..( ديكو : اعتقد اننا يجب ان نلعب بتوازن وسندخل موقعة الاولدترافورد للفوز ".
" اعتقد أننا بحاجة للعب بنفس طريقة مباراة الفيلانز وبروستموث ، في محاولة لإبعاد الكرة عن الخصم ، لتمرير الكرة بشكل متقن ونكون خطيرين عندما نهاجم ".
"إنهم أفضل بالطبع من فريق بورتسموث أو أستون فيلا ولكننا يمكن أن نفوز ,سيكون من المهم أيضا أن ندافع جيدا ، مانشستر يونايتد هم قويين جداً ويتقنون الهجمات المرتدة جيداً ".
" هم لاعبين جيدين ، ولكن علينا ان نذهب الى هناك فقط ولا نفكر في ما يفعلونه , ونحن نعرف ما يتعين علينا القيام به ".
"أعتقد أن لدينا فرصة للفوز ، ونحن سوف نذهب الى هناك للفوز وليس للتعادل ، ولكن النتيجة ستكون سيئة جداً لو خسرنا لاقدر الله , إذا كنت تريد الفوز لا يمكنك قول أي شيء فالعمل اهم من ذلك , لدينا مباريات متبقية صعبة ولكننا سنكون في وضع جيد بآذن الله ".
.. مبارة القمة .. مبارة حسم الدوري .. مبارة الموسم ..
/
تشائم وتفائل وأعصاب ونفسية << وضعه صعب , وضع فريقنا صعب جداً بعد أصابة روني والخسارة الملعونة من البايرن ولاكن لاشفت شكل فرغي يجيني تفأل قوي ينبأني بالفوز << أمموت على اللغة العربية , أما بالنسبة للفريقنا أتمنى أنهم يدخل بنفسية جديدة وينسون كابوس البايرن ويفكرون في مبارة البلوز فقط , وبربا تكفى هاذي مباراتك و فلتشر تكفى أدهر وستقعط للبلوز وفالنسيا مغط الأظهره وفديتش حجر للدروجبا وأبوسارة أنشاء الله مايدخل مرماك ولاهدف , وفرغي نبي خلطه ملعونه تحووس أوراق البلوز وأنشاء الله الفوز من حليفنا .. يارب
/
.. أنشاء الله أذافزنا على البلوز بنضرب حجرين بعصفور << يسمع بالمثل ..
أقصد عصفورين بحجر ..
1. نسكت الجحلط الي يقولون أن روني هو مانشستر << حتى السنة الي راحت قالوا نفس الكلام مع رونالدو ونفس النظام مع النسترروي وبيكهام والبقية ..
2. نبقى متصدرين الدوري بفارق 4 عن البلوز وأيضا ندخل بطموح مجننون للمبارة البايرن
المان والبـلوز متعة كروية على الظهرية
الفـائز راح يتحدد وبشكل كبير مسـار بطل الدوري
مباراة منتظـرة من جميع محبي البريمير ليـج
بـ التوفيق لـ الفريقيـن ، وإن شاء الله نشوف
مبـاراة مثيرة بيـن المانيو والبلـوز في قمة الجولة 33
أووه مباراة قمة في الصعوبة لاتقولي غياب (روني) يسهل مهمتنا صحيح (روني) لاعب كبير ومن اهم الاوراق في المانيو أنا بـ صراحه أميل لـ وجهة نظر (كارليتو) في هالموضوع وهو أن غياب روني سـ يعطي دفعه معنوية كبيرة لـ لاعبي المانيو حتى غيابه راح يعطي الفرصه لـ (السير) باللعب بـ الجناحين السريعين (ناني و فالينسا) وامامهم رأس الحربة الطويل (برباتوف) ومن خلفهم الثلاثي (فليتشر - بارك - كاريك) وأعتقد أن أصعب شيء راح يواجهة تشلسي هو سرعة (ناني وفالنسيا) وكذلك القادمون من الخلف (بارك - كاريك - فليتشر) .
لابد من لاعبينا اللعب بـ حذر من خطورة المان ومحاولة نرفزة لاعبيه لانهم راجعين من خسارة تقهر لانها في آخر الوقت , كذلك يجب ان نلعب لعب سريع ونحاول نفتح عالاطراف ونضغط على حامل الكره وننكمش بـ سرعه في حالة فقدان الكره ونكون في كامل تركيزنا ونحاول نستحوذ على الكره أكثر وقت ممكن وتقليل اخطاء التمريرات .
وإن شاء الله الفريق يتوفق ويفوز
المانيو حتى بالتعادل كسبان لانه راح يستمر متصدر كذلك المباراة على ارضه وهذي تعطيه أريحية أكثر , تشلسي لازم يفوز حتى يعود للصدارة وهذي تعطي اللاعبين طموح كبير للفوز وتخليهم مركزين على هدف وهو تحقيق الفوز لكن اذا جازف بالهجوم ممكن هالشيء ينقلب ضده لازم الفريق يلعب بـ توازن وينتبه لـ خطورة المنافس ويحاول يضربه بـ ذكاء .
أتوقع كارليتو يدخل بالقائمة هذي /
أبو أديلا
يوري ........ تيري ........ اليكس ........ فيريرا
لامبارد ...... ميكيل ...... ديكو
مالودا ............... كالوا
دروقبا
السير يبي يدخل بـ /
فان دير سار
إيفرا ........ فيديتش ........ ريو ........ نيفيل
كاريك
فليتشر ............ بارك
ناني .................... فالينسا
برباتوف
United (from): Van der Sar, Kuszczak, Foster, Neville, Rafael, De Laet, Ferdinand, Vidic, Evans, Evra, O'Shea, Park, Valencia, Carrick, Hargreaves, Scholes, Fletcher, Gibson, Obertan, Giggs, Nani, Berbatov, Macheda, Diouf.
. بغض النظر عن الاسماء .. مثل هالمباريات تحتاج روح و عزيمة واصرار اكثر من اي شي ثاني .. ياما لعبنا مباريات كبيرة بغيابات تقصم الظهر .. بالروح والرغبة ودعم جمهور المسرح انتصرنا .. وهو الشي اللي راح يصير بكرة اذا ربي اراد
اللاعبين لازم يدخلون المباراة على ان الفوز فيها يعني ضمان اللقب بنسبة 99% .. الهزيمة معناته تودع الدوري .. المباراة ماهي مجرد ثلاث نقاط .. مباراة البطولة .. ابي اشوف 11 وحش يقاتلون لآخر دقيقة علشان الفوز .. اقلّها يهدون الفوز لـ روني اللي ما قصّر هالموسم ويستاهل بطولة من الثنتين اللي باليد على الاقل .. دور المدربين بكرة اتوقع راح ينتهي لما يطلق الحكم صافرته .. بالمختصر الفريق اللي عنده رغبة اكبر بالفوز هو اللي راح يفوز .. وبإذن الله لليونايتد
خططياً خطة الثلاث محاور ممكن تنفع بتواجد روني .. لانه مهاجم يتحرك وينزل يسلم ويستلم .. بس مع بيربا اتوقع راح يختلف الوضع .. تحتاج لاعب تكون نزعته الهجومية أكبر .. شخصياً اتوقع السير يلعب بـ محورين .. فليتشر اكيد وجنبه يا كاريك يا سكولز .. اتوقع كاريك و راح يوفر سكولز للبايرن .. مهما كان سكولز الفترة الاخيرة لعب تقريباً كل المباريات ولياقته ما راح تسمح له يلعب ثلاث مباريات تستنزف مجهود بدني باسبوع واحد .. نفس الشي بالنسبة لـ غاري !
راح نشوف جناحين ولاعب ورى بيربا .. بارك مثل هالمباريات تحتاج بثارته .. يعطيك خيارات هجومية .. ودفاعياً مساندته ممتازة .. وممكن تستخدمه يوقف احد عناصر الخطورة بـ تشلسي (لامبارد - مالودا ) .. جيجز - ناني - فالنسيا .. بنشوف اثنين منهم واتوقع ناني و جيجزي .. علي انا ؟ .. اتمنى فالنسيا لانه بالاوفرات مميز .. شفنا منه هالموسم كم اوفر بطل جاب منها بيربا بالذات اهداف .. برضو نحتاج لاعب يساند رافا المتوقع مشاركته بحكم ان الجهة اللي يعتمد عليها انشيلوتي الجهة اليسرى (زيركوف و مالودا) .. برضو نحتاج اوراق هجومية على الدكة .. ناني وماكيدا بيكون لهم دور لو تأخرنا بالتسجيل لا سمح الله .
وش براس السير صعب تتوقع .. بس اللي اتوقعه التشكيل اللي ذكرت .. ممكن تفكيره يلعب بالشوط الاول ويحاول يسجل هدف ويقفل ويلعب على المرتدات بالشوط الثاني .. اشوفه تفكير سليم في هالوقت وهالظروف .. يهمني رباعي الدفاع والمحاور يكونون مصحصحين .. بيربا لازم يعرف ان الكلللل في مانشستر مأمل عليه كثير هالفترة
مبارايات وناآآسه وتوقيتها بطل خصوصا للي عنده اجاازه
فريقنا قدام برمنجهام الغثيث ونبي نواصل على هالانتصارات اللي جات مع الاقناع من الفريق ككل .
واتمنى ماتكون لـ مباراتنا ضد بنفيكا تأثير على اللاعبين خصوصا الحكم اللي طلع اللاعبين من طورهم والله سلمنا من الاصابات .
رافا لو استمر على هذا النهج الهجومي اللي اتبعه بالفتره الاخيره وضعنا بيكون بالسليم وبتكون المباراه حفلة اهداف ان شاء الله .
اماا مباراة الظهر معروف الاماني لمين
واعتقد لو البلوز لعبو بعقلانيه بيقدرون يلقطون المباراه خصوصا انها مفترق طرق بالنسبه لهم على البطوله الوحيده الباقيه لهم هذا الموسم لذلك اعتقد اناا موعودين بمباراة تكسير رآآس .
وغيآآب روني بيكون له اثر كبير على المان خصوصا ان المباراه مهيب قدام بولتون وما اعتقد ان فيه بديل كفؤ ممكن يسوي اللي قاعد روني يسويه للمان مع كرهي لهالمخلوق الايفرتناوي المانشستراوي >> جمع الزين كله
يعطيكم العافيه ربعنا ما قصرتوا
المباراه ما اقدر اتكلم عنها الظغط ما يساعد
لكن كلي ثقه بالسير وانا متاكد اننا بنتفاجا بالمستوى مثل ما عودنا السير
واتمنى يلعبون تشيلسي كاملين عشان ما يتحججون
وانشاء الله مباراة بكره تكون لتاكيد الصداره
![][ EPL 33 ][ البلوز يتصدر بثنائية المانيو .. القنرز يحافظ على حظوظه بهدف التسعين .. السيتيزن رابع بالستة .. الريدز يتعادل ][ تقديم + متابعه ..][](iconimages/t880869_rtl.gif)
...........
والله يآخوي نطقهآ موب اخترآع صآروخ 
.. دور المدربين بكرة اتوقع راح ينتهي لما يطلق الحكم صافرته .. بالمختصر الفريق اللي عنده رغبة اكبر بالفوز هو اللي راح يفوز .. وبإذن الله لليونايتد 
.. برضو نحتاج لاعب يساند رافا المتوقع مشاركته بحكم ان الجهة اللي يعتمد عليها انشيلوتي الجهة اليسرى (زيركوف و مالودا) .. برضو نحتاج اوراق هجومية على الدكة .. ناني وماكيدا بيكون لهم دور لو تأخرنا بالتسجيل لا سمح الله .
الوضع المتطور
