هههههههههههههههههههههههههههههههههههههههههههههههههههههههههههههههههههههههههههههههه


حلووووووووووووووووه وربي !!

برجع دقآآإإيق وجآآإيه !

<<<<----- طآآإإط رجعت !


:

من جد والله ! كآآثره سسسفرتهم هالرجآآإل ! وإذآ قلتيلهم نبي نسسسافر ! عطوتس نظره يحبهآ قلبتس !


لا البلاآآ لا قلتيله جب لي معك شي حلو وغريب من هنآك ! يقوول راايح أودي واحد من اخوويآآإإي <<ليه يخاف لحاله !

ثم فجآأه لا جآ جآب معه كميرآ ونثر الصور والمقآطع يقول شرايكم برحلتي ! << شآيف مكتوب على جبهتي هنديه ! عشآن تسذب علي !

ولا إذآ رجع مآكأنه سسسوآ ششي هي هي ! لا زآآد عمره ولا نقص طوله !

اللهم بس مجرد سسفره ! قال ايش قال نغير جو ! غيّر حيآتك قبل ثم تعآآل غير جوّك !


لا اصبري انتي بااقي الدور علينآآإ ! حنآإإ بعد بنسسآآإإفر ونخليهم هنآإ ! <<<--- لا وافقوا هم عآإد !


والله ششوفي بهوآهم يبون يسسآفرون يسسآفرون عآآدي ! لكن يخلوني اسسافر مثلهم ! <<<--- تمسكي بس !


كــرآآإإتــزيــه يآلأيطآآليه !

تآي أمو ! >>> ----- محد يفهمهآإ إلا انا وانتي ------<<<<

الشباب يرغبون بترفيه النفس وليس ترفيه ديني

عادي اللي يسوونه ومن حقهم يسافرون اللي يبوون دام كل شي (للعوووائل)

شكر لك

خخخخخخخخخخخخخ مثل ما قال الكومانتوز الحين الشباب يبيون ينبسطون ويبون يفرفشون ويفلونها واذا رجعوا من السفرة فكروا بالدين والعمرة

يعطيك العافية اخوي

والله المشكلة لما الدوولة ما تعرف تسوي شئ للشباااب وكل ما يضيق خلق الشاب يروووح للبر او للاسترااحة والبااااااااقي ممنوع لانه وبكل بسااطه <للعوائل>

يعني لما يكوون في شئ مفيد للشباب ومسلي بنفس الوقت فساعتها ممكن تقوولي او تكتبي ذا الموضووع

انا اعطيكي امثلة

مثلا هنا في ألمانيا يووجد الكثير من النواادي المنتشره للشبااب والملاعب المفتووحة والنظيفة والمجانية والكثير من وسائل الترفيه طبعا انا لا اقصد وسائل الترفيه المحرمة ,,

ممكن تقدر الدولة تفتح نواادي رياضيه واجتماعيه وتضع الكثير من المحفزااات لكي نكسب الكثير من الفواائد ومنها الابدااع والقضاء ع الفرااغ اللي يسبب الكثير من المصايب والكثير الكثير

طبعا انا ضد مبدأ سفر الشباااب للترفيه المحرم ولكن في بعض الطلعات تكوون لسبب الترفيه الحلال مثل زيارة الاهرامات والاسواق الشعبية بمصر وأكل صحن كشري من عم عبدوو

أتمنى تكوون وصلة الفكره .....

وعليكم السلام والرحمة

أول شيء : من اللي كان يطارد وراك وانتي تكتبين الموضوع
شحلاتهم شبابنا يهبلون باسم الله عليهم وهـ بس فديتهم أنا

السينما ويروحون لها هذا شيء أكيد
المتاحف الاغلب يروحون لها أكيد
الحواري القديمة الاغلب يروح لها أكيد
النور أكيد أكيد اكيد معظمهم يروحون لهم
الملاهي الليليه الاغلب يروحون لها
الفلوس عاد اسألي اللي يقسطون التايد والشاهي ومادري وش

بكيفهم ياختي انتي وش محرق رزك !!؟ بالداخل مكتومين وبالخارج بعد بتلحقون وراهم وتكتمونهم ؟؟

كل هذا من شان انه ممنوع عليكم تسافرون الا كود بمحرم .
تخيلوا عاد يمنحونكم الاذن بالسفر متى ما بغيتوا وش راح تكون اعذاركم للسفر!!؟

تخيلي تخيلي فيه حرمة تقول لزوجها رح وسافر وفلها وسوو كل اللي افبالك بس اياني واياك تتزوج علي هذي وش ودك تسوين فيها ؟
بعدين انتي اطلعي لاندونيسيا بالفترة هذي خصوصاً وشوفي العجب العجاب بفئه من فئات المجتمع ماهم الشباب المساكين اللي ماعمرهم شافوا خير .يا شيخه ترجعين للسعودية تفقدين ثقتك بكل أحد الا الشباب لأنهم من الداخل والخارج باين عليهم لكن بلاك من اللي باطنهم غير ظاهرهم.
للحظه ام متعب بقول لهم كلمة (( بتسوون بلاوي ياخي اطلعوا من الجبل الأخضر لا تجون صوب الزحمة , والا يعني لازم تفضحون اعماركم )) .

شباب سافروا وفلوها واستانسوا قبل الزواج وطيحوا كل كل كل اللي بروؤسكم لا تردون نفسكم عن شيء الا اللي بالي بالكم ترا العقل ميزنا الله فيه عن البهايم لا أحد يفقد عقله ويصير بهيمة ترا ايام الشباب ماتنعوض بعدين هااااهـ والله لو اشوف واحد صارف ريال واحد على سياحة داخيله أني لا أقطع له يده اي سياحه داخليه واي خرابيط يلعبون علينا بالطايف وابها ويقولون سياحه داخليه .
________________________

طلب من كل الشباب لو سمحتوا الواحد لو يسافر البحرين اللي هي عند عيني يجي وينزل صور سفرته لو اننا مقطعينها تقطيع بس عاد نحاسة باللي خبري خبركم .
________________________

أم متعب هذا الرد برعاية البنت اللي حطيتي حرتك فيها
اختنا بالبي بي

وبحكم الميانه ان شاء الله وعارف انه مستحيل تزعلين
الله يسعدك ياشيخه وين ماوجهتي وجهك .

سياا

السلام عليكم
اول شي الله يحفضك انتي ومتعب وابومتعب عشان ما يزعل
الصراحه موضوع يخلي الواحد ينثر ارائة
الي ملاحظ انك حاقدة على الشباب السعودي نوعا ما
تراك ظالمتهم والله تراهم زينين وحلوين وبعضهم كيووت
في موضوعك ملاحظ التعميم ان كل الشباب يروحون هناك للدجة وقلتي نشيل نسبة قليلة منهم للي يروحون لشغلة معينة وانا معاك في هالنقطة ولكن,
في نسبة كبيرة تطلع برا للسياحه والحمدالله ما يرتكبون محرمات بس يكحلون شوي <<امزح امزح
الحمدالله اعرف شباب كثار راحوا مالييزيا ومصر والمالديف وكم بلد باوربا.
يروحون يوسعون صدورهم هناك ويشوفون اشياء كثيرة مهب موجوده بالسعودية <<الا ذاك الشي
يعني في نشاطات كثيرة, مره يزورون قصر تاريخي مره يروحون يطلعون طلعه تزلج مره طلعه لجزيرة بالبحر.
وقت الوناسة وناسة لا جا وقت الصلاة صلوا, وفي عندهم حدود ما يتعدونها.
يعني بعض الشباب فيهم خير ولله الحمد ويبون يوسعون صدورهم, والسياحه بالسعودية ما تتقارن ابد ابد ابد للسياحه الخارجية <<شخص دايم يسافر مع اهله للخارج كثيير.
الي يبي الشر يمديه يطلع بلاوي بالسعودية بدون ما يطلع برا,والحمدالله الي فيهم الخير واجد.
انا اشوف ان الواحد يسافر مع اهله, مو كل مره مع الشباب لان الطلعه مع الاهل فيها بر للوالدين ويستانسون خواتك وامك ان في واحد يعتمد عليه.
انا عن نفسي دايم اسافر مع اهلي خارج السعودية وما استانس ذيك الوناسة بس اخذ الطلعه انها وناسة لهم واني في خدمتهم لانهم مساكين طول السنة بالبيت ومافي ذيك الطلعات.
هذي وجة نظري عن الموضوع الي اتفق معاك واختلف بنفس الوقت
موضوع ولا اروع مشكورة

ماشاء الله وأنا أقول وش فيه المنتدى وشبكة الزعيم يستنجد بكلية التربية الفنية لإمداده بألوان إضافية أثاريك إنتي زارفتها يا أم متعب..!!


وش هالزين والألوان الروعة ..؟!! مبروك التشكيلة الجديدة من الألوان ..بكم شريتيها..؟!! ههههه

بس تعالي وراتس دايما علينا يالشباب..؟!! شكلك وانتي في الابتدائي كان فيه أحد أقاربك وإلا أخوانك موريك نجوم الظهر ..ومن أيامها وإنتي حاطة دوبك دوبنا ..!! هههه


شوفي وأنا أخوك الأمور الي ذكرتيها والتي يمكن أن تؤثر على الشباب مثل الجانب الفكري والاجتماعي وغيرها أعتقد أن العالم الآن أصبح كما يقولون قرية صغيرة..فبالتالي تجدين هنا فيه شباب وبنات ماعمرهم طلعوا برا المملكة ومع ذلك تجدين بنيتهم الفكرية والاجتماعية وغيرها تغيرت بفعل من القنوات الفضائية والأنترنت وغيرها..

نعم هناك دول من الممكن جدا اصطياد السعوديين فيها ..أتفق معك في ذلك..
لكن برضو فيه دول راقية ومتطورة ويستفيد منها البشر من مختلف الأقطار ..

المشكلة الكبيرة وأنا أخوك في الي يروح لحاله..يعني ماياخذ أصدقاء معه ..لأن يد الله مع الجماعة والمؤمن قوي بإخوانه ضعيف بنفسه..


أما مشكلة الانغماس في الشهوات فليس من هم في سن الشباب فقط.. فهذه فتنة وبلوى قد يفتن الله بها حتى كبار السن..
والله أنا نفسي شفت برا المملكة أغلب الي يفلونها هناك ويسوون دواهي مثل الزواج بنية الطلاق وغيره هم الرجال الكبار..
يعني أنا شفت مرة واحد أعطيه عمر 50 سنة ومعه وحدة بنت فرفورة عمرها والله مايتعدى 18 سنة ويوم سألت الي كان معنا من أهل البلد ذيك قال : كثير خليجيين يجون هنا أسبوعين ثلاثة ويتزوجون بنات وبعدها يطلقونهن..!! وش هالزواج الي مدته أسبوعين وهو عارف يوم يعقد عليها إنه مايبيها إلا أسبوعين..؟!! يعني البلا مو بس من الشباب..

بعدين الشباب ياعيني عليهم مطفرين ولامعهم دراهم ..البلا من الي أشكالهم شيبان عاقلين وهم دواهي اللهم ياكافي..!!

بعدين تعالي هنا ..ودك تسافرين..؟!! علميني ياخيتي وأنا أحجز لك إنتي وزوجك ووتروحون لأي مكان تبونه بس لاتطلعين حرتك فينا ..ههههههههههه


نصيحة للشباب : ياشباب لو تطلعون لحوش بيتكم نزلوا صور علشان نثري المنتدى ..<< وش رايك أم متعب..؟!!

- قبل أنسى : المدخل والمخرج قمة في الروعة..والله آخر سطرين في المدخل خلاني أتأمل فيها كثييييير ..أثرتي فيني مرة والله يشهد.. تذكرت موقف أنا أمس كنت في شارع الثلاثين - الأمير سلطان - في العليا الساعة 12:20 بالليل ..ويوم وقفت عند الإشارة وأشوف بنتين يمكن أعمارهن بالعشرينات يدورن على السيارات يشحذن ..المهم أناظر فيهن وهن لابسات نقاب والعيون مكحلة والعبات مخصرة وحاطات ظل على العين..!! جت عندي ودقت دريشة سيارتي فتحت لها : قالت أنا أصرف على أمي وأخواتي و و و ..عطيتها المقسوم ..ومشيت..بس الي محيرني إلى الآن : وش يسون ثنتين بنات بهالشارع هالوقت ..؟!! والله انفك راسي ..

آسف على الإطالة بس المدخل الي حطيتيه أثارني ..

أدري هذرتي واجدة..سامحيني ياخالتي

تحياتي لك ياخالتي وترى اللون الأبض مررررة خطير ..

أبدا أبدا لا إزعاج ولاحاجة..

..عبدالعزيز..

يوم شفت المو ضوع ,,, تذكرت الوالدة الله يخليها ^_^

لي عودة ان شاء الله
=========================================

والله كلام جميل اللي قلتيه ,,, بس وش يسوون الشباب اذا كانوا ممنوعين من كل شي هنا
اذا كنت محسسه انه مو انسان وهو عزوبي ,,, اكيد بيطلع وعنده هالاحساس ويخربها

صحيح الدين هو عماد الشخص اللي المفروض يتمسك فيه هنا وهناك ,,, بس الله يرحم الحال

وبالنسبة للاعذار
انا معاك انه كاثرة مثل هالاعذار واعظم ,,, والبلا في الاهل
طيب انت مسوي كابت ولدك ,,, تحمل وتوقع انه يكذب عليك
ولا معروف بعض الاعذار ما تمشي ابد ,,, خله يفضفض وانت تقدر تعدل


ويا ليت تخلين الشباب في حالهم ,,, كل واحد في طريقه , وفكونا شركم ونفككم من شرنا
امزح معاك ,,,و عساك ع القوة ان شاء الله

مشكورة خيتو ام متعب ع الموضوع الحلو ,,, وتقبلي مروري
وقولي للاخت اللي مسوية تتفلسف ايطالي ترانا صرنا نفهم ايطالي
>>> والترجمة انا احبك <<<

.

المشكله يا أم متيعب

اخاف اتفلت عليك ويجيني ابومتعب ماشين مليون ويلعن خامس خامسي

لكن نجي للجد

والله اننا يا الشباب مظلومين في بلدنا مالقينا من يسمع لنا

لا اماكن ترفيه لا اسعار حلوه تشجع الواحد يتسيح داخلياً

وان طلعنا برى تقولون اييييييه ماطلعتوا برى الا للخراب

لو تبيني احلف ان لو سمح لكم بالسفر والله ان تسبوقننا

وبعدين ترى مو كل من سافر دج ولا كل من سافر يبي يدرس

فيه من بيغير جو وفيه من بيغير الروتين الي عايشه وفيه من بيغير الخشش الودره الي يشوفها والركب السود

عـ العموم متى اخلص هالسنتين الي وش طولها واطلع برى

عافاك ربي ام متعب

والله يخليتس لـ ولدتس ويعين ولدتس عليتس <<<< امزح امزح

.

السلام عليكم
يعطيك العافية ام متعب

والله شوفي .. اللي يبي يسافر لتغيير جو وكسر الروتين يبي يلقى هالشي بأي مكان .. واللي يبي يسافربرضو علشان يسربت و يدور اشياء ممنوعة اكيد يبي يلقى هالشي .. المقصد هي ترجع للشخص نفسه وتفكيره وقبل كل شي خوفه من ربه .

اما التعميم وان كل واحد يقول ابسافر علشان يدج وكل الشباب اللي يقولون يبون يسافرون داشرين ويدورون صياعة فانا ما بحبوش

شكراً

تسسسسسسسسسسسسلمين والله ام متعب
على الموضوع أكثر من شيق

ام متعب التميمي ,,
يالله وش هالحركات وش هالألوان والأبداع

والله موضوعك ياهو فله جبتي شي بالصميم

ايه لييييش السفر وش راح يصير لو تاخذ اهللك شوفي عاادي خليهم يسافرون بس بشرط يخلونا نسافر زيهم

اشكري ربك لو تشووفين اللي عندنا الاربعاء وخميس وجمعه مصر او البحرين
يلعبون بالفلوس الحمد الله والشكر تغير جو اذا كان الاجازه اسبووعين شهر مو ثلاث ايام

بس الحمد الله اخواني لازم كلنا سوء اله اذا كان عنده شغل او دراسه لا يروح مع اخوياهـ او لحاله

وعلى كلام الاخ احمد الباريسي >> والله انه صادق واذا رجعوا من السفرة فكروا بالدين والعمرة
كلامك عين العقل اخ احمد
بس السفر للخارج ترى مو الكل نفس بعض يروح للترفيه ومدري وش يعني فئه ايه وفئه لا يعني على حسب الشخص وخوفه من الله اذا الشخص عارف مصلحت نفسه راح يعرف انه الترفيه والوناسه بكل مكان واللعانه ومدري ايش بكل مكان مو بس بالخارج

يالله ان شآء الله رااح تسافرين انت واللي خلااص الاربعاء الجاي عطله يعني انبسطي فيها

الف شكر لك على الطرح

تحياتي