السلام عليكم ورحمه الله وبركاته

اخباركم طيبين ,
اول شي ادري انكم مشتاقين لي غبت اسبوع كنت مسافر > نصاب موقف

ثاني شي / جمعه مباركه

نبي نخش في الموضوع (دوغري)

الاستبنه وما ادراك ما الاستبنه

طبعا اول شي نعرفكم وش معنى الاستبنه ~> للي مايعرفونها

الاستبنه : هي اهم كفره في السياره , لحد يتفلسف يقول اللي قدام يمين

لا هي اللي في الشنطه وتعد اهم كفره لان اذا بنشرت اي كفره راح تستخدمها على طول <جاب شي جديد

المهم
اليوم يوم قمنا من النوم وناوين نطلع نصلي الجمعه

تفاجانا ان سيارت الوالد مكسوره القزازه

وبعد البحث والتحرير اكتشفنا ان الاستبنه مسروقه

لاحول ولا قوه الابالله يوم جمعه والناس تسرق
والله قهر ياخي ليش تصرق سيارات الناس ماتخاف ربك
والمشكله سرق (كفره) يعني كل هالتعب مايسوى

والحمدلله سيارتي دخلتها في الكراج <نذل

واكلها الوالد هههههههههههه


سؤالي :

ليش هالظاهره منتشره ؟
يعني للدرجه ذي الناس (طفارى) ؟
بالله موب قهر تطلع تشوف سيارتكم مكسره ومسروقه ؟
تتوقع لو احد بلغ وقال سيارتي انسرقت , شرطتنا العزيزه وش راح تسوي ؟؟



,,,

يعني لازم نسوي مثل هذا



نشوفكم في مشكله جديده

الله يعوضكم ..
الطفرة هالكة الشعب ..
وهذا حلهم الوحيد

البطـاله ثم البطـاله ثم البطـاله

الناس ما تحصل شي تاكل منه و اكيد الكل بيتوجه للسرقه و غيرها

و ان شاء الله ذنبهم على من يوقف الوظائف في كل دائره حكوميه

هلا ازرق ...
المشكلة اذا سرق السيارة وهي جديدة
خالي انسرقت استبنته والسيارة مالها شهرين بس

إقتباس الرسالة الأصلية كتبت بواسطة أزرق والقلب أبيض ليش هالظاهره منتشره ؟

لان سرقتها سهله وما تاخذ وقت

إقتباس الرسالة الأصلية كتبت بواسطة أزرق والقلب أبيض يعني للدرجه ذي الناس (طفارى) ؟

طفارى طفارى ما نختلف فيها
المشكلة انه اذا باعها ماتسوى شيء

إقتباس الرسالة الأصلية كتبت بواسطة أزرق والقلب أبيض بالله موب قهر تطلع تشوف سيارتكم مكسره ومسروقه ؟

الا والله قهر ومليون قهر
بالنسبة لي اقول لو الحرامي طاق علي وعطيته ميتين ريال احب لي من انه يسرق الاستبنه

إقتباس الرسالة الأصلية كتبت بواسطة أزرق والقلب أبيض تتوقع لو احد بلغ وقال سيارتي انسرقت , شرطتنا العزيزه وش راح تسوي ؟؟

بتقول تعال سجل بلاغ
واذا جيت وسجلت بلاغ بيقولون دروه واذا لقيته دق علينا نجي ناخذه

فيه ناس مجانين سرقه

يسرقون اي شي

اعرف واحد سارق من البقاله بودرة جسم
وسارق اكل من المطعم

فتوقع اي شي ينسرق

والله يعوضكم ان شاء الله



تقبل مرروي..........................

,,,


يا رجااال البطالة وما تسوي

هونها يا أزرق الله يعوضكم ان شاء الله

ما تدري يمكن السارق يتوب وبدال ما يرجع الاستبنه

تطلع تحصل جيب بورش

برايفت :

لا عاد تجيب العيد مره ثانية


,,,

أزرق والقلب أبيض ,,

وعليكم السلاآم ورحمة الله وبركاته ,,

جمعه مباركه علينا وعليك

ياعليك وصف بعد ههههههههههههههههههـ مشآء الله بس

اللي يسرق جعل يدهـ الكسر على الاقل تنسرق الاستبنه ولا تنسرق لك
لاحول ولا قوه الابالله يوم جمعه والناس تسرق <<< الحين الناس ماتهمها الجمعه مو الجمعه كله واحد عندهم

الله يعافيهم ولا يبلانا


ليش هالظاهره منتشره ؟
قلتها طفارى ×طفارى ,, او لعانه
يعني للدرجه ذي الناس (طفارى) ؟
اكييييييييييييييد
بالله موب قهر تطلع تشوف سيارتكم مكسره ومسروقه ؟
اذا عندي سياره قلت لك بس من جد الحركه بس تقهر وشلون يسرق
تتوقع لو احد بلغ وقال سيارتي انسرقت , شرطتنا العزيزه وش راح تسوي ؟؟
ماراح تسوووي شي

تررى علقت عشااان الصوره شي ثاااني ياهو خطيير بعد اللي مسويها

تحياتي لك ,,

لاحول ولا قوة الا بالله

سبب انتشار الظاهره ؟
1_الـ(فئه) الهمجية الي يجب القضاء عليها بـ اي طريقة كانت.
2_قلة الوازع الديني لبعض الشباب هداهم الله .
3_سوء تربية .
4_سهوله الموضوع ولانه ماياخذ وقت .

يعني لهدرجه الناس طفارى؟
اكيد اغلب الي اتجهو للسرقه بسبب الطفره , عموما الطفره لاتعني انك تسرق سيارات وبيوت خلق الله , يعني مش معقول كل الابواب تسكرت ومابقا الا هالطريق.

تتوقع لو احد بلغ وقال سيارتي انسرقت , شرطتنا العزيزه وش راح تسوي ؟؟
عزيزي , الشرطة اوادم زيهم زينا موب كائنات فضائية عشان تقولهم انسرقت استبنه ويقولون لك 5 دقايق ونجيبها لك والسارق , اكيد بيسون الي يقدرون عليهم ويراقبون الحاره كم يوم , لان المجرم يوطوط عند مكان جريمته .

لما اكون عاطل وابوي مايعطين فلوس

وانا داج هاج وش اسوي عشان اكسب فلوس ؟

اكيد لازم اسرق

.. .. .. ..
.. .. ..
.. ..
..

جمعة مباركة علينا وعليك


يأزرق والله لو تدري كم يطلعون كان اشتغلت معهم

إقتباس ليش هالظاهره منتشره ؟

1- لأن فيها دراهم
2- ماعندهم لا شغل ولا مشغلة
3- اذا مسكوه الشرطة يطلع بواسطة

إقتباس يعني للدرجه ذي الناس (طفارى) ؟

جارنا معه هلي 2009 توه مركب جنوط مرسدس الجنط مافيه ولا مخش من كثر إنه جديد
طلع من بكرا لقاهن على بلك

وواحد ثاني معه شاص والشاص الاستبنه فوق بالصندوق واذا فكيت الاستبنه يطلع شكل الشاص شين بقووووه
عاد هو فاكه خايف تنطل

ج2: ايه ليش فيه كثير مو لاقين يأكلون وتلقاه عاطل بعد

إقتباس بالله موب قهر تطلع تشوف سيارتكم مكسره ومسروقه ؟

إلا قهر

إقتباس تتوقع لو احد بلغ وقال سيارتي انسرقت , شرطتنا العزيزه وش راح تسوي ؟؟

أوووه تبي تقول دورهن عن محلات الكفارات إذا لقيتهن علمنا


عندنا ماينطلون إلا كفارات الهلي ولا الشاص ولا الربع
وكل هالجنوط والله ياهن غليااااااات ...




.. .. .. ..
.. .. ..
.. ..
..

الله يعوض الوآلد خير ..

اسبآب كثيره تخليهم يسرقون الاستبنه

اول شي .. المفحطييين يحتآجونهآ ض1 ومآلهم الا السرقه ..

ثآني شي .. البطآله مثل ماذكر احد الاخوآن

يعافيك ربي

تسسلم

الله يعوض ابوك خير

لكن البطاله تسوي اكثر ، وترا يمكن يكون اجنبي لأنهم ايضا مرشحين

وعليكم السلام ورحمه الله وبركاته

الحمد لله ع سلامتك من رجوع الأيقاف

والله يعوضكم خير أن شاء الله


ليش هالظاهره منتشره ؟

لأن سرقتها ماتاخذ 5 دقايق

يعني للدرجه ذي الناس (طفارى) ؟

والله تقدر تقول طفارى

بالله موب قهر تطلع تشوف سيارتكم مكسره ومسروقه ؟

الأ والله أني أنقهر بس لو شفته فقعت وجهه

تتوقع لو احد بلغ وقال سيارتي انسرقت , شرطتنا العزيزه وش راح تسوي ؟؟

والله ماراح يسون شي هههههههههههههههههههههههه

إقتباس الرسالة الأصلية كتبت بواسطة الازرق المتعصب الله يعوضكم .. الطفرة هالكة الشعب .. وهذا حلهم الوحيد

امين
منور اخوي

إقتباس الرسالة الأصلية كتبت بواسطة زعيم المستديرة البطـاله ثم البطـاله ثم البطـاله الناس ما تحصل شي تاكل منه و اكيد الكل بيتوجه للسرقه و غيرها و ان شاء الله ذنبهم على من يوقف الوظائف في كل دائره حكوميه

والله في بعضهم يدرس ولا موظف ويسرق

منور اخوي