شخبط شخابيط لخبط لخابيط ..} مسك الألوان .. - نادي الهلال السعودي - شبكة الزعيم

فَيْلَـسُــ زَمَانَهُ ـــوفْ · #1 27/03/2010, 10:36 PM

شخبط شخابيط لخبط لخابيط مسك الألوان ورسم عالحيط ..

والي بيسمع كلمة امو شو بنألو .. شاطر شاطر ..

والي بينام لوحدو وما بيعزب معلمتو .. بنحبو وبنضل نألو .. شاطر شاطر ,,

^^^^
هذي مقدمة ترا ض1

والله اليوم مسكت براسي موضوع يا حبيب يا لبيب ..! ماش علوم مسكت يعني مسكت ..!

فقلت .. وبما انه هذا ..! امر اعتيادي ..! يعني قلت ويعني قلت ..! >> اخرتها قصيدة تعرفون الفراغ وما يسوي ..؟

يقولك الشاعر ..! نتي يا نتي لا هوتميل ولا مسنجر ..!

لا مني شفت لمبة الدي اس ال ولاعة خضرا .. ينبهج بالي ويرضى خاطري ..

ترا هذي قصدية

الا ما ديرتو خلصت ساعة الأرض

بس والله يافيصليتنا وممكلتنا طقت اصبع لبرج ايفل ..

الا ما دريتو شفتو السعودية .. الي بشاعر المليون والله ياهي شاعرة بعد

عليها شعر طقت اصبع للرجال >>> هذي لأنصار المرأة

فاصل اعلاني ..
مع تايد للغسيل ما فيش مستحيل ..

هل تألمك الباعوض اثناء اليل .. ضع فليت لكي يحميك ..

عدنا ..

الا سمعتو اخر نكتة ..؟

يقولك : فيه ابو وولده يمشون بالسوق .. والولد مطوع وابوه ماغير يقزقز بهالحريم

قاله الولد يبه ترا الحريم يزنهن لك ابليس

طلع من جيبه 500 وقال للولد خذ ذي رح انت وبليس زينو امك

فاصل اعلاني ..>> ام بيسي على غفلة

سعود البطل .. اهلا بنزيما ابغاك اليوم تجيب هدف دبل كيك ..

اهلا كاسياس ابغاك تصدها وانت مغمض ..

انتهاء الفاصل ..

يا جماعة وش رايكم بسعود البطل هذا والله يا انا ما هضمته ابد ..

ما ادري ليش حاولت اشرب بعده مويه ما نفع .. سفن اب ما نفع ..

تقول عظم سمكة نشب بحلقي

ولا قريتو عن الي وده يسيطر على العالم

يقول انه يبي يسيطر عليه عن طريق الوراعين

يقول اشياء يلبسونها على راسهم تأثر عليهم وتخليهم تحت يده ..

يستهبل هو وخشيشته الظاهر انه شايف حلقة الجاسوسات الي تجي على MBC3 >>> خبرة هالأمور

تراي ما اتابعها

فضحت بروحي >>> والله الصدق انا ما اتابع الا هالمسلسل

بس قضا

الا وش رايكم نسوي حملة .. قولولي وش نبي نسوي حملة براسي حملة

الي موافق يرفع يده

****************
الا على طاري الأختلاط تحبون تخلطون مكسرات مع الأيسكريم عند باسكن ولا كونزون ..؟

الا على طاري كونزون .. ايهم احسن عندكم كونزون ولا باسكن ..؟ >>> وش رايكم بالسخافة ..؟

الا على طاري الفلسفة >>> وش جاب لجاب ؟؟

>> التسليك حكمه هنا واجب

تصدقون ان عماني كلهم يزبدون لي .. يقولون اني راعي فلسفة ..

بالله عليكم هالمملوح ذا ( الي هو أنا ) متفلسف ..؟

الا والله وث حليلي كلي على بعضي قشطة التاج .. بالفراولة ..

الا ابي اسألكم سؤال ..( تحبوني ولا تحبون الدراهم ..)؟

فاصل اعلاني ..>>> ضريبة الشهره وما تسوي

دجاج دو ونعم التربية .. دنادنانا ..

عدنا ..

والأن مع اخبار اليوم ..

حدثت مناوشات بين النمل السود والنمل البيض .. والسبب انه نملة من النمل البيض تلفضت على النملة السوداء بألفاظ عنصرية ..

وقد تدخل الجيش القومي لفك هذه المناوشات لكنهم لم يستطيعو ..

والآن تجرى مفاوضات بين الطرفين لفك النزاع .. وعدوة الأمور الى مجاريها ..!

هطلت امطار مباركة على مدينة القيصومة .. غرب الرياض شمال القصيم .. خلف اليمن وراء عمان ..

انتهت نشرتنا لهذا اليوم .. ترتتا

خلاص عاد عطيناكم وجه يالله اقضبو ذا دور

لغير الناطقين .. بالفيلسوفية ..

اقضب الباب وصكه وراك ..

هالمره غيرنا من الروتين اليومي لمواضيعي المملة ض1

والي يقولون اني ما عندي غير الفليسفة ذا ردا عليهم

وبالأخير احب اشكر ماما وبابا .. واخواني واخواتي ..

واصحابي وصاحباتي

>> لا تفهمون غلط ..

لا تشرهون ظريبة الي عندهم مبزرة وفاتحين على ام بس سي ..

ويناظرون الشريط حقهم ..

شكراً لكم على حسن اصغائكم

ومع السلامة ونشوفكم قريب ان شاء الله

ترا فيه بعض الجمل مسروقا من اعضاء هنا ان شاء الله ما يبلغون الشرطة ويسامحوننا ..

الحين كل واحد يمشي يالله سلام ..

وقف وقف اربط فرامل .. لا تطلعون قبل الرد ..

( التنسيق طالع عندكم الألوان والفيسات ..؟ لأنه الموقع هنق علي وما ادري اذا كان كل شي مضبوط)