يا ناس شوفوا وين وصل فينا الحال ؟؟ !! - نادي الهلال السعودي - شبكة الزعيم

taroki · #1 01/04/2010, 12:08 AM

السلام عليكم ورحمة الله وبركاتة ..

الله لا يمسيكم الا بكل خير

شلونكم يا حلوين شنو مسوين وشخباركم ؟؟ << شوي شوي عليهم

الموهيم انا ما ابي اكثر كلام ما ابي اطول عليكم ..

الموضوع وما فيه اني كنت في اتصال مع واحد احبه مرة مرة مرة من اقاربي

وكان يسولف لي ويقولي سالفة احسها جديدة شوي علينا وعلى مجتمعنا ..
يعني ما اذكر انها حصلت .. المهم قريبي هذا الله لا يحرمني منه ولا يخليني منه

مو في مدينة رئيسية من مدن المملكة ولكن انا ما اقدر اقول بأي منطقة عشان ما تكون فيه بعض العصبية القبلية ..

الحاصل يا حلوين ( تراك طولتها وهي قصيرة) يقولي ابو الشباب ان اخته تدرس في مجمع مدارس يعني (تمهيدي - ابتدائي - متوسط - ثانوي) كلها بمبنى واحد .. تخيلو شنو صار ؟؟؟

اللي صار انو فيه اربعة شباب اطمروا المدرسة عشان واحد من هالاربعة كان مواعد خويته فالمدرسة هههههههههه

يعني ما اذكر صراحة انه قد حصل هالشيء من قبل .. المهم تفاجأت من خوينا اللي يحكيني الموضوع وقال لي ان اثنين راحوا لم المدرسة المتوسطة واثنين راحوا لم الثانوية .. والاثنين اللي راحوا لم الثانوية صوروا اثنين مدرسات بالمدرسة

وقالوا لهم احتروا صوركم على اليوتيوب

.. وفوق كذا قال لي انهم مسكوا الشابين اللطيفين اللي راحوا لم الثانوي واعترفوا بأسم البنت ( يعني نكبوا عفش البنت ) ..

الموهيم يا حلوين .. تتصورين هل صاروا بعض شبابنا قليلين الحياء للدرجة هذي ؟؟

والمصيبة انو الاماكن صارت قليلة للدرجة هذي عشان يطمرون للمدرسة ( ارض الله وسيعة ) خصوصاً ان المدرسة دائرة حكومية واستغرب واقول وين الرقابة عنها من الحارس ؟؟

بس حبيت اقولكم السالفة لاني استغربت منها مرة وفي انتظار تعليقات ومداخلاتكم يا حلوين

اترك المايك لكم