السلام عليكم ورحمة الله وبركاته

هذا موضوع بلا عنوان وبدون ترتيب وكله خرابيش

اليوفنتوس وماادراك ماليوفنتوس ؟


فريق عظيم وتاريخي لكن هالموسم تعرض لنكسات غير طبيعيه

يشترك فيها الادارة ومركز التدريب وفيرارا وزاكراوني


زاوية هل تعلم


هل تعلم ان اليوفنتوس كسر ارقام قياسية هالموسم ما انكسرت من سنوات ؟؟

# هل تعلم ان سيينا اول مرة ماينهزم من يوفنتوس , بالعادة كل موسم ينهزم ذهاب واياب وهالموسم تعادل

# هل تعلم ان كييفو اول مرة بتاريخهم يفوزون على اليوفي

# هل تعلم ان اول مرة يفوز ديل نيري بحياته على اليوفي ( مدرب سامبدوريا الحالي )

# هل تعلم ان اول مرة يسجل توتي في تورينو

# اول مرة يفوز بايرن ميونخ بالاراضي الايطالية

# اول مرة باليرمو يفوزون ذهاب واياب على اليوفي

# والاغرب من هذا كله ان سجل الهزايم الحالي اول مرة يصير من الخمسينيات

فلم مرعب للكبار فقط 18+


مسلخ الفينوفو مركز تدريب اليوفنتوس من 2006


هل تعلم ان الفريق هالموسم كله تعرض للاصابات ؟
هل تعلم انه بعد كل مباراة نتسائل بالرابطة نقول من اللي تعور اليوم ؟

اقل واحد تعور من الفريق قروسو الظاهر غاب شهر بس

هل تعلم ان اليوفنتوس وصل لحاجز 60 اصابة هالموسم وبيكسر رقم الموسم الماضي

هل تعلم ان ياكونتا غايب من اوكتوبر ورجع لعب مباراة سامبدوريا والحين تعور



هل تعلم ان بوفون تعور ولعب الاحتياط ماننجر
بعدين ماننجر تعور ولعب الاحتياط كيمنتي
وبعدين كيمنتي تعور وصارو الثلاث حراس كلهم مصابين
لين زاكراوني استدعى الحارس حق شباب اليوفي لكن ماننجر رجع ومسك قدام نابولي

للمعلومية /
الجهاز الطبي في اليوفي من 1992 وهو نفس الجهاز وحطو اللائمة عليه واستقال البروفسور اجريكولا ( اللي كان يدف زيدان منشطات على كلام الكلب زيمان وطلع اليوفي براءة منها )
وجابو طاقم جديد والخبر نفس الخبر





هل تعلم ان مولينارو دخل بالتشكيلة المثالية للدوري الالماني الاسبوع اللي راح




تكفى انتقل من الفريق
حرام هاللاعب تنقتل موهبته !!

هل تعلم ان زاكراوني مالعب جيوفنكو من مسك التدريب الا 10 دقايق الظاهر

والله هاللاعب اكثر واحد مظلوم بالفريق
اجل زاكراوني يطلع دل بييرو ويدخل جرجيرا


طيب بعد هالسرد المحيوس اللي فوق وش استجد بالفريق ؟

خوذو الرباعي الاسطوري حق الثمانينيات /



بلاتيني



ماركو تادريلي مساعد مدرب ايرلندا الحالي



سيرجيو بريو كابتنهم السابق



المدافع كلاوديو جنتيلي صاحب النظرية المشهورة في الكورة ( الكورة او اللاعب لا يعبران سويا )


هالرباعي الجميل كب عشاهم بلاتيني
لانه صرح امس على العادة يدعم اليوفنتوس ويقول ( ماكنت اتوقع اللي حاصل حاليا حتى اني كلمت ماركو تارديللي وعرفت انه هو وجنتيلي وبريو بيرجعون للنادي لانه بحاجتهم اكثر من اي وقت مضى )

عاد اذكر واحد من هالزكرت صرح قبل شهرين وقال لقد اعطينا اليوفنتوس دمائنا وعرقنا <---- حسيت اني اشوف معركة تاريخيه

يعني الان الفريق بحاجة اساطيره

حتى ندفد مصرح يقول اعتزلت ومادريت ان النادي بيتدهور !!!!

استفتاء


جنوى وتورينو كانو فرق اسطوريه لكنهم اختفو حاليا
هل اليوفي بيصير مثلهم





بالاخير اشكر اعضاء رابطة اليوفنتوس على نشاطهم في الرابطة رغم الاداء السيء للفريق صراحة عندنا اعضاء نفتخر فيهم بدون ذكر اسماء علشان ما اظلم احد

حجز مؤقت .. لي عوده ..

هوو ما آدري اضحك ولا آبكـــي ..~

قســم بالله شي يضيق الصدر يعني الا الحين ما آقتنعوا ان سبب الاصابات هو مركز التدريب ولا مدري هم عميان .. ياعالم من 2006 وحنا نعاني لكن هالموسم كارثي ..

ومسلسل الارقام .. الظاهر ياناصر حنا بنشوف اشياء حلوووه ولسى باقي على الموسم 8 جولات

وياليت يطلع كلآم بلآتيني صحيح وعيال الذين بلانك وربعه يضفون قشهم من مسك الرئاسه ابد ما تحس انه رئيس تشوفه يحضر المباريات اللي بآرض اليوفي وتشوفه قامط بين بيتيغا وبلانك .. الا صح تصريحه القوي يوم يقول اذا فزنا بالدوري بنعلق النجمه الثالثه حسيت انه قوي وراعي ذبات طلع من جنبها


وحبيت ازيد على كلآمك يا ناصر الحلو تياجو مصرح يقول ما آبي اليوفي آبي امي آبي ابوي .. وآآخ على الرجال اللي مروا بتاريخك ياليوفي .. يجي وآحد زي ذاه ويقول انه مبسوط بالاتليتكو ولا ودي ارجع ..!!

..


يديك آلف عافيه ريسنا ناصر

بالهي ذا وجهه رئيس نادي ؟



ولا ذا وجهه وجه مدير رياضي ؟

قسم بالله لوني لاعب وذول مسؤولين فوقي ما يشوفون وجهي الا اخر عشر دقايق من التدريب

ببساطة ما فيه اي حنكة في تحفيز اللاعبين والتعامل معهم

زيبينا يصوبع للجماهير المباراة الي بعدها اساسي ميلو يقول للجماهير فك يو المباراة الي بعدها اساسي

ادارة اليوفي ما سوت الا لفت نظر لا وكنهم مستحين بعد ما حددوا اسماء

اللاعبين الباقين اذا شافوا هالشي قدامهم وش النتيجة اكيد تسيب وتساهل في جميع المباريات

يوفنتوس عنده عناصر قوية يا شيخ على الاقل احسن من باليرمو لكن وين الي يحفزهم ويشكمهم في نفس الوقت ؟

ما فيه طبعاً لان الي في الادارة ما يدرون وش السالفة اصلن ولا يدرون وش يسوون ولا يدرون وش الواجب عليهم يسوونه





يمين بالله هالادمي تحسه يسعبل حنكة ادارية

وينك ووين زمانك يا موجي

شكراً ناصر

يعطيك العافيه يا ناصر على شخابيطك

وضع اليوفي هـ السنه مزري و الارقام اللي جبتها يا ناصر اكبر دليل على هذا
فرق صغيره عملت التاريخ هذا الموسم و استغلت وضع اليوفي

لكن السؤال هنا

وش الاسباب اللي خلت اليوفي وضعه هذا الموسم سيء ؟

اذا جينا نتكلم عن الاداره .. فـ الاداره عملت شغل ممتاز في الصيف الماضي و حققت
صفقات مجنونه مقارنه بـ الميزانيه المحدوده لـ النادي
لكن انا اشوف ان خطأها انها اسندت المهمه لـ متدرب يقود الفريق ؟

ممكن ان الاداره مؤمنه بـ جيل الشباب و استدلت بهذا .. بيب غوراديولا و ما فعله
من انجاز تاريخي في البارسا .. و لكن لا ننسى ان بيب استلم فريق متكامل و اضف
هو بعض لمساته .. لكن وضع اليوفي كان غير عن وضع البرسا

الاصابات

بصراحه هذا العذر من ناحيتي غير مقنع تماما .. اغلب المشجعين يجعلون من الاصابات
شماعه على اخطاء او سوء في حال الفريق .. لو تشوف جماهير الانديه و بدون استثناء
كلها تردد هذي المقوله ( و الله الفريق يعاني من اصابات ) من ايطاليا الى اسبانيا
و انجلترا .. اصبحت هذي اسطوانه ممله جدا
اكيد اي فريق بـ العالم راح يتعرض لـ الاصابات و مو معقوله فريق يلعب اكثر
من 60 مباره في الموسم ما يتعرض لاعبيه الى الاصابات .. يعني يا ناصر لو
تشوف وضع الفرق الثانيه كلها في الهوء سوا اضرب لك مثال على الريال مثلا
9 لاعبين مصابين في هذه الفتره منهم لاعب الى نهايه الموسم و لاعبين مؤثرين
[ بيبي - كاكا - لاسانا - مامادو ( احتياط لاسانا )- بن زيما - غاري ( احتياط بيبي )]
و قس على هذا فرق غير الريال و اليوفي .. و تجد ان القائمه تطول




هذا الملعب ان ما خانتني الذكره .. كابيللو صرح و قال ان الارضيه غير مؤهله
و راح تضر الفريق .. ما ادري هم غيروا العشب و لا مكانك سر !!

يعطيك الف عافيه يا ناصر

::

للحق ياناصر
اليوفي هالسنة عجيب غريب
مشكلته ماهي مشكلة مدرب فقط
والإصابات مشكلة بس ماهي لحالها
الفريق أمام نابولي انرقع ثلاثة وهو شبه مكتمل
المدرب يتحمل جزء البداية بمثل أماوري وإشراك جرجيرا

لكن لا أظن أداء الفريق في المباراة يستحقون عليه الفوز ولا حتى التعادل

عسى الله يعدي الموسم هذا على خير وناخذ الرابع

الإدارة لاتفعل شيء مميز فشراء اللاعبين لايكفي
مع إني ما أشوفهم سووا شيء يسوى غير جلب دييغو
ميللو خانته فيها مجموعة لاعبين مميزين
لاشك اللاعب مهم وأداءه مميز
لكن وللحق بالنظر للخانات الأهم
فالباكات صفر على الشمال والسناتر ناقصين سنتر
عموما ها رأي سريع عناصريا لتوضيح عدم أهلية الادارة

وضع اليوفي ماديا بأقل عبارة تحسن
وميركاتو الصيف الماضي سلبي بالنظر لقيمته

مسألة جلب مدرب عالمي مهمة لاعادة صياغة اليوفي

عموما الأمور سيئة جدآ

بالتوفيق لليوفي ولك ناصر

والله لايحرمنا هالطلة ياحق

×

اليوفي هذا العام
من اسوء الفرق
حقيقه يحتاج الفريق الى تغيير جذري
ولا لاعب يستحق البقاء في اليوفي غير ماركيزيو وبوفون وكليني ودييغو
اليوفي يعاني من عدم وجود اظهره وهجوم مثل الناس
فريقنا كل عواجيز
مافيه شباب
يلعبون بدون رووح
اتمنى ان يتعدل حالاليوفي هذا الموسم
وننطلع الى سوق قويه في المستقبل
وياليت يفكونا من شغل المحاور اللى ذبحنا
الف شكر على طرحك الرائع

ما بعد كلامك كلام والله ..!!
الفينوفو سبق ان سمعت تصريح لموجي عنه ما اذكره بالضبط بس مثل الي يقول هذا حظيرة كلاب ولا يصلح للتدريبات عليه ..!!
بأذن الله اليوفي العام القادم , غير ..!!

آه تعبنا من كثرة التشكي والفريق من سيء الى أسوأ..
لا روح ولا مستوى ولامدرب ولا إداراة..

الفريق بحاجة الى اعادة تأهيل وتجديد دماء..
معدل أعمار كبير اليكس وتريزيغيه وكامو وكانا وجروسو وحميدتش عطهم سنة أو سنتين بالكثير..
هذا اذا ما أصيبوا ..
الرقم القياسي في الاصابات يمكن الانجاز الوحيد لهالموسم اللي ممكن يدخله موسوعة غينيس..
والله أن لي يونغ أصرف من كل أظهرة اليوفي زيبينا وغروسو و غريغيرا و دي تشيلي..

ليه تياغو يوم راح أتلتيكو مدريد تألق؟؟
و رانييري مع روما مع أني ما أواطن هالمخلوق؟

أما المدربين قلبوها بلاي ستيشن وكل مباراة خطة..
مرة 4-2-2-2 ومرة 4-2-3-1 ولا 4-3-2-1 أو 3-4-3 ..
وليتها نفعت..

طيب من أحسن سيرة ذاتية وانجازات غيريتس أو فيرارا أو زاكيروني؟..
لا ويمكن يعرف ايطالي لأنه لعب سنة مع الميلان..
أتكلم من جد والله..

أما البرازيليين الثلاثة خذلوا الجميع..
كان من المفترض أنهم يكونوا العمود الفقري للفريق ولكن..

أخيراً استغربت انك ما جبت تصريح موجي الأخير وتلميحه بالعودة..
مع اني أشوفها صعبة شوي..
موجي كان هو ال Godfather للفريق وله هيبة حتى من منافسيه..الله يرحم ذيك الأيام..

الحلول أشوفها في مدرب خبير ولاعبين شباب مثل باستوري وكييار حقين باليرمو و باتزيني وزاراتي وكولياريللا وسيلفا و غوركوف ودي أغوستينو..

تسلم ناصر على هالفضفضة..

لفت انتباهي هـ الصوره ..
آلحين هو حول او يتهيئلي ؟؟
بآلتوفيق لليوفي وان شاء الله يرجع مثل ما كآن ..
وترىآ فالنسيا اقوىآ منكم بـ الاصابآت يعني سم سم <~ لازم تدخل فريقهآ

آريقآتوآ غوزآيمآس سينبـآآآي ..