,

هاردلك ليفربوليه هاردلك ابو اصيل

شجعتكم والله لكن رافا وش يحس فيه !!

تغييرات سلبيه جدا ً و ليه يطلع توريس بالله !!

ترى بنفيكا بيجون للانفيلد و يكفي جماهير الانفيلد تقدر تأثر على أي فريق

غريب أمره صراحه كان ودي تفوزون بس رافا ما وده ؟

أشوآ بينز قدر يرجع للمباراه

بصراحه اصابته خوفتني , رحمت كابيلو 3 اظهره يسار مصابين

على العموم رجع و عساه يكمل

,

,

وش ذا يا همرز

ما يستاهلون الهبوط صراحه

الدقيقه 85 ياكوبو جاب الثاني لـ ايفرتون

الدقيقه 86 ويستهام عدلوا

الحين الدقيقه 89 و النتيجه 2 - 2

يا لبيه يا بريمر الجولات الاخيره متعه ما بعدها متعه

ايفرتون 2 - 2 ويستهام

انتهت

الف مبروووك الفوز وعودة الفريق للصدارة

ماسمعتوا بمثل قدم الغشية والحقه تعادلنا مع بلاكبيرن لانها ماتحلى الصدارة الا بدقة خشومهم وعلى ملعبهم وبين جماهيرهم

جوله كانت بتكون من صالحنا لولا هدف بنتدر الي كالعادة بالدقايق الاخيرهـ لكن الحمد الله انا تصدرنا وان شاء الله ينتهي الدوري باستمرارنا بالصدارهـ

الشوط الاول ظرب امثله بالانضباطية والظعط على حامل الكورة .. ماشفنا المان منتقدم الى الامام الا بكورة بارك بس في لقطة بلنتي حقهم المزعوم .. الشوط الاول الفريق كان ناقصه لاعب واحد وهو الي ينهي الهجمة .. انيلكا تحس انه يلعب محور جنب اوبي كان مالودا اوجوي او حتى باولو كان عندهم الفرصة لعملية عرضية بس تمركز انيلكا الغير جيد وعدم تقدم سوبرفرانك سبب عدم استغلالنا لمثل هل الكور .

طبعاً آنشيلوتي دخل بتشكيلة 4-3-3 .. افضل تشكيلة للفريق بلامنازع .. كل مادخلنا بهالتشكيلة مو شرط نفوز على الاقل نقدم مستوى .. اتمنى من آنشيلوتي يدخل في مباراة مع فريق ابو 7 الفيلانز بالسيمي فاينال يدخل بالتشكيلة هذي

تشيك

يوري .. تيري .. اليكس .. فريرا او ايفا اذا كان جاهز

اوبي ميكيل

..................ديكو

لامبارد


مالودا ...........................جوكول

ديديه

تشكيلة فيه توازن غير طبيعي ومتاكد ان بهالتشكيلة الفريق بنحسم الدوري وانا متصدرين بفرق ثلاث نقاط ان شاء الله ونحسم الكأس كذلك .. اذا كان لاعب او لاعبين ماكانوا بالفورمة فيه بدائل ممكن تلعب كالو في مكان احد الثلاثي الهجومي وكذلك انيلكا ووبالاك بيكون خيار قوي بالوسط وايفا وكارفا وآشلي بيكونون خيارات قويه جداً بمنطقة الدفاع عند رجعتهم ان شاء الله

مابي اتكلم واطلع عن مباراة المان كثير لهذا خلونا نحلل مستواء كل لاعب بمباراة الأمس

تشيك صح انه ماختبر كور كثير لكن بمجرد انك تشوفه بين الخشبات الثلاث نتطمئن وتشعر براحه حتى مع كورة بربا الاخيرهـ تحس انه يصدها وهو واثق من نفسه ان شاء الله يستمر اداء التشيكي افضل وافضل

زيركوف ياهو بعد كتم فالينسا صح ماكان ذلك الفعال مع مالودا بالجهه اليسرى اذا ماقارنا فعاليته بمباراة الفيلانز لكن على الاقل ماغاب عن فالينسا الى بكورة بالكثير جداً بكورتين .

تيري اذا ظهر مستواهـ الكبيتانو مافيه خوف على دفاع تشيلسي بآذن الله .. من مباراة الانتر الاياب ومستواهـ متصاعد في كل كورة بينه وبينه بربا تكون الغلبه للكبيتانو .. كان مميز جداً امس ونتمنى استمرار مستوياته الرائعه

أليكس كان جيد نوعاً ما وان كان هناك اداء افضل من البرازيلي .. كورة بلنتي بارك الي ماحسب .. مدري كيف سقط هل هو من العشب او من شيء ثاني مانعلمة بس فتح جهة الدفاع وكاد يتسبب بهدف لولا تدخل زيركي .. هو مجملاً كان جيد ولكنا نطمح بالمزيد من الكيس لاني واثق فيه وهو عندهـ اداء افضل من متش المان .

فيريرا مستوياته متصاعدهـ .. ايه نعم ماكان ضغط عليه كبير واول مادخل ناني صنع الهدف من جهة فيريرا وبغلط منه .. ونعم ماكان ظغط عليه بالشوط الاول كبير من جهته لان بارك تشوفه يدخل بالعمق اكثر الى دخول ناني .. لكن مستواهـ يتصاعد افضل وافضل وان شاء الله يثبت على هالمستوى .

ميكيل يازينه وهو رايق بس .. عندهـ كم هفوهـ واهمها السماح للخصم بحرية عند التسديد برى الـ 18 وان شاء الله يعمل على تداركها هالاخطاء وكذلك التمريرات الخاطئة في بعض الاحيان النادرهـ، جداً .. لكن ماحسينا بغياب ايسيان رفم فارق المستويات للغاني لكن على الاقل الى الآن النيجيري ساد خانة المحور بكل اقتدار

ابوفلبن لمساته بالفريق الوحيد الي ممكن تطربك الشوط الاول مافصر وعمل كم من كورة بشكل ممتاز لكن بالشوط الثاني رجع يساند اوبي بشكل جيد الى آخرعشرين دقيقه الي يوم وصله صارت لياقته صارت صفر على الشمال وسرعان ماحس الكوتش وغير ديكو يببالاك .

لامبارد ماشفت الاداء الهجومي له الفعال ولكن كان اداءهـ ممتاز من الناحية التكتيكة اقتطع كم من كورة وهو الي يبداً الهجمات غالباً بمنطقة الدفاع .. ممكن يقل مستواء لامبارد اذا كان ديكو موجود .. ديكو بالشوط الاول كان متقدم كثير بعكس لامبارد الي كان متاخر مع اوبي.. بالشوط الثاني ظغط المان والكل رجع للخلف لين غير آنشي وصار فيه توازن .

قرعوطي العزيز اقدر اقارنه بميسي << احس انها قويه

المستويات الي يقدمها الحين الخرافية بكل مباراة بكل ماتعنية الكلمة من معنى يصنع وغالباً مايسجل بعد .. مستوى مالودا الاكثر من رائع الي يقدمه الحين بسبب قرب نهائيات كأس العالم والمستفيد هو تشيلسي وكذلك مالودا .. نتمنى استمرار القرعوط على هالمستوى وافضل وان شاء الله لانا نحتاجله كثيييييييييييير فيما تبقى من موسم .

جوكول بالشوط الاول افضل اداء له من بداية الموسم .. مو على شانه بس سجل الهدف المهم لا .. بس وقف ايفرا بالشوط الاول وثلث ساعة من الشوط الثاني بعد ذلك لياقته طاحته وشفنا تحركات من ايفرا واختراقات لين ماغير الكوتش التغيرات الي افادة الفريق تماما ً.. جوكول قلته وبعد كل مباراة اكررهـ يحتاج الى المباريات المتتالية ويكون فيها اساسي وبتشوفون مستويات متصاعدهـ لجوي ان شاء الله .. ممكن سبب لعبه كذلك آخر المباريات بسبب غياب دروغبا عن التشكيلة الاساسية لكني اتمنى واتوقع ان شاء الله انه يستمر وحتى لو رجع دروغبا كاساسي ويكون انيلكا احتياط ان شاء الله .

أنيلكا مدري هل هو يحسب نفسة يلعب بجانب ميكيل والا .. انيلكا تمركزهـ السيء الي بالشوط الاول كاد ان يكلفنا المباراة كم من كورة تصلح لعرضية لكن تشوف الشيخ بجانب ميكيل تحس ضيفتوه بمباراة الامس استلام كورهـ و تعطيل الهجمة وبعد مايعطل الهجمة يستمر بغباءهـ ويرجعها للخلف .

دروغبا مامثلوهـ دخل اخر 20 دقيقة وباول دقيقيتن دخل خلص على المتش كنا نفقدهـ صراحه بالشوط الاول ولو كان موجود اتوقع كنا بنطلع باكثر من هدف بالشوط الاول بآذن الله .. ديديه مسجل الحين 25 هدف وان شاء الله بمباراة بولتون القادمة الي بالدوري بيكون البيتشيتشي.

بالاك تغيرهـ كان تكتيكي اكثر منه فني .. بالاك دورهـ الدفاعي افضل من ديكو وبكثير عشان كذا غيرهـ وكذلك يمتلك خبرهـ كبيرهـ لمثل هذي المباريات والي ظهر بآخر لقطة بالمباراة يوم قطعها من جيجز وكسب خطأ بوقت مهم وبالدقيقة الاخيرهـ بالوقت بدل الضائع .

كالو قايلكم خذو خال على الاطراف وخصوصاً على الطرف الايمن .. دخل وكان ليقاته توب التوب بعكس ايفرا الي كان لياقته متدهورهـ وماقصر الخال صنع الهدف الحاسم لديديه

الشوط الثاني الفريق تراجع وشي طبيعي بعد ظغط المان وعلمنا كورة بالدقيقه الثاني بعد اسيست ولاروع من جوي الى فيريرا الي لو ماتأنن وعرضها لانيلكا الي كان تمركزهـ افضل تمركز له في المباراة كامله لكان كلام ثاني بعتقادي هذا إن ماضيعها بعد .

آنشيلوتي مدري وش قاعد يسوي قدام البيج فور تكتيكاته رائعة دايم البيج فور واعطية من نجوم المباراة امس .. ان شاء الله يكملها بتوتنهام بملعبهم وكذلك الريدز يارب

الحين الحمد الله رجعة الصدارة لنا ونتمنى نستمر بالفوز بالثلاث المباريات المقبله عشاني متاكد ان شاء الله ان الارسنال والمان او على الاقل واحد منهم بيتعثر فيها ان شاء الله .. اهم شي الحين بعد مانتصدرنا مانضيع الفرصة لان خلاص معد فيه تعويض ومابقى الا 5 مباريات متبيقية بالدوري بس .. الفريق بهالعناصر وبهالمستويات وبعودة المصابين ان شاء الله قادر على الفوز بجميع المباريات القادمة رغم صعوبتها وان شاء الله ناكد ذلك

نتمنى استمرار المستويات الرائعه الى نهاية الدوري وان شاء الله نبارك لبعض بنهاية الدوري

اعذرونا على الاطاله لكن كان كلام بالقلب ومن الفرحه لاني من زمان وودي نصكهم على ملعبهم والحمد الله لك يارب

يعطيكم العافية على هالتفاعل شباب ونتظر المزيد والمزيد ان شاء الله ,,

اعذرونا على الاطاله مرة ثانية

Are waiting for your return