أخوي فيه موقع إسمه ::: مبتعث يفيدك بكل شي ...


نصيحه لايفوتك

وهل لى التصرف اروح واجى اى مكان بدون لا يحاسبنى >>>> نيتة زينة وصافية
اي اي من الحين بس معلومه يمكن تفيدك يمكن يطولون عليك بالابتعاث
بس بفلوسك تروح السنه ذي وتقدم من الدوله الي مبتعث فيها يلحقونك بالبعثه
ويلحقونك ويرجعون كل الي صرفته

خطييير والله عيال عمي كلهم كذا

بصراحة يالغالي موضوعك ملخبط شوي لأن اللغة مالها فترة معينة وتنتهي تعتمد على الشخص نفسه وناخوك فيه ناس تدرس خمس سنين وماتجيبها مضبوط وفيه ناس من سنتين تجيبها .
فطريقة الابتعاث بالقانون الجديد يالغلا هو أنك تنهي مرحلة اللغة وتدخل كلية وتخلص ثلاثين ساعة بكالوريس وبعدها تقدم أوراقك ويضمونك مباشرة ان شاء الله ويرجعون لك قيمة الثلاثين ساعة الي دفعتها للكلية فقط .
وبالنسبة للتكلفة تختلف وناخوك فيه معاهد بـ 700 $ لخمس ساعات يوميا وفيه معاهد ـ 1000 $ وفيه معاهد أغلى وفيه أرخص وفيه عندك معاهد تابعه للكليات ياخذون على السمستر 1200 $ وألخ .
وبالنسبة للسكن عند العوائل بين الـ 600 ـ 800 $ طبعا بالشهر .
وعندك المواصلات كارد شهري تشتريه يوديك المكان اللي تبيه بـ 109 $ ،، والمصاريف الشخصية تعتمد عليك .
وعلفكرة بتاريخ 10 شعبان سوف يبدأ نظام الابتعاث الخامس اعتقد لخادم الحرمين بأمكانك تقدم من خلال الانترنت بس لابد ان تنطبق فيك الشروط تلاقيها في موقع وزارة التعليم العالي .

والله يوفق الجميع واذا ودك عطيتك رقم واحد تكلمه وتتواصل معه يجيب قبولات وسكن وغيرهـ

اشكركم على مروركم
ومحتاج مزيد من التوضيح حبابيبى

كم مدة دراسة اللغة الانقليزية ؟؟
وشو افضل المدن والمعاهد الاجنبية ؟؟

إقتباس الرسالة الأصلية كتبت بواسطة هلالى وكلى ذوق السلام عليكم انا افكر ياشباب وبنات ادرس انقليزى فى امريكا او بريطانيا بس حاب استفسر كيف الطريقة ابتعث ممكن تشرحوا لى الطريقة الابتعاث لخارج ومتى يبدء الابتعاث ؟؟ وكم مدة دراسة اللغة الانقليزية ؟؟ وكم تكلفة البعثة والداسة اجمالى ؟؟ وكيف طريقة الدراسة هناك ؟؟ وهل لى التصرف اروح واجى اى مكان بدون لا يحاسبنى >>>> نيتة زينة وصافية منتظر اجاباتكم على الاسئلة تحيتى

وعليكم السلام
كلهم فيهم الخير بريطانيا ميزتها قريبه واحلى
لكن انا بالنسبه لي اشوف لغتهم اصعب وادفش واخترت امريكا الحمدلله
عموما ،، طريقة الابتعاث موجودة بموقع وزارة التعليم العالي
النظام الان تخلص اللغه وتخلص 30 ساعه تخصص عقب تلتحق
لكن لو عندك واسطه تطلع والبعثه معك
بالنسبه لو كنت على حسابك محد بيحاسبك كم مدة اللغه
وبالنسبه لو كنت عالبعثه محدود لك سنه وحده ولو طلبت تمديد يعطونك 6 شهور
لو تاخرت اكثر تتكنسل البعثه
التكلفة تختلف حسب المنطقه اللي بتروح لها ،، حدد لي وش براسك واقدر اعطيك شي تقديري

موفق