السلام عليكم ورحمة الله وبركاته

كيف الحال طيبين مبسوطين

هذي آخر قصيدة كتبتها وهي واضحة بالأبيات سهلة الألفاظ لكنها متوحشه وإنتبهو تشوفها أمريكا وتتهمني بالإرهاب .

طبعا قصة القصيدة متخيله وليست حقيقية ولو هي حقيقية وتحصلي لاقلبها حرب أهليه وماعندي لاعصبت يصير شعاري يادم احمر ياكوب ميرندا




لولاي أخاف النار يوم القيامة .. لا أذبحك واذبح من بوصلك قهرني
والله ماخلي في القبيلة سلامه .. لا ادمي القبيلة بسيف قاطع ويفني
لولا أبــــــوك يقدر اللي أمامه .. ماكان وافق يوم واحـــــــد سبقني
أدري أنا مالي بحق الملامـــة .. مادام مايدرون حبــــــــــــك ذبحني
أسهر وأنا مقهور حولي نيامه .. محدن سرى بالليل مثـــــلي يغني
ياويل حالي عضة البعد سامه .. خلتني لين الصبح أبكــــي وأوني
ويوم دعوني بعد سبع الهيامه .. ماجيت جاني يسأل الرجـــل عني
قال انشدو عنك وقالو علامــه .. طالعت فيه وكني آشوف جنــــــي
أنا رجل طيب وكلي شهامـــــه .. إلا إني بهذي خفوقي غلبـــــني
ماعاد في راسي عقل يالنشامه .. كله من اللي بالمحبه تركنـــــــي


رأيكم يهمني

طبعاً في قصيدة ثانية بس حصرية على نفس القافية والوزن يقول مطلعها :

خلي لي الصورة اباعيش ذكراك .. وأوعدك أبعد وانت ترتاح مني

خلوها للأيام