اول شيء السلام عليكم و رحمة الله و بركاته
الحمد لله .. الله وفقني و انقبلت في برنامج خادم الحرمين للابتعاث الخارجي
دولتي المانــــيا و مدينتي ميونخ
و الله يا انها روعه روعه روعه تتعب و انت تمدح على التنظيم و النظافه
و الناس و الاحترام
طبعا انا حاليا لي اسبوع بالضبط و 10 ساعات
طبعا كل شيء مرتبينه الملحقية ما قصروا
ما يخلون على الطالب الا شيء واحد : انه يبدع ف دراسته
الدراسة الرسمية ف المعهد للحين ما بدات و وقت الفراغ طويل ف قلنا نتعرف على
المدينه لانها فرصة ما تتــكرر
طبعا خلاص انا باسكت الحين و اخليكم مع الصور مع اني ما صورت و لا
10% من اللي شفته
هذي الشجرة ف حارتنا
<< الله يرحم ايــام النخل
طبعا اللي ف الجهة اليمنى من المبنى اللي احمر و مكتوب بالبرتقالي
هذي بنده حقتنا
ياخي يا زين السعوديه على الاقل تشتري و انت مغمض بس دور اللي تشتهيه نفسك
اما هنا
اقرا المكونات و لغة المانية و تونا ما تعلمنا زين
يا لبيه بس
هذا الشارع هو ابو شرين حقهم
اسمه ليوبولد شتراسي << شتراسي يعني شارع
مدري وشو ذا كنت اتمشى انا و عزوز << صديقي الابتعاثي
و دخلنا متحف الحيوان
قلت اصور ذا
طبعا هذي ما ادري وش اسميها
بس نسميها الطرارة الاوروبية
بس هم حولوها الى مهنة رسمية لاني اشوف حاط ف صندوق جمع الفلوس حاط فيه زي تصريح ووقت معين له و مكان معين بعد
و الاخت هذي نفس الحاله
بس صراحة يعطون نكهه للمكان او الشارع
المكان هذا اسمه ماغين بلاتز
ماغين = مريم عليها السلام
بلاتز = ساحة
و هذا هو السيتي سنتر ف ميونخ
و هو عبارة شارع عريض مخصص للمشاة فقط
و على جنباته محلات الماركات الشهيرة
و ف الوسط فيه اكشاك متفرقه لبيع الخضار و الفواكه و ادوات المنزل
و الاستعراض بعد
حاس اني بانطق اليوم
هذا يخقق عندهم اكثر من البي ام براسه
و اظن انكم ملاحظين يعني
يا حليلهم
مرة ف اليوم الواحد يشوف دورية ف عادي لو حطوها بنتلي موب بس بي ام
ف السعوديه ينافسون التكاسي من ناحية الكثرة
الجهة التاريخية ف السيتي سنتر
طبعا هذا المسرح الاكبر هناك
طبعا هذا الصورة هذي و اللي قبلها ف مكان مسموح فيه السيارات و السياكل
هذا رمز للملك هنري الاسد و هو اللي انشا مدينة ميونخ الكاثوليكية
و عندهم معتق ان اي شخص يمر من عنده لازم يمسح خشم الاسد
عشان يجي له حظ زين
<< الكلينكس غالي عندهم
و الشيء هذا صغير يعني بحجم كف اليد بس الصورة قريبة
جينا للشــــــــــيء الاهم بالنسبة لي
و طبعا بافرد موضوع اخر خاص بالزيارة للالــيانز ارينا
لاني تعبت و ف نفس الوقت تعبتكم معاي
ملاحـــــظات //
1/ الشعب الالمانــي لاحظت عليهم الشغف الكبير بالقراءة في المترو و الباص و الترام و كل مكان يقرون و يقرون و يقرون
2/ لاحظت بعد انهم الظاهر امهم مرضعتهم بيرة يعني يوم بدون ليترين بيرة على الاقل يكون يوم سيء
3/ صحيين بشكل خيالي
يعني رحت ماكدونالدز و طبعا انا ف دولة لا تطبق الذبح ف حرام علي اكل اللحم
يعني سمك و قمبري و عندهم فيجي بيرقر يعني برقر خضار
الزبدة طال عمركم اني لاحظت ان الواحد طول الباب و عرض الجدار مع ذلك عشاءه يكون تشيز برغر اللي هي الصغيرة عندنا بـ 4 ريال الظاهر
و السلطات عندهم مدهرة
يمشون بشكل كبير و استخدام الدراجات بدلا من الوسائل الاكثر راحة بهدف الحفاظ على الصحة
ووووو في كثير بس بيني و بينكم تعبت موعد النوم
اسف على الاطالة
شكرا لكم
الوضع الشجري
