالكل كان يعلم أن الأنتر سيدافع بل ويستميت في ذلك حتى الكاتلونيين قبل المباراة كانوا يعلمون أن الإنتر سيدافع..لكنهم لم يتوقعوا أن دفاع الإنتر سيقف صدا أمام هجومهم....

- لايمكن أن يتبع مدرب الخصم رغبات الفريق المنافس ..!! تبغى المدربين الي يواجهون البرسا يسألونكم وشلون تبوننا نلعب قدامكم..؟!!!

- كل فريق له منهج لعب معين وتكتيك معين ..فالبرسا يلعب هجومي جدا..والإنتر يلعب دفاعي جدا..وكل له مايميزه..

- ليس من الصواب أن تفتح ملعبك على أرض الخصم وأنت فايز في الذهاب ومطرود منك لاعب 28 ..أي فكر تكتيكي يقول بهذا..؟!!

أرجو منك أخي الكريم ألا تجعل تأثير الهزيمة يؤثر على آرائك..فكلامك غريب جدا على كرة القدم..

أتريد الإنتر يلعب على هواكم يالبرساوية..؟!!

عموما بالتوفيق للإنتر..

حــمــووودي · #249 29/04/2010, 05:50 PM

هههههههههآي

انا من رأيي اذا ماينافس برشلونه الا برشلونه

يعطونكم كاس ويحطون كأس ثاني لباقي الفرق هع

الانتر فريق كبير ومدربهـ الداهية السبيشل ون عرف ماذا يريد

ويكفي انه غيب البرشا في الذهاب واستطاع العوده للمباراة بعد ماكان متأخر بهدف

كل التوفيق للأنتر >>> عشان تزيد نقاط ايطاليا ويأخذون مقاعد هع هع

LIVER 4 EVER · #250 29/04/2010, 05:58 PM

إقتباس


	معليش يالغالي .. يا زعيم المتعة .. بس انت برشلوني ولا ليفربولي ولا فيورينتييني ولا ايش بالضبط .. اشوف مشاركاتك ويوزرك تميل لليفر .. لكن تقول توريس ينتقل للبرشا ؟! غريبة !

هلا ابو دحه

هذاك ماشاء الله عرفت تصفهن

واذا تطلب الامر اكون مدريدي اكون اهم شيء المتعه تكون حاظره والنديه موجوده , يعني لما اواجه خصم يكون كفو للمواجهه .

وعشان مايكون النقاش جانبي .... المفترض انك تهتم بالمضمون ماهو بالميول .

وعن توريس هو الخيار الامثل للبارشا , وهو مصيره عائد لليجا برحيل بينتز .. فتكون حجه وقضاء حاجه

لانه البارشا حاليا مع ابرا رجعنا لايام البارشا ايام كلايفرت << الله لايعيده من لاعب

[QUOTE]
الهياط خلوه على خيريز شتوتغارت وانت ماشي .. وهذي سابع مباراة للبرغوث حقكم ماسجل في مورينهو

قلتها قبل .. الكورة اخلاق قبل لا تصير فن وابداع

ومدريد لا تستقبل الى الكبار في كل شيء [/QUOTE]

هلا ابو عابد << ياقاطع

مبروووكـ قبل كل شيء ... وتحقق اللي قلتلك ولا لا

اما عن كلامك هذا ماراح ارد عليه لاني عارف وش حقيقه هالكلام . وعن التسجيل عندنا قاعده مو مهم من اللي يسجل المهم ان الفريق يلعب بشكل جماعي ويفوز .. وطبيعي لما يكون ميسي في مواجهة جدار ماراح يخترق باختصار لانه بشر

<< ومايجي في باله انه هو اللي لازم يسجل عشان يكون الافضل !!

بختصار برشلونا يحكي نفسه

وعمره ماكان البارشا لاعب او لاعبين .. اذا الفريق جماعي راح ياكل الخضر واليابس(وهذي شفته قريبه

) ... لكن الشيء اللي مهم انه ينفهم انه مو شرط انك تفوز لما تكون الاقوى .

interaoi_4_ever · #251 29/04/2010, 06:00 PM

هههههههههههههههههههههههههه
مسكين يا معاند الانتر مسكييين
لو برشا فيه خير كان فاز بثلاثه مو واحد وبيالله واحمدو ربكم ترى هدفكم الوحيد والله تسلل وجائنا طرد بدري
وبالنسبه عن طريقه لعبهم انت تقول دفاع في دفاع
طيب شي طبيعي جاء طرد لازم يسكر ويضمن لولا الطرد كان شفت الانتر فائز عليكم رايح جاي مثل تشلسي يا ايها البرشلوني

«°Stamford Bridge°» · #252 29/04/2010, 06:02 PM

أستغرب من عشاق البرشا الذين يهاجمون الفرق التي تلعب بتكتيك دفاعي ..

لكل فريق أحقية اللعب بأي طريقة يريدها .. وعشاق البرشا ما بقي إلا انهم يضعون للخصوم الخطة التي تناسبهم

فريقهم هو من يجعل الفرق تلعب بتكتيكات يتضايقون منها ..

ومن المفترض انهم يحاولون التنويع بالتكتيك كي ينوعوا الخصوم بتكتيكاتهم أمامهم ..

أنا أرى ان الانتر نجح , وفريقهم فشل ..

هجومهم هو الذي فشل في مجاراة دفاعات الانتر ..

أتمنى انكم تتقبلون وجهة نظري ,,

وبالنهاية أبارك لعشاق الانتر , وهاردلك لعشاق البرشا ..

FLORINTINO · #253 29/04/2010, 06:10 PM

لا وش دعوه يا حسونة

.. يبقى في النهاية نقاش والي بيننا أكبر من هواش على كورة وفريقي و فريقك .. أقدر عقليتك صدقني لكن ما يمنع اني اختلف معك
في بعض الأفكـار وهذا شي طبيعي جداً لكن يبقى كل شوي فوق سواليف كورة وزعل و و و

كلامي كله يا حسين عن طريقة تعاطي الأعلام و ادارة النادي و اللاعبين و الجمهور مع المبـارة .. صورت كأنها حرب .. وصورت كأنها ملحمة أنتقـامية
يمكن الأغلبية تشوفه عادي وانا منهم بعد .. الي اعترض عليه هي طريقة تنفيذه موب طريقة تصوره .. تكلمت لك عن الأزعجات وابوعابد جاب لنا تصريح
لـ موري عن طريقة الأزعجات لـ بعثة الانتر .. هالكلام تتوقع انه طبيعي او شي عادي ؟! .. لا طبعاً .. لما يحضر جمهور زي جمهور الكامب نو امس
بهـ الطريقة المجنونة هي الي من جد الواحد يصفق لها لأنها تعكس لوحة عظيمة لـ دعم فريقهم في متش .. كلامي كله عن الي صار من الجمهور خـارج
الملعب .. في الملعب شي طبيعي ومن الممكن حتى وانت تلعب على ارضك يجيك كلام ومضايقات من الجمهور .. طيب سؤال بسيط جداً !!

كل الفرق في العالم ممكن تتعرض لـ نفس الموقف الي وقف فيه البرسا .. كلام صحيح .. لكن ليه ما نشوف افعال من جماهيرهم زي ما سوت جماهير
البرسا قبل المبـارة ؟! .. ليه نشوف تخبطات من ادارة الملعب و انفلات اعصاب فالديز بعد المتش ؟! .. يمكن جوابي بيكون مختصر .. الصدمـة !!
الأغلبية انصدمت من خروج البرسـا .. يمكن تكون الأفعـال الي بعد المتش ري آكشن لهـ الفعل .. ممكن !!

تقولي فالديز ما عمل شي مشين .. هي ما توصل لـ فعل مشين لأن الموقف تداركوه بسرعة وماصار فيه مشكلة .. لكن سؤال !! .. وش دخل فالديز
في فرحة مورينيو ؟؟؟ .. ادمي فايز يحق له ينطلق مثل ما يبغى .. محد بيمنعه .. تقولي ما يبيه يروح لـ جمهور برشلونة .. أولا مورينيو كان متجه
لـ الجهة الي تتواجد فيها جماهير الأنتر الي حضرت مع الفريق .. الشي الثاني وحطها فرضية يا حسين .. تخيل انه ابداً ما فيه جمهور للأنتر في
المبـارة و 98 ألف كلهم يشجعون برشلونة .. صفر الحكم و موري يبي يفرح ؟ .. يسون نفسه زعلان عشان جمهور البرسـا ما تنجرح مشاعرهم ؟!
الا بينطلق ويفرح وكل الجمهور بيكون جمهور البرشا .. ظنك فالديز وقتها وين بيوديه عشان ما يضايق جمهورهم .. بيسحبه الين نفق غرفة
الملابس ويقوله ايوووه انطلق افرح الين بكرة بس لاتجرح مشاعر جمهورنا خخخ .. مو منطق والله .. انا فايز على ملعبك يحق لي افرح ياخي ولا
يحق لك انك تمنعني او تمسكني عشـان ما اروح لـ الجهة الفلانية الي فيها جمهور فريقي .

الأحداث الي ربطتها بـ الي صار امس ما اشوف لها علاقة مباشرة لأنها تكـون بين لاعبين الفريقين وغالباً ما ياخذون جزاهم .. لو بنقيسها من جهة بنشوف
ان شرارة الأحداث دائماً تكون من الفريق المهزوم .. مع ان بنهاية متش امس شفنا اللاعبين سلموا على بعض وتبادلوا القمصان لكن حادثة فالديز ما كان لها
اي مبرر ابداً في كل هـ الحفلة طبعاً مع الموية خخ

ارجع واعيد .. كلامي كله على طريقة تعاطي البرشلونية لهـ المبارة .. بس لا اكثر ولا اقل .. في المقابل مهما صار لو حتى يصير فيه انقلاب في المدينة على
مدري وشو .. لازم تتوفر لـ الفريق الضيف الحماية الكاملة .. في الملعب ازعجوا اهلهم صفروا عليهم الين بعد بكرة عادي .. برا الملعب مالك عليهم كلام
لأنهم ضيوف في المدينة جايين يلعبون قيم ويمشون .. مالها دعوه بالمصادر و النفي سواء سيرلانكي ولا بنغالي .. الكلام عن انه في مجموعة من الجماهير
تجمعت عند فندق بعثة فريق ضيف يبعدون عن الفندق من الشرطة بس !

في النهاية ما اعمم على جمهور البرسا او غيره لأن الشي طبيعي بتكون اصابع يدك ميب سوا .. انا اشوف ان فيه افعال صارت امس كان من الأفضل انها
تتجنب حفاظاً على تشامبينز ليغ جميل وعلى سمعة بطولة ما نعرفها الا بالأحترام خصوصاً ان الفريقين من النخبة و هالدور سيمي فاينل .

**HETLAR** · #254 29/04/2010, 06:16 PM

السلام عليكم

حبيبي انت قاعد تتكلم وناسي شئ اسمه مبارات ذهاب انت تتكلم على الشوط الثاني لان البطوله تعتمد على الذهاب والاياب فانهزمتم في الذهاب والانتر لعب بعقلو وبعدين اي فريق عندو عقل راح يلعب خارج ارضه بالدفاااااااع وخصوصا فاز على ارضه بفارق اثنين وبعدين برشلونه لعب بمستواه لاكن المهارة مو كل شئ في الكورة

محب القناص-20- · #255 29/04/2010, 06:18 PM

إقتباس


	شكلك نسيت هدف ميليتو في الذهاب وهدف بويان الملغي في الاياب

ههههههاي شكلك مافيك عيون ماتشوف الكوره لامسه يد لاعبكم كيتا ولا يايا توريه

بس شكلك منصدم لأن مالكم مكان في السانتياغو برنابيو معقل الملوك

(ملوك بلادهم)

مورينهو افضل مدرب فالعالم في الوقت الحاضر