المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > المنتديات الرياضية > منتدى الرياضة السعودية
   

منتدى الرياضة السعودية يختص بمتابعة أحداث الرياضة السعودية

 
   
 
LinkBack أدوات الموضوع طريقة عرض الموضوع
المشاركة السابقة   المشاركة التالية
  #1  
قديم 05/04/2003, 01:39 PM
زعيــم جديــد
تاريخ التسجيل: 10/01/2002
المكان: المملكة العربية السعودية
مشاركات: 48
يا حليلهم النصراويين ؟؟؟!!! من شاف مهازل بن سعود أمس ؟؟؟!!!

أمس كنت أتابع برنامج ( صدى الملاعب ) على قناة الـ mbc بس ما شدني إلا شي واحد وهو :

كلمة الأمير عبدالرحمن بن سعود ، رئيس نادي النصر السعودي ،

صراحة بعد اللي سمعته إكتشفت إننا حنا يالهلاليين طيبين واجد .

الأمير ، يقول إنه ماسك مسكه قوية على لجنة الحكام ،

تدرون وشي ،

أخاف أقولكم و تبدون ترافسون من الضحك ،

خلاص أوكي :

يقول إننا ( يقصد النصراويين ) رفعنا إحتجاج للجنة الحكام و إلى الإتحاد السعودي ،

يطالبون فيها بإعادة مباراة النصر × الأهلي .




صراحة شي غرييييييييييييييييييييب .

تدرون وشو السبب ،

لأن عبداللـه الناصر و عبدالرحمن الزيد يقولون ( يقصد في برنامج الصافرة ) إن محمد الخوجلي لا يستحق الكرت الأصفر بل يستحق الكرت الأحمر .

المهم ، يقول إن هالشيء هذا معناته إن الحكم عمر المهنا ، معطي الخوجلي كرت أصفر .

و أهم حدث بالموضوع يوم طلع ورقه ( اللـه أعلم كيف طلعها من تحت الطاولة ) ،

تبون الصراحة أنا خفت ، خفت يطلع رشاش أو قنبلة .

المهم الورقة اللي طلعها هي كشف المباراة أو حاجة زي كذا .

المهم إن الدليل هو إن الحكم ما سجل بالكشف إن الخوجلي عليه كرت أصفر .



وش رايكم بالغباااااااااااااااااء المستفحل هذا .

يعني علشان الحكم ما سجل على الخوجلي كرت أصفر ، لازم تنعاد المباراة .

لا ومن زود الزعل يقول إن اللجنة نايمة ، لأنها ما ردت علينا 6-7 أيام .

يا حلييييييييييييييييييييييييييييييييييله .

--------------------------------------------------------------------------------

طبعا اللي راح كله طنازة للي صار أمس

أما الحين فهو وقت الجد .

1-مطالبة الأمير بإعادة المباراة :

ليش ، هو الدوري فوضى ، أتحداك إذا فيه أي قانون ينص على أنه إذا لم يتم تسجيل كرت مستحق على لاعب معين ، فإن المباراة تعاد ، أنت أزعجتنا بالقوانين الدولية و القوانين الدولية في مشكلة مواعيد دور الـ 16 من مسابقة كأس ولي العهد ، و بالأخير ما قصر واحد من الشباب ، فضحك و فضح غبائك .

2- الأمير يقول إن عدم تسجيل الكرت على اللاعب يعد خطأ فادح :

أحب أذكرك سمو الأمير إنه قبل بضعة سنوات ، و في مباراة للهلال مع شقيقة الوحدة ، قام اللاعب / إبراهيم الجوير ( نادي الهلال ) بإعاقة أحد لاعبي الوحدة و أستحق كرت أصفر ، الحكم اللـه يصلحه شاف إن رقم فنيلة اللاعب مسجلة عندها إنه حاصل على كرت أصفر ، يعني ( كرت أصفر+كرت أصفر ) = كرت أحمر .
بعد المباراة و بالعودة لشريط المباراة تبين إن اللاعب اللي يحمل نفس رقم لاعب الهلال ( إبراهيم الجوير ) و اللي مسجل عليه كرت أصفر هو لاعب وحداوي ، و الحكم اللـه يصلحه يحسبه لإبراهيم الجوير
الإدارة إشتكت في ذلك الوقت ،

و النتيجة : أعتقد إن حفيد حفيد إبراهيم الجوير بيلعب كورة و اللجنة ما ردت .

----------------------------------------------------------------

هذا في ما يتعلق باللي صار أمس .

بس أحب أعقب على بعض الأشياء المهمة اللي ذكرها سمو الأمير في مداخلته في برنامج ( الصافرة ) ، يوم يقول إن الشقير رئيس لجنة التحكيم طلب من محمد الشهري ، مقدم برنامج صدى الملاعب بأن يستأذن من وليد الحكير ( عضو شرف في نادي الهلال ) ، إذا أراد أن يستضيفه في البرنامج .

أمس ( محمد الشهري ) دحض هذه الكذبة ،

و السالفة كلها إن وليد الحكير يقوم بدعم برنامج الصافرة و الحكام ملزمين بهذا البرنامج ، فأي مشاركة في أي برنامج آخر تعد خرق للإتفاق .

الصراحة ، سمو الأمير أكد بما لا يدع مجالا للشك أنه (.................) ؟؟؟!!!

-------------------------------------------------------------

ذبذبات مستقيلية :

# ينكر الأمير عبدالرحمن على وليد الحكير دعمه لبرنامج في قناة تلفزيونية حكومية ، ليش؟؟؟ لأنه هلالي ، طيب اللي يسويه وليد في خدمة البلد ، مو أحسن من التوأم حقك ( أبو البلاوي ) و لا أعضاء الشرف حقينكم ، نسيت وش سوو فيكم ( الحميضي و الراجحي ) ، أزعجونا برجال الأعمال حقينهم ، و بالأخير فضحهم إداري الناشئين و قال إنهم ما إستلموا منهم إلى حفنات من المال ؟؟؟؟؟

# يقول الأمير عبدالرحمن بن سعود بأنه يدافع عن الأندية السعودية كلها ؟؟؟؟؟؟

الصراحة علشان أكتب رد على الخربووووووووطة اللي فوق يحتاج موضوع كامل علشان أفحمه بالرد ، لأن الشواهد التي تنقض كلامه المعسووووووول كثييييييييييييييييييييييرة .

# يا خوفي إن الخوجلي عنده كرتين أصفر و ما سجلوا الكرت الأخير علشان ما يتوقف مباراة أمام الهلال .
اضافة رد مع اقتباس
   

 


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:35 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2025, Jelsoft Enterprises Ltd

Google Plus   Facebook  twitter  youtube