.. حنّ .. ياخي حنّ .. ويش اللي جرى ؟!! .. - نادي الهلال السعودي - شبكة الزعيم

الـوفـا ديـــن · #1 03/04/2010, 03:57 AM

.
.
.

لا تسدد طعنتك وسط الصميم ..
يرحم أمك جرح قلبي ما برا .. !!
توّني ما طبت من جرح(ن) قديم ..
لا استجدّ الهم في لحظه طرى !!
برْد قلبك كسّر ضلوعي .. أليم !!
عن رياحه مالي يا قاسي ذرى !!
لو اشبّ النار في أرض(ن) هشيم ..
كيف ابدفى بس و فراشي ثرى ؟!!
بَحترق لك حب و الله العظيم ..!!
بَحترق لك شوق لو حالي برى ..
حسّ ..تكفى داخلي هم(ن) عظيم ...
حنّ ياخي حنّ ويش اللي جرى ؟!!
كل دمع(ن) عانق عيوني يتيم ..
لا تحسّ و لا أظن قلبك درى !!
قلت لك ما ذقت في قربك نعيم!!
و الجحيم البعد و عيونك ترى !!
لا تجدد طعنتك وسط الصميم !!
يرحم أمك توّ جرحي ما برا !!

الوفا دين ..

* بالغ الشكر و جزيل العرفان لأخويّ ذايب و الكلاسيكي على رحابة صدريهما و مساعدتهما لي لأعرف طريقة عمل الخلفية .. من أعماق الأعماق شكراً .

هلاليه محترفه · #2 03/04/2010, 04:02 AM

لا تجدد طعنتك وسط الصميم !!
يرحم أمك توّ جرحي ما برا !!

صح اللســـانك ..
قصيده رائعه جداً .. مثل روعتك اختي الغاليه ..
الله يعطيك الف عافيه ..

الـوفـا ديـــن · #3 03/04/2010, 09:10 AM

إقتباس

الرسالة الأصلية كتبت بواسطة هلاليه محترفه


	لا تجدد طعنتك وسط الصميم !! يرحم أمك توّ جرحي ما برا !! صح اللســـانك .. قصيده رائعه جداً .. مثل روعتك اختي الغاليه .. الله يعطيك الف عافيه ..

صح بدنك أختي الغالية
مرورك دوماً رائع
و وجودك في متصفحي دوماً يسعدني

شاكره مرورك

هلالية أبوها أتحادي · #4 03/04/2010, 04:04 AM

ماشاء الله تبارك الله احساس مرهف
كل دمع(ن) عانق عيوني يتيم ..
لا تحسّ و لا أظن قلبك درى !!

سلمت الانامل ياشاعرتنا الرائعة

الـوفـا ديـــن · #5 03/04/2010, 10:26 AM

إقتباس

الرسالة الأصلية كتبت بواسطة هلالية أبوها أتحادي


	ماشاء الله تبارك الله احساس مرهف كل دمع(ن) عانق عيوني يتيم .. لا تحسّ و لا أظن قلبك درى !! سلمت الانامل ياشاعرتنا الرائعة

يا هلا و الله
الله يسلمك يالغلا
شاكره مرورك الرائع بروعتك

مـوت ومـيـلآد ! · #6 03/04/2010, 04:32 AM

حسّ ..تكفى داخلي هم(ن) عظيم ...
حنّ ياخي حنّ ويش اللي جرى ؟!!

مآآآششآإإء الله تبآآرك

الله ! قصيده ولا ارووع

! الله لاايضرك بس

!

الـوفـا ديـــن · #7 03/04/2010, 11:05 AM

إقتباس

الرسالة الأصلية كتبت بواسطة هلاليه إيطاليه


	حسّ ..تكفى داخلي هم(ن) عظيم ... حنّ ياخي حنّ ويش اللي جرى ؟!! مآآآششآإإء الله تبآآرك الله ! قصيده ولا ارووع ! الله لاايضرك بس !

هلا و الله و غلا
للحين ما زلت أتذكر تعليقك على لا ترحل

شاكره مرورك الرائع و اللي تشرفيني فيه دوم
و الله سبحانه و تعالى ما يضر عباده

لا هنتي يالغلا

RO7_ALHILAL · #8 03/04/2010, 06:57 AM

ماشاء الله عليك كتابتك متمكنه بالقصيده ، واحساس طاغي
شكراً لك وصح لسانك

الـوفـا ديـــن · #9 03/04/2010, 04:13 PM

إقتباس

الرسالة الأصلية كتبت بواسطة RO7_ALHILAL


	ماشاء الله عليك كتابتك متمكنه بالقصيده ، واحساس طاغي شكراً لك وصح لسانك

صح بدنك
و إطراءك اسعدني
شاكره مرورك
لا عدمنا حضورك

@هلالي حتى النخاع@ · #10 03/04/2010, 07:10 AM

ماشاءالله لاإله الاالله >ترى عينه قوي هههه

هذا شعرك يالغالي يعني أنت اللي قايله والا مجرد نقل؟

الـوفـا ديـــن · #11 04/04/2010, 06:00 AM

إقتباس

الرسالة الأصلية كتبت بواسطة @هلالي حتى النخاع@


	ماشاءالله لاإله الاالله >ترى عينه قوي هههه هذا شعرك يالغالي يعني أنت اللي قايله والا مجرد نقل؟

هلابك و انا اختك
أي نعم هذا النص لي كتبته من اربع ايام تقريباً

شاكره مرورك الجميل

الهلالي دائماً · #12 03/04/2010, 09:12 AM

ماشاء الله تبارك الله ...
ابيات جميلة ولغة شعرية فذه

يعطيك العافية اختي الوفا دين هذا الحضور الجميل ...

إقتباس


	توّني ما طبت من جرح(ن) قديم .. لا استجدّ الهم في لحظه طرى !!

دمتم بحفظ الله ,,,

الـوفـا ديـــن · #13 04/04/2010, 09:10 AM

إقتباس

الرسالة الأصلية كتبت بواسطة ماجد مقبل


	ماشاء الله تبارك الله ... ابيات جميلة ولغة شعرية فذه يعطيك العافية اختي الوفا دين هذا الحضور الجميل ... دمتم بحفظ الله ,,,

دمت و دام عزك
حيالله مشرفنا العزيز
أشكرك على إطراءك و صدقني مرورك هو الأجمل

لا هنت

غـرـرـرـرـريـم · #14 03/04/2010, 10:32 AM

لا تحسّ و لا أظن قلبك درى !!
قلت لك ما ذقت في قربك نعيم!!

يا الله...هذا ( سهم مسموم )....انا أشهد اني ما ذقت في قربه ( نعيم )

لبى قلبه الشاعر ( صح لسانه )

الـوفـا ديـــن · #15 04/04/2010, 12:03 PM

إقتباس

الرسالة الأصلية كتبت بواسطة غـرـرـرـرـريـم


	لا تحسّ و لا أظن قلبك درى !! قلت لك ما ذقت في قربك نعيم!! يا الله...هذا ( سهم مسموم )....انا أشهد اني ما ذقت في قربه ( نعيم ) لبى قلبه الشاعر ( صح لسانه )

حياك الله اخوي
وصح بدنك , مثل ما قلت لأخوي هلالي حتى النخاع الأبيات لي ماهي لأحد ثاني
شاكره مرورك