|
ميسي يفجر مشكلة بينه وبين مارادونا بعد مباراة سرقسطة == اروع مباراة كرة قدم على الاطلاق== فديو-صور اعتقد الجميع شاهد مباراة برشلونة و سرقسطة امس والصحف والمجلات وكبار شخصيات الكرة و اسبانيا مارسو عملية الظهور الاعلامي بعد هاتريك ميسي و تسببه بركلة جزاء احرزها براهيموفيتوش الجدير بالذكر ان ميسي بات يصبح افضل من مارادونا القاباً وفنياً بشهادة رئيس برشلونة خوان لابورتا والصحف الاسبانية البرشلونية وتسبب ذلك في اتصال مباشر لمارادونا على برنامج رياضي في قناة POTLO 4 الاسبانية وقد وضح على نبرة صوته عدم الرضا على المقارنة فعلاً ميسي سوى المستحيل والي يبي مقطع المباراة و الاهداف هنا : حمل والي يبي مهارات ميسي هنا : حمل ابي كل واحد يشوف المقاطع يطرح رايه في ميسي خاصه هدفه الثاني والي صنف من اجمل اهداف كرة القدم على الاطلاق )) |
ههههههههههه أما إنتم يالبرشلونييين تحفة بشكل غير طبيعي تبون تقنعون العالم بأي شكل إن ميسي وصل لمستوى مقارنته بمارادونا العراب الأعظم في تاريخ كرة القدم مع إن ميسي للحين ما وصل لمستوى زيدان ورونالدينيو والإعجاز اللي سووه هذا غير روماريو ورونالدو وكرويف وغيرهم الكثير تبي أعطيك رهان على سنع يا خويي؟ أراهنك على كأس العالم الجاي , كلها ثلاث شهور ووقتها راح تعرف صدق إن ميسي ولا شي باالمحافل الكبرى التاريخية سي يا |
والله ميسي لاعب خرافي واعتقد ان ما ردونا هو الأفضل لحد الآن ولكن ميسي شق طريقه نحو النجومية بقوة وهو لازال في بداية المشوار |
انت خله يوصل لزيدان واللي سواه او رونالدينو او رونالدو بعدين قارنه بمردونااااااااااااااااااااااااااااااا !!!!! |
اذا ميسي جاب كاس العالم وقته يصير افضل من دييغو ارمندو ماردونا |
الي فوق اكيد نابعتو لقطات ميسي ؟ |
هذي مشكلتنا نقول اذا جاب كاس العالم مشكلتنا مانفهم كورة نعرف الي يسجل هدف بس مانعرف الي يصنع الهدف بالله عليك ياللي تقول اذا جاب كاس العالم عمرك شفت لاعب بالعالم يجيب كاس عالم ؟؟ قل الفريق جاب كاس العالم ولا تقول لاعب جاب كاس عالم لاعب مافيه 10 يساندونه بالملعب مايقدر يسوي شي اما اذا كنت بتقيسها كذا كاس العالم باحضان ميسي من اقل من شهر في البرازيل بطولة كاس العالم للاندية |
ترا ميسي لسا صغير وفي مشواره الكثير وانتو من الحين بتقارنونه مع زيدان او رونالدينيو انا ابي اعرف زيادن او ماردونا او غيره كان في نفس مستوى ميسي الان او كان معرووف اصلا كثر ميسي خاصه في هذا العمرر؟؟ لسا المشوار باقي عليه وراح يثبت للجميع انه الافضل عواافي |
ووووووووااااااااااااااااوووووو اخر تقليعه للبرشلووونيين شوف حبيبي ميسي لاعب فنان وموهبه جباره ,لكن هل ميسي حقق نصف انجازات ماردونا بالله شوف العالم وش قالوا عن ذيك البطوله ولا تدري لاتدور وش قالوا انا اقولك سمية (بطوله ماردونا) ليش؟ لانه فعل شي لايستطيع احد فعله ابدا وبطولات نابولي مين حققها ماردونا فقط لم يكن معه نجوم كبار وايضا زيزو نقل فرنسا الى النهائي كاد يحققه تقريبا لوحده , وايضا لاننسى رونالدو,ريفالدو,باجيو) لكن ميسي حقق بطوله اوروبا وهي اكبر انجاز له لكن بوجود افضل خطوط الوسط والدفاع وايضا لاتنسى ايتو وش سوى على كل هذا رايك انت حر لكن حبيبي تبي تقولي ميسي افضل من ماردونا بقولك باختصاااار (اطلع من مخي) |
اذا وصل مستوى ميسي لـ " ربع ربع " مستوى زيدان .. ذاك الوقت اقولك انه اصبح مثل او مقارب لمستوى ماردونا .. |
مسي لاعب كبير بس افضل من مردونا !! |
ميسي لاعب ممتاز ومهاري بس يوصل لمستوى ماردونا صعبه شوي !! هل ميسي قادر انه يحقق الدوري الايطالي مرتين وكاس ايطاليا وكاس الاتحاد الاوربي ويسجل 115 هدف مع فريق متواضع جدا مثل نابولي !! |
خخخخخخخخخخخ اما ماردونا مره وحده $$ |
حينما يكتب الشخص موضوع أمام أناس عاقلين ,, هذه إجاباتهم !! من الردود أحس إن كاتب الموضوع استعجل على ميسي !! |
بعيد عن المقارنة بين مارادونا او اي لاعب آخر سواء ميسي او غيره فليس هناك سوى مارادونا واحد ... انت تتكلم عن لاعب عمره 22 سنة ويحقق كل هالانجازات ويقدم شيء يصعب على أي لاعب في مثل سنه أن يقدمه مع فريق كبير مثل برشلونه من الطبيعي ان تحتفل به الصحافة والاعلام في اسبانيا ، وتظهر مثل هذه المقارنات خاصة بينه وبين مارادونا لأنهم من نفس البلد وكلهم يملكون مهارة وموهبة عالية قليل تلقاها عند غيرهم ... يعني كمثال مارادونا يوم كان عمره 22 سنة وقتها حتى ما كان محترف في اوروبا وكان يلعب في الدوري الارجنتيني ... زيدان وقتها كان لسه يلعب في فرنسا مع بوردو قبل مايبدا الشهرة مع اليوفي وغيرهم من الاساطير الكثير ممن كانت شهرتهم تعتبر متاخرة مقارنة بميسي ( للتأكيد هذه مجرد امثلة وليست للمقارنات بين اللاعبين فنيا ) . - اللي يتكلم عن مارادونا مع نابولي صحيح انه قاده لتحقيق البطولات لكن ماكان لوحده في الفريق ... مارادونا جاء لنابولي عام 1984 ولا حقق معه البطولة الا في عام 1987 يعني بعد ثلاث سنوات ومع وصول لاعبين نجوم امثال فيرارا ودي نابولي واليماو واشهرهم البرازيلي كاريكا ... كل هؤلاء بقيادة مارادونا ساهموا في تحقيق نابولي للبطولات . - مارادونا لما لعب في كاس العالم وابدع عام 1986 كان عمره 26 سنة ، ونفس العمر بالنسبة لزيدان في عام 1998 ومنتخبات كانت قوية ، وصعب انك تجي للاعب عمره 22 سنة وتقول اذا مافاز بكاس العالم فانه ماهو لاعب كبير ومع منتخب ما اعتقد ان مستواه الحالي يؤهله للمنافسة ... مع ملاحظة اني لا يمكن ابدا اقتنع ان بطولة كاس العالم ممكن تكون هي المقياس الحقيقي لنجومية اي لاعب لأنها في النهاية بطولة خروج مغلوب ممكن تخدمك فيها الظروف او الحظ وتفوز فيها والأمثلة كثيرة : لاعبين كبار وعمالقة امثال زيكو وسقراط ومالديني وباجيو وغيرهم كلهم مافازوا بكاس العالم ... الاسطورة كرويف ماسبق له الفوز بكأس العالم ... رونالدينيو في عز مجده وتألقه وفايز بالدوري والشامبيونز ليغ مع برشلونه مافاز في كاس العالم 2006 ... زيدان فاز بكاس العالم 1998 مع انه مابرز الا في المباراة النهائية وسجل هدفين وفي 2006 قدم كل شي واوصل فرنسا للنهائي وفي الاخير خسر البطولة بغض النظر عن الطرد . في النهاية كلامي هذا ماهو دفاع عن ميسي لأنه يثبت كل شيء داخل الملعب والكل يعرف من هو ليو ، ولا اني اقارنه بلاعبين كبار آخرين لكن هي مجرد نقاط وافكار جت على بالي وكتبتها . شكرا للأخ صاحب الموضوع وآسفين للاطالة ،،، |
| الوقت المعتمد في المنتدى بتوقيت جرينتش +3.
الوقت الان » 07:44 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd