اهلاً وسهلاً فيك أحمد :smilie47: نورت المجلس ..

ضيف رائع .. وله ثقله .. ومن اروع المشرفين اللي تعاملت معهم والتقيت بهم ع الطبيعه :rose:

اكرر ترحيبي فيك .. واستهل اسئلتي لك ..

1/ ماهو مدى رضى أحمد عن نفسه !!

2/ يمر الانسان ببعض الضروف التي قد تقف امامه كعقبه في طريقه ! في مثل هذه المواقف كيف يكون احمد اقوى من الظروف ؟ بمعنى ماهي الدوافع التي تجعلك تتحدى المصاعب !!

3/ بلا شك ان مرحلة الدراسه الجامعيه من افضل المراحل ! تذكر لنا موقف مضحك وآخر صعب !

4/ شخصيه معروفه تتقبلها نفسك وتجد انك تستمع له وتتطبق مايقول ! سواء شيخ او دكتور او حتى لاعب .. !

5/ الزواج استقرار .. ألم تفكر بعد بالدخول لقفص الزوجيه !

6/ منتدى العالميه منتدى الاختلاف .. به عشاق كل الفرق .. كيف تستطيعون السيطره على المهاترات بين الاعضاء في ظل ارتفاع عدد الزوار والرواد !!؟

7/ مرحله طويله قضيتها بالاشراف , باختصار ماذا تعلمت !؟

8/ صفه سلبيه تتمنى ان يبتعد عنها الكلاسيكي ؟ وان ماحبيت تذكرها علناً الخاص موجود :naughty:


في الختام .. اعتذر عن الاسهاب بالاسئله .. واكرر ترحيبي بك ..
وحياك الله .. دمت بخير

.

هلا بـ فراشة المجلس :rose:
الله يخليك ويبارك فيك .. شهادة اعتز فيها واتمنى اكون استحق هالكلام الطيّب .. وبالنسبة للعمل كلنا يا هنوف في خدمة الشبكة واعضائها و زوارها .. وما سويت الا الواجب علي .. بالنسبة للبدايات باللهي من اللي بدا كويس هنا :s2: .. اسكتي بس لا ينكب العشا :s2::s2: .. شكراً لك مرة ثانية .. والكلام الطيب اللي قلتيه بحقي تراه بعض مما عندك :rose: .. نروح للأسئلة :

المواهب والهوايات كثيرة بس مدفونة او لم تجد الاهتمام :cry::d
بصراحة مافي شي معين محدد شخصيتي .. احب اجرب و أحاول طبعا بحدود اكيد .. ولازم الواحد يعيش الحياة ويجرب اشياء جديدة ممكن يستفيد منها وهو ما يدري عنها اصلاً .. بشكل عام اغلب مواهبي رياضيّة .. فيه موهبة ثانية اكتشفتها متأخر بعد ما توظفت وهي الصياغة .. يعني اللي يبي خطاب والا شي يعلمني بس s121s .. عندي موهبة ادبية بس للاسف مقصر لاني احب اعطيها وقت كافي علشان ابرزها بشكل جيد واستفيد منها استفادة مثلى بس انتظر وقت مناسب وان شاء الله يكون قريب :smilie47: .. نفس الشي بالنسبة للتصوير :smilie47: بادي اطقطق فيها و شويات ونصير راعين كاميرات :s2:
الهوايات كثيرة ابرزها القراءة والاطلاع - الرياضة - السفر

ابيات كثيرة قريتها وحسيتها تعنيني :s5s: .. باحط كم بيت :

انا أكثر انسان تعلم من كثر ما أخطأ وصاب .. أنا آخـر لسان يتكلم في زمان الثرثرة
للشاعر حامد زيـد

لا تشتكي للناس جرحاً أنتَ صاحبهُ .. لا يؤلم الجرح إلا من به ألـمُ
* ما اعرف القائل اللي عنده خبر يفيدنا :rose:

فلتأتني الدنيا على ما تشتهي .. أنا لستُ ممن يستبيهِ المنظرُ
للـ الدكتور عبدالرحمن العشماوي

لاني بـ ندمان على كــل ما فات .. أخـذت من حلو الزمان و رديّـة
هذي حياتي عشتها كيف ما جات .. أخـذ من أيامي و أردّ العطيّة
للامير خالد الفيصل

وين السؤال s121s
المواقف كثيرة والحمدلله ما فيه شي غيرني للأسوأ .. كلها تجارب ان شاء الله انها فادتني وعلمتني اشياء كثيرة منها الصبر وعدم الملل والواحد لازم يكون طويل بال وما يستعجل النتائج وان اي تعثر هو مجرد مطبات بسيطة بالعمل و التصميم و الارادة نقدر نتجاوزها .. دايم العثرات اعتبرها دافع للتغيير نحو الافضل .. هذا المبدأ اللي معوّد نفسي عليه وان شاء الله ما راح يتغيّر لانه مريحني كثير :yes:

ممكن اتفق معك ان الموضوع مجرد تسلية بس هالشي ولله الحمد ماهو كل حياتي .. اوكي يومي لابد يحتوي مباراة والا ثنتين :d بس هالشي ما يعني اني مهمل الاشياء الثانية .. زي ما قلت انا انسان مطلع بطبعي علشان كذا تشوفوني دايم عندكم بالمجلس :wub: .. على فكرة احس لو كنت مشرف بالمجلس مثلاً الفايدة اللي اكسبها مو مثل لما اكون مشرف على قسم آخر او عضو عادي بحكم ان المشاغل تبي تكثر وتمنعني اكون مطلع زي الاعضاء الاخرين .. والشي الابرز بعد شخصياً يهمني اشوف الاعضاء اللي يزورون القسم المسئول عنه مبسوطين و راضين عن الخدمة المقدمة لهم و الجو المريح اللي يلقونه :smilie47: يعني على قولتهم ركبت المركب لازم اوّصله للآخر :yes: .. مرتاح بالعالمية وهناك احس اني اقدر اعطي اكثر من الاشراف على مكان ثاني وهذي زبدة الجواب :d

الوالدين الله يحفظهم ويطوّل باعمارهم .. جميع مدرسيني في المرحلة الثانوية كان لهم اثر كبير صراحة في تكوين شخصيتي .. صديقي احمد (مغرور) :s3s::s2:
وفيه اشخاص كثير مروا بحياتي وكان لهم اثر كبير ومواقف كثيرة في حياتي العامة ومستحيل انساهم :smilie47:

مافي بلد معين والله يا هنوف .. بس اقامة دائمة ؟!
ما راح نلقى أحسن من هالبلد بكل مافيه :smilie47:
ما يمنع اقول اني حبيت هدوء تونس كثير مع ان البلد عايش على طابع اوروبي بحت .


مافيه كنية معينة .. ابو نايف .. ابو حميد .. حمادة .. بس اكثر اسم ناداني فيه احد وعجبني حتحوت :wub::s2: و كلن على مزاجه .. احب الاسماء بالنسبة للمذكرة مافيه شي معيّن بجد .. نواف يمكن .. المؤنثة يعجبني اسم لمار كثير .


انا اسعد هنوف .. شكراً لك على هالاسئلة خذت مني وقت شوي بس مو مشكلة نردها لك :s2:s121s .. :rose:


:rose:

.

هلا ام متعب حياك الله :rose:
ايه جاي احتك بالاعضاء الكويسين اللي هنا يا قافطتني :s2::s3s: .. خوش استقبال ماشاء الله عليك ذربه الله لا يسلطك على مسلم :s2: .. و تلومين الشباب يوم يسافرون و يتزوجون من برى :naughty:

النكت لا تكررت سمجت .. مافيه بصراحة :s5s:

كثير ومابي اذكر والله وانسى احد .. ميزة المجلس بتنوع المواضيع اللي فيه .. يعني ماشاء الله جامع كل شي .. حاولت اذكر احد معين طلع ببالي اعضاء كثار .. يعني انا من النوع اللي يقرا كثير واذا حسيت عندي إضافة أرد .. بس .

مدري بس اتوقع واحد من مشرفينكم s121s بلكن ماجد بلكن عادل بلكن سهل بلكن المنقطع القاضي الله يرجعه بالسلامة .. بلكن لا تنكبينا :s2:

محد قالك انك احباط :d ؟
يستاهل طارق .. بس زي ما قلت في ردي عليه ان شاء الله يخلص المهمة اللي راح علشانها ويرجع محقق هدفه اللي راح وتغرّب علشانه ويشوفها ويشبع منها بعد :yes: .. عموما انتي كريمة وهو يستاهل ما يحتاج قطه ارسليله حق التذكرة كامل :naughty:s121s

محد .. انا حاولت اسجل بيوزر هلالي الجوف بس كان موجود فجا ببالي هالاسم وسجلت فيه .
شكراً ام متعب حياك :rose:

****

هلا اخوي عبدالعزيز .. من الاقلام المميزة في الفترة الاخيرة اتمنالك التوفيق :rose:

راجع جوابي على ماجد مقبل .. وترى الوضع ايزي الكورة يبيلها طولة بال :s5s:

لا ما اتوقع يكون قوي .. البطولة بين اسبانيا - الارجنتين - انجلترا - البرازيل .. اتوقع اسبانيا تكسبه .

في النادي غالباً واحياناً في الاستراحة

والله ما اجامل وتراني اعتبر نفسي واحداً منكم وفيكم :smilie47: .. المجلس رائع وغني باعضائه ومشرفينه والمواد المقدمه فيه والجو الاخوي الرائع اللي يميز اعضائه الله يديم المحبة ان شاء الله .. مستحيل تدخل وتطلع بدون ما تستفيد وهذا المهم :yes:

يعجبني كثير الكاتب في صحيفة الشرق الاوسط انيس منصور :smilie47:

مرّة وحلتيته s121s:s2:
شكراً عبدالعزيز .. سعيد بتواجدك :smilie47:

ضيف مميز ومبدع وغني عن التعريف ليس لدي سؤال لكني أحببت أن اسجل تواجدي كمتابع للموضوع الذي يحمل اسم مشرف غالي علينا

.


هلا باهل حايل :smilie47:
الله يحيك ويبقيك .. يا رجال كيّف المزاج بفنجال قهوة يا بعد حيي وتجي الاسئلة :smilie47::d


الصباح علشان تصحصح :smilie47::d .. عموما انا ممنوع من القهوة و الشاي .. بس لابد من فنجالين ثلاثه الصباح علشان الواحد يركز بالعمل :razz:


اخذلي دش & افطر & البس & اداوم :d:razz:


والله ياخوك حنا اللي داقينكم خل عنك بس .. مغير سرداحي مرداحي .. وين رايح لفلان لحايل .. وين رايح يا علنتان للقصيم عن طريق حايل :d .. والله يجزي اللي سوو هالخط كل خير وربي فك ازمة .. الرياض الحين صارت قريبة واغلب العالم تفضل المشي خط منها الواحد يتمشى ومنها يسيّر على الطعوس هناك وياخذله فنجال بالهواء الطلق :razz::s2:


هذي تعليمات من فوق وانا اخوك ما بيدنا شي .. عموما لا تخاف انا واحد كريم بهالامور هههههههههههههه ياربي لا تعاقبنا .. لا الجد فيه كثير ناس ياخذون فوق حاجتهم وانا اخوك ويمكن فيه غيره يحتاج .. عموما يا علك ما تعتزاهن قل آمين انت وكل من يقرا :smilie47:


بالنسبة لي اخر شي اسويه اكل حبوب والله .. لان الصداع اللي يجيني غالباً هبوط ظغط وهنا اكل موالح :razz: .. او قل نوم فأنام .. أو جوع فأكل .. ان ما نفع لابد من حبتين بنادول اكسترا :d


رديت على هالسؤال .. وما ينقصه الا رجعة اعضاء كان لهم بصمة في المجلس ومستحيل تنساهم .. ولو ان الباقين فيهم الخير والبركة مافيه اي شك بهالشي :smilie47: .. بس كل ما كثروا المتميزين واللي لهم ثقل كل ما كان الجو افضل :yes:


تخسى الشحمة :d .. ابد انا تحت امركم يا حقين المجلس فصفصوني :smilie47::d
حياك الله يا بعدي .. سعيد باسئلتك :smilie47:



هلا ابو زماني .. تسلم النور نورك يا بعدي :wub:


بيليغريني يحتاج وقت .. الرجال جا للفريق في وقت الكل يطالب ببطولات و إعادة هيبة الملكي .. وبالصفقات اللي سواها بيريز الظغط صار دبل .. مشكلة الريال احس الجو العام مزعج ما يشجع على العمل .. صحافة قوية تهز اي رئيس وتأثر على قرارات النادي .. شخصياً مع بقائه بس بشرط يتوفر له جو هادئ علشان يعمل كويس .. فياريال فريق متواضع تركوه يعمل والنتائج كانت واضحة .. منافسة على الدوري .. تأهل لدوري الابطال .. وصول للدور النصف نهائي وخروج مشرف وبركلة جزاء ضائعة .. نتائج تدل ان المدرب متمكن :yes:


ياخي هالولد ظاهرة .. بس يبقى لـ تشافي دور كبير في تألقه .. لكن اللي اتوقعه ممكن لو غابوا عنه مباراة مباراتين ما يبان هالتأثير .. لكن لو ينفقد زافي شهرين ثلاثه يمكن ينخفض مستواه .. بس صدقني هالعينات صدقني تبي تستمر تشخمط :d .. ولد زي هذا لازم الكل يستمتع فيه الكل بدون استثناء وباختلاف الميول لان نوعية هاللاعبين ما تتكرر الا مرة كل 50 سنة :s5s::smilie47:


بكل امانة الاخوان المشرفين و الاستشاريين هناك ماهم مقصرين ويعملون بكل جهد للحد من هالظاهرة اللي صعب تسيطر عليها لكثرة العدد .. و دام فيه عمل مع الوقت بإذن الله راح تختفي الظواهر السلبيّة .. كلمة اقولها بعد ما شفت حجم الجهود المبذولة لارضاء المشجع الهلالي .. ارقدوا و آمنوا ترى المشرفين المتواجدين من النخبة :smilie47: .. ومتابعة مباشرة من إدارة الموقع :smilie47: والاستاذ طالب الموج :smilie47:


الحمدلله ان الاصداء طيّبة وهذا اللي يهمنا في المقام الأول .. اتوقع ما فيه نجاح بدون عمل وتضحيات .. والحمدلله فيه ثلان لجان يقومون بمهام خرافية لتوفير جو مناسب للاعضاء و الزوار .. وبكل تأكيد تفهم الاعضاء وتعاونهم معنا هو احد اسرار النجاح .. صحيح تجي بعض الاوقات مشاكل لكن نحلها في وقتها .. وهي فرصة اشكر من خلالها زملائي المشرفين و اخواني الاستشاريين و اعضاء ورشة العمل الاعلامية العالميّة وكذلك لجنة الفيديو و الصوتيات بقيادة مهند .. العمل مع شباب شرواهم فخر بصراحة .. يريحون كثير :smilie47: .. واهم شي رضاكم وتعاونكم اولاً واخيرا :yes:


<!-- / message --> <!-- sig --> <center>
</center>


الله يحييك اختي كغيم :rose:
مع انه مو مكانه مثل هالاسئلة وكان ودي تكتبين ملاحظة او تراسلين احد المشرفين وان شاء الله يفيدونك لكن بجاوبك إبراءاً للذمة .. انتي كاتبه رد استفزازي برابطة الريال وانتي تشجعين برشلونة كما يظهر لي فطبيعي تاخذين انذار :s5s: .. من اهم القوانين عندنا الاستفزاز ممنوع .. واتمنى تراجعينها وتشرفينا بأي وقت :rose:

.

إقتباس:

الرسالة الأصلية كتبت بواسطة رائدة الزعيم (مشاركة 14734606) كل الشكر للقائمين على إستضافة شخصية رائعة كالأخ أحمد إنسان راقي ومحاور ممتاز ومشرف متفهم للحق الأستاذ أحمد يجعلك تحترم قلمة ورقي فكرة سعيدين بالإستفادة من حروفة

اهلاً رائدة الحرف :rose:
الله يخليك .. إشادة أتمنى اني استحقها .. و أولاً و أخيراً هذا واجبنا تجاه الاعضاء :yes:
انا اسعد بكل تأكيد :rose:

إقتباس:

بالتأكيد أخذ منك الإشراف الكثير وأعطاك الكثير ودنا نعرف بعض ما أعطاك وبعض ما أخذ منك؟؟

سبق وجاوبت على هالسؤال بس ناي هنا والا بالفورم :d .. الاشراف اخذ مني وقت وجهد .. اعطاني اشياء كثيرة يمكن اهمها طولة البال :s2: والقدرة على التصرف مع بعض الامور في المواقف الحرجة :s5s: .. يعني تقدرين تقولين خبرة :)

إقتباس:

بما أنك زميل الوالد بالمهنه مارأيك بتعامل الناس مع الصيادلة أقصد أن الأكثرية يصرف الأدوية بدون وصفة طبيه ويتعامل مع الصيدلي مثل مايتعامل مع بائع السوبر ماركت؟

شوفي اكون معك صريح يجي ذب كثير على الصيادلة .. زي المتخلف ابو غامد :smilie47::d .. لكن شخصياً لا ألتفت لمثل هالخرافات :s3s::d لأني داخلياً مقتنع ان عملي انساني بحت وأكبر من هالامور وأصلاً المفروض هالشي ما يغيّر شي من قناعاتي دام اني دخلته عن قناعة تامة .. وبالنهاية انا اعمل لخدمة المجتمع من خلال هالمجال الواسع و نظرة الناس ما تهمني كثير .. وتراني من النوع المنطش حيل ومريّح راسي فعلاً :d
اما الصرف بدون وصفة (اذا كان هذا مقصدك) فـ حسب اللي تعلمته خلال فترة الامتياز فيه بعض الادوية البسيطة تقدر تصرف بدون وصفة ولكن بعدد محدد .

إقتباس:

الباندول من أخطر الأدوية والجرعة الزائدة منها تؤدي للوفاة لم تباع بدون وصفة طبية ؟؟

يمكن لان الناس تعودت على البنادول .. وبجانب اخر الناس صارت ثقافتها عالية بالادوية وهالشي جيّد .. عموماً عادةً الصيدلي ما يصرف الا بوصفه طبيّة وأكثر علاج كنا نصرفه البنادول او الباراسيتامول والمسكنات عموماً + حبوب السكّر والظغط :( .. واللي يصرف بدون وصفة المفروض يحدد الجرعة ويبّلغ المريض بملاحظات الاستخدام :yes:

إقتباس:

بما أنك صيدلي وتتعامل مع الأدوية الكيميائية ما رأيك بالتداوي بالطب البديل؟؟

افضله كثير .. وشخصياً أطبقه .. ولا ألجأ للأدوية و العقاقير الا لما استنفذ طرق العلاج بالطب البديل الممكنه واللي اشوفها ممكن تفيد .. زي ما جاوبت على احد الاسئلة .. اهم شي يكون مضمون لان فيه طب شعبي مثل يشفيك من مرض ويصيبك بأمراض :s5s: بعد مشيئة الله طبعاً .


ماهي مسألة حظ ابد .. الريال يحتاج استقرار و اجواء محيطة مناسبة للشخص علشان يعمل .. الجو المحيط بالنادي مأثر على الفريق و نتائجه .. الصحافة بمدريد وباسبانيا عموماً معطينها وجه اكثر من اللازم وفيه جرايد تحسينها مالكة النادي من قو المونه :s2: .. وقبل كل شي واهم شي يختارون الصفقات بعناية .. ماهو كل لاعب نجح بفريق معيّن ممكن ينجح في الريال .. بنزيما و كاكا مثلاً .. و اهم شي ينتبهون للدفاع .. اجل البيول و غاراي :d .. ما اشوفهم لاعبين بحجم الريال !

إقتباس:

جاوب بصراحة هل لازلت تشجع المنتخب

الشكوى لله لازم نشجعهم :d .. يبقى منتخبنا ومحسوب علينا و وطنيتنا تحتم علينا تشجيعه :smilie47: .. تشجيعي للمنتخب ما تغيّر ابد ولا راح يتغير ان شاء الله :wub:

إقتباس:

آخر كتاب قرأته ؟؟

http://www.alkutubiyeen.net/image.ph...t&image_id=893
نهاية العالم للشيخ الدكتور محمد العريفي :smilie47:
كتاب قيّم بصراحة وفيه الكثير من العبر و الفوائد و التوضيحات .. الله يجزاه خير :rose:

إقتباس:

أخيراً رائدة الزعيم إيجابيات وسلبيات؟؟

والله وانا اخوك هالسؤال ما أحبه مدري ليه :d .. بس الايجابيات اللي اشوفها كثيرة منها رقي قلمك واسلوبك الحواري الممتاز و الفوائد الجمّة التي يجدها أي قارئ لمواضيعك و ردودك من العضوات اللي يجمعون رقي الفكر و روح الدعابة وهالشي اشوفه صعب يجتمع .. السلبيات يمكن قلّة دخولك و تواجدك في المجلس في الفترة الأخيرة ولا أعلم الاسباب وأتمنى ان يكون المانع خيراً .

شكراً لك رائدة .. سعيد بتواجدك
وأشكرك على كلامك اللي يدل على معدنك الطيّب

:rose:

.

هلا بك اخوي القناص :rose:
بالنسبة للسؤال الاول .. حنا اللي المفروض نسألكم وش رايكم بشبكة الزعيم :d .. نحن :razz: على قولتهم راعين محل وهمنا نخدم الاعضاء و الزوّار وندوّر راحتهم .. لأن أصلاً رايي راح يكون مبني على عاطفة :wub::smilie47:

والنعم فيك وانا اخوك :rose:

بالعمل والجد والاجتهاد :d .. ابداً بمجهودك وشغلك وقبل كل شي اخلاقك توصل للاشراف :wub:
حياك الله اخوي القناص :rose:

هلا نيرو :smilie47:
افضل فلم شفته يمكن شوتر shooter بطولة مارك والبيرغ :smilie47:
جون تيري ولامبارد كويسين بس لو يلعبون مع المنتخب كويس يطلعون اكوس :s3s::d .. ما عليهم خلاف .. وهم من افضل لاعبين العالم في مراكزهم بدون تعصب .. بس تيري لو يترك الدشرة عنه وحركات تشبيك حريم اخوياه يصير بطل :s3s:ههههههههههههههههه :s2:
التنس ؟! لعبة ممتعة ومتابعتي لها حسب الفضوة واحرص على بطولات الغراند سلام والماسترز .. كلهم زي بعض عندي .. بس يمكن اتعاطف اكثر مع نادال مدري ليه عاد احسه ينرحم :s5s::d .. بس خل عنك الملك لا يُعلى عليه :smilie47: .. لاعب ثقيل وله هيبة !

حياك الله نورت نيرو :smilie47:

-


يوه حنا بالعالميه او المجلس :s4s: احس اني ضعت من ميسي وريال مدريدs121s


هلا بك اخوي هلالي موت (اجل حتحوت:d وش تقرب لك حتحت )

اشكرك على اجابتك التفصيليه واحسن اني تعبتك :ap:

حبيت اوضح سؤالي الي حسيتك مافهمته زين يمكن صياغتي سيئه
الي اقصد غالبا يكون فيه محطه بحياتنا وقفنا عندها او نقطه تحول بحياتنا
يعني مواقف سوا حزينه او سعيده ساهمت بتغيرنا مثلا قادتنا لعمل امور ماكنا نعملها قبل او تركنا امور كنا نعملها قبل
او بشكل عام غيرت شي فينا حركت شي بداخلنا اثرت فينا

اتمنى تكون الفكره وصلت لك :yes:

تسجيل دخول لـ عيون هلالي موت

بعد الترحيب .. نطرح عليك هالسؤالين الخفيفين

من صنع نجومية البرسا .. بيب أو نجوم البرسا .. يعني لو كان بيب يدرب فريق آخر ممكن يكرر نفس الانجازات

هل تعتقد ان رونالدينهو له مكان في كأس العالم

الف شكر للقائمين على الاستضافة

.

صباح الخير على الجميع :rose::smilie47:



هلا مرسال .. هلا بـ نصير الشعب و المظلومين :smilie47::d
سجلني معجب :wub: .. مع اني اختلف معك في بعض الامور .. بس ما يمنع اني اقول انك من الاعضاء المحببين لي خصوصاً في الجانب السياسي .. او على قولة واحد الله يستر عليه .. مجال خط النار :razz::d


والله يا غالي شف باقولك شي .. الانسان يجيه اوقات فراغ في حياته .. يشغله بالكورة متابعة او ممارسة ما تفرق احسن من انه يشغله بشي ثاني يمكن يكون فيه ضرر عليه .. يتابع كورة احسن من انه يتابع افلام او اغاني مثلاً يعني .. يجلس بالبيت يشوف مباراة احسن من انه يطلع يهجول وحبتين وتربتييييييييت :s2:


حسب الشخص نفسه .. ممكن تكون ظروف او عدم قدرة على العمل اما بسبب ارتباطاته او بسبب عدم قدرته على القيام بأدواره الاشرافية على أكمل وجه .. وممكن يكون الجو ما يساعده .. يعني ما ارتاح .. وكل واحد و تفكيره و ظروفه و راحته .. :)


اذا كان قصدك بالمتزوجين وماهم متزوجين حسب اللي فهمت .. فرايي ما راح يختلف عن راي اي واحد اتوقع .. الرجل بهالحاله ما راح يكون سعيد .. والمرآة بتعاني مع هالزوج والمحصلة مشاكل مالها اول ولا لها آخر .. الحل المناسب المصارحة وان لم تنفع كل واحد يشوف طريقه افضل للطرفين .. كـ رجل حرام تظلم البنت وتظلم نفسك معها بعد ! .. فيا إما إمساك بمعروف .. أو تسريح بإحسان افضل للطرفين :)


أكثر ناس مدلعين .. و أكثر ناس يشتكون :s2:
شرفت مرسال .. سعيد بتواجدك :smilie47:

إقتباس:

الرسالة الأصلية كتبت بواسطة BaRiO (مشاركة 14736710) احبك:d اعشقك حتى الثمآله :smilie47: انا مجنون فيك :wub: سؤآلي : في منتديات تشآرك فيها غير الزعيم .. وهل عندك صفحآت في النت لوق والفيس بوك ؟! بس ياخلفهم , :rose:

يالبيه بس :wub: .. فديت قليبك يبو حميد :smilie47:
وانا احبك بعد :smilie47: واحب خالك بعد :smilie47::d
مشارك بمنتدى ثاني بس بشكل متقطع .. اما النت لوق و الفيسبوك انا ما اعرف الاشياء اللي تتكلم عنها هذي :s2: .. لا والله لا عندي صفحات فيها ولا هم يحزنون .. ياخوك ما هضمتها كلش مدري ليه .. تجيني غلقه ياخي .. فيه واحد عندي بالدوام بس متكي بالفيسبوك لقبه راعي الفسفسة :s2::s2: .. ما أحبهن والله .
سلملي على تركي :wub: و سيّر دايم :smilie47:



هلا بك ابو صن :smilie47:
الله يسلمك ويبارك فيك انت وكل مدح وان شاء الله اني استحق هالكلام .. و عز الله انك صدقت .. انت من خيرة الاعضاء ويكفي دماثة خلقك اللي الكل يشهد فيها .. الله يبعدنا وياك عن المشاكل على طول ان شاء الله :wub:


سؤال ذكي بصراحة اهنيك عليه .. اللي اعرفه فيه دكتور صيدلي وهاللقب يطلق على الصيدلي الحامل لشهادة الدكتوارة في الصيدلة (الله يرزقنا :razz::d) .. يعني كمسمى ايه .. وفيه صيدلي استشاري .. هذي حسب معلوماتي المتواضعة .


شكلك حبيّب :wub::d .. شف وانا اخوك الارق مشكله بس تقدر تتجاوزها .. الادوية خلها اخر شي .. أكثر من الذكر .. جرب تقرا قبل تنام .. لا تشرب منبهات قبل النوم .. بالنسبة للعلاج اليانسون كانك تعرفه اشربه قبل تنام بنص ساعة يساعد على الاسترخاء و النوم الهادئ .. والا كوب لبن مع ملعقة عسل على كيف كيفك :d واذا ما تحب اللبن جبلك علبه حليب السعودية :d وحطها على النار دقيقتين مع ملعقة عسل اخلطها وبالهنا و العافية .. او عصير جزر مع تفاح .. بالنسبة للعقاقير مافيه شي ما يسبب إدمان بالذات في الادوية النفسية .. الاستخدام الطويل يخليك تدمن عليها .. واصلاً غالب الادوية اللي من هالنوع يسمونها مضادات هيستامين وهذي منومة اقرب من انها تكون علاجات للأرق .. اعمل اللي قلت لك وقلي وش يصير معك :smilie47:

حياك الله اخوي بلو .. شكراً لمرورك :smilie47:

:rose:

.

هلا بالبرتقالية :d .. حياك الله حتحت هانم :rose:
تسلمين من طيبك .. بالنسبة للهلال متفائل ان شاء الله بس انا فيه شي مستغرب منه .. اللي هو مستوى الفريق في بطولة اسيا وفي استاد الملك فهد بالتحديد .. الفريق احس فيه حموضة بمباريات هالبطولة بس ليه مدري ؟! .. لكن عموما ان شاء الله الفريق يمديه على البطولة عندنا كل الإمكانات ويبقى التوفيق من عند رب العالمين .. الله يكتبها لنا .. وحشتنا بطولتنا :smilie47:


سؤال صعب .. كيرس على قولتك :d لاعب كبير هذي ما فيها نقاش .. وكان نجم الفريق الأول .. مسأله انتقاله كانت متوقعة واصلا هو يبي الريال .. وشخصياً ما ودي يبقى لاعب في الفريق وهو يبي فريق ثاني .. تأثر الفريق بالبداية فقط .. لكن في المجمل ما كان له ذاك التأثير الكبير .. انا اشوف الفريق تأثر بإنتقال تيفيز أكثر منه بصراحة ! .. هو ما تأثر .. بس فقد السير اليكس وهذا شي انا متأكد منه :naughty:

المشكلة اصلاً بتفكير الناس :d بالمراكز الصحية و المستشفيات الحكومية فيه صيدليات فيها اغلب الادوية اللي موجودة بالسوق ومجاناً بس باسماء تجارية مختلفة .. مثال الباراسيتامول العالم تشتريه من البقالات بعد بسعر معين باسم بنادول .. بينما هو متوفر ببلاش بالمراكز الصحية باسم أدول .. بالصيدلة الاسماء العلمية هي الثابته والاسماء التجارية هي اللي تتغير .. فالصيدليات الخاصة مستغلة هالنقطة و الشعب كثير منه مجاوب :s5s: .. اللي ابوصله ان احتياجات المواطن من الادوية متوفرة مجاناً بس الناس تدوره برى !

الا فيه .. كثري فاكهة وخضار وتروح ان شاء الله :d

يوووه بدينا بالغيرة :naughty:s121s
الله يسلمك بعض ما عندك .. بالنسبة للنقطة هي صدق شاطحة بس ما عليه بجاوب :d .. انتي بمنتدى يجمع شرائح مختلفة من الاعضاء .. وفي مكان يعتبر عام .. والتفكير يختلف من شخص لثاني .. وبرضو حتى النوايا ماهي زي بعض .. والناس عموماً مالها الا الظاهر .. فهالشي طبيعي .. اهم شي الواحد يكون واثق من نفسه ودامه يشوف ان اللي يسويه صح ما عليه من الكلام و القيل و القال الحين ليه العالم شايله هم كلام الناس ما ادري .. اللي يبي يمشي ورى كلام الناس وماذا قالوا :razz: يبي يتعب .. بالنهاية انت يالعضو مسجل بيوزر علشان تاخذ راحتك وتبدي رايك باللي تبي بحدود معينة و وفق الشروط الموجودة في اي قسم و الباقي ما عليك منه .. بس السؤال المهم الحين .. منهم اللي يتحفظون :naughty:s121s على وزن منهم اللي يحلمون :razz::s2:

تسلمين حتحت .. موفقة ان شاء الله
والله يعطيك على قد نيتك ويحققلك اللي ببالك
من ذوقك .. آنستي و شرفتي وابد انا سعيد بأسئلتك :rose:


هلا عاصم يالله حيّه :smilie47:
انا بخير يا جعلك بخير .. الحمدلله كلش على ما تحب :wub:
بس فكنا من الفرق بين الزعم والادعاء والخرابيط هذي تكفى :d:smilie47:
لو اقدر اكتب لقب كتبت تحت يوزرك المحجراتي ههههههههههههههه :wub:

اشوى كنت باعصب :razz:

اما موقف سابق ... او عدم إلمام كامل بعمل المشرف وهذي الاقرب .. او ربما كذا عباطة :s2: .. فيه بعض اعضاء الله يصلحهم يحسبون المشرف لما يحرر رد مثلاً هذا مستقعد وما يبيني (انت يالعضو) .. طيّب انا وش بيني وبينك علشان تفكّر هالتفكير :s2: .. كل المسألة اني أطبق القوانين اللي قدامي ! .. مستحيل المشرف يحرر أو يحذف أو ينذر بدون سبب معين مستحييييييل :yes:

المحل محلك عصمصم :naughty::razz:
ابد بأي وقت انا حاضر للطيبين اللي مثلك :smilie47:

:rose: