|
وش تبوني اقول مستحي منكم يا الجمهور السعودي السلام عليكم ورحمه الله بركاتهـ كيفكم يا جمهورنا الحبيب اولا مدري اذا اعتذرت يمكن ماحد يتقبل اعتذاري. ولكن اقولها آسف والعذر والسموحه وكلكم على عيني وراسي اذا طلع من جمهور الوصل او الاهلي او العين غلط. بصراحه انا اعترف انه جمهور الوصل غلط لكن ما ادري ايش السبب وحتى ان كان سبب كبير ماله داعي يكون الرد كذا انا من البدايه كنت مع الوصل لكن بعد الاحداث تحولت اشجع للنصر عناد للجماهير. نجي على الاهلي مايختلف على الوصل انا شايف في منتداكم تكلموا عن ياسر لكن الله واعلم عن ايش الي حاصل من هذيك السنه ولكن العذر السموحه. لكن انا بكلم اي سعودي واتحدى اي اتحادي او هلالي اذا شاف غلط من جمهور الوحده في مباراتنا معكم ضد الهلال قبل 4 سنوات او الاتحاد. الجمهور الوحيد ولله الحمد ماشفت اي واحد يتحدث عنه بغلط جمهور الوحدة. طيب الحين ايش ذنبنا نحن كجماهير الوحدة انه بعض الاشخاص يقول شعب الاماراتي وصخ شعب الاماراتي مو محترم شعب الاماراتي ما يحترم السعودي والله حرام عليكم اهو اكثر جمهور يتابع الدوري السعودي في نظري وانا ساكن في بوظبي اهو جمهور الوحده. اذا راح تتحدثون تحدثوا عن فريق ارجوووووووووووووووكم رجاء لا تجمعونا. وللاسف في رد انا شفته واعاتب المراقبين انه ماحذفوه في رد مكتوب عليه يقول فيه هذولاء عيال زايد!!! الحين كل شعب الامارات الكبير والصغير خليتهم ع كم من شخص يمثل نفسه وجمعتهم وتقول هذيلاء عيال زايد!!! بعدين اذا بتجي لجمهور الوصل اليوم خبر وفاء الشيخ احمد بن زايد الله يرحمه وجمهور الوصل يغني ويترقص يعني ايش تبوني اقولكم انا من ناحيتي اكره جمهور هذا جمهور الوصل ياما صارت لنا مشاكل مع جمهور الوحده في ابوظبي. في النهايه اسمحولي اذا غلطت بلكتابه لاني كاتبها مستعجل ولا حاسب وش الي كتبته. همسه: انا مستغرب اشوف الكل يقول الهنود والبنقال شكلكم رايحين دبي بس ماتجون لعندنا ابوظبي ولا ماكنتوا قلتوا هنود انا ادري نحن في ابوظبي نسمي دبي هنود لكن ابوظبي ماتكون نفس دبي |
نعم اخي الكريم اولا اشكرك على اعتذارك ونتقدم باحر التعازي لدولة الامارات وجمهور الوصل يمثل نفسه والامارات اهلنا واخواننا جميعا وخليجنا واحد ويبقى التنافس الكروي داخل الملعب فقط واي فوز للامارت هو للسعوديه والعكس صحيح ونحن في اتم السعاده عندما شفنا لعيبة الاهلي والهلال وهم يتجهون مع بعض في ضايفة ادارة الاهلي فهاكذا الروح الرياضيه بين الاخوان شكرا لك وتقبل مروري بود |
اخي الكريم بالتأكيد ما حصل يمثل فئة معينة لا تنتمي لشعب الامارات ولكن اذا عرف السبب بطل العجب فالاخصائي اهان نفسه بأن عمل حركة لا اخلاقية للجمهور ومن حق الجمهور ان يوقفه عند حده لذلك شاهدناهم يضربونه هو فقط ولم يعتدو على احد غيره لكل فعل ردة فعل شاهدنا المنتخب يلعب في الامارات واندية كثيرة تلعب هناك ولم تحدث مشاكل من الجمهور بالعكس معروف عنكم الطيب والكرم لذلك ما حصل لا يعبر عن واقع وانما حالة شاذة دمت بخير |
عيال زايد ما يلحقنا فيهم شك وما حدث هو عبارة عن تصرفات مراهقين لا أكثر ولا أقل وهؤلاء المراهقين لا يمثلون الشعب الإماراتي ولا الشعب السعودي . نحن كشعب خليجي واحد يجمعنا الدين والأرض وعادات لا يفرقنا جلد منفوخ وصيحات مراهقين أثر عليهم بعض المرضى . تأكد تماماً أخي العزيز أننا نكن للشعب الإماراتي خاصة والخليجي عامة كل الحب والتقدير والإحترام لا تلتفت لما كتب من مواضيع وردود في حق الشعب الإماراتي أجمع وهذه المواضيع والردود كتبت بأقلام مراهقين وأسلوب مراهق لا يمت للعاقلين والكبار منا بصلة . وكما لديكم بعض المرضى فهناك منا من هم مرضى فبجب علينا جميعاً أن ننبذ هؤلاء المرضى . تحياتي لك ولشعب زايد الذين لهم معزة خاصة على قلبي |
في الفتره الاخيره بدأت العلاقه السعوديه الاماراتيه تتوتر وخاصه من بعد مباراة السعوديه و الامارات بخليجي 18 بابو ظبي في ذيك المباراة فاز المنتخب الاماراتي وقلنا مبروك ولكن بدر من جمهور الامارات شي يحزن صراحتن وهو انهم يوطون ( يدهسون ) على العلم السعودي وهو اغلى الاعلام كيف لا وموجود فيه كلمة التوحيد فكانت المباراة في ابوظبي وهذا هو جمهور ابو ظبي مااختلف عن جمهور العين ولا دبي ولا اي اماره ...! ومباراة الاتفاق والجزيره جمهور الجزيره ضرب لاعبين الاتفاق وجمهور العين قبل اسبوع سوا نفس الحركه بضرب لاعبين الشباب والان جمهور الوصل وجمهور الاهلي مع ياسر ..!! ولكن مع كل هذا ننسى مامضى ونبقى اخوان وكلنا واحد وخليجنا واحد ...~ ومعذور ونقبل اعتذارك ويكفي انك هلالي واذا ماكنت هلالي يكفي انك احد عضاء شبكة الزعيم .. |
اخوي توتي حياك الله ياغالي الشعب الإماراتي والشعب السعودي كلهم واحد , ونحن اخوان قبل كل شي وابوها كورة تفرقنا :) لذلك اللي حصل في مباراة الوصل والنصر حالة شاذه في عالم كرة القدم ! ومن كان السبب في هذه المشكله يمثل نفسه ولا يمثل الشعب الإماراتي الأصيل ,, عموما ً ماحصل قد حصل والمباراة إنتهت بخيرها وشرها مبروك للوصل الإماراتي الذي حفظ ماء الوجه قليلا ً بعد سلسلة من الهزائم الثقيله على الفرق الإماراتيه ! وحظ أوفر للنصر في بطولات قادمة ,, وحياك الله |
ليه تعتذر.........؟! هذي رد فعل عاديه لان القذر اخصائي العلاج هو اللي غلط .. وانتم اخواننا .. |
لا تعتذر يالغالي بالعكس اهل الامارات عزيزين وغالين والي سواه جمهو الوصل اثلج صدري بصراحه ويستاهل الاخصائي الي جاه اذا كان غلطان وياليهم كملوا على كل افراد البعثه ورنوووووووه رنووووووه فقعوا وجهه |
. آولا .. بيض الله وجهك .. وانا استغرب من بعض الشباب بالمنتدى .. انه يعمم مآيخص باللى صآر بفئه معينه من جمهور الوصل عمومآآ حيآك الله بينا |
فترٍه من آلفترٍآت , كآنَت آلعلآقـه رٍآئعه بين آلجمهوٍرٍينَ لكن للآسف , جمهور آلآمآرآتي مسخهآ في آخر سنتينَ ولنآ بـ مبآرآة آلآتفآق وآلجزيره , وآلشبآب وآلعين , وآلوصل وآلنصر آلآخيره , ولآ ننسى آلهلآل وآلآهلي آلآمآرآتي , جمهوره يتلفض على يآسر آلقحطآني بـ عبآرٍه لآ آخلآقيـهٌ للاسف , آلفرق آلآمآرآتيـه تجينآ نستقبلهآ بآلورود , وتستقبلنآ بآلشتآئم وآلحركآت آلآستفزآزيه بآلملعب وفي حتى آلتدريبَ قبل آلمبآرآة ع آلعموم تحسب لك آخوي آنك تحآول تصفي آلآجوآء بيننآ , بس يآليت مآيكون شخص وآحد من مجموعه , نتمنى جمهور آلآمآرآتي كـ كل يحترم آلصله آللي بيننآ , ثم يحترم آللعبه كـ لعبـهٌ , |
ياتوتي ولا تضيق صدرك ولا شي يستااااااااهل ماجاه خله يتادب كانها من ايدي اذا واحد قل ادبه علي والله لاخليه يشوف النجوم في الظهر خله الا والله انهم عيال زايد مايرضون على انفسهم |
انا بتكلم بكل صراحة ولا يهمني حتى لو جاني واحد وقال مندس انا اللي اعرفه ان اي مباراة حاسمه بين اي فريق سعودي واماراتي وفي ارض الامارات نشوف الحرب الاعلامية والجماهيرية اللي تتعدى الخطوط الحمراء فيما يخص هاللي انضرب اليوم من الطاقم الفني للنصر اقول يستاهل ودواه ماجاه علشان يتعلم الاخلاق بس وش ذنب عباس يجيه تكفيخ في بطنه ورجله !! ولا ننسى احداث جمهور الجزيره قدام نادي الاتفاق واللي سواه في لاعبي الاتفاق انا ماراح اعمم على الجمهور الاماراتي ولا راح اعتب عليه عتبي على مسؤولي الامن بالملعب ليه كل ماصارت سالفه في ملاعبكم ضد اي نادي سعودي يجلسون يتفرجون وزيادة على كذا يحمون جمهورهم عموما مبروك للوصل وهاردلك للقفراويه واحنا وانتو ياشعب الامارات حبايب واللي بيننا وبينكم اكبر من مباراة كرة قدم وجماهير اغلبها مراهقه حرام نحكم على شعب علشان تصرفاتها |
لاتعتذر ولاشي , إلا بيض الله وجيهكم وسلمت أياديكم ولو ضربتوا اللاعبين بعد كان تصيرون إكه وأفضل جمهور في العالم :smilie47: |
ما اقول الا حسبنا الله ونعم الوكيل وكل واحد ياعامل الناس بأخلاقه واصلة صراحة بعض الردود مخجلة جدا !! وين الوطنية ياللي تقول عادي ماصار شي؟؟!! الحمد لله الشعب السعودي شعب محترم ومؤدب اللي يجينا نحترمه ونكرمة واذا طلعنا خارج وطنا نلاقي الاهانه من دون اي سبب والزمان شاهد مع المنتخب السعودي والانديه السعوديه وش دايما يصير معاها من قلة ادب لكن يبقى السعودي مرفوع الراس شاء من شاء وابى من ابى . نصراوي هلالي اتحادي اهلاوي كلهم اندية الوطن وكل الشعب السعودي واقف معاهم قلبا وقالبا ولا ارضى احد يمس شعرة من شعر اي مواطن سعودي مهما اختلفنا في الميول اللهم انصر دولتنا واحفظ شعبنا السعودي |
عذرك مقبول اخوي ونحن نعتذر عن كل خطأ صدر من اي واحد سعودي كان مشجع والا لاعب والا اداري واحسن الله عزاكم |
| الوقت المعتمد في المنتدى بتوقيت جرينتش +3.
الوقت الان » 07:40 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd