|
لايفوتكم سعودي وسعوديه...!!! بداية... وحشتوني شباب وصبايا::ga:<<<انقلبت لبناني بسمالله علي من جد زماااان يافن ياجعلي مااافقد هالخشش زيونها وشيونها<<<لا للعنصريه:d المهم وندخل في صلب الموضوع انا جيتكم وانا اعاني واعاني وأعاني وقلبي يتقطع قهرا وألما ابيكم تحتوني يمكن يصير فيني شي وتفقدوني :d المهم امسكوني زين لاتخلوني ادرعم على بعض العرباااان واااأفتح النااار عليهم:s3s:<<<لايفوتكم الحماااس:s2: اكيد رااح تستغربون العنوان والمشكله هاذا الي صاير في اغلب المنتدبات الغير سعوديه أبي تفسير لماذا وكيف وليش ياجعلهم باللي ماودي اقوله<<<أحتراما للذوق العام:ranting: لاحظت في المنتديات الأخرى طبعا الغير سعوديه العربيه وأخص الخليجيه الي يبي أكبر عدد ردود ويجعل عامل جذب لموضوعه يكتب عنوان كبر وجهه سعودي أو سعوديه!!! وليتها أخبار تفتح النفس:ranting: والله العظيم كلها أخبار جرائم ,اغتصاب وحريمنا يتزوجون الثلاث والأربع<<<:le: وشبابنا حدث ولا حرج ماخلو جريمه إلا ومسوينها:ta: والله العظيم لدرجة أنوه الي يبي الأخبار الشينه بصدقها وكذبها عن السعوديه يروح لمنتدياتهم تنزل قبل المنتديات السعوديه متتبعين بأمااانه عااااد لو نتخذ نفس اسلوبهم كان والله شفنا فضايح الله لايبلانا بس الحمدلله حنا شعب راقي وما نبحث عن احد<<<الله واكبر أكبر همنا بس من جد مااادري وش فيهم علينا<<<وجه طفل بريئ:razz: تخيلو لدرجة انوه في أحد المنتديات الخليجيه<<<مابي اذكر اسمها عشان ماتنشهرs121s استفزتني مواااضيع عن السعوديين قمت ومن زود القهر سجلت في المنتدى وشوفو وش صااار لي تخيلو انا الحبوب المسالم الي ماااحب اتحرش في احد انا الي امشي من جمب الجدار من كثر ماااحب المشاكل:d نزلت موضوع عندهم وبكل ادب قلت مايصير هالكلام عيب لااتتكلمون عننا بكلام موب صحيح وتنشهرون على حسابنا:razz: لايفوتكم كنت في قمة الأدب وقمة البرائه تخيلو شفو الردود الي جتني!!!! واحد قال اعجبتني هذي و تتوقع اليمن من دول الخليج ??? اخي الكريم بالاول روح و شوف دول الخليج 6 او 7 و اليمن منهم او لا عقب تعال انتقد بالله ذا رد...!!! والثاني..شوفو وش قال لكن انت وش فيك محروق رزك منت مجبور تقرا ابد ماعندهم تفاهم:ranting: شوفو الثالثه وش ردت علي انت الحين بالله وش حارق رزك لا ومسجل عشان تقول هالكلمتين مشاركاتك 2 بس وداخل تهاوش ..!! مو عاجبك حط مواضييع انت مين ماسكك .!! لا واللي عجبني ضميت اليمن ضمن الخليج ياخي روح تعلم الجغرافيا والسياسه بالاول وبعدين تعال تكلم صدق ناس فاضيه ...!! اعوذ بالله لسانها اطول منها:to: شوفو الثانيه وش قالت غريبة مشاركتين !! وداخل بقوة بعد بس عشان هذا الموضوع مادري الأخت تبيني أخفض جناح الذل عشان ماعندي إلا مشاركتين!!! المهم هاذي نبذه عن الردود الحين زبدة الموضوع وش هالتلفيق وش لهم واخبارنا والله لو نتكلم عن اخبارهم وبطريقتهم كان فتحنا مجلداااات بذمتكم مو شي يقهرررررررررررر؟؟؟؟ وسلامتكم وهاذي مني لكم:smilie47::rose: |
أخوووي ما أقدر أقول إلا القااافلة تسير والكلاب تنبح على فكرة مو كل الخليجيين ممكن معروفين الي فيهم شوية حقد |
انا قريت الموضوع .. كله من اوله لتاليه .. ( طبعا اللي كتبته في المنتدى الخليجي ) المهم .. وكان الغلط مقصور ع السعودي والسعوديه بس .. ما يعرفون انه الغيرايسوون بلاوي .. |
الي انا اشوفه ان المنتديات السعودية هي الي تتناول هالمواضيع وبكثرة والردود عليها تكون بالصفحات .. s13s فما بالك بالغريب اكيد راح يتكلم علينا ويطلع الاشاعات اذا اهل البلد انفسهم هم الي مطلعينها :wub: |
إقتباس:
ياهلا والله ... المشكله أنوه الواحد لادخل منتدياتهم مايمديه يقول أ ألا هبو فيه من جد شين وقواة عين يعني اذا مو عاجبك أقضب الباب !!!صدق المثل البيت بيت ابونا وما ندري عن اخباروه إلا من الغرب<<<وش رايك بالمثل من تأليفي:d وانت تقول شوية حقد لا والله إلا هم مزودين العياااار بكثير عزيزي... اشكر لك مرورك:smilie47: |
إقتباس:
إقتباس:
بس صح بلاوي بس حنا الحمدلله مانحب ننشر غسيل الغير ونبالغ وأحيانا كثيره يوصل لحد الكذب والله قهر والمشكله انوه هم مايشوفون هالبلاوي الي عندهم:mad: dal3_uae اسعدني مرورك يالغالي:rose: |
اول شي بقولك ليش هم مسلطين الضوء ع السعوديه اول شي لانا شعب كثير ومستقصد من الكل ثاني شي احنا من جزيره العرب بلاد الحرمين فالكل حاطنا قدوه فأذا صار شي عند المسلمين ع قولتهم الي هم احنا فالشي هذا عاتي يصير عندهم يعني احنا قدوتهم عشان كذا يبغوا يشوفو كيف احنا ثالث شي فيه بعض الناس مستقصد يفضح فينا ومستقصد يبين انو احنا منحلين خلقيا لانو زي ماقلتلك احنا قدوة باقي الدول الاسلاميه فعشان يصل لمبتغاه لازم يشوه سمعت هالبلد عشان يعم الشر في باقي البلاد الاسلاميه ^ ^ ^ فهمت علي ترى بجنب الشرح انا^^ تحياتي |
طيب ليش ماعاملتهم بالمثل يعني ليش ماطلعت فضايحهم واللي عاجبه اهلا واللي مو عاجبه يقضب الباب>>منتدى ابوه والله انت اللي بتقضب الباب وبعدين بصراحه أحس البلاوي زادت في السعوديه بشكل مخيييييييييييييييييف كل يوم طالعه مصيبه الله يستر |
يـــــــأبوي ذوي عــــــــــذاال لايهمونــــــــك وخلهم يتكلمون حنا مانلتفت للي وراااانا واكيييييييد الشعب السعودي ماينزل متسوهم مع احترامي لهم تحياتي |
اشكرك ياازرق الدم على وطنيتك وحبك لوطنك بس ممكن سؤال / تخيل انك منتب سعودي؟ هااااه الحين عرفت ليه هم يكرهوننا طبعا مو الكل بس الاغلبية وطبعا مع احترامي لجميع دول الخليج والعربية بس والله الدول العربية بدون السعودية قسم بالله مالها داااعي اخوووي بقلك شي انا من يوم جابني ابووي وانا كنت اسمع لارحت مع ابوي عند الرجال ان السعودي مكروه في كل ديرة والسبب لا نعلم هالمرة راح اتكلم بصراحة ومني ساكت المصارية يحسدوننا ويتوقعون عند بيت كل واحد فينا بير نفط مادروا اننا مثلهم وحالنا على قدنا السوريين وماادرك مالسوريين ياهم يكرهون شي اسمه سعودي ومهما تبسموا بوجهك فلا يغررك الخافي اعظم تذكر حرب الكويت يوم قام عليهم صدام تدري ان فلسطين واليمن والاردن ومصر والسودان تقاسموا السعودية وناوين عليها لاسقطت الكويت من عقبها السعودية فلسطين هاللي محد يساعدهم مثلنا بالمبالغ وبالغذاء وبالخير ناوين يستحلونا طبعا انا لو بتكلم عن كل ديرة ماراح اخلص ابد بس اغلبية العرب يكرهون السعودية لانها احسن منهم بكل شيء وحتى حكامها اللخ يحفظهم ومادورا بعض العرب انهم بدون السعودية ولا شي مع احترامي لهم كما قال احد الاخوة بالردود القافلة تسير والكلاب تنبح |
زود على كلام الأعضاء الكرام أتوقع في هذي الحياة كثيراً مانشاهد وسنشاهد ونسمع وسنسمع استقصاد أناس معينين .. بغض النظر عن من هم الناس إلا أني لا أرى أن أرد على كل من يسىء أو أسجل في منتدياتهم .. لأن بالأخير لاهم عاجبهم العجب ولا الصيام في رجب ...! ماضر السماء نبح الكلاب ..! |
| الوقت المعتمد في المنتدى بتوقيت جرينتش +3.
الوقت الان » 09:55 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd