راضي عنك .. وخايف منك .. اعتقد انك لن تتحمل خسارة جديدة ، لن تتحمل الم جديد ، الم داخلي رغم انك انت بالذات عارف ان اللي سويته حتى الان ما هو الا بداية لأشياء اهم اولها الاستقرار وبناء فريق على اساس قوي ومتين جدا ، واعادة كبرياء اهين العام الماضي وعلى ملعبنا ، فشلنا في تحقيق مبتغاك في الابطال ، فشل يتحمله حتى الجمهور اللي سبب ضغط هائل وانا اولهم ، لكن تدري ليه خايف منك .. لاني خايف من هزيمة اليوم واللي كمان ممكن يتبعها تتويج كاتالوني في ارضنا .. لكن املي بالله كبير ثم بالفريق اللي يلعب كورة سهلة ما فيها تعقيد .. استلم ومرر ( للامام ) لانه هناك مرمى الخصم ، لعب عودنا عليه مدريد تاريخيا ، والنتيجة ارقام كبيرة جدا في الليغا .. وقد تصبح تاريخية ، وحظ معدوم في الابطال والا لكنا في نصف النهائي الان .
اليوم لن الومك اطلاقا فيما قد تفعله في حال خسرنا ، نعم سأكون اول من يؤيدك لو استعدت شيئا من فلورنتينو الضياع في فترة مابين 2004 - 2006 ، اليوم يجب ان نفوز .. يجب ان نفوز حتى ولو 1/ 0 ، فوز و3 نقاط تعطي الثقة .. ولكن ايها الشامخ .. ارجوك لا تكن كمن يطالب بإذلال البرسا .. ارضى كما نرضى بفوز يقود الى اللقب ، وانا اثق بأنك كذلك .
مهما كان الدوري باقي فيه امل حتى لو تعادلنا او خسرنا ، ما فيه مثل انك تفوز به على خصمك ثم تواصل مشوارك واللي هو اهم والا وش فايدة نفوز بالكلاسيكو ونخسر اللقب ، الدوري مهم الان لإرضاء شيء بسيط من طموحنا وطموح فلورنتينو ، وكأن التاريخ يرجع بنا الى 2001 اول موسم لفلورنتينو واللي حققنا فيه الدوري فقط ، وبقي ديل بوسكي ليحقق الأبطال بعد كذا ، نفوز اليوم يعني ثقة ، يعني اعادة امل في تكوين الفريق وانه قادر على عمل اشياء كبيرة الموسم المقبل ، نفوز اليوم يعني دفعة معنوية كبيرة لنا وللملعب اللي الى الان فيه Full Mark ، معناها مواصلة مشوار بيلغريني نفسه في تحطيم اكبر رقم في الليغا واكبر انتصارات متتالية في تاريخ النادي ، ويا حرارة انقطاع السلسلة امام الغريم .
The Last Chanse
اعتقد انه لسان حال الكثيرين وان كنت لست منهم ، ولكن بحق ستهتز ثقتي بك كثيرا ، الفريق يصل الى المباراة وهو في ارقام قوية جدا في الدوري ، نعم برشلونة اقوى الان ، وهي حقيقة متى ما تعاملنا معها بشكل صحيح مع حقيقة اننا ريال مدريد الذي لابد ان يكون بطلا ، فوقتها ووقتها فقط سنحقق ما نريد ، غيرت مفاهيم كثيرة في الاعبين وخصوصا الجنود القدامى ولكن ما فائدة هذا ان خرجت اليوم مهزوما ، كل العوامل معك ولا اعذار تكفي .
انا اريد ان تستمر ، الكثير يريد ان تستمر ، ولكن الأكثر يرون انه اختبارك الأخير ، ومعاك نصف الدرجة الكلية ، ولا يوجد تقديرات اخرى اما 50 او 0 .. فقط ! .. اليوم اهم يوم في حياتك التدريبية وللأسف رغم ثقتي بك . .الا انني متخوف وهي المرة الأولى التي اتخوف فيها على الفريق حتى في مباراة ليون ما كنت القى هالخوف فيني ، وخرجنا بحظ واجهاد وخطأ منك .
نفسي افهم وش يدور في راسك ، تدريب صباح يوم المباراة وهو الشيء اللي ما قد سويته في اي مباراة ثانية ، وغموض حتى في التشكيل و لو ان اكثر الاخبار متفقة حول تشكيلة المباراة ، لكن مدري ليه احس عندك شيء بتفاجئنا فيه مثل ما سويت في ذهاب ليون . الاهم عندي من كل هذا .. لازم نفوز ، اتمنى ان هالأمر ما يشكل ضغط عليك ، وانك ما تتهور زي خواندي وتسوي اني انا اللي بهزم برشلونة وبنتيجة ، تعامل باللي تشوفه ، تكتيك الذهاب اشوفه مناسب وان كنت اشوف انه في تكتيك افضل منه وهو التكتيك اللي بكتب عنه في هالرد ولكن في الاسفل ! .
تكفى .. بيضها .. ابيك الموسم الجاي
بدري يا راؤول بدري
مباراة للذكرى والتاريخ ، ليلة العيد ، ليلة كابيللو ، وليلة ابو محمد يوسف سيف واللي اعتبرها من اليالي الخالدة في تعليقه ، ما علينا مباراة كم اتمنى ان بيلغريني شافها بدل المرة الف ، كابيللو يومها قدم درس للتاريخ ، سجل هدف بدري في وسط نشوة مدريد والجمهور ، بعدها ترك البرسا يلعب براحته في مناطق الملعب كلها الى رأس منطقتنا ، وهنا يبدأ التنظيف ، يبدأ الضغط مننا ، نمنعهم حتى في التفكير ، ونشتغلهم بالمرتدة .. الى وسط الشوط الثاني ، بعدها نطلع شوي ندور هدف ، او نستغل المرتدة صح و نسجل هدف .
تذكرون هالهدف .. لما روبينيو اخذ الكرة وانطلق وهووووبا اوفر للرود اللي ما خاف من الحارس وحطها .
هذا اللي نحتاجه اليوم ، قلوب حجر حديد ، اي شي قوي المهم اننا مهما حصل ما ننهز . والاهم بالنسبة لي ما نتلقى هدف منهم قبل ما نسجل لان وقتها ما راح ينفع شي لما تفك الملعب لبرشلونة ، والخطأ اللي سواه بيب في ذهاب الارسنال ما اعتقد ممكن ينعاد .
تكتيكيا ما عاد لي مجال اتكلم ، الشباب ما تركوا شيء ، المهم لازم بيلي يقتنع مثل ما فعل ذهابا انه صعب تجاري البرسا في الهجوم ، صعب تكشف ملعبك لهم والا فمعناه انتحار مبكر على اسلوب خواندي راموس ، اسلوب الكامب نو هالموسم كان مثالي لو استغلينا المرتدات ، ولكن هالمرة كاكا مو فيه ، وهو اللي كان معزز هالاسلوب حتى وان كان رونالدو رجع بشكل اقوى وافضل ، ولكن فارت للأمانة ما يقدر يسوي شغل كاكا ، كاكا يلعب على السبرنت واللعب العمودي ، لكن فارت يعتمد على التمرير والدخول من العمق في الهجمة نظام القادمون من الخلف وراجعوا كل اهدافه هالموسم ، فارت لا بدنيا ولا فنيا ممكن يسوي شغل كاكا ومع ذلك توظيف فارت مثالي جدا حتى الآن والولد يأدي اللي عليه .
اؤيد بطلنا ثائر واللي اتحمد له على السلامة ، فارت الشوط الأول وجوتي الثاني او خلينا نقول بعد الدقيقة 60 ، لان فارت ما عمره كمل مباراة برتم واحد ، وفوقها قوتي اثبت بشكل قاطع انه افضل لاعب بديل في مدريد ، دايم يدل ويسوي الهوايل ، مدري هل الدكة تعطيه شحنات اضافية والا وش سالفته بالضبط ، بس المهم انه مفيد جدا جدا لما يكون بديل .
ميسي وخطورة ميسي ، اشوف نمشي على نظام مورينيو قفل الطرق ، كلام محمد الماسي مهم ميسي صار اكثر مباشرة على المرمى ، يبحث عن الهدف اكثر خصوصا لما يغيب ابراهيموفيتش ، هالشيء ممكن يكون ايجابي او سلبي ، ايجابي بأنك ما تعطيه مجال يواجه المرمى ، مو تمرر له عشان يشوت مثل سلفستر ، وايجابي كمان لأنه راح يضطر انه يلعب على الاطراف ، وفيها اربيلوا القوي دفاعيا وراموس الجيد . المهم اننا ما نلعب معه مان تو مان لانه صعب جدا ، اقرب واحد يقوم بالضغط ، والضغط ما يكون بإثنين في نفس الوقت اذا لخمهم يلقى المساحات اللي يبيها ، الضغط يكون بنظام الحارة الاول يضغط والثاني يمشط الوضع وراه ، هو الاسلوب الامثل ، مع تقييد تشافي طبعا ، وهالشيء سويناه في الذهاب ، لكن ما الله كتب لنا نفوز . والفرق واضح هالمرة لازم نفوز .
ما عندي خطة معينة وأسألوا المهايطي عبدالرحمن عطيته يجي 10 تشكيلات كلها فيها بلاوي ومشاكل ، مرة بدون صانع لعب حقيقي ، مرة بمحور واحد ومرة بـ 3 واحدها بـ 4 التفكير جدا جدا مشتت .
كلام كبير جدا على هالثنائي ، الأول بالنسبة لي مو مطالب بأنه يثبت شي ، عاجبني وارقامه تشهد ، وغير الارقام ، يتطور بشكل سريع جدا ، لكن لازم يلجم الصحافة ، ويدخل قلب مجموعة كبيرة من المدريديستا ، لازم يستغل اي فرصة للتسجيل ، ما فيه اي مجال للتناحة ، الفرصة ممكن ما تتكرر ثاني ، واذا سجلنا قبلهم وقتها ممكن تتكرر ، رونالدو لازم يعوضني انا شخصيا عن انفراد الذهاب اللي خلاه كاكا يسولف مع فالديز واستعجل فيها رونالدو ولعبها في رجل فيكتور ، رونالدو اليوم لازم يكون في توب التوب ، اعتقد هو شخصيا عارف ان هالمباراة ممكن ترجعه للواجهة من جديد بعد ما خطفها ميسي وبجدارة هالموسم ، خصوصا لما يشوف عناوين التهويل من الماركا والاس حول ميسي قبل المباراة ، وصدقت الماركا لما قالت : مباراة الوحوش . ولابد اليوم يكون رونالدو سيد الوحوش في الملعب .
سبق وقلت متردد في الخطة ، وبالتالي متردد في الاسماء اللي بتلعب جنب الونسو ولو اني مقتنع بضرورة مارسيللو ، ولكن نقطة الجدل عندي هنا ، جاجو في اخر المباريات يقدم اداء كبير ، فيه تطور بدني كبير عنده واللي يشوف جسمه ويقارنه ببداية الموسم مع الموسم الماضي يحس بفرق ، جاجو عنده ميزة الثرو البطل واللي اشار له عبدالله ، وكمان لعبه يريح الونسو وشفنا الونسو كيف يتقدم وهو مرتاح مع جاجو ، لكن كل ما اتذكر كيف انه ضاع العام الماضي ، اتردد وبعدها يجيني خيال 2008 من جديد وكيف كان محور وحيد ، هواجس كثيرة ، ولكن مع ذلك اتمنى منه انه اذا لعب ، يقدم مباراة كبيرة زيه زي بقية الاعبين ولكن هو بزيادة ، لاني ابيه يجلس سنة كمان سنة مفصلية اما يكون فيها ريدوندو القادم بحق ، والا بعدها يكون ماله امل عندي حتى لو تألق مع نادي ثاني مثل كامبياسو ، لاس كمان ومع خبر ESPN بديت ارسم خطط في راسي مع تواجده ، ولكن مستواه المنخفض ينفرني منه ، وخصوصا انه فقد اهم ميزة عنده ، وهي افتكاك الكرة ، صار يضغط بس ما يفتك كرة ، لاس تغير كثير عن بداية الموسم ، صح انه رغم ابداعه الموسم الماضي كنت اشوفه لاعب جراي واننا نشوفه متألق لأن ما عندنا احد يسوي اللي يسويه والا هو عادي ، لكن عطاءه هالموسم وخصوصا في اول 5 -8 جولات كان رائع ، حتى في ذهاب الكلاسيكو كان رائع ، نبهني عبدالرحمن ( ابو دحة ) لنقطة مهمة وبعد التفكير شفتها منطقية جدا .. وهي ان لاس تغير مستواه بعد ما طلعه بيلغريني في مباراة الكوركون اياب وهو في عز مستوياته وقتها وطلعت الصافرات والمناديل البيضاء ، ومن يومها ما عاد شفنا لاس . اذا المسألة كذا فلازم نعالجها نفسيا ، واذا ما نفع فخلاص ما له مكان في الفريق ، هذي ازمة ثقة ، وهي اللي ما ينفع فيها لا تمرين ولا توظيف ، مع ذلك فكرة ان لاعب يضايق تشافي على الدوام معطيتني جو مع لاس ، ولكن هل هو جاهز فعلا خصوصا انه راجع من اصابة !. وهل جاجو لو لعب بيأدي اللي نبيه ! دوخة كبيرة وربي ! .
ابي اللي في هالصورة ، لأن اللي اشوفه من بعد مباراة اشبيلية ، شبح حارسنا العام الماضي ، اليوم اهم مبارة في الموسم ، الظروف خلتها كذا ، وضع كاسياس هالموسم يحتاج دراسة لوحده ، لأنه الوحيد في العالم اللي تنطبق عليه مقولة اذا حظر الحارس حظر الفريق كله مو بس نصه ، كاسياس قالوا انفصل عن خطيبته ، بعدين قالوا ارتبط بوحدة ، لكن الاكيد عندي انه من يوم ما استلم شارة القيادة وهو حاله مو عاجبني ، ولاعاجب احد ، كنت اتمنى من الصحافة مع شحنها لرونالدو بذكر ميسي ، تشحن ايكر اكثر واكثر بذكر فالديز وانه متألق وبيروح جنوب افريقيا ، ايكر اذا في يومه يبطون ، لأنه يخلي التسجيل اشبه بالمستحيل ، ليتك انتبهتي يا صحافتنا .
جيت بأكتب .. لقيت عبود كتب كل اللي أبيه .. فما له داعي ازيد على كلام احسن من اللي بقوله .
قلت كلام كثيييييير ، يمكن اكثره خارج حدود الكلاسيكو اصلا ، لكن هي فرصة نخفف من الضغط اللي نعيشه ، راسي بفتح فيه مسامات يمكن يهدأ شوي .
اعذرونا على الاطالة ، وتحملوا ثقالة دمنا .
اعذروني بعض الاسماء المذكورة قد لا تكون في الرابطة او الشبكة معنا لأن الرد نزل في اكثر من مكان
هنا كلاسيكو بعد ..
بـ التوفيق لنا ان شاء الله ونطق مسمار التشامبيانز .. النقص مازال فـ الخط الخلفي بس فيرنانديز قدها ان شاء الله ..
غرق الغرقان أكثر .. جنة كرة القدم .. بغض النظر عن أي ظروف عن أي توقعات حتى انها ماتعترف بـ المسلمات ..
مفاتيح اللعب في الفريقين صعب جدا ً تحجيم دورهم أو الحد منهم ..
سناريون ممكن يحصلون , تقفيل من البداية وجس نبض وهدف مفاجأ
في أول ربع ساعة بـ يخلط أوراق الفريق المهزوم
والثاني واللي أتوقعه أنا بـ التحديد بـ يبدأ بـ ضغط من الريال
و كورة سريعة ترتد ويسجل برشلونة في أول 10 دقايق هنا
نقول خذ مباراة وتفرج على أحلى مافي كرة القدم
أرجح دائما ً كفة بيلي لاني الى الآن لا أعترف بـ بيب
غوارديولا متى ما فاجأته بـ أسلوب لعب مغاير
وكان عندك لامركزية في فريقك بـ يضيع
المدرب اللي بيتفوق وبيقرا خصمه صح المباراة له
ممكن 2-2 لـ الريال أو 3-3 برشلونة
الله يعافيكم ياشبيبه جميعا ً ..
لي رجعة بـ حول الله أشمت فـ الخاسر بدون مباركة لـ الفايز
شكلها و الله أعلم نومه و إلا بروح أقابل حسين في دبي ههههههههه
النتيجه اللي مخي و اللي متخيلها لو فزنا هي 3 - 1 ما تخيلت شي غيرها أبدا
بالتوفيق لنا و إن شاء الله ما نشوفها صحتي ألزم علي من الكوره ..
كرستيانو رونالدو : انا متاكد اننا سنفوز ساحاول ان اسجل واصنع واساعد فريقي باي طريقة ممكنة لنغلب برشلونة .
هذه اهم مباراة في الموسم . الفائز في المباراة ستكون لديه افضلية بسيطة للسباق على اللقب . لكن يظل هناك مجموعة من المباريات متبقية لنا ونريد ان نحاول لكسبها كلها . الموسم يقترب للنهاية . لذا الفائز في يوم السبت ستكون لديه ثقة اكبر قليلا من الفريق الاخر وتتيح له الفرصة لرسم المباراة . الفريقان طموحان للغاية لذا لن نستسلم لليأس مهما حدث . هناك مباريات كثير يجب علينا ان نقاتل للفوز بها كلها .
انا اطول واعرض من ميسي (قالها ضاحكا ) ميسي يقدم موسم رائع . وهو من الآن وللابد سيكون من افضل اللاعبين على الاطلاق . لكن المدرب والفريق باكمله يستحق التقدير . ميسي لا يلعب لوحده لكن يوجد معه لاعبين رائعين . انا اعمل بجد , وانا سعيد واتمنى الاستمرار بالاحساس بالسعادة . انا ايضا سوف اكون واحدا من افضل اللاعبين الموجودين خلال تواجدي هنا .
طموحات ريال مدريد بلاعبيه الجيدين . وبرشلونة طموحه بروح الفريق . نحن نعرف انهم يلعبون جيدا وهذا يشكل صعوبة في هزيمتهم . لكن ايضا نحن نتسلح بلاعبين جيدين . لدينا فرصة جيدة للفوز طالما احتفظنا بتركيزنا . انا متاكد من اننا سنلعب جيدا . ومن هذا الجانب ليست مشكلة اذا خسرنا يوم السبت طالما اننا سنفوز بالدوري . فمالفرق اذا هزمنا برشلونة وبعدها نخسر المباريتين التاليتين ؟
انا احترم برشلونة لكني لا اخاف منهم . هم يملكون فريق متكامل . انا سوف اقدم افضل ماعندي . مثلما اعمل دائما . انا سوف احاول لاسجل واصنع واساعد فريقي بكل طريقة ممكنة لهزيمة برشلونة . انا لست قلقا من اي شيء . انا فقط اريد ان اعمل افضل ماعندي واصنع الفارق . انا اظن انه سوف تكون متعادلة جدا . وان الفروقات الصغيرة هي التي سوف تصنع الفارق . وممكن ان الفريق الافضل سينتصر . لكن اتمنى ان ريال مدريد سيكون الافضل . انا متاكد اننا سنجد طريق الفوز .
انا اتوقع ان جو الملعب سيكون جيدا . انا احس بثقة اكبر عندما نلاقي المساندة من جماهيرنا . انا متاكد انهم سيكون متحمسين جدا وهذا سوف يساندنا كثيرا . والفريق متمحس بشان المباراة ونحن واثقون جدا . نحن نؤمن بفوزنا بالمباراة لان الفائز بهذه المباراة سيكون فائزا بالليقا . لدينا معنويات عالية .
* بعد مباراة ليون انتقدوني بشدة ، هي ليست مسألة مباراة وخروج من بطولة ، هي
كرة قدم وعليهم ان يعلموا ذلك فالكرة لم ترد الدخول واختارت القائم ، بينما الاعبون
والمدرب والادارة تعاملت معي بمثالية .. عاملوني بمفهوم كرة القدم .
* بعد ذلك اتجهوا الى المدرب ، ثم خلقوا مشاكل بين الاعبين داخل اوراق صحفهم ،
رغم انه لا شيء يحدث .
* ارادوا خلق مشاكل بيني وبين رونالدو ، وادعوا ان هنالك نوع من الغيرة بيننا ،
وسجلنا يكشف عكس ذلك ، حاولوا زعزعة استقرارنا بكل الطرق .
* لا اعلم !! هل اختلافاتنا وكثرة او وجود المشاكل داخل النادي يعني زيادة مبيعاتهم !
ولهذا يحاولون وضعها ؟! .
![][ الليغا ][ كلاسيكو الارض .. كاتالوني بالطول و العرض ][ تقديم - متابعة ][](iconimages/t882650_rtl.gif)
.jpg)
.jpg)
.jpg)
.jpg)
.jpg)
.jpg)
. 
لان وقتها ما راح ينفع شي لما تفك الملعب لبرشلونة ، والخطأ اللي سواه بيب في ذهاب الارسنال ما 
، وايجابي كمان لأنه راح يضطر 
...
.. جنة كرة القدم .. بغض النظر عن أي ظروف عن أي توقعات حتى انها ماتعترف بـ المسلمات ..
< ماتعرف تقلد 
[/I][/CENTER]
الوضع العادي
