|
إقتباس:
ليه لما تتكلمين عن شي معين وأرد عليه تطلعين بموال ثاني ؟ أقسم بجلال الله إني أحب وطني حب لايعلم فيه إلا الله وإني أحب إطلالة ملكنا في أي منبر إعلامي أنا أتكلم بدون أي تعقيد بعادتي أحب أتكلم باللغه الفصحى لكن إبتعدت عنها علشان اللي مايفهمني زين يفهم الحين أنا ابي اقلب الشعب على الحكومه ؟ حطيتي موضوعي إعتراض على قرار ملكي أنا أطالب لا أكثر بتقولين وين الحلول ؟ أنا اقولك هالمليارات اللي تروح برا لو هي رايحه كدعم لصندوق التنميه العقاري تتوقعين الناس للحين جالسه بأجار ؟ 70% من الشعب بدون سكن ملك وش تبين أكثر من كذا ؟ هذا حل ولا مو حل بنظرك ؟ انا مو ضد التبرعات او المساعدات بالخارج بشرط يصير فيه التفاف بالداخل إنتي ناسيه وش صار بجده ؟ بتقولين هذا فساد إداري وتلاعب أنا معك لكن وين متابعة المسؤلين للمشاريع وتنفيذها ؟ هالناس اللي ماتت بالطريقه هذي وش ذنبها إنتي كل كلامك إصلح نفسك وعدل نفسك يابنت الحلال والله ان وظيفتي ممتازه وراتبي زين وعلاوه على كذا عندي كذا نشاط تجاري يعني إللي يتكلم بشي منطقي وواقعي صار مفلس لا تدخليني بالأرهاب وغير الأرهاب الأرهاب ماطالبوا بفلوس تكلمي بمنطق الله يرحم والديك الإرهاب سببه الغلو بالدين لا أكثر وكأنك تشوفين المنشورات اللي تحرض ؟ أي منشورات وأي كلام فاضي يعني على بالك هالمطالبات بتسبب إنقلاب على الحكومه ؟ هالشي مستحيل يصير لاتقولين شي خرافي :s5s: رائدة من سنتين وأنا أتابع طرحك ويعجبني بجد لاتكرهيني بطرحك ( مو بشخصك ) :d دمتي :rose: |
إقتباس:
مادرست إن هالشي ربا :s5s: الله يكفينا شر الربا ما أظن إن كلامك صحيح مع كامل إحترامي لك وإذا الفلوس بترجع لنا عن طريق الحرام مانبيها حيآك :rose: |
إقتباس:
نورتني وأسعدتني وحيآك .. :rose: |
إقتباس:
البيت تطلع منه وماتدري وش بيصير فيه ... والسياره كل يوم تخاف تطلع وتصير مسروقه والا مكسره .. واذا كلمت الشرطه والا اللي تقولون عنهم اهل الامان ذولي قالو انت مو اول واحد تنسرق سيارته ويجينا ..! لكن لو قلت لهم ان اللي سارقها ارهابي كان نقزو وجابوها لك في ربع ساعه ! والصغار تخاف عليهم من الخطف .. فعلا كلمة امن و امان نسمع بها !! |
بالنسبة لي سيدي الفاضل سأضل متابعة لطرحك الجيد هنا وفي المستقبل فالنقاش وإختلاف وجهات النظر لاتؤثر في نظرتي لكتابة أي شخص في أي مجال :rose: قلت لو أن هذا المبلغ وضع لصندوق التنمية لتحسن الوضع هنا أقول لو أن كل مواطن قام بتسديد القروض بشكل منتظم لما طالت المدة بالمقدمين عليه تكلمت عن الواسطه والمحسوبية في المستشفبات وغيرها هنا أقول مهما فعل ولي الأمر لن تنتهي لأنها ثقافة مجتمع أيها الكريم لو لم نقبل الوساطه أنا وأنت من خدمة آخر غير مستحق أو أستفادة من الوساطة لأنتهت كارثة جدة أقيمت تحقيقات حولها فالحكومة قامت بما هو عليها ما تبقى سيدي الكريم هو علينا نحن لو لم يسمح موظف بالواسطه وتعدي القانون لما غرقت جده الفساد موجود في كل حكومة وكل دولة والسبب أن كل شخص يصل للمنصب يفكر بمثلي مثل غيري أنا ما أقول هالأمور ماهي موجودة بل موجودة لكن لنبحث عن حلول سليمة إذا قلت أني خرجت عن الموضوع فأنا سأعود للبداية ذكرت أنت الملايين والقروض وكأني قرأت رد لجابر العثرات كما أعتقد أن هذا القرض يعود بفائدة مالية على الدولة الموضوع انك أعترضت على القرض الخارج للأردن وأنا قلت أن إعتراضك يعد إعتراض على قرار الملك هل القرض خرج دون علم الملك؟؟ إن كانت الإجابة بنعم فأنت تتهمه بالإهمال وإن كانت بلا فأنت تعترض على قراره الأمر بسيط جداً لكن أنت لم تحاول فهم وجهة نظري أنا أفهمك جيداً تتحدث كمواطن غيور ولكن تعبنا من الصراخ على المنابر ومطالبة الغير وعدم العمل بالنسبة لوضعك الجيد فأسئل الله لك الزيادة في الخير والسعة في الرزق لكن الأمور لاتحل بالسخط والثورة في المنتديات بل بالنقاش الهادئ والواضح ما قرأته هنا مجرد بحث عن زلات وسقطات والنظر إليها فقط بالرغم أن ما يحدث هنا يحدث في كل دول العالم سيدي في الدول المتقدمة لكل بيت صناديق قمامه أعزك الله مخصصة للبلاستيك وآخر للطعام وآخر للزجاج لو ظمنت لي أن لايرمي مواطنيك القمامه مع شباك السيارة وعلى الأرض في المرافق العامة أضمن لك تطور الدولة الحكومة ليست ملائكة منزلة إنما هي عاكسة لصورة الشعب فكيف ما يكون الشعب تكون الحكومة المسؤلين هم أبوك وأبوي وعمك وعمي وخالك وخالي ما أتو من كوكب آخر لذا كنت أردد أصلاح النفس يصلح البلد ويقلل من الفساد لأن أملي في الجيل المقبل أن نربية على الرضى والنزاهه فهم الدولة في المستقبل نحن نتاج تربية الأمس فلو ربينا أولادنا على السخط لن تتحسن الدولة ولن نحل الأمور أملي الوحيد في الجيل القادم والسخط لايربي الا جيل ثائر ومنتقم وليس جيل محب ومنصف آمل أن تكون وجهة نظري وصلت بالحب والإشراق |
آآآآآه بس يآآآناس صدق الواحد مآآيعر ف فيمة النعمة إلا يآآفقدها أحمدو ربكمـ ولا فيه دولة بالعالم جميع الخدمآآآت الضرورية لشعب بالمجآآن وأهمها الصحة لا قدر الله الواحد لو يحتاج عملية مايشقى بقيمتها وغيرنا مآآيقدر على أقل من كذا ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــ يآآآحي يآآآقيوم أسألك بإسمك الأعظم الذي إذا سألت به أجبت // أن تحفظ دولتنا وتعينها على مآآتحبه وترضآآه اللهم من أراد الفتنة بين حكومتنا وشعبنا فرد كيدة في نحرة (( اللهم عليك بالفقية )) .>> على فكرة الفقية الي قآآعد يسب الدولة أصلآ ماهو سعوودي قدم إلى المملكة وهو عمرة 17 سنة شآآف النعمة وطمع على فكرة ردي يحآآكي هالموووضوع ـــــــــــــــــــــــــــــــــــــــــــــــــــــــــــــــــــــــــــــــــــــــــــ اللهم أهد الليبرااليين إل جادة الحق والصوآآآب |
إقتباس:
انا ماادري وش علاقة موضوعي بالفقيه او البيبراليين لايكون متوقع إني واحدٍ منهم :s5s: ماتنلام إذا تتوقع كذا خصوصا ً انه فيه ناس قبلك اعتبرتني احرظ ضد الحكومه وربما اسعى لجمع تأييد لعمل إنقلاب وووو سبحان الله :) |
إقتباس:
هذي مصيبه لو صحيح يعني نعطي 150 مليون وترجع 200 مليون هذا ربا مانبي الربا ترضين بالربا ؟ ولا اعتقد ان كلامه صحيح بالمره وتتوقعين الناس اللي ماسددت مبالغ صندوق التنميه ليه ماتسدد ؟ واحد انتظر 20 سنه ويمكن 25 سنه وصل القرض له وهو 300 الف ريال وفي هالوقت ولا يخفى عليك 300 الف قيمة ارض لحالها تلقينه متسلف وحالته حاله علشان يسدد قيمة الارض ناهيك عن إن مجرد بناء منزل يكلف على اقل تقدير 600 الى 700 الف هذا إذا بيته عادي جدا ً .. يعني يدور الستر وبس يعني المحصله النهائيه مديون بالمبلغ الفلاني ومايفوتني اذكرك انه هالشخص بالاساس وصل لسن التقاعد يعني تقاعد وتوه يجيه صندوق التنميه والتقاعد عندنا معروف للجميع الله بالخير اذا سلم الرواتب للقطاعات العسكريه واللي تمثل اكثر من نص سكان المملكه كموظفين معتمد من وقت الملك فيصل الله يرحمه شلون تجي بالله ؟ من وقت الملك فيصل العلاوه السنويه ماتغيرت وبالنهايه التقاعد الشهري من 2000 الى 3000 ريال هذا شلون بياكل ويعيش ويسدد دينه ويسدد للتنميه ؟ لاتتكلمين من فراغ يا رائده أتوقع ان الشحن اللي فيك هو ظنك اني ضد سياسة الدوله واني مُحابي للمطالبين بتغييرات كثيره عندنا بالعكس والله ان كان هذا تصورك فـ أنتي ظلمتيني وانا محللك من الحين ومسامحك :rose: لكن لاتنسين شي ان موارد الدوله كلها من حق المواطن ولا الوم الملك عبدالله أبدا ً أنا أجزم انه تخفاه اشياء كثيره والدليل لما انهار سوق الاسهم وخسر من خسر وووو اصدر قرار بأنشاء صندوق خاص للفقراء عارفه وش قال الملك ؟ قال الصندوق مايدخله الا الفقير وبمبلغ بين 200 الى 500 الف الملك يظن ان ذوي الدخل المحدود يملك 500 الف ادخلي اليوتيوب واسمعي كلامه الله يطول بعمره ذوي الدخل المحدود ومعه 500 الف ؟ من وين ياحسره والله نص العالم آخر الشهر طفرانه قلتها واقولها مليون مره البطانه سيئه لأبعد درجه ولا تقولين هي اخوك وعمك وخالك لا والله .. الا كلهم مجموعة عوائل كبيره لها نفوذ وعلاقات مع ناس واصله واللبيب يفهم وبالنهايه الاختلاف بالرأي لايجلب إلا الود :rose: بساتين ودي ..، |
والله كل كلمة قلتها صحيحة بموضوعك شعب يشكي ولاحد يدري عنه مالنا غير قنوات نشكي لها |
بقول لك كلمتين المبالغ الي انصرفت كمساعادات للدول مسوين عليها دراسات من فوق الى تحت وفيه امور في الدراسه خافيه عني وعنك فلا تجي تقرى لي موضوع في الجريده وتكبره المساله وتتفلسف علينا واحنا واحنا ياخي هذي علاقات دول مثل ما تساعد اخوك ومثل ما تساعد ولد عمك وتساعد جارك وما نبيها ترجع |
^ ^ الرجال ما قال لا تعطوا احد برا ..هو يقول اعطونا مثل ما تعطوا غيرنا وبس..:d الواحد لا يصير يفكر بنفسه بس ..اغلب الموجودين في الشبكه ان شاءالله انهم في خير فيه غيرنا كثير مو محصلين بيت ينامون فيه قبل تقريبا شهر شفت تقرير على الام بي سي عن عائله كامله ساكنه في خيمه وسط جده تخيل بخيمه وفي وسط جده ..حراره ورطوبه زياده على عفانة جده..الله يرزقهم ويعينهم سلاااااااااااااااااااااااااااااااااااااااااااام |
مقدم على الصندوق من سنين ابي ابني ارض وماجاني الدور عيالي دخلوا المدارس وللحين اكثر من 10 سنوات انتظار |
إقتباس:
اخوي جاوب على قد السؤال انت تقول امننا بأنحدار كبير طيب وش الدولة اللي اكثر امان من دولتنا ...؟ |
أهلاً وسهلاً بمثل هذه الموآضيع ( عوآفي أخوي:rose::smilie47:) رغم انها ترفع الضغط خاصه من اشخاص يردون ومايدرون وش اللي صاير عندنآ غير انه يفكر بنفسه والخير يجيه قدامه ومن يمينه ومن يساره يعني ينظر لوضعه ولا ينظر لغيره من الناس ..! يالله العجب !!!!! ......... ......... قرأت الكثير من الردود ورآيت أن بعضهم يقول إحمد ربك انت عآيش احس من غيرك انت عايش بأمن وأمان اقول لهالعينآت : الحمد لله ع النعمه والله يستر الحال ويبدو لي ان شكلك باقي مشفر ع المآَضي ^_^ او إنك تسمع ولا تشوف وهذا الأكيد من الأخير حقنآ لغيرنآ للآسف .! ولم ينظروآ لوضع شعبهم المقهور الكحيآن ..!! ننظر للي يبي يتزوج/ إذا تبي تتزوج تهم المهر وتهم تكاليف الزواج وتهم السكن وتهم المصآريف وتهم إرتفآع الأسعآر وتهم القرض اللي أخذته عشان تتزوج وتكمل نصف دينك ...!! ويقولون فيه قرض زواج ويجيك بعد عنآء ؟؟ لا وبعد يأخذون عليك هالقرض والقرض العقآري لا ننسآهـ اللي مايجيك إلا إذا كنت على وشك الموت غريبه يعني مالنآ حق من ذي كلهآ ومافيه مسآعدآت وإلا حقنآ ضآيع وهذآ اللي حآصل .. والمسآعدآت لغيرنآ مآشيه ولا يوقف ولا يوقف ولا يوقف .!!!! وفوق هذا كله يسرقون الشعب ( ولنآ في إنتكآسة الأسهم دليل ) / / مااقول غير حسبنآ الله ونعم الوكيل .. ( إن أصبت فمن الله وإن أخطأت فمن نفسي والشيطان ) |
إقتباس:
اشكرك على ردك محافظ البنك المركزي في العالم يتمتع باستقلالية بحيث لايمكن لاحد ان يعطيه امر بدفع مبلغ او تسديد او اقراض او او او في المملكة محافظ البنك المركزي يتمتع بنفس الاستقلالية بحيث ياخذ الامر من الملك فقط بالمعنى ان اي اقراض يكون بعد موافقه الملك |
| الوقت المعتمد في المنتدى بتوقيت جرينتش +3.
الوقت الان » 10:49 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd