.

أوَّل شي أشكرك يالدحمي على المُجاملة بهالإستضافة , وإن كان فيه ناس أحق منّي ..
بالنسبة لمُباراة خيخون .. تبدو مهي صعبة على الريال , خصوصًا وأنّها على البيرنابيو اللي ما خسر الريال فيه ولا نقطة حتّى الآن ..
هالموسم , وكما أظن , قوّة خيخون على ملعبه , وهذا اللي مخلّي ترتيبهم مُريح , ولا خارج ملعبهم ميح ..
ريال مدريد هالموسم سجّل 71 واستقبل 21 هدف , أمّا خيخون سجّل 28 ولقم 32 .. وهنا يتضّح الفارق الكبير ..

سبورتينغ أكيد يبي دخل المُباراة مدافع , بعكس اللي الريال اللي أكيد يبي يهاجم بقوّة ويضغط خصوصًا بأوّل الدقايق ويبحث عن التسجيل عشان تسهّل الأمور بقيّة المُباراة ..
المُباراة تبي تصعب على الريال بحالة وحدة , إذا قفّل خيخون - وهذا المُتوقّع زي ما قلت - وأصر بيلّيغريني - كالعادة - على العمق !!

مُباراة واضحة المعالم , أتمنّى من مانويل انّه يدخل بديارا وجاجو , خصوصًا الأخير .. لاس نازل مُستواه بالتالي , وفوق هذا نبي نكحّل بألونسو كـ "محور هجومي" ..
خط الدفاع أتوقّع أن يدخل بيلي بنفس مُباراة بلد الوليد "مارسيلو - ألبيول - راموس - أربيلوا" , باعتبار انّ المُباراة سهلة ..
أيضًا الدخول بفارت مُهم , الولد قاعد يقدّم مُستويات بطلة وثابته .. بعكس كاكا اللي يعك عك !! خلّه يدفّي الدكّة لما يتعدّل وضعه ..
هيجواين , هيّن يبي يسجّل , المُباراة بالليغا وبالبيرنابيو خخخ ..

بالتوفيق للفريق بهالمُباراة وكل بقيّة مُباريات الليغا اللي ما بقى للريال الاّ هي , التركيز بيكون عليها بشكل كبير أكيد .. تحديد أحداث الصيف الجاي يعتمد عليها !!