الفرق الشاسع بين ورعان حي العليا والسليمانيه (الهاي هاي) وورعان حيالنسيم والنظيم بالرياض ..!!


(ورعان العليا والسليمانيه بالرياض)


في الصباح حيث يبدأ يوم هؤلاء الورعان عندما يستيقظ على صوت
الكناري اللي بغرفته , بعدها يتوجه للحمام يتروش ويفرش أسنانه ويطلع
من الحمام تستقبله المربيه بالمنشفه وتصبح عليه يروح يغير ملابسه
وياخذ شنطته وينزل لغرفة الطعام ويصبح على أمه وأبوه وأحلى
بوسه ياخذها منهم
ويفطر ذاك الفطور طبعا عباره عن كورنفليكس أبو ديك وبيضه وحده بس!!
وكاس عصير وشوية زبده مع العسل على خبزه
بعدين يقوم يغسل فمه ويودع الماما والبابا ويتوجه للسياره يلقى قدامه
السواق مبتسم ويفتح له الباب ويوديه لمدرسته الخاصه

ورعان حي النسيم والنظيم)هؤلاء الورعان مايصحوا من النوم الصبح إلا بعد ما يطلع الواحد عين أهله ولازم جميع أفراد العائله تمر عليه
عشان تصحيه وكل واحد وطريقته
الاب: قم جعلك الهزل ..!!
الأم: قم جعلك الجدري ..!!
الأخ: والله إذا ما تقوم لافقع وجهك ..!!
أخته: < تسوي نفسها بتدلعه> : يالله قوم وأعطيك شنطة أخوك تروح فيها
للمدرسه ..!!
بعد ما يقوم يمر الحمام على السريع ويغسل وجه
وبعدين ياخذ أقرب كتب عنده ويربطها ويجيك مدحدر يدور الفطور ويتفاجأ
أنهم ما حطوه ..!!
بعد ما يجي الفطور وهو كالعاده فول شكشوكه وخبز تميس + حليب ..!!
يبدأ الورع بالأكل وشوي إلا وهو حاذف أخوه بعلبة الهندسه ..!!
عشانه سحب صحن الفول من عنده <مسكين ما يطوله> وشوي الا وهو
مسدد بقس عنيف يمشي مليوووووووووووون لأخوه الثاني!!
لأنه سرق فسحته..!!
أبوه يتكلم معه يا ورع أركد وأفطر وعين خير أنت وش بلاك؟.. وراك مدرسه
يرد الورع عليه: انت ما تشوف سعيدان سارق فسحتي ..!!
<<سعيدان اكبر سروق بالبيت>>
أبوه على طول يصدق ويصـــــــك سعيدان كف صدقي ..!!
المهم بعد ما يخلص الفلم اليومي يروح الولد للسياره يلقى أخوه فاتح
الكبوت ويصب ماء للرديتر المشقوق تقفل أخلاق الورع وينقز للشارع ويأشر لأقرب سياره ويروح للمدرسه ..!!



(ورعان العليا والسليمانيه)


بعد المدرسه يرجع الورع ويلقى المربيه في استقباله تاخذ
الشنطه وتوديها لغرفته بصحبته
يغير ملابسه ويغسلو جهه ورجليه
ويستريح له ساعه في أنتظار افراد العائله عشان يتغدى وبعد الغداء
الرايق
يروح لغرفة الجلوس ويشرب شاهي للتهضيم , ويحلي بقطعة كيك وبعدين
يروح لغرفته ينام له ساعه قبل العصر.



(ورعان النسيم والنظيم)


الورع منهم يجي من المدرسه وثوبه قالب لونه بني<< تقول جدارمدرسه >>
ولا دخل البيت رمى الشنطه بالصاله وفصخ ثوبه
ووينك يالشارع << أخوياه يحترونه>> وهاتك ياللعب
كوره بذي القايله وعاد الشارع مولع من الحراره وهم عادي مررره
ولا كأنه فيه شيء واهله ما يدرون ..!!
في هذه الأثناء يرسل أبوه كتيبه من اخوانه للبحث عنه ولا لقوه وجابوه
للبيت قام يصيح طقوني وسحبوني قدام الناس << والله ما أحد لمسه النصاب>>
المهم يحطون الغداء <<معروف كبسة لحم>> غيره ما فيه ..!!
يتغدى الورع الكريم ويصــــــــــــــــــك بعدها لتر لبن
بعدها يجلس ساعه فاتح فمه
يحتري من يوديه يغسل له يديه ..!!



(ورعان العلياوالسليمانيه)


ورعان العليا والسليمانيه لاجاء العصر جابوا دروسهم وشافوا وشعليهم من
واجبات وحلوها وحضروا دروس بكره بمساعدة الماما والبابا
بعدها يروح لغرفة الألعاب ويجلس على البلاي ستيشن 3 وخذ لعب
لمدة ساعتين تقريبا يعني الى وقت ما بين المغرب والعشاء
بعدها تطلبه أمه مع بقية أخوانه عشان يجتمعون ويشربون العصير
ويسولفون سوالف رايقه



(ورعان النسيم والنظيم)


يجي وقت العصر وهو نايم << مفعول اللبن >> يقوم قبل المغرب
وياخذ دروسه وواجباته << وأقلامه ناسيها في درج الطاوله اللي بالمدرسه>>
ويروح عند أخته ويتحايل عليها بكل ما أوتي من قوه علشان تحل له
الواجبات واذا قالت لاياويلها يا سواد ليلها..!!
بعد كذا أنواع الدجه مع ورعان الحاره ومن هم على شاكلته ما يخلون
هندي الا وسرقوا سيكله ..!!
مايخلون شارع فيه تفحيط إلاومروا عليه وخذ إزعاج ووجع راس لخلق الله ..!!
ولا رجع البيت << على الساعه 11 الليل تقريبا >> تلقى راسه مفلق من
جميع الاتجاهات والشرطه تدوره وجارهم مسوي أعلان عليه مطلوب
حي أو ميت ..!!
وأهله مساكين مايدرون عنه ..!!



(ورعان العليا والسليمانيه)


بعد مايتعشى الواحد منهم ويمسي على أهله يروح لغرفته ويجلس
على النت ساعه أو ساعتين إلى موعد نومه << الساعه 10 تقريبا >>
بعدها يغير ملابسه , وتجي المربيه وتحكي له قصه اللين ينام تغطيه وتطفي النور ..!!



(ورعان النسيم والنظيم)

لا رجع البيت<<الساعه11الليل>> ما يدخل مع الباب لا
ينط منفوق السور علشان ابوه ما يمسكه..!!
وعلى طول لغرفته ويسكر الباب ويطفي النورو يطل من الشباك على باب الشارع الرئيسي يشوف وش صار على مسلسل المشاكل المكسيكي اللي جابها معه للبيت وكيف بيحلها ابوه
مع الناس ومع جارهم ومع الشرطه ..!!
وفي أثناء ذلك يستغل الفرصه ويدز للمطبخ وياخذ منه جبن << جبنةالبقره الضاحكه >>
وخبز ويرجع لووووووووووكره (( غرفته ))
ويقفل بابالصندقه << الغرفه>> ويتعشى من ذا الجبن والخبز
الين يدوخ <علىالساعه 3>> لا وأزيدكم من الشعر بيت ما ينام
إلا وهو متلطم ..!!




للأمانه منقول من احد المنتديات الرايقه

كلهم بهم خير

لكن الفرق

النسيم يخرج رجـــــــــال .. أما النظيم يح لك تتكلم فيه لأنه حي سمعته مش ولا بــد

أما حقين العليا اللهم لا شماته

الموضوع للفرفشه فقط

لكن النظيم اخرج مسؤلين وفنانين وشعراء

ورجال فيهم خير ولا نعمم بالكل

والنسيم كذلك

لاحد يجي يقول شكلك في النظيم او النسيم

لا لكن هذا الحق

تقبلوا مروري

مشكوريين يالغلا على المرور

هههههههههههههههههههههه

ياخي للاسف البعض فاهم ان النسيم والنظيم والدخل (كلهم) سرابيت وضايعين لكن والله فيهم العاقلين والكفو والرجاجيل ولكن الاسف البعض شوه سمعة هذي الاحياء.
في نفس الوقت البعض يتوقع العليا والسليمانيه واحياء شمال الرياض كلهم (هاي هاي) ومدلعين ومترفين ولكن والله تلقى فيهم رجال وكفو وناس عاديين .

والله يانتم فاهمين العليا غلط بعد


هذاني ساكن في الشمال وولا كلمه من قلتها تصير لي

^^^^^^
للاسف كثيرين فاهمين العليا غلط اولهم الي فوقك

والله فيه ناس فاهمين العليا او الشمال بشكل عاام
يعني كل من سكن في العليا صار خكري هذا موب كلام
انا مااعرف عن حي النسيم ولا النظيم حي هذا اللي شفته انه مظلم
يعني كذا تتعدى علي وعلى الباقين
يعني كل من سكن في العليا او الشمال صار خكري صراحه اللي في العليا ناس محترمين وفاهمين وعاقلين
لكن ماادري عن الاحياء الباقية والموضوع للفرفشة واتمنى مايكون فيه اساءات

والله الموضوع للفرفشه بس والنعم بأهل الرياض كلهم من شمالها لجنوبها

كلهم ابناء الوطن وفيهم الخير
و
بكل الاحوال
الحال الماديه مأثره << ملاحظه فقط
وإلا
؟؟
يسلمو
تحياتي

!!!!!!!!!!!!!!!!!!!!!!!!


(ورعان العليا والسليمانيه بالرياض)


في الصباح حيث يبدأ يوم هؤلاء الورعان عندما يستيقظ على صوت
الكناري اللي بغرفته , بعدها يتوجه للحمام يتروش ويفرش أسنانه ويطلع
من الحمام تستقبله المربيه بالمنشفه وتصبح عليه يروح يغير ملابسه
وياخذ شنطته وينزل لغرفة الطعام ويصبح على أمه وأبوه وأحلى
بوسه ياخذها منهم
ويفطر ذاك الفطور طبعا عباره عن كورنفليكس أبو ديك وبيضه وحده بس!!
وكاس عصير وشوية زبده مع العسل على خبزه
بعدين يقوم يغسل فمه ويودع الماما والبابا ويتوجه للسياره يلقى قدامه
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

وش تحس فــيـــه كــنآآآري اجــل .. انا من شــمآآآل الريأأض و الله ما قــد شفت ربــع الي تقــوولـــه !!