الى متى والرابطة كذا خلااااص ما نبي رابطة
من اسباب انخفاض مستوى الفريق امام الاهلي الامارتي الجمهور سواً كان عدد او الرابطة بحد سوا.....
الجمهور الي للاسف ما غطى جنبات الاستاد وهذا شئ يحبط معنويات الاعبيين عندما يلعب على ارضه
وجمهوره بهذا العدد المخجل.....
يعني متى راح تغطون الملعب اذا صار يلعب على فرصة ضئيلة
لا سمح الله.....
والشئ الثاني الي كانت سبب رئيسي في انخفاض مستوى الاعبيين الرابطة الي قلبت الملاعب مولات واغاني طويله وانا كجمهور في المدرج كرهت حياتي كيف الاعبيين يعني؟؟؟؟
========================================
سؤال لرئيس الرابطة::: هل المدرجات مسابقة لاظهار النجوم عندما سمعنا المولات الطويله وطبقات صوت ؟؟؟؟ ام لاهازيج حماسية للاعبيين وللجمهور لكي يستمر في مساندة الفريق؟؟؟

والله صحيح
حتى مافيه شحط للاعبين يعني لو يسحب او يمرر صح يصوتون وشحطون

حضكم والرابطه اللي على نفس الاهازيج من بدايه الهلال للحين قرفنا حالنا هلكونا وعلى الفاضي كلو قديم وحنا نردد بس من قبل ما يدخل الفريق لين الفريق يركب الباص

عـــــاوفــــي يالغالي
اتفق معك في كثير من النقاط الي ذكرتها ,, صراحه هناك عزووف جماهيري مخيف ,,
لكن ان شاء الله جماهير الزعيم تخالفني في قادم الايام

تقبل مرووري

حتى رئيس النادي الهلال ماكان موجود مدير الفريق ماكان موجود ليه اللي يتحمل المسؤولة كلها الجمهور!!!!!!!

يعطيك ألف عافيه خيووو

والله الرابطه نعاني منها من قبل فتره

والى اللحين مالقينا الحل

تحياتي

يخي الجمهور ساكت جمهور الرياض؟؟؟؟؟؟؟؟؟؟ شوف جمهور الغربيه كيف يشجعو الهلال بحماس ...ملاحظه منهو هذ رايس رابطة مشجع الهلال تروه والله فضحنا انت ماتعرف تشجع بس تقول ياهلال يا هلال اش هذ بلالله هذا تشجيع ولله لوتسكت احسللك ااول ولله الحقوي موجود ويغني كويس اغاني حلو ..يقول حببكم مين والجمهور يردد(هلال) يعني يشعو كويس مهو (مهو هذ الي يقول يهلال انت قعاد تنادي واحد اش هذ التشجيع يناس اطردوه تكفون فضحناا كنه مصتقصد النادي عشان يقولو اسمعو التشجيع ويضحكو غبي ذا الي يصيح ويقول يا هلال فضحتنا اسكت

والله كلامك صحيح ,,,
وأذاتعادل الفريق أو أنهزم زعلتوا وقلبتوا الدنيا فوق تحت ،،،
ياخي سلم لي على جماهير الغربيه الحي يحييك والميت يزيدك غبن ,,,
أخيراً لاتطلبوا من الفريق شيء وأنتم لا تحظرون الى الملعب لمساندة فريقكم ,,,

يعطيك العافية
حقيقي رابطة تفشل كنت اتمنى يقفلوا صوت الجمهور...
اصلا المايكروفونات مالها داعي والله كاننا في حفلة عرس
وجمهوور الريااض عودنا على هالحظور الغير مشرف للأسف في السنوات الاخيرة فهم لا يحضرون الا امام الاصفرين!!!!!
ولا تنسوا مباراة الهلال امام ام صلال حيث ان المباراة كانت مصيرية ومع ذلك اكتفوا بملئ بالواجهة..
اتمنى نتوقف عن تشجيع الجماهير على الحظور في كل مباراة. لانها لا تجدي نفعا انما هي تخدير ونؤجل كل هذه المطالبة في مباراة اهم من هذا الدور .... واتأسف على الاطالة

وشكراً

كلامك صحيح

وياريت يشوفون الروابط الاخرى للانديه كيف تهز الملعب هز وحنا بس موواويل

والله العظيم أني عاقد العزم على هجران مباريات الهلال من رابطة الفشــل ..
وياهلاااااااااااااااال يا حبيبي يانور عيني يا خرابيطي ..!!
وش جاي تغني بحفلة أنت ولا جاي تشجع وتبث الحماس ..!!


وهلال آسيا ..!! <<<بالله هذي اهزوجة حماسية ..!!!




إذا استمرت رابطة البطاطي انا راح اترك الملاعب نهائياً ...

وأتمنى من إدارة الهلال يجيبون لنا واحد زي حق الأهلي واحد يجبرك من صوته وأهازيجه انك توقف تشجع ..

وبالله إذا بيشيلون الرابطة يشيلون معها المراهقين الي جايين للملعب يهززون ..!!!

ناس جاية تصارخ وتغني وناس جايه ترقـــص ....



شف الفرق الثانية المدرج كله مع بعض وأنتم جبتوا فينا العيد جمعون لنا مراهقين حنس وخذلك رئصني ياقدع ..!!





نبي رابطة رجال بالملعب تشجيع وحماس موب تشجيع حريم ورقص وموواويل ..

يااخي انا ارشحك تحلل في القنوات الرياضية موضوعك يدل على انك فاهم ... كورة صح ...

والله مالهم داعي الرابطه مو من حقهم وش هالتشكيلة اللي حاطينها ليش يلعبون الغنام والغامدي ..

والله مفروض نجيب الرابطه كوزمين عشان يفوز الهلال او نجيب كالديرون ... يمسك الرابطه عشان نفوز ..

وانت ياجرتس بنوديك خبيتي يعلمونك طق الطيران والمواويل عشان تمسك الرابطه ويفوز الهلال ...

70 الف متفرج هلالي باسات الملك فهد امام الكويت الكويتي والنتيجه تعادل وكذلك أمام الوحده الامارتي ...

ياادارة الهلال جيبو اجنبي يمسك الرابطه عشان يجيب لنا فوز رابطة الهلال ماتفهم كورة ..
.

مايعرفون يشجعون ولا يحطون التشكيلة وش ذولا ..