|
إقتباس:
اولا تقول ياعزيزي بأن اللي يقول كلمة الحق ماعنده وطنيه وهذا خطأ تأكد تماما بان اللي يقول كلمة الحق هو اللي عنده وطنيه :) والحمدلله نقرا القران ونصوم ونصلي , واما عن تقسيم الاراضي واعطائها للعوائل المالكه فهذا كلام غير صحيح ,, يعني اي واحد عنده ارض من الاسره المالكه معناته انها معطاه له ؟؟ ومن ثم فيه شي اسمه منح للمواطنين والدوله ماقصرت مع المواطنين ابدا خصوصا في مسألة المنح بارك الله فيك :) اما عن قولك اذا اخطأوا بارك الله فيك فلديهم من يرشدهم ولسنا نحن اهل لذلك :) فيوجد من هو اعلم مني ومنك وبخصوص اذا طلعت برا ,فالدوله ماقصرت ابدا حاربت الارهاب وقبضت على المجرمين ومن شوه صورة المواطن بانه ارهابي او سكير هو المواطن نفسه اقصد الارهابيين الكفره وبعض الشباب المنحرف الذي يذهب يسكر ويرجع :) اتمنى تكون واقعي اخوي مواصل اسف كلامي غير مرتب شوي لإني ارد على نقطه تقولها ومشكور :) |
شكله في ناس من الهموضوع ما راح يشوفون شمس يوم الاثنين :D والله كلمه حق شا شباب اننا في خير عظييييييييييييييييم والوظايف ماليه البلد بس حنا نبي من يحط اللقمه في فمنا تشـــــــــاو |
ياخي فيه ناس عندنا كسل في كسل وياليتهم كسلاء على انفسهم وبس .لا والله يحبطونك باي مشروع او فكره تفكر فيها:d لو تعرض عليه شغله الصباح الى الظهر بـ 1000 ريال قالك وين اقوم عشان ال1000 ريال ثم يقعد يقولك حنا دولة نفط واغنى دوله ومن هالكلام.. مايعلم ان المال ليس بكثرته وانما ببركته ==> متعوب عليه هالجمله :d طيب دامك تنظر الى الكثره وش الحلول الموجوده امامك ؟؟ واذا فيه حلول هل طرقته افضل من الكلام اللي ماراح يودي ولا يجيب :) والله فيه شباب ماعندهم اي استعداد يقومون ويشتغلوون بصراحه مدري متى بيكون نفسه مدري ينتظر احد يطقه على يده ويقوله بابا تعال عندي لك وظيفه وراتبها حلو وبدلات وعلاوت يعني حكومي ولا خلاص يبي بيوم وليله يآصل للقمه وبدون اي همه يبغى من اول يوم بالدوام يكون الرئيس وليس مرؤوس والله يا سكان الرياض ان عندكم فرص كثيرره بس تبي من يتوكل على الله ويصبر وما يقول استحي تبي همه وكفاح ونشاط وانا اضمن لك بتدخل شهرياً الالاف بتحصل مشاريع تدخل لك شئ ماهو سهل وماهو بيوم وليله تدخلك فكر بالبناء اول ثم بعده فكر بالمكاسب تراي اتكلم لاني موظف والله على قد حالي واللي يعرفوني شخصياً مايجهلهم هالشئ هذا بس الى متى الواحد جالس ويحلل الوضع وانه مزري ومدري ايش طيب انتظر واقول الدوله والدوله ياخي مافيك اعاقه ولا شئ تقول ما اقدر ااشتغل مافيك الا العافيه الحمدلله قم واعتمد على الله ثم نفسك وربي بيرزقك على نيتك اعرف قريب لي مؤهله ( دبلوم الكليه التقنيه ) مدري ايش تخصصه يمكن البعض لما يسمع فيه بيقول وش يرجى من هالمؤهل.. تقنيه لايهمك ناس معاها شهادات بكالوريوس وتخصصات مرغوبه ولا لقوا وظائف بس الحمدلله تخرج وقدم وقدم وقدم وقبل في وظيفه بالرياض من حرصه ماينام بعد صلاة الفجر يقول حق الطريق للدوام يدخل الدوام قبل بداية الدوام الرسمي بساعه يجلس ويطلع الساع 2 الظهر تخيلوا طالع ملعون خيره يريح شوي حتى العصر ثم يقوم ويروح يشتغل عمل حر ثم يرجع العشاء للشقه ويتعشى وينام يعني بالشهر يصفى له 9000 ريال :) حالته عزوبي طبعاً يعني هو ماله الا كم شهر متوظف وتوه مارسم على التجربه وبعده يرسمون يعجبني والله اللي عنده همه وطموح انت ياللي متضايق من الحاله هل فكرت تسوي مشروع ؟ انا احيان تجيني زي هالتفاكير واقول ليش انا اشتغل براتب متواضع وحنا اغنى دوله بس وش اسوي هذا اللي كتبه لنا ربنا .. وان شاء الله تتيسر الامور الى الاحسن اخوي كاتب الموضوع اقدرك واحترمك لكن بصراحه موضوعك اضراره اكثر من منافعه :) لاني ابقولك حاجه انا انسان عاطل واشاهد مثل هذه المواضيع بظنك اني ابستسلم واظل على ما انا عليه ؟ ما اعتقد وراح يصير شئ اسويه والخسران انا :) اعتذر عالأطاله :rose: همسه : لن تندم عن سكوت ولكن ستندم عن كلام...! |
إقتباس:
فليسمح لي صآحب الموضوع بالتعقيب على هذا الرد اختي رآئدة بالنسبة للأيــة المذكورة اعتقد انها ذكرت وليست بمحل إستشهاد حيث اننا لانخرج على ولاة الأمور او نعصيهم مجرد نقآش لعل الله ينفع فيه وتتبصر فيه القلوب لا أكثر وماعتقد اننا في وضـع صنآع القرار ع هالآساس,, جزئيـة مجلس الشورى: انا موظف في مجلس الشورى واسمحي لي اقولك كلنا مجرد كلام :) مناقشات تقارير ميزانيات عام 1425؟ ا150 عضو يناقشون فآئـدة الحليب الصنآعي ؟ صحيح ان المجلس كـ الحمام منتوف الريشين وبلا صلاحيات ولكن لم يوضع على ارض الوآقـع ع اساس يكون شي وهو اساسا ولا شي مجرد كلام ومناقشات ومضيعه للوقت :) مليـآر للبحرين... هذي العباره الي افتتحت فيها صبآحي :) شآكر لك صآحب الموضوع اعتذر عن الإطالــة |
اعجبتي كثير من الردود خصوصا الجريئه منها والتي قدمت المصلحه واقصد مصلحه الوطن والمواطن وهي الاهم على اختزال الوطن في اشخاص اشكرك اخوي مجنون في زمن العقلاء |
| الوقت المعتمد في المنتدى بتوقيت جرينتش +3.
الوقت الان » 10:33 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd