في البدايه يعطيك الف عافيه يـ ناصر

وضع اليوفي هـ الموسم ماكان احد يتوقعه ابداً حتى انطلاقة الفريق
بالدوري قويه جداً وتوقعنا انه بيكون منافس قوي ع الدوري لكن الي
صار بعدها شي غريب وماتقدر تحدد أساس للمشكله المتعددة الاطراف
في المقام الاول الاداره تتحمل جزء كبير من مشاكل الفريق والقرارات
الي تتخذها من تعيين فيرارا والميركاتو الي كان عشوائي بعض الشي
وموضوع الاصابات الي ما انتهى مع اليوفي صراحه شي ملفت هـ العدد
الكبير من الاصابات والمشكله اللاعب يرجع ويتعرض لاصابه مره ثانيه
هنا تبين لك ان فيه مشكله في الطاقم الطبي او حتى ارضية الملعب للتدريب
وهذا كله يحمل على الاداره , في المجمل الاداره هي من تتحمل وضع الفريق
الحالي وماوصل له من سوء !

عموما كمشجعين للكالتشيو نتمنى عودة اليوفي لمكانته الطبيعيه وهذا المتوقع
فاليوفي بجماهيره واساطيره ومحبيه سيلقى كل الدعم للعودة لمكانته

عوافي ناصر مره ثانيه عـ الشخابيط

هلا ناصر..
صراحة أنا ماني متابع لليوفي أكثر منكم لكن أعتقد أسباب الموسم الكارثي والمزري بكل ما تحمله الكلمة من معنى هو:-

1-)الاصابات:-
صراحة الاصابات في اليوفي شي ماهو طبيعي أبدا.. الفريق كله انصاب مرتين
وفي رأيي هي حاست خطط الادارة كلها.. طبعا أول خطوة للتصحيح هي إيجاد حل لـ هالمشكلة ..
الفينوفو مفروض يتركه الفريق ويتدرب الفريق في أي ملعب لو في الحواري يتدربون
حتى تخلص صيانة وتغيير أرضية الملعب .. وبعد لازم لهم جهاز طبي زي العالم والناس ..
هالمسألة مهمة جدا ولو كلفتهم 15 مليون يورو التصليحات والطاقم الطبي فهي تستاهل وأكثر !!


2-) الميركاتو:-
عشان لا تفهموني غلط.. دييقوا وميلو لاعبين ممتازين.. لكن فيه أولويات..
طبعا من أسوأ خطوط اليوفي هي الدفاع.. كلها عاهات ما عدا كيليني اللي عايش في معاناة
في رأيي كان لازم تدعيم هذا الخط بـ لاعبين من الكالتشيو نفسه.. حتى يكونون متأقلمين على أسلوب الكالتشيو والقوة البدنية..
كانافارو.. قروسو.. كاسيرس.. خيارات أشوفها متوسطة وأغلبهم منتهين ما عدا كاسيرس اللي ما عنده إمكانيات إلا حماسه فقط !

3) المدرب:-
اليوفي يحتاج مدرب كبير.. وما هو وقت تجريب مدربين !
فيرارا جاب العيد وزاد الطين بلة الاصابات.. حتى يعود اليوفي لازم له مدرب كبير بحجم كابيلو تراباتوني ليبي هيدينك...


الموسم هذا أعتقد خلاص انتهى لليوفي والمركز الرابع صعب ..
لكن لازم يبدى التصحيح من الحين..

* أول الخطوات تصليح الملعب والطاقم الطبي.

*ثانيا الميركاتو وهذا أبفصل فيه شوي ..
اليوفي ما يحتاج لاعب سوبر بـ 30 مليون يورو بقدر ما هو محتاج لـ5 لاعبين "جيدين" الواحد بـ 7 مليون يورو.. ما أدري إذا وصلت الفكرة أو لا لكن بحاول أوضحها

الدفاع:-
*أندريا ماسييلو(باري- ظهير أيمن\قلب دفاع - 24سنة)... هاللاعب مظلوم صراحة.. كل التركيز على بونوتشي ورانويا لكن هاللاعب مقدم مستويات ممتازة معهم ،،
*ألكسندر لوكوفتش(أودونيزي- ظهير أيسر\قلب دفاع - 26سنة)
*كاساني (باليرمو- ظهيرأيمن- 27سنة)
*سيرو كابوانو (كاتانيا- ظهير أيسر- 28 )
* خيارات أخرى (مانتوفاني-كييفو) (ديل قروسو-سيينا) (كانيني_كالياري) (لشتنتساير-لاتسيو)

طبعا هـ اللاعبين ما هو مركز عليهم الإعلام وأسعارهم حول الـ6مليون لكن أنا أبفرض أسوأ الأحوال وأقول متوسط أسعارهم 8 مليون يورو.. يعني كذا تدفع 32 مليون ،،

*(جريجيرا-زيبينا- ليقرو_حسن حميديتش- والمعار مولينارو)
هاللاعبين مع السلامة بعهم سريع سريع.. أسعارهم حول الـ 6 مليون..
لكن أبفرض أسوأ الأحوال وأقول 4 مليون(مع إنه أتوقع أكثر).. كذا تجيب من بيعتهم 20 مليون يورو.

طبعا اللاعبين اللي اخترتهم في الدفاع متوسط أعمارهم 25 سنة،أطوالهم ممتازة وأغلبهم 180 وفوق، إحصائياتهم في قطع الكور ودقائق اللعب والمناولات ممتازة، شاركوا تقريبا في كل مباريات فريقهم وماهم راعين إصابات وهذا مهم لليوفي..
صحيح ماهم مايكون وبويول وايفرا.. لكنهم أفضل 100 مرة جيريجرا وطقته ،،

طبعا يدخل في صفقاتهم إعارة لـ شباب اليوفي مثل ياقو وباقي الشلة اللي تاركينهم ع الاحتياط بدون فايدة.. هذول يسهلون لك الصفقات ويوفرون لك خل نقول 2 مليون يورو..

على كذا رممت الدفاع بالكامل بـ 10 مليون يورو فقط !


2-) المحاور.. اليوفي في رأيي يحتاج محور جديد في ظل إصابات سيسوكو ومستوى بولسن الضعيف وأرشح ثلاث لاعبين (قارقانو-نابولي) (بالومبو-السامب) (كونتي-كالياري)..

الثلاثة هذول فيهم ميزة وهي إنهم يلعبون محاور دفاعية أو هجومية وومتازين في الناحيتين..
رتبتهم بالأفضلية وإن كان أول اثنين صعبين شوي لأن نابولي صعب التفاوض معه وبالومبو هو كابتن السامب.. يبقى كونتي هو أرخصهم وأسهلهم..
اللاعب عمره 30أو31 سنة لكنه مقدم أداء خرافي ويحرث أبو الملعب.. عنده مشكلة وحدة وهي إنه راعي كروت ولعبه خشن (تقريبا زي كامو)

طبعا فيه تياغو معار وأعتقد بيعته بتجيب 10 مليون يورو..
زد عليها 5 مليون وجب لك واحد من هالثلاثة

بتصير تشكلة اليوفي كذا

بوفون

لوكوفتش - كيليني - ماسييلو - كاساني

ميلو - سيسوكو

جيوفنكو - دييقو - ؟؟؟؟؟

؟؟؟؟؟

نجي لـ ؟؟؟؟
اليوفي صرف الموسم الماضي حول الـ 60مليون يورو على الانتقالات..
لو نخصم اللي صرفناه ع الدفاع والوسط (15مليون) كذا يبقى لنا 45 مليون يورو

أنا أشوف الأولوية للهجوم على الجناح لأن الجناح فيه (كندريفيا -دل_ كامو) ممكن يمشون الوضع فيه..
طبع (ياكوينتا-ترزيقيه) لازم واحد منهم ينباع وأرشح تريزيقيه لأنه مطلوب أكثر وبيجيب لك حول الـ10 مليون فبكذا يصير عند حاليا 55 مليون يورو ..

30 مليون هذي جب لك فيها سواريز(مهاجم أياكس) لاعب خطييييير ..
أو جب فيه دزيكو أو أي لاعب كبير ! ،،

يبقى لك 25 مليون يورو هذي تجيب فيها جوركوف أو مروان الشماخ أو كراسيتش أو سيلفا أو جناح خطير !


كذا يصير عندك بدلاء:-
دفاع:- كابوانو، قروسو، كانافارو.
(لاحظ إن ميسيليو ولوكوفتش يلعبون في مركزين وهذا يعطيك خيارات كثير وقت الايقافات أو الاصابات)
المحاور:- (قارقانو-كونتي-بالومبو) ، بولسن ،ماركييزو، كامو
الجناح:- ديلبييرو، كاندريفا،كامو، أو حتى ماركييزو
الهجوم:- أماوري،ياكوينتا


طبعا الكلام فيها سهل.. لكن التنفيذ صعب (لكن ترى ماهو صعب مرة !!)
يعني أغلب أسامي الدفاع من أندية صغيرة وسهل التفاوض معها ورواتبهم بعد قليلة ..
تياغو وتريزيقيه لاعبين مطلوبين وسهل بيعهم..
كديش الدفاع حددت لهم سعر رخيص ووفرت لكمبالغ كبير لـ الأسماء الكبيرة..

ولا أنسى بعد.. يتدينون 15 مليون يورو ويخصمونها من ميركاتو الموسم الجاي
ويجيبون فيها مدرب كبير ويعطونه الراتب اللي يبيه !



عموما داري إني تفلسفت واجد واعذروني ع الاطالة ،،