بسم الله الرحمن الرحيم

الحمدلله على كل حاااااال قدر الله وماشاء فعل نتيجه مقدره ومكتوبه قبل لاتلعب المباراه

لكل نتيجه اسباب (هناك اسباب للفوزـــ وهناك اسباب للخساراه) اعتبر مباراتنا خساراه واعتقد الكل او الاكثر يعتبرها خساراه لان الهلال عنده اكثر من اللي قدمه وخاصه في اخر ثلاث مباريات (مس كرمان / الاتحاد / الاهلي الاماراتي)اقولكم ليش ماعجبني في مس كرمان مع ان الهلال فاز وبالثلاثه شفت التراخي في المباراه وللحظه حسيت المباراه صعبه لما استلم مس كرمان المباراه والهجمات الخطيره تخيلو لو كان عنده مهاجم يستغل الفرص كان تعادلنا كان في اخطاء في الدفاع والهلال ضيع وكوره للعابد في العارضه وبلنتي ضايع (وعلى فكره الهلال مشكلته البلنتيات اعتبرها مشكله ازليه حتى الدعيع مايسد كور وكلنا شفنا بلنتي لمحمد نور كيف الطريقه اللي شات فيها بلنتي فيها استهتار للدعيع اولا وللهلال ثانيا اذا في احد يتذكر متى اخر مره فزنا بالبلنتيات ؟؟؟؟؟؟ اقصد بعد الاشواط الاصليه والاضافيه) واستمر التراخي في مباراتنا مع الاتحاد قدمنا الشوط الاول شوط مثالي الثاني لاتعليق

مباراة الاهلي الاماراتي
مدري وش اقول صراحه في اشياء صارت غريبه عجيبه صح مسيطرين صح ضيعنا الفرص صح كور كثيره بالقايم والعارضه ولكن ايش النتيجه النهائيه ايش الفايده من السيطره اذا مو قادر تفوز ايش فايده الكور بالقايم والعارضه واخرتها تعادل >>النتيجه المسجله (1 / 1) وايش نفعتنا السيطره وايش نفعتنا الفرص الضايعه المباراه يأخذون النتيجه النهائيه للمباراه لان هي اللي تنكتب في التاريخ ماراح يكتبون تعادل الهلال وهو الاحق <<< المهم ســـــؤال اتمنى رد الجميع على هذا السؤال لاني مالقيت اجابه ( ليش جريتس سحب ثلاث صناع لعب وترك الفريق بدون صانع لعب ودخل ثلاث محاااور وعلى اي اساس ؟؟؟؟؟) اتمنى اسمع ردودكـــــم على سؤالي اللي نعرفه جريتس مدرب هجومي مدرب مو من النوع اللي يسجل ويحاااول انه يحافظ على النتيجه شي غريب (الى الان جريتس هو الاول في قاراه اسيا بنظري مدرب واقعي وتغيراته منطقيه الا في المباراه الاهلي الاماراتي (في البطوله الاسيويه راح تقابل فرق تكتل عند مرماها وفرق تفتح الملعب لازم تعرف كيف تتعامل معاها وهذا اعتبره سبب قوي بعد توفيق الله الفوز)

وضع الهلال حاليا الاول بــ7 نقاط ـــــ والثاني السد بــ6 نقاط ـــ والثالث مس كرمان بــ3 نقاط ( تخيلو لاسمح الله خسر الهلال من مس كرمان والسد وهالفريقين فازو على الاهلي ) مع السلامه اسيا نشوفك السنه الجايه اذا الله كتب لنا عمر جديد مع اني اتوقع الفوز على الاهلي بارضه واتوقع اسوء احوال في مس كرمان التعادل للكن مع السد ماراح اقول توقعي واتمنى يكون غلط

فـــي النهايه لازلنا في الصداره وان شاء الله يتعدل الحال لان دور 16 مافي شي اسمه تعويض فزت تتاهل خسرت مع السلامه وان شاء الله كلنا مع الزعيم في كل احواله والشكوى لله بالنسبه لجماهير الرياااااااض ياليت يحطون كل مباراه للهلال الاسيويه مره في المنطقه الغربيه ومره في الشرقيه ومره عندنا في الشمـــــــــال >>> اكيد تقولو البنت خرفت<<<<
ســـــمانا هــــلالــــيه