نادي الهلال السعودي - شبكة الزعيم - الموقع الرسمي - قصه لاكن وربي غيـــــــــــــــر

السلام عليكم كيفكم شباب طيبين المهم اليوم قريت قصه بس شي ثاااااني مره اعجبتني ندخل عالقصه

القصه هذي حصلت في الرياض قديما قبل ما تسمي الرياض يقولكم كان هناك شاب اسمه عايش يعيش في هالقريه وكان يحب بنت اسمها نوره

وفي يوم من الايام راح عايش عشان يخطب نوره المهم ابو نوره رفض عايش عشانه ما كان يملك الحلال بالعاميه مطفر المهم بعدها بفتره عايش شاف نوره وقاله نوره انا راح يكون عندي فلوس واجي اخطبك المهم عايش تحمس وهاجر عن القريه واشتغل بالتجاره وطقطق علي قولهم لين تجر الرجال ورجع للقريه يبي يخطب نوره تفاجاء ان نوره متزوجه لا ومهاجره من القريه واللي زود الطين بله مافي احد في القريه يعرف وين هاجرت هي وزوجها (تزوجت عشان عند البدو بنتهم ما تجلس اذا جاها رجال مقتدر ) المهم قرر عايش انه يمر عالقرى القريبه منهم ويعطيهم اللغز هذا (ابسألك عن نور القمر وشلون نوره) وراح للقريه الاول وجلس عندهم وقال لشيخهم انا عندي لغز واللي يحله له مالي وحلالي قال الشيخ هات لغزك قال عايش (ابسألك عن نور القمر وشلون نوره؟) قال لا تستعجلون عالجواب ابي الجواب الصبح يوم جا الصبح كل واحد يجيه يقوله ابيض واللي يقول اصفر واللي يقول المهم ما منهم من عرف الجواب وراح للقريه الثانيه وعطاهم اللغز ونفس الحكايه محد جاوب وبعد ما مر كم قريه جاء في قريه وجلس وقال للشيخ عندي لغز واللي يحله له مالي وحلالي قاله الشيخ هات ماعندك قال عايش (ابسألك عن نور القمر وشلون نوره ؟ ) وكان من ضمن الحضور زوج نوره المهم قالهم عايش انا ما ابيكم تستعجلون بالجواب لين جا الصبح عطوني اجوبتكم المهم لما جا مسيان وراح زوج نوره لبيتهم (الخميه) قالها يانوره قالت له سم قالها جانا اليوم واحد خبل قالت ليه قال عطانا لغز واللي يحله له حلاله وماله وباين عالرجال انه ثري قالت عطني لغزه ويمكن احله قاله ( ابسألك عن نور القمر وشلون نوره؟) ضحكت نوره وقالت عرفت الجواب قالها قولي قالتلها قله ( مثل السمك بالبحر وشلون عايش ؟) المهم يوم اصبح جاء زوج نوره وقال لعايش عرفت الجواب قاله قل الجواب قاله (مثل السمك بالبحر وشلون عايش ؟) ضحك عايش وقال حلالي حلال عليك وسلملي علي نوره

كانها اعجبتكم لا تحرمونا ردودكم لا هنتو :smilie47: