ياهلا وغلا بالي نور مكاني
كيفكم وكيف الاجازه ان شاء الله انبسطتوا ويالله شدوا حيلكم السبت ينتظرنا

مشكله الي يشتاق لهالمكان ووده ينزل اي شي

هو مو موضوع عباره عن صور التقطتها للذكرى يعني مو احترافيه فلحد يدقق
فالله يعين اتصالكم على الطاري ا يقولون انه بيخرب هالايام
فالله يعينا ويعين اهلنا على تقلب النفسيات

ياغروب الشمس لو غبتي شروقك موعدهـ بكرهـ

يابحـر .. فينـي مـن الحـزن .. كثـر مافيـك ..
من حزن .. وأوجاع .. وغياب .. وغرايب !!

لاتلومـنـي إلـيـا شفـتـنـي .. دايـــم أجـيــك ..
ولاشفتنـي دايـم .. عـلـى الـشـط .. ذايــب !!

ياهوو عالم بالهاف مون يارباااااااه --> شعندها الهنوف عوض
للاسف رحنا الجمعه يعني صدفت اجازه واجازه للي ماعندهم اجازه (افهموا العباره )
بالقوة حصلنا مكان
وفيه شي لاحظته وببالي تسائل للشباب
و ش تحسون فيه لامشيتوا بالسياره عند العوائل عند البحر مع صوت هالاغاني الي يفجر الراس
يعني فيه شعور حلو تحسون فيه ....؟! م زعجين جدا
امي تقول ليه مايحطون مكان للعوائل ومكان للعزوبين حسيتها بتعقدكم زياده

هذي الصورة لو احكي الى بكره ماقدرت اوصف المشاعر الي جاتني لحظتها
ولد عمره مايتجاوز 7 سنوات واخته يمكن 4 سنوات
يمشي بهالعربيه المليانه والثقيله حتى مو عارف يدفها زين ولاينزلها من الدرج
الله يعافي بعض الشباب مروا من عنده وشافوه ونزلونها بداله
لما نزلوها بدا ينزل الاغراض وكانت ثقيله عليه والوقت شمس ومامعاهم احد

والله استحقرت نفسي عند هالموقف ياكثر مانطلب ونتدلع ونعاند على امور تافهه
وغيرنا صغار بحراره الشمس يدورون لقمه العيش
الحمد لك يارب على نعمك التي لاتحصى
يارب ادمها علينا
واكثروا من هالدعاء
اللَّهُمَّ إِنِّى أَعُوذُ بِكَ مِنْ زَوَالِ نِعْمَتِكَ وَتَحَوُّلِ عَافِيَتِكَ وَفُجَاءَةِ نِقْمَتِكَ وَجَمِيعِ سَخَطِكَ

هذا الفندق (فطور +اللوبي+داخل الغرفه )
عندهم فول يالصخره





هذا غرفه النوم و والاشياء الي بالدولاب
الصورة الثالثه (الصابون -والمعجون والشامبو)
بسالكم سؤال مدري فيه احد مثلنا بس لاتضحكون
لما كنا صغار مانحس اننا سافرنا الا لما ناخذها معنا للرياض
نحس انها شي قووووي تقول عمرنا ماسافرنا
مدري لان ماكانت الكاميرات متوفره مانقدر نوثق الرحله فناخذها ذكرى

هذي الصورة بالفندق

آجمل مآفي الحـــيآة..!
ان تتذكر كـل صبآح جديد آحبـآآآآبك
فينشرح صدرك،،
فلولا محبتهم في قلبك لأظلم في العمر دربك.!
آسسسعد الله آيامك ودام المحبه بيننآآ

(لاتحسبونها استعراض ترا كل الناس عندهم لاب توب )

الصورة تحكي --->توهقت مالقت تعليق :$

ألا يا ليتني طفلهـ
أهزم بالشعور كثااار..
ألا ياليتني طفلهـ..
بضحكتها من يساويها..
ألا يا ليتني طفلهـ ..
أبني قصر بـ حبات رمال!!
ألا يا ليتني طفلهـ..
أحضآن الكل تدفيها!!
كثيرهـ أحلامنا..لكنـ
وين ممكن نلاقيها!!

( الاجواء كانت حلووه الواحد يتمنى يكون طفل يلعب معهم
بعض الحريم ماتعوق معهم يطبون بعبايتهم مافي بحر مغلق )

[ .. وإذَا يعنيْ تضااايقنا ؟
ومشوا عنا كثيرَ أصحابْ || وتفرقّنا ؟
وإذا يعنيْ تضايقنا ؟
إذا راحواً وخلونا ..
نسّوا كِلَ الكَلامْ العَذبّ .. بَكّونا ..
وعرفنَا بيومْ بـَ أنْ كِلَ الحكايهَ كِذب .. مَلونا !
بـَ نغيّر شيءَ ؟
بـَ نغيّر شيءَ ؟





كان ودي تكون الصور احترافيه علشان تشتهون الاكل اكثر
بس احس ابوي وده يجلدني الناس جايه تاكل وانا اصور





مش تصويري


بهالمكان التقيت بـ - رعبوبة الزعيم -
يمكن البعض مايعرف علاقتي فيها لابتعادها وندره تواجدها بالفتره الاخيره
ولكن هي تعتبر من اقرب العضوات لي
4 سنين علاقتنا تقريبا
كنا اكثر من خوات صداقتنا تعدت ايطار النت يوميا - كتابين مفتوحين لبعض-
تواصلنا يومي هموما وحده فرحنا واحد
كل هذا وحنا مانعرف اشكال بعض لتواجدها بالمنطقه الشرقيه وانا بالرياض
ودائما سفراتنا للشرقيه يكون فيه عائق للقاء بينا
ولكن هالمره الحمد لله تحقق الحلم وتم اللقاء
وبس وحبيت تشاركوني فرحتي
أغليــك يالـ , الشـرقيّة ‘ من غــلا واحـدٍ فيـك ..
ولا إنتـي يالـ ,الشـرقيّـة ‘ مالنـا فيك حـاجـة ..!

الحياة كـ لوحة تنتظر الألـوان لتغدو اكثر جمالا ..

على طاري الالوان كل واحد يقول وش افضل لون عنده ..؟-->الفراغ شين
بالنسبه لي افضل اللون الفوشي و الوردي والازرق
والاحمر اتوقع الاغلبيه يحبونه
واكره اللون البني
وهذي تحليل شخصيه حسب الالوان بحط الالوان الي اخترتها والي يبي يكتب لونه واكتب التحليل تبعه
طبعا التحليل مدري عن صحته

يدل على أن صاحبه ذو شخصية حالمة بأحلام الطفولة البريئة , تعيش في الخيال بسلام وأمان لايعكر صفوها شدة .

اللون الأحمر :
يدل على الحب والغيرة , وهناك رأي آخر أنه يدل على العنف والغرور والعواطف الجياشة
اللون الازرق :
يدل على شخصية هادئة متحفظة ذات قيم وطموح , تنسجم مع كل ماكان هادئ مثلها ,
وتترجم الحياة ترجمة مثالية راقية وهي شخصية لاتُنسى , ويدل أيضا على التعقل , الحب في حدود والكره في حدود
, التعمق في فهم الأشياء والتنسيق والترتيب حتى في الدعوات والمواعيد , تتمتع بذوق بين سحر السماء وغموض وثورة البحر

كن ليناً كالماء
يسكب في أوعية مختلفة الأشكال والأحجام والألوان
فيغيّر شكله.. لكن .. دون أن يبدّل تركيبه ..!

(لاتصيرون مثل بعض الناس يقولون الي بالكاس بصله
بعد هالتعب كله وصارت غرفتي كلها مويه وبالاخير تصير بصله )

لوغبت عنا نذكرك مانسينا
قال انتهى المشوار وبصوت مسموع
قلت ابتداء تاريخك ومانتهينا
قال اعتزلت وقلت والراس مرفوع
قال اتوارى قلت صبرك علينا
9
( ترا هالصورة فيها احتراف لاتحسبونها سهله
جرايد واقلام زرقاء وحوسه علشان تطلع هالصورة الجميله الي تشوفونها
وادري ياماجد انها عاجبتك سامحه لك تاخذها لتوقيعك )




أحسب إني رويتك وأثرني مازلت عطشانك

الله يسعِد شخصّ ساكِن بي هنِـا
مِنْ بـ طيبه ..؟
ولا بـحْساسه الكبيير !
لا فقِدته .. صرْت .. / فاقدني .. أنــا

ورجعنا لها
على جنب صورة بحرنا يالرياض (قصدي برنا)
ترا احلى من بحر الشرقيه شوفوا الشعراء يتغنون دايم بتراب الوطن
عمركم شفتوا شاعر يقول فديت مويتك ياوطن --->تواسي عمرها

قلبي تولّع بالرياض..
عشقٍ ورثته من الجدود
يا صفحه ناصعة البياض..
زرعتي الصحراء ورود
يا نجدي يا ارضي وسماي..
يعجز عن الوصف اللسان
الحب.. مالي فيه راي!..
و ما اظن لي غيرك مكان!

{ قلوبنا } مدينة نلقى فيها أناسا !
سنحتفط بهم في أعماقنا !
ولن يتمكن غبار الوقت من إخفاء ملامحهم !!
وسنظل نصافحهم بشوق ونحتويهم بحنين ~
جميل أن نحبهم في { الله } للأبد !
والأجمل أن يبادلوننا هذا الحب ..!
(ادري خطي حلو ولكن العبره بما كتب)

الهنووف
كانت
هنا
ورحلت