يازين يوم تروح للدوام وأنت فايز
ياعيال عندي جهاز دريم بوكس مدريدي
العام إنقطع قبل هدف إنيستا في تشيلسي بدقيقة يوم رجعت الاشارة الا انيستا ينطلق فرحان والبارحة نفس الحكاية مع هدف ميسي إنقطع يوم رجع الا ميسي منطلق
بوتا مدريد

قالــها آبن الشوالي ..

مسي لا شيء بدون تشاااافي ..



XAVI

ملك في كرة القدم
لقاء الامس .. عطني اللمستين الـمسيزس باص اللي سواه تشافي في هدف ميسي
و هدف بيدرو .. وآيضا ً كرة آخرى آعطاها لـ ميسي لولا روعنة ميسي
لـ كان الهدف الثالث بـ صناعة المايسترو .. ملك الوسط تشافي هرنانديز

تشافي كمبيوتر متحرك
لاعب غير معقول
كم انت كبير يا ابن آنجلا ..

عموما ً .. آثبت برشلونة بآنه آفضل فريق في العالم حاليا ً ..
برشلونة في معقل البيرنابيو جعل ريال مدريد يلهف وراء الكرة بدون جدوى
بـ تكتيك و آداء لاعبيين برشلونة اللي فوق العالي ..
وفي نهاية وصل استحواذ على الكرة لـ مصلحة برشلونة بـ نسبة 60% مقابل 40 %
يالها من كتيبة عملاقــة وياله من XAVI

كرستيانو رونالدو لا شيء آمام المدافع العملاق بيـكي ..

آتضحت مشكلة الريال في لقاء الامس وهي في عمق الدفاع
والاهداف اكبر دليل ..

وفي الاخير احب اقول

آنت من ستجلب للآسبانيا كأس العالم
XAVI HERNADEZ

وسلام ..

الله عليكم

صراحة اجمل تقديم مر عليه في هذا المنتدى

يعطيكم العافيه شغل متعوووب عليه صراحة

كل التوفيق للبرسسسسسسا في الكلاسيكو بأذن الله ثلاثية كتلونية

السلام عليكم ورحمة الله وبركاته

مبروك لإخوانا البرشلونيين في الشبكة
وهاردلك لنا محبي الملكي

برشلونة يستحق الفوز بكل امانة


وش اقول بس؟

نلعب ضد البارسا على ملعبنا وبين جمهورنا وحنا متصدرين الدوري واكبر رصيد من الأهداف، وأفضل ثنائي هداف في الدوري، ومدرب حقق 11 فوز على التوالي

كلها كانت مجرد ارقام
ارقام فقط

البارسا يلعب بدون رأس حربة صريح

هنري وبويان وتوريه وانييستا احتياط
ومع ذلك نخسر وبجدارة

لحد يقول حكم
ولحد يقول حظ

لولعبنا 100 دقيقة بعد ماراح نجيب هدف، إلا بيجي فينا اهداف

جوارديولا امس اثبت بصراحة انه مدرب كبير وكبير جدا
البارسا مافاز بميسي ولا بإبداع اكزافي
البارسا فاز بإبداع بيب

لاحظوا تشكيلته بداية المباراة
تحسونه حافظ الريال صح وعارف هو وش يبي من المباراة

ميليتو وبيكي قلوب دفاع
بيويول يمين وماكسويل يسار
كيتا مع ماكسويل
الفيس مع بويول

كذا الأجنحة قفلها تماما على الريال، وصار صعب نلعب على الأطراف
بوسكيتش محور دفاعي مقفل تماما على فارت
اكزافي محور هجومي بحت ويضايق الونسو

ميسي يلعب في المسافات اللي بين قلوب دفاعنا البطيئين وبين محاورنا ويضغط على قلوب الدفاع وعلى جاجو
وبيدور يلعب خلف راموس دائما

بكذا بيب قفل على الريال تكتيكيا تماما

لا يسار ولا يمين ولا عمق ولا حتى اظهرتنا

ومدربنا صاحب الأرقام الكبيرة نايم في العسل

شوط اول يلعب فيه مارسيلو ورونالدو بس
ومعاهم راموس
الباقيين ضايعين

رونالدو ارهق تماما في الشوط الأول
كل ماستلم كورة معاه ثلاثة بيكي وبويول والفيس
يرجع النص يكون معه كيتا وبوسيكتش وبيدرو بعد

وكأن خطتنا في الشوط الأول عط الكورة لكريس وهو يتصرف، والمفروض منه يركض لحاله اكثر من عشرين متر كل شوي ويتخطى اكثر من لاعب ويجيب هدف لحاله، وكل مايدور على هيقوين يلقاه مسنتر جمب ميليتو يسولف معاه، وإذا جاء يعرض كورة له عند الباب، يلقى ابو الشباب رايح يمييييييييييين وينتظر الكورة تجيه هناك
ارهاق كريس في الشوط الأول اثر عليه كثير في الشوط الثاني


طبعا مع العك الكروي الكبير من الريال في هذا الشوط
كنا متوقعين هدف من البارسا في أي لحظة
وللأسف جابوا هدف وبأقل مجهود يلعبون فيه
ون تو بين ميسي واكزافي يفكون فيه الدفاع كله وقدام 6 لاعبين من مدريد
شفتم سخرية دفاع اكثر من كذا

بدأ الشوط الثاني وقلنا هذا وقت الريال
والفريق معودنا مؤخرا يلعب شوط واحد بس في المباراة
ولكن شوط يكمل فيه الفريق عكه الكروي

بيب (المبدع تكتيكيا امس) غير مراكز اللاعبين في الشوط الثاني
نفس الأسماء بس تغيرت الخانات
عرف إن بيلجريني مسألة وقت وبيدخل قوتي وبيدأ يلعب في عمق البارسا
رجع الفيس ظهير ايمن
ونقل بويل طهير ايسر
قدم ماكسويل جناح، وخلى كيتا بجانب بوسكيتش عشان يأمنون العمق الدفاعي
ونقل بيدرو عند اربيولا ومارسيلو عشان يزعجهم تماما

وبعد مادخل الهدف الثاني قام بإخراج ماكسويل ودخل بداله انييستا عشان يقتل اللعب تماما

البارسا جته 4 فرص خطيرة فقط على المرمى
كلها من اكزافي ثلاث لميسي ووحدة لبيدرو جاء منها هدفين وكاسياس صد 2
ومع ذلك يظل كاسياس دون مستواه اللي نعرفه

نجي الحين للمهم
مدربنا


اللي اشوفه السبب الأول والثاني والثالث والعاشر لهزيمة امس
موب عشان فزنا نطبل له وإذا انهزمنا نطب فيه
لكن حنا عندنا عيون نشوف بيها
ونقدر ولو بشكل بسيط نعرف الصح والخطأ في التكتيك اللي يقوم بيه المدرب

حنا متفقين على التشكيلة اللي دخلت فيها كأسماء
لكن كتوزيع مهام خاطئة
على أي اساس يلعب جاجو امام الدفاع كمحور متأخر، وهو معروف بإندفاعاته ومايعرف يركد
على أي اساس الونسو ماسك اليمين مع راموس
من متى الونسو يلعب يمين؟؟؟
ليه مالعبت بنفس طريقة المباراة الأولى
الونسو مع اكزافي يعرفله صح ويقدر يضبطه
اكزافي مايبيله لاعب مطفوق زي جاجو أو لاس
يبيله واحد بارد زي الونسو أو ديارا الكبير
وجاجو خله مع راموس يسانده ضد بثارة بيدرو وكيتا

إذا كنت ناوي تلعب بالطريقة هذه على الأقل خلي ديارا بديل جاجو في هذا المركز
تنبلع شوي
وإذا خايف من ميسي
ميسي معاه 2 قلوب دفاع وبيساندهم أي واحد من الوسط
كل ها خوف منه؟؟؟

تجي الشوط الثاني وتصلح غلطتك وترجع الونسو في الوسط وتخلي جاجو يمين
طيب حلو دخل قوتي بحكم إن نصك منتهي وعمق البارسا هو الشيء الوحيد في الشوط الأول اللي ممكن تهاجم منه
يدخل قوتي بديل مارسيلو على أي اساس؟؟؟
ابي افهم ذي النقطة؟؟؟
مارسيلو افضل لاعب لك في الشوط الأول ومسوي قلق للبارسا في الجهة اليمين
تطلعه
احس بيب يقولك ياخي انت رهيب ريحتني من القلق
بكذا شليت الجهة اليسار تماما وخليت كريس المرهق لحاله من جد يركض ومعاه ثلاث لاعبين
لأن اربيولا معروف من زمان ماله علاقة بالهجوم إذا كان ظهير ايسر
وانت مهزوم ب 2 صفر على ارضك
وهذه مباراة تحديد بطل الدوري
ليه الخوف؟؟؟؟
ليه الاحتفاظ باربيولا على حساب مارسيلو
ليه ماقمت بتغييرك اللي سويته في مباراة اشبيلية
رجع مارسيلو ظهير يسويلك جبهة لحاله في اليسار
ويفك الضغط عن كريس شوي

جاء بعدين وكملها صح
يدخل راؤول ويطلع فارت؟
ابي افهم انت من جدك مترجي خير من راؤول
يعني بيعدل النتيجة
طيب اشرحلي كيف؟
هل يسدد من بعيد زي فارت مثلا
بيقدر يمرر زي فارت، أو يركض زي فارت
فارت وهو سيء جدا امس
أفضل من راؤول، لأن راؤول نقص وبالذات قدام الفرق اللي تلعب برتم سريع
تبديلين ريحت فيهم كثير البارسا

جت عاد المصيبة اللي ماتتفسر
مهزوم 2 صفر
وعندك مهاجم بره
تدخله آخر عشر دقائق
تبيه يقلب النتيجة مثلا، ليه سوبر مان
وفوق كل هذا تطلع هيقوين وتدخل البنز
كيف تجي ذي
حتى لو افترضنا إن هدافنا الكبير غائب عن المباراة
ماتطلعه لأنه مهاجم وبتحتاجه على الأقل يشغل دفاع البارسا
حطه يمين وخله يرفع لراؤول والبنز وكريس
طلع جاجو ماله فائدة الحين وانت خسران وعلى ارضك
والا خايف من التاريخية
تبي تطلع تقول انا انهزمت 2 بس موب ستة؟؟؟؟؟

وش بتفرق انهزمت 2 أو 3 أو حتى 4
في جميع الحالات ماراح تخسر اكثر من اللي خسرته
بالعكس ممكن تقلب النتيجة وتصير بطل المباراة كلها

بيلجريني
بصراحة
انت مدرب جبااااااااااااااااااااان جدا في مباراة الأمس
وخفت اكثر من اللازم من البارسا
مادري نسيت انك تدرب الريال؟
والا نسيت انك على ارضك؟
على الأقل العب بجرأة المباراة الأولى

حتى نفسيا الفريق ماكان جاهز
والومك انت
لأنك نفسيا انت ماكنت جاهز


مبروك مرة ثانية للبارسا ولعشاقه
هذا زمنهم بصراحة

قفلة
راؤول وقوتي آخر كلاسيكو
اكزافي لاعب من كوكب آخر
كل تمريراته انت وضميرك


للجميع

ابو يوسف

.

.

هآردلك عشاق الميرنغي

وألف مبرووك لعشاق البلوغرانا

بالرغم من كرهي لـ برشلونه لكن أجزم بأنه أفضل فريق يلعب كوره في المواسم الخمس الأخيره

ميسي / هذا اللاعب أكرهه أكرهه أكرهه .. بس يا عالم ياهو فنآآآآآآآن ياهو سآآآآحر ياهو ممتع

بيدرو / سبحان الله .. مملوح + بريء .. ياحبي لك والله

وبالتوفيق للريدز اليوم << خاش غلط

فمآن الله

إقتباس الرسالة الأصلية كتبت بواسطة محمد بن فـ@ـد قالــها آبن الشوالي .. مسي لا شيء بدون تشاااافي .. XAVI ملك في كرة القدم لقاء الامس .. عطني اللمستين الـمسيزس باص اللي سواه تشافي في هدف ميسي و هدف بيدرو .. وآيضا ً كرة آخرى آعطاها لـ ميسي لولا روعنة ميسي لـ كان الهدف الثالث بـ صناعة المايسترو .. ملك الوسط تشافي هرنانديز تشافي كمبيوتر متحرك لاعب غير معقول كم انت كبير يا ابن آنجلا .. عموما ً .. آثبت برشلونة بآنه آفضل فريق في العالم حاليا ً .. برشلونة في معقل البيرنابيو جعل ريال مدريد يلهف وراء الكرة بدون جدوى بـ تكتيك و آداء لاعبيين برشلونة اللي فوق العالي .. وفي نهاية وصل استحواذ على الكرة لـ مصلحة برشلونة بـ نسبة 60% مقابل 40 % يالها من كتيبة عملاقــة وياله من XAVI كرستيانو رونالدو لا شيء آمام المدافع العملاق بيـكي .. آتضحت مشكلة الريال في لقاء الامس وهي في عمق الدفاع والاهداف اكبر دليل .. وفي الاخير احب اقول آنت من ستجلب للآسبانيا كأس العالم XAVI HERNADEZ وسلام ..

طيب واللي سواهـ ميسي قدام فريقك الأرسنال كان معاهـ تشافي ؟؟

لمعلوماتك قدام الأرسنال الهدف الأول والرابع ميسي صنعها لنفسه والهدف الثاني بيدرو صنعه مع إن ميسي هو اللي بدأ الهجمة والهدف الثالث هو الهدف الوحيد اللي صنعه تشافي

بعد كل مباراة تحاولون تنقصون من البرشا وتقولون البرشا = اللاعب الفلاني

قبل 3 أيام كنتوا تقولون البرشا = ميسي
الحين تقولون ميسي لا شيء بدون تشافي

بكرة تقولون البرشا = فالديز

كل الحكاية مو البرشا = لاعب ولا لاعبين

الحكاية إن البرشا فريق ما تقدر تقفل عليه ما شاء الله

لأنك إذا قفلت على ميسي جاك تشافي قفلت على تشافي جاك انيستا قفلت على انيستا يجيك بيدرو قفلت على بيدرو يجيك اللي بعدهـ يعني إذا بتهزم البرشا جيب لك فريق من 33 لاعب عشان تتنافس معاهـ أو جيب لك برشا ثاني

إقتباس الرسالة الأصلية كتبت بواسطة BaRcaAaWey طيب واللي سواهـ ميسي قدام فريقك الأرسنال كان معاهـ تشافي ؟؟ لمعلوماتك قدام الأرسنال الهدف الأول والرابع ميسي صنعها لنفسه والهدف الثاني بيدرو صنعه مع إن ميسي هو اللي بدأ الهجمة والهدف الثالث هو الهدف الوحيد اللي صنعه تشافي بعد كل مباراة تحاولون تنقصون من البرشا وتقولون البرشا = اللاعب الفلاني قبل 3 أيام كنتوا تقولون البرشا = ميسي الحين تقولون ميسي لا شيء بدون تشافي بكرة تقولون البرشا = فالديز كل الحكاية مو البرشا = لاعب ولا لاعبين الحكاية إن البرشا فريق ما تقدر تقفل عليه ما شاء الله لأنك إذا قفلت على ميسي جاك تشافي قفلت على تشافي جاك انيستا قفلت على انيستا يجيك بيدرو قفلت على بيدرو يجيك اللي بعدهـ يعني إذا بتهزم البرشا جيب لك فريق من 33 لاعب عشان تتنافس معاهـ أو جيب لك برشا ثاني

انا ما آنكر بأن ميسي لاعب كبير
بل آنا اعتبره من افضل لاعبيين في العالم ..

لكــن للأسف دائماً يغفلون اللاعب اللي يمول الاهداف ويصنع الاهداف
اللي يتحكم في اللقاء .. اللي يتحكم بـ تكتيك الفريق .. اللي ينقل الكرة من الخلف الى الامام
اللي يغيير تكتيك اللعب في لمسة من اليمين الى اليسار .. اللي يعطي المهاجم كرة
يقوله انت وضميرك ..

لاعب يملك في لقاء 100 تمريرة صحيحة آي لاعب هذا ..
لاعب في كل مباراة نسبة التمرير الصحيحة تتجاوز 90% اي معدل هذا ..

آنا آجزم لو لم يكن تشافي مع برشلونة .. لما كان ميسي ظهر بـ كل هـ التآلق
حديثي وقولي بآن ميسي لا شيء بدون تشافي هو مجرد آقتباس لـ تعليق الرائع آبن الشوالي في لقاء الامس ..

عموما ً .. برشلونة كما قلت آفضل فريق في العالم حاليا ً ..
وهذا اكبر دليل بآني لا آحارب برشلونة
وبالعكس لو تعرفني صح بـ تعرف اني اعشق الكرة الاسبانية
سواء برشلونية آو المدريدية آو خيريز ..

وبـ خصوص القنرز الارسنال ..
هناك معطيات كثيرة حتمت على القنرز الخسارة امام افضل فريق في العالم وآلا وهي /
1/ آصابات بـ الجملة , وللآسف في كل مركز في الفريق اصابة
في الدفاع آقوى مدافع مصاب (جالاس) في الوسط المتأخر الافضل ( سونج)
في الوسط ( سيسك فابريغاس ) في الهجوم ( آرشافين , فان بيرسي ) وغيره من 7 لاعبيين آساسيين مصابيين في الارسنال ..

2/ الارسنال فريق شاب . لا يملك الخبرة . وهذا اللي كان واضح في الشوط الاول
من المباراة اللي اقامت في ملعب الاماارات من خوف من لاعبيين الارسنال .
وعموما ً الارسنال بـ غض النظر عن نتائجه الا آعشق هذا الفريق من آجل المتعة اللي يقدمها
ومهما تغيرت الاسماء تشاهد الفريق يلعب كرة ممتعة ..

عموما ً .. برشلونة فريق كبير وآنا آرشحه للحصول على الشامبينز ليج
وتآكد آني بعيد كل البعد عن التعصب الاعمى ..

بالتوفيق ..

عندما يغمز خلفهم
وروووووح ياصغير وتوك

الف مبروك للبرشلونيه .. وهارد لك للمدريديه
صراحة مباراة تكتيكيه .. ومدريد خوفنا باسلوبه أول المباراة

لكن لما رجعت الثقه لبوسكيتس وسيدو كيتا .. وبالتفاهم مع تشافي .. تم القضاء عليهم بنجاح

المباراة أكبر رد على من قال ان ميسي هو البرسا ..
أنا أقول طبيعي أفضل لاعب بالعالم يكون اضافة قوية لهجوم البرسا
لكن المستوى الجميل والاستحواذ على الكورة والانفراديات والنقلات وكل شي من تحت راس الداهيه تشافي

عموما حبيت ابارك للبرساويه واقول هارد لك للمدريديه
ومازال الدوري باقي فيه 21 نقطه

18 نقطة منها تكفي لتتويج البرسا باللقب

الله يعطيك ألف ألف عافية ياعيال أحلى رابطة بالعااااالم على هالقديم الرآآآئع^^والله انكم بيضتو وجيهنا كالعادة بالتقديمات الحلوهـ

السلام عليكم ورحمة الله وبركاته

الف الف الف مبروك لنا كـ برشلونيين
هاردلك اخوانا المدريديين اللي هنا





مدرب يدخل بتشكيلة ماتتوقعها ابداً يدرس المباراة بشكل عجيب وبنفس الخطه 4-3-3
بس مع تغيير في ادوار اللعيبه داخل ارضية الملعب والكل شاف الفرق في ادوار الاعبين داخل الملعب تفرق عن
المباريات الماضيه حتى الشوط الثاني يفرق عن الشوط الاول من ناحية الادوار بصراحة بيب قوارديولا اهو نجم المباراة ..!
ويجي من بعده الاعبين بشكل عام واللي يقول ان امس تشافي اهو وحده اللي قددم كورة مع احترامي له هذا مايعرف
شي في الكورة امس كل واحد وله دوره في الملعب تشافي كان مميز مع بويول و فالديز لاكن الباقين كانوا ممتازين
وفوق الممتازين بعد من بداية اللعب لعبنا بتشكيلة ذكية تقدر تهاجم وتقدر تدافع بشكل جميل جداً
لعبنا بـ ميليتو و بيكي سناتر و بويول ظهير ايمن و الفيش امامه يسانده دفاعياً و يقدر يضرب هجومياً واهو مرتاح
بحكم مركزه اللي لعب فيه امس في الشوط الاول نفس الكلام ينطبق على كيتا وماكسويل في الجهة اليسرى من الملعب
وبكذا ضمنا حجب خطرة الريال على الاطراف اللي هي احطر مراكز الريال ... تشافي و بوسكيتس كانوا مسكرين
على فارت والونسو وكانت لهم الادوار الهجوميه يعني في حال هجمتهم تلقى البارسا مغطي الاجنحه ومسكر الوسط
وبرضو ميسي كان له تأثيره في هجمتنا يسقط بين لاعبين ويلهيهم والوسط يتناقل الكورة على كيفة وبيدرو جالس
خلف راموس عشان يضمن عدم مساندته للهجمه المدريدية على الطرف وبرضو الخطة هذي فادتنا هجومياً
لان كل العناصر المتواجدين لهم معرفتهم الكافية والكبيرة هجومياً يعني بيب وفق بين الدفاع والهجوم بطريقته الخاصه
الشوط الثاني عدل في المراكز نزل بويول ظهير ايسر وقدم ماكسويل يلعب جناح واستفاد من كيتا في الوسط بالمقابل
نزل بيدرو جناح ايمن ورجع الفيس ظهير ايمن وبكذا زاد الفريق احكامه على المباراة دفاعياً وهجومياً ومن الشوط
الثاني واحنا شايفين الريال يلعب بدون خطه معينه بسبب اغلاق الاطراف و التكاتف اللي صاير في الوسط
والحمد لله خطفنا هدفين بفضل الله ثم بفضل بيب قوارديولا
بالتوفيق للفريق وباذن الله الليغا ينتهي لمصلحتنا وايضاً الــ UCL
Barcelona <<< احبك يالبى ذا الفريق مدري وش اقول فريق عشقته من الصغر ومع كل مباراة يزود حبي له
فيسكا بارسا
موفقين ,,,