يعطيك الف عافيه .......ويبدو أنك أختصرتها لنا وعرفنا المشكله من الأساس وهي الفينوفو...مع أني أحمل الاعداد البدني بعض الشيء

السلام عليكم,,,
الله يعيطـك العافية ناصر صراحة العنوان مميز ومرعب بنفس الوقــت.

أعتقد إن المشكلة الأولى تعود للملعب ويشترك معها الأمور اللي ذكرتها مرورا بكيفية الإعداد البدني والإجهـاد و لو تلاحظ أغلب الإصابات تمزق أو شد عضلي!!

الاصابات أغلبها بالتدريبات أو اللاعب تتفاقم على الإصابة أثناء مجريات المباراة كما حصل لديـغو!!

أيضــا منطقة الفينفو تعتبر أحد أبرد المناطق ومره قال أحمد أنها قريب لجبال الألب؟؟ يعني اللاعبين يتشبصون من قوة البرد بالتدريبات الحل هو تغير الملعب حتى لو يتدربون بملعب الفريق المنافس تورينو:dبس يكفونا شر الإصابات يعني العله موجود حتى لو تغير كل الطاقم اللي بالنادي،الموسم اللي جاي اذا ماتغير المركز بصراحة
-- تيتي تيتي زي مارحتي زي ماجيتي -- أتوقع اللاعبين جتهم حالة نفسية كل واحد يقول يارب ما انصاب ؟


الله يعطيك العافية ناصر أتحفتنا بموضوع يامبدع :rose:

أول شي .. آلله يـعطيك ألف عـآفيه أخوي Skroo

ثآني شي .. أنآ متـآبعتي لليوفي مو ذآك آلزود .. بس آلكل يلآحظ كمية آلآصـآبآت آلي بآليوفي ..

بصرآحه شي يخـوف .. يـعني مآفي شهر آلآ وتلقى لآعبين مصآبين ..

إقتباس:

فهل السبب من المدرب ؟

لوٍ آلمدرٍب نفسه .. كآن نقول ممكن .. بس ثلآث مدربين وآلحآل نفس مآهو ..

يمكن آلمدربين لهم دخل بس بنسبه بسسسسيطـه ..

إقتباس:

فهل السبب هو الطاقم الطبي ؟

حسب كلآمك إن آلطآقم آلطبي من عـآم 91 .. يعني فجأه كذآ صآرو مآ يفهمون؟؟

وبنفس آلوقت يتحملون جزء من آلمسؤوليه ..

إقتباس:

فهل السبب من مركز التدريب ؟

أجزم إنه هو آلسبب .. إذآ آلآصآبآت مآ كثرت آلآ بـعد مآ صآرو يتدرب بآلفينوفو .. كآبيو أتذكر تصريحه وآلي ذكرته بموضوعك إن آرضيته مآ تنفع أبد ..


أتمنـى إن آلمشكله يلقون لهآ حل .. لآن آلموضوع مو طبيعي ابدا ً ابدا ً ..

عـوآآفي :rose:

والله السبب غير واضح حتى الان
يعني تبي اقتنع ان السبب هو مركز اليوفي
انا لا اتوقع ذلك رغم انه ناقشنا هذا الموضوع كثير في الرابطه
والسبب في ملاعب رسميه مو تدريب فقط مو تعابنه وبس الا حفريات كلها ولاتحدث اصابات مثل اليوفي
اليوفي انا اقولها ومتاكد منها انه نحس فريق لا اقل واكثر
يمكن تضحكون علي
لكن فريقنا منحوس شوي
عندك بعض الفرق ماتجيهم ولا اصابه واحنا كل يوم اثنين مصابين
شكراً لك على طرحك ناصر
كل الود

السلام عليكم والله يكفينا شر الإصابات :yes:

ذكرتني بمقولة الكعبي الشهيرة : الطاقم الطبي في اليوفي وليفربول يجب أن يحاكموا :d
عموماً هناك طرف غير مذكور في الموضوع ولا الردود وهي أختيار الحذاء المناسب ربما يكون الحذاء
سبب للكثير من الإصابات القوية بأي شكل من الأشكال منها مثلا عند القفز بشدة والنزول ووطء
الأرض بشكل غير سليم بفقدان توازن وغيرها وشاهد إصابات : بيتر تشيك - بيكهام - روني
وهي مسئولية الاعب نفسه ليس كل شي على الغير طبعاً .. !!

تحياتي للجميع

اطراف عديده تعتبر ملامه في ما تعرض له اللاعبين من اصابات متكرره وقاهره

" اداره + فينو + جهاز لياقي + جهاز طبي "

1- المدرب " لا يُلاام "
2- الاعداد البدني " مُلام "
3- مكان التدريب " مُـــلام "
4- الطاقم الطبي " مُــــلام "

,,

تسلم يا ريس على هالتحليل البسيط والوافي ..

ألسلام عليكم ورحمة الله وبركاته
كـ العاده مبدع يا ريس وما شاء الله نشاط منقطع النظير .

ماشدني بالموضوع الا مقولة الكعبي واللي كتبوها الشباب هنا عن محاكمة الطاقم الطبي :d
اعتقد الوضع بـ ليفربول تقريبا نفسه مع اختلاف الاسباب
بوجهة نظري كثرة الاصابات لـ فريقي هي سببها الاعداد السيء فـ البريسيسزون واللي ماكان على قد الطموح والكلام ماهوب عن المبارايات وقوتها .
لكن الكلام ع الاعداد البدني والنفسي اللائق للاعبين بهذا الوقت من السنه قبل الدخول في معمعة الموسم الطويل جدا

ليفربول امضى صيفه كـ السائح متنقلا ما بين شرق آسيا مرورا باسكوتلندا واسبانيا وعودة لـ الوطن
وهذي كلها اضاعت على الفريق الوقت واجهدت اللاعبين وماكان لها لزوم كثرة التنقلات خصوصا بأن نادي بحجم ليفربول لن يرفض له اي عرض بـ المباراية الوديه اينما حل وارتحل لكن الكلام على سوء لاختيار والتنسيق من المدرب ربما او المنسق والله اعلم .
وفعلا كان الموسم مطابق لـ الصيف من هزائم وتعثرات واصابات بالجمله .

هذا الكلام ع الريدز وادري اني كسرت وشطحت عن الموضوع بزج الريدز :d لكن ممكن يكون نفس الحال لدى اليوفي لذلك حبيت اطرح وجهت نظري .

تقبل مروري

اسير لا تألف على العالم تكفى :$ .. روني لعب زي ماجالاس لعب .. جالاس طاح بدون اي احتكاك قوي .. و روني شفنا كيف احتك مع فان بوتين وبعدها مع شفاينشتايقر .. ماودي نطلع ع الموضوع بس فيرقسون استلم موافقة الجهاز الطبي .. وبنفس الوقت روني كان وضعه سليم وشفنا وشلون كان يركض اول المباراة ..
مب ذا مكان كلامي بس تصحيح لشطحتك ياحلو :$

\

اليوفي و الاصابات .. اول شي ذا الموسم في مصادفه غريبه !! الاصابات بكل مكان حتى رونالدو غاب مباراتين او اكثر ببسبب الاصابة وهو معنا كان حصان :$ .. مايصاب .. المهم مان يو ارسنال يوفي .. ذي الفرق فقدة لاعبين كثير بسبب الاصابات عندك اليوفي اصاباته ماكانت بتفره وحده .. يعني نقول ازمه وتعدي .. لا اصابات تهد الحيل اصابات اللي ماشيه معاك من موسمين !!
وضع اليوفي الحالي مب الفريق المستقر اللي يقدر يمشي حاله مع الاصابات !

ماعلينا خخخخ .. وش تبون انتم :$ ؟
انا اقول اسباب الاصابات اعداد اول الموسم .. و بعدها تجي لنوعية اللاعب .. سيسوكو مثلا ً من هو بالليفر احتياط ونفس الاصابه تجيه .. نفس الكلام عن مثلا ً ماودي اجيب معلومات مو متأكد منها بس فيردناند معنا مثلا ً عنده اصابة الظهر .. غاب عننا باوقات صعبه لكن بالمقابل تم حلها ! هنا ماتلوم احد .. لكن مع اذا رجعة الاصابات للاعبين !! زي باتو مثلا ً بدون احتكاكات .. اللوم هنا ع الجهاز الطبي .. ارضية الملعب كل اللاعبين يلعبون عليها .. مايصاب منهم الا 1 او 2 .. اوكي هي سبب .. مهم لكن ما احسها السبب الرئيسي ..

ناصر موضوع كل شهر لا اله الا الله :$

نشوفكم

^
^^

طيب خلنا نألف يا اخي :D حبيب ألبي أنا ما قلت ان اللاعب غير جاهز .. فيه لاعبين يكونون جاهزين لكن المدرب يفضل اراحتهم للجهوزية التامة .. روني كان جاهز للمباراة لكن غير جاهز تماماً و كان فيه خطر على مشاركته .. و شفنا احتكاك فان بويتن ما كان بذيك القوة إلا أن اللاعب لم يكن جاهز [ تماماً ] للمشاركة و هذا اللي خلا اللاعب يتأثر بالاحتكاك و يطلع

و الا احتكاك زي كذا ما اظن انه يأثر على روني لولا اصابته السابقة و اظن ان الاصابة في نفس موقع الاصابة اللي جته قبل اسبوع و الا ؟! هذي وجهة نظري و اللي سمعته عن موقع الاصابة :)

عُذراً نصور خلنا نشب شوي مع المانشستراوية :D s45s

السلام عليكم ورحمة الله وبركاته

محزن جدا للغاية وضع البيانكونيري الحالي ولكن أعتقد ومن وجهة نظري أن السبب يتلخص في ثلاثة أمور :

هي عدم الإستقرار على مدرب كفؤ ولاينفع الندم على مافات ولكم الحرية في النظر إلى رانييري ومايقدمه مع روما والمستويات اللافته وكل الناس جلست تستهزء به وكأنه هو السبب الرئيسي ولايعني كلامي هذا أن رانييري هو أفضل مدرب في العالم ولكن عندما تسرح مدرب وتأتي بآخر لابد أن يكون الإختيار القادم على قدر عالي وفي مستوى طموحك المنشود وكل هذا دليل على وجود خلل كبير في الإداره ( الله يرحم أيامك ياموجي ) .

المستوى المتدني لمعظم نجوم الفريق الذي يثير علامة إستفهام كبيرة وصدقوني متى ماكان اللاعبين في قمة تركيزهم سيكون اليوفي بإذن الله بخير ولكم مباريات الموسم الفائت والحالي مع الإنتر والميلان وروما يأتيك اليوفي وهو ضعيف جدا ولكن يأتي التركيز والعزيمة لدى اللاعبين لإثبات القوة للفريق المقابل ويفوزون علما بأننا على مستوى الإنتدابات من أقوى الفرق مع الإنتر في إيطاليا وبدون مبالغة في أوروبا .

الإصابات المتلاحقة لكبار نجوم الفريق مثل بوفون وغيره حتى الإحتياطي ماننجر الذي أثبت جدارته لم يسلم من شبح الإصابات وهذا يثبت أيضا بأن الكادر الطبي ليس على مستوى الثقة التي أعطي من إدارة الفريق ويجب جلب كادر طبي على مستوى عالي إذا أردت المنافسة على السكوديتو والشامبيونز ليج لحماية وتجهيز اللاعبين من الإصابات .

* في نهاية حديثي أتمنى التوفيق لليوفي والحصول على المركز الرابع من أجل المشاركة في الشامبيونز ليج .:smilie47:

السلام عليكم ورحمة الله وبركاته

يا شباب والله لو ابرد على كل واحد منكم يبيلي يوم كامل
ردود ولا احلى واثرت الموضوع وافتخر فيها صراحة
لاعدمناكم جميعا :rose:

هلا ناصر..

طيب لو جزمنا بأن البلاء في الفينوفو..

وش تفسير الاصابات اللي تصير وقت المباريات..
وآخرها بولسن بعد 5 دقايق من بداية المباراة..
و دييغو بعد ربع ساعة..
هذا غير تريزيغيه وكامو اللي ما كملوا مباراة في الموسم..

أنا أشوف أكثر الاصابات تصير وقت المباريات..
وألوم الاعداد أو التحضير البدني قبل الموسم..
والدليل دايماً الفريق يخورها في الشوط الثاني ومباراة البايرن و سيينا وغيرها أكبر شاهد..
هذا غير أن الفريق منتهي من بداية الدور الثاني مع العلم أنه كان بادي الموسم بشكل ممتاز..
وحتى العام الماضي بداية معقولة..ثم انهيار تام!!

والجهاز الطبي ملام في إعادة التأهيل اللي تطول أكثر من اللازم..
هذا غير تكرار الاصابات لنفس اللاعبين..

مجرد وجهة نظر.