والله صدق من قال(الحريم ناقصات عقل ودين)لا تزعلون ياصبايا ادخلوا واعرفوا السالفة(اخر تقليعات الزفات والزواجات)
 

بسم الله الرحمن الرحيم

مساء الخير يازعماء ويازعيمات
:d:d:d:d:d

انا دائما متعودة اكون ضد اي احد يقول ان :ranting:(النساء ناقصات عقل ودين):ranting:
لكن بعد هذي السالفة إللي حكتها لنا اختي :wub:اقتنعت انه في حريم ينطبق عليهم هالمثل:naughty:
وبقووووووووة ولاتزعلون يابنات:rose:
لانكم لما تعرفون السالفة بتبصمون لي بالعشرs121s

هذا طال عمركم قبل اسبوعين تحديدا يوم الخميس كانوا اخواتي مجتمعات عندنا:gathering
وقعدنا بعد المغرب نسولف وعلى قهوة رايحه وقهوة جايه:d

وكنا نسولف عن الزواجات والسهرات ومين من معارفنا عندهم زواج هالصيفيه
ومع السواليف جبنا طاري الحركات الجديدة في الزواجات

اختي الكبيرة قالت لنا حادثة صارت قبل سنتين تقريبا
وهي عبارة عن (تقليعه جديدة لزفة العروس)

المهم تقول اختي>>>>>>اقسم بالله هذا بالضبط إللي قالته اختي لنا واكدوا اهل زوجها:
كان هذاك زواج ثنتين بنات اخوات لكن العرسان من عايلتين مختلفات
واحد ولد عم العروس والثاني من خارج العائلة
المهم,تقول يوم جاء وقت الزفة
دخل العريس الأول(إللي بيتزوج بنت عمه) لوحدة بزفه خاصة فيه
بعدين جا وقت دخول العروس تتوقعون شلون كانت الزفة



هذا طال عمركم العروس زفوها وهي من غير فستان بس لابسه وشسمهs29s
يعني مثل مايقولون اخواننا المصريين>>>>>>>>>>> لابسه من غيرهدوم:to:
الفستان ويييييييييييييييييييييييييييييييييييين ياحلوين؟:d
تتوقعون وين :surprise:؟

الفستان سلمكم الله على المنصة جنب العريسs2s

المهم زفوا العروس وهي بالوشسمه لما وصلت للمنصة
قالوا للعريس يالله لبس زوجتك انت سترها وغطاها:s3s:>>>>>>لا والله الا انتs107sو....ها:s3s:
العريس انبسط ولبس زوجته فستانها وهو متشقق من الفرحة:clap:

الزفة الثانية نفس الشي بس العريس طلع رجال وولد رجالs69s
يوم وصلت زوجته للمنصه وشافها وهي بالوشسمه قال لها:
وين فستانك؟
قالت له فستاني عنك يالله لبسني إياه لانك ستري وغطاي:shocking:
العريس قال: طالق طالق طالق:fk:>>>>>>>>>>>>>انا اشهد انك شنب:thumbup1:


سؤال:
تتوقعون وش يحسون فيه اهل العرايس وهم يطلعون هالفكرة لزفة بناتهم؟

لو كنت بهالموقف (شباصة-شنب) وقتها وش بتحس فيه؟

سوعال للصبايا:
الحين موافقين على المثل انه بعض( الحريم ناقصات عقل ودين)؟



اختكم الازين والاطلق والاحسن شي>>>>>>>>> اخلصي:d:
وسن الهلالية:rose::rose::rose::rose::rose::rose::rose::rose::rose::smilie47::smilie47::smilie47::smilie47::smilie47::s milie47::smilie47::smilie47::smilie47::smilie47::smilie47::smilie47:

اتوطأ في بطنها واقول لها انتي فراشي وانا غطاك

ههههههههههههههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههههههههههههههههههه


اتخيل اششششكاالهن بس:s2: هههههههههههههههههههههههههههههههههههههههههههههه :d

استغفر الله بس الله لا يبتلينآآآ:cry::yes: !!!!!





سؤال:
تتوقعون وش يحسون فيه اهل العرايس وهم يطلعون هالفكرة لزفة بناتهم؟

اهل جهله ومتخلفين:mad: ! فاهمين التطور غلط :ranting:! وبس يحااولوون يقلدووون الغرب:mad: ! وبس يحاولون يشتهرون باي وسيله:ranting: !

دنيآآإإ رديه:cry: ! خلت النااس رخووم:cry: !



لو كنت بهالموقف (شباصة-شنب) وقتها وش بتحس فيه؟

الحمدلله ماافيه احد عندنا رااح يسسسوي هالفكره:yes: وحتى لو وافقوا مسسسسسسسسسسسسسسستحيل اسسسويها:to: !

احلى ماافيه البنت سسسترهااا هو جمالها الرووحي:wub: !

وبعدين خير سلااامآإإت:mad: ! اطلع كذآآإ قدآآم العاالم:ranting: ! والله لو اني قليلة حيآآ ماسويتها :s2::yes:!

الله يستر علينآآ بس:wub::smilie47: !



سوعال للصبايا:
الحين موافقين على المثل انه بعض( الحريم ناقصات عقل ودين)؟

طبعآآآآ:yes: ! ومثل ماافيه بنات ناقصات عقل ودين:yes: فيه حريم الله مكملهم بالدين والعقل:smilie47: ! ونسسسال الله ان يثبتنا على ذالك:wub: !

والله يسسستر من الدنيآآآ وبلاآآويهاآآآ :ranting::mad:!


الله يعطيك الف عاافيه يااوس وس:smilie47::d !<<<--- تصفيره ذي مو اسم دلع:s2::smilie47: !

هلآ هلآ اخت وسن الهلالية ,,

صباحك خيير:rose:
شووووفي ماراح ازعل من كلآم (النساء ناقصات عقل ودين):naughty: لانه الناس فاهمين العباره غلط :d

الله يديم عليكم جمعاتكم ,,:yes: ونقص العقل والدين منحصر على النساء والرجال اذا كانوا جاهلين :s5s: الحمد الله والشكربس :cry:

بعدين الحين السالفه ماعليييييييييييييش وين حنا فيه صراحه قووويه وين الناس عايشه فيه :s5s::bigeek:

والله ماصدق انه فيه احد بالجراءه هاذي s67s الله يعافيهم ولا يبلانا بس :cry: الله اولها خراب اكيييد تاليها خراب :cry: ,,

صرراحه ماقدار اعلق اكثثر من كذا لانه ماني مستوعبه :d:d

الحين موافقين على المثل انه بعض( الحريم ناقصات عقل ودين)؟
أوفق اذا صار عقليتهم زي ذولي الحمد الله بس,, بس عمومآ لا لانه ماحكم على النساء عشان فئة معينه مثل مافيه حريم ناقصات عقل بعد فيه حريم كاملة عقل:d:d

تحياتي لك

والله انه كفو

الحين موافقين على المثل انه بعض( الحريم ناقصات عقل ودين)؟

بقووووووووه بعد هههههههههههههههههه

يعطيك العافيه

خخخخخخخخخخخخخخخخخخخخخخخخخخخخخ
فاتني العرس ليتني عرفت اختك قبل العرس ورحت معها :d:d

اصلا قبل لاتقولين ان الحريم ناقصات عقل ودين..انا بنت واقول ناقصات عقل ودين ..من تصرفاتهم الغبيه
الا مارحم ربي :s3s:

...يحسون بقلة الادب ..وعدم احترامهم لبنتهم وولنااس اللي جاييينهم ..يعني خير سلامات
طيب الاهل جايبين الفكره عقل البنت وينه فيه؟!!


مووستحيييييييييييييل اصير بهالمووقف

الله يستر علينا دنيا واخره بسس



ايه موافقين ونبصم ع العشر :s5s::d


لك :rose:

أهلا وسن..
والله مدري وش يحسون فيه هالعالم..؟!!
أجل تروح وهي كذا وتقول انت ستري وغطاي..؟!!:ranting:

بعدين أنا أرفض فكرة إن الزوج يدخل داخل صالة النساء..حنا بعايلتنا يسوونها البعض لكني أرفضها تماما .. هذا أولا..

في البداية أنا ماراح أتكلم عن البنات والحريم ..لالالا أنا أبتكلم عن الرجال الخرفان الي يرضون حريمهم وبناتهم وأخواتهم يسوون كذا..!!
ياناس ترى فيه فرق بين "الرجل والذكر" فليس كل من كان جنسه "ذكر " هو رجل لالالا ..لأن الرجوله لها متطلبات ..وأحد هذه المتطلبات هي الغيرة على المحارم وهم للأسف يفتقدونها ..!!:mad:
وين غيرة الرجل على محارمه وأهل بيته..؟!!:ranting:
يعني لهالدرجة وصلت حال بعض الذكور - ولا أقول الرجال لأن الرجوله لها متطلبات وهم يفتقدون أبسطها وهي الغيرة - في تراخيهم مع أهلهم..؟!!:ranting:
أنا ما ألوم الحريم - مع إنهن يتحملن جزء من اللوم - لكني ألقي باللوم الأكبر على أشباه الرجال الي يرضون يخلون أهلهم بهالمواقف هذي والمواقف الي مثلها..!!

والله دنيا عجيبة ومؤلمة في نفس الوقت..:cry:

-والأهل مع احترامي فاهمين إن التطور يكون بــ "العري" مايدرون إن العري تخلف مو تطور..!! قاتل الله الجهل والتقليد الأعمى..:ranting:

- أنا أصلا ماراح أطب على أي بيت أخطب منهم ..أكيد أبتحرى عن البنت الي متربية تربية سليمة وأهلها يعرفون الأصول حق المعرفة..بعدين مستحيل أدخل داخل صالة النساء لو ما أتزوج..
لكن لو حصلت أبقول لها الله يستر عليك اقعدي في بيت أهلك ..

-أما عن ( ناقصات عقل ودين ) فهو حديث نبوي شريف وليس مثلا..وبالتالي يجب أن نؤمن به الإيمان التام لأن الذي رواه البخاري ومسلم وهما سيدا أهل السنن..لكن يجب أن نفهم الحديث الفهم الصحيح وليس الفهم التهكمي والاستهتاري على المرأة..

فالحديث ليس فيه أي انتقاص للمرأة ..وارجعوا لفتح الباري شرح صحيح البخاري للاستزادة..

شكرا وسن ..

آسف على الإطالة..

..عبدالعزيز..

ههههههههههههههههههههههههههههههههههههههه
كفو والله



انا عن نفسي ماصدق إللى ما اكدوا لي اخوات زوج اختي لانهم يقربون لاهل العرسان





اجل وس وس هاه
الله يوسع صدرس يافتاة:smilie47::smilie47::smilie47::d:d:d

من جهه قوية فهي قوية مرررررررررررة
تخيلي انك في سهرة والعروس قدامك بالشسمه
وتروحين عن اخواتك ثاني يوم
ويسئلونك
شلون العرس؟
عسى الزفة حلوة
تقومين تقولين لهم العروس لابسه الوشسمه والعريس لبسها الفستان

يووووووووووووووووووووووووووووه
حالة

ههههههههههههههههههههههههههههههههههههههههههه
اقعد يالشنب مبسوط
لان الكلمة معاك مو ضدك لو انها لكم يالشنبات كان طرتوا وعصبتوا:ranting::ranting::ranting:

هههههههههههههههههههههههههههههههههههههههههههههههه
من جد ناقصين عقل بقوووووووووووووووة

وربي هذا إللي صار
هو صراحة الحركة مررررررررررررررررررررررررة رايحه فيها
بس وش بتسوي في إللي يدورون التميز

الحين صعب او نادر تلاقي احد يتزوج من دون مايدخل مع زوجته عن الحريم علشان الزفه


بعدين يالاخو من قال لك ان الرجال يعرفون
ترى الرجال عندهم غيرة
بس ترى الزفة الرجال مالهم دخل فيها ابدا
يعني تصير بين العروس وحريم العايله

وممكن يدخل العريس طرف فيها احيانا
الرجال مالهم الا انهم يدفعون
يدفعون فلوس ومصاريف زفات وكوشه وخرابيط


هذي الحركة وغيرها الحريم مايسوونها لانه قلة حياء
يسوونها بس علشان يتميزون ومايصير احد قلدهم بالحركة الجديدة

مشكور اخوي على مرورك

أهلا وسن..

وش دعوه كل هالزعل من كلامي ..؟!! ههههه لو إني عارف إن كلامي بيخليك تردين زي كذا كان مارديت عليك أبدا والله..
بعيدن مو صعب ولانادر إن الرجال مايدخل على زوجته..أنا أكثر الزواجات الي حضرتها وأعرفها مايكون فيه دخول للعريس..مدري كان بيئتنا مختلفة عنكم يمكن..!!


المعذرة كانك فهمتي كلامي إني أسب الرجال الي في القصة ..لالالا أنا قلت في كلامي ( الرجال الي يرضون يخلون حريمهم بهالمواقف والمواقف الي زيها ) يعني كلامي على كل الرجال الي يتساهلون مع محارمهم في مسألة الحشمة ولا أعني بكلامي هذه الحادثة بذاتها ولكني مثلت بهذه الحادثة لأنها هي محور موضوعك..


أنا لي رأي :والله وأنا أخوك الحريم يعرفون أهلهم من الرجال زين..يعني مستحيل الحريم يبي يسون شيئ وهم عارفين إن الرجال بيزعلون لو عرفوا بالذات في مسائل الستر والحشمة ..ممكن أكون مخطئ..

أرجو إنك ماتفهمين كلامي انتقاص للرجال هذولا فقط..لأني حسيت من ردك إنك فهمتي هالشيئ ..

عموما أنا آسف ,,

..سيناتور..