#1  
قديم 04/04/2010, 07:21 PM
الصورة الرمزية الخاصة بـ الهلالي عبدالله
زعيــم متألــق
تاريخ التسجيل: 27/10/2005
مشاركات: 1,299
ناصر الفراعنه

السلام عليكم ورحمة الله وبركاته






قصيده للشاعر الكبير / ناصر الفراعنه
وسبق أنه القاها في أمسية حائل




بعد خضبـات الايـدي وقانيـة النقـوش
والله اني لك خطيـر لاطيـر بـدون ريـش
وا عنا روحي ويا حوش قلبي منـك حـوش
حوش ذودٍ حاشه (الجهر) وإلا (أبرق نفيش)
من هنوفٍ ما ملوا عينها أصحاب العـروش
حتى لو هم بدّلوا عرشهـا الفاخـر عريـش
جادلٍ لا مِدْح أبوهـا مـن السكـره تشـوش
لين يضرب عاشق البيض شيشٍ جنب شيش
كنْ بصدري فرخ طيرٍ من الصوت مخـروش
يوم يطرون اسمها لـوّ أنـا مانـي خريـش
أو بصدري كنْ جماهير شعبٍ بإسم (بـوش)
صوّتت وبصـوت واحـد تـردّد : فليعيـش
غادةٍ في الضلع الاحمر تروش الـروح روش
للخوافق من لهـب حبهـا الطاهـر وقيـش
أربعي من وجد حالي عليها اربـع وحـوش
الأوادم في ونَس وآنـا فـي قفـرٍ وحيـش
يا صباح الخير يا ضحكة الوجـه البشـوش
لوّ جرّت ضحكها في الحشـا جـرّة حنيـش
فتنةٍ من سوق (رنية) إلى سوق (الحبـوش)
ومن قصر (برزان شمّر) إلى قصر (الدويش)
حالفٍ لعيونها إني لأمـوش العظـم مـوش
موش ريح الصيف باقي شجـر وادٍ هشيـش
من بهاها صاح (عجران) عند (ابن مخشوش)
في فـؤاده ضمّـر الخيـل غاديـةٍ طشيـش
كلّ شيْ بالمختصر في هذيك البنـت خـوش
خوش زين وخوش عقل ولا في البنت طيش
لو جمعنا الزين زين أرض فارس والحبـوش
زينهم مع زينها ما كـلا يـا نـاس عيـش
كنّ فوق عيونها في هـدب سـود الرمـوش
من جيوش الغرب جيش تقدّم خلـف جيـش
يا سبيب (عبيّةٍ) إسمها الأصلـي (كـروش)
يا جديلٍ فوق الامتـان غـادي لـه وريـش
مثل ساري ليلةٍ بأبيـض الصبـح مغبـوش
وصف مجدولٍ بيدها مـع الغبشـات هيـش
والخدود أصفى من الزبد مـا فيهـا خـدوش
لو توارت ما لهـا إلا قمـر نصـفٍ دقيـش
كنّ عارم صدرها من احمر الثـوب بيطـوش
ليتنـي فوقـه واهدّيـه ملعـون الحريـش
في علوّ الصدر نهديـن غاذيهـا الرشـوش
ليت من صدره عليها وقـف وقفـة شويـش
يـا نهـودٍ غازلتهـا مُذَهَّـبـة الـقـروش
كلّ نهد بوقفته تقـل مـن سـادة (قُرَيـش)
وكنّ عاتر ردفها الضخم يوم اقفـت يهـوش
فيه من عتـرة قطـا مهـرةٍ ماهـي كديـش
ولّ ردفٍ يوم ناشـه حريـر الثـوب نـوش
فـزّ ثـمّ اهتـزّ كنّـه بنـاب الـداب نيـش
يا زعول اردوفها ليه ششت الثـوب شـوش
ما خبرنا ثوب عـذراً قبـل هاليـوم شيـش
ولا اخبر به ردف من ضيّق ثيابـه يكـوش
لا صفق وركٍ بـوركٍ سمعنـا لـه وشيـش
قلبي اللي من عراويه يـا نـاس محشـوش
من هوى غادة (غـداةُ غـدٍ) غيـداً وغيـش
ما ملوا عين الكحيلة من اهل الغوش غـوش
غير ابن قرمٍ إلى قام ما هـوب ابـن تيـش
يا طروشٍ وجّهت صوب نجـدٍ يـا طـروش
بأيش اجازيكم إلى جيتـوا المجمـول بإيـش
عن لساني بلّغوهـا تـرى القلـب مْعـروش
عرش حنّان الدبا في غصون ارضٍ نشيـش
كان نقبي يا جميلـه طلـع علـى فشـوش
عيشتي في تالي الوقت يا حلوه علـى ايـش
في هواك أصبحت كني مع الناس مغشـوش
إثر في غيبويـة الحـبّ غيبوبـة حشيـش
لعنبوك استغفري لي إلـى جـوك الطـروش
عن قصيـدٍ مـا ذكرتـه ولا تقوليـن ليـش
لو تبيّن ما ورا الصدر مـن شـيٍّ يجـوش
كان بأكثرنا بيمـدي جليـد المـاء يجيـش
اضافة رد مع اقتباس
  #2  
قديم 04/04/2010, 07:48 PM
الصورة الرمزية الخاصة بـ the king yasser
زعيــم متألــق
تاريخ التسجيل: 24/07/2008
مشاركات: 1,304
ملك الشعر بكل اختصار

بس اتوقع مو مكانه هنا مكانه الصيد
اضافة رد مع اقتباس
  #3  
قديم 05/04/2010, 12:20 PM
زعيــم متواصــل
تاريخ التسجيل: 02/08/2008
مشاركات: 172
أف اف اف
قصيده قويه بصراحه ولايجيدها سوى ( فرعون الشعر )
لله درك يابو فارس

مشكور أخوي عبدالله على النقل
اضافة رد مع اقتباس
  #4  
قديم 05/04/2010, 04:30 PM
الصورة الرمزية الخاصة بـ The Rocket
زعيــم مميــز
تاريخ التسجيل: 20/06/2008
المكان: Not found 404
مشاركات: 1,830
كم حرف ( ش ) في القصيدة ؟

==

يعطيك العافية يالغلا ..
اضافة رد مع اقتباس
  #5  
قديم 06/04/2010, 01:42 AM
الصورة الرمزية الخاصة بـ موج الخليج الأزرق
زعيــم مميــز
تاريخ التسجيل: 02/10/2005
المكان: في وطن الهلال
مشاركات: 2,922
ماشاء الله تبارك الله

ملك الشعر وفرعونه ,,, شاعر الثقلين

قصيدة راااائعة جدآآآآآآ

هذا الشاعر يدهشني يومآ بعد يوم

في رأيي المتواضع أنه من أفضل 5 شعراء خليجيين إن لم يكن أفضلهم
اضافة رد مع اقتباس
  #6  
قديم 06/04/2010, 11:30 AM
الصورة الرمزية الخاصة بـ الهلالي عبدالله
زعيــم متألــق
تاريخ التسجيل: 27/10/2005
مشاركات: 1,299
شكر للجميع تواجدهم ومشاركتهم في الموضوع
اضافة رد مع اقتباس
  #7  
قديم 06/04/2010, 05:07 PM
زعيــم فعــال
تاريخ التسجيل: 06/04/2007
المكان: الرياض
مشاركات: 282
بلا بلا بلا

خرابيط ... والله ما عنده من الشعر الا الدجة
اضافة رد مع اقتباس
  #8  
قديم 06/04/2010, 09:01 PM
موقوف
تاريخ التسجيل: 13/12/2009
المكان: كامبـــــ نوّّّّ الأفلاجــّّّّ
مشاركات: 1,412
ماشاء الله قصيده ولا أروع

من فرعوون الشعر

يعطيك ربي ألف عافيه
اضافة رد مع اقتباس
  #9  
قديم 07/04/2010, 09:11 AM
الصورة الرمزية الخاصة بـ الهلالي عبدالله
زعيــم متألــق
تاريخ التسجيل: 27/10/2005
مشاركات: 1,299
إقتباس
الرسالة الأصلية كتبت بواسطة سلومي22
بلا بلا بلا

خرابيط ... والله ما عنده من الشعر الا الدجة



هلابك اخوي

احترم وجهة نظرك ياعزيزي
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:43 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube