العنود تتحدى .................... - نادي الهلال السعودي - شبكة الزعيم

صمت العيون · #1 07/10/2002, 01:54 PM

قصه طريفه نوعا ما,, اعجبتني واردت ان اضعها في الزعيم مع بعض التعديلات البسيطه وتغير الشخصيات,,,
تتكلم عن امراه اسمها العنود تتحدى ابليس <والله ما انتي سهله يالعنود ابليس> وكذلك عندنا الضحيه ميتاليكا.س سابقا والان باسمها الجديد قمــsamـــر وزوجها تاجر القماش >اليوم طالع عاقل< وكذلك شموخ > مسكين شموخ ما لقى حتى زوجه يتزوجها< ......واتمنى ان تحوز على رضاكم
كان يا ما كان في قديم الزمان في سابق العصر والاوان,,, في بلاد الترجمان مع صديقي ابوالذهب ونعمان من بلاد الصولجان,,, لما اتينا من بلاد الافغان,,, وكان شموخ صاحب مطعم للقرصان دغين من عنده القرصان ,,,وشرينا الدريرمان من العطار سليمان ………المهم والزبده نروح نشوف القصه:

كان فيه أمراة تدعى العنود قاعدة بروحها( ساكنه لروحها ما عندها احد يوسع صدرها غير الرادو على موجة الـFM وتقشيم فصفص والضحى يجتمعن حريم الحاره )
وفجأة طلع

لها ابليس ……(لقافه ….يبي يتحرش )
العنود خافت وسمت بالرحمن …

قالها ابليس :أنتي يا العنود هل تعتبرين نفسك داهيه؟؟؟؟

العنود: نعم أنا داهيه ……….. والنساء عموما كيدهم عظيم

أبليس: أنا أتحداك……..وبنشوف مين كيده أعظم …..المرأة ولا أبليس

العنود :خلاص أنا بسوي مشكله وأنت راح تحلها واذا ما قدرت أنا راح أحلها وراح أفوز برهان.<=-=-=ما ينخاض ماع العنود تحدي والا بيروح فيها

أبليس:بكل ثقه موافق

راحت العنود حق واحد من هالبطاليه اسمه شموخ اللي ما عندهم شغل ويا كثرهم ولقته قاعد مرسم في سوق اقله يغازل ما يدري انه شين
وقالت أنا بشغلك عندي فترة معينه بس……. اذا تبي فلوس لا تتدخل ولا تتكلم .(وافق الشاب شموخ لأنه طفش من البطاله والتسكع في الاسواق ويبي فلوس على شان يدور بنت الحلال).

راحت العنود ومعاها الشاب شموخ لمحل قماش صاحبه اسمه ابوالذهب >>تعرفون ابوالذهب كبير تجار السوق<
وقالت لشموخ أنتظرني عند باب المحل(وشموخ على نياته قعد يتفرج في بنات الناس يدور على بنت يتزوجها) …
دخلت المحل ووطلبت احسن قماش طبعا القماش غالي وراحت تكاسر التاجر ابو الذهب
العنود: رخص يا بن الحلال …
التاجر ابوالذهب :اذا أنتي ما عندك فلوس أخذي شيء أرخص
العنود: ما أقدر ….لازم والا يصير شيء ما صار
ابوالذهب :ليش ؟؟ …..لهالدرجه …..شسالفه؟؟

العنود:شفت الشاب اللي واقف عند باب المحل ..هذا ولدي شموخ..يحب له وحده متزوجه وهي تحبه ولما تتطلق من زوجها>>بس مسكين ابو الذهب على نياته هذي المره ما يدري بيكون ضحيه<<…ولدي شموخ بيتزوجها وهو قالي أن عارضتي الزواج من بأطردك من البيت وأمرني أني أشتري قماش غالي عشان يعطيها لزوجة المستقبل ولا راح يطردني من البيت مع أن البيت بالأساس بيتي ولكني غلطت وكتبت باسم.....ا لعنود تبكي

التاجر: خلاص هونيها وتهون والله كسرتي خاطري ….خلاص أنا بأعطيك القماش ببلاش….وعسى الله يواجرني

العنود طلعت مستانسه وقالت حق الشاب شموخ روح البيت
بعدها راحت العنود لبيت زوجة تاجر القماش وطقت الباب وطلعت الزوجة الزوجه تدعى >>قمـــsamـر<<

العنود:آه بابنيتي أنا تعبت بالطريق و ما أقدر أكمل ممكن أقعد عندك أرتاح خمس دقايق .

رحبت الزوجة >>قمـsamـر<< ودخلتها وأكرمتها وجابتلها شاي وقهوه والتمر

العنود:مشكوووووورة ما تقصرين ان شاءالله أردها لك (تعمدت تنسى القماش ) وطلعت.

قمـــsamــر:حرام نست قطعة القماش …أكيد بترجع بعد شوي وتاخذها بروح أحطها بالدولاب..>>وهي ما تدري الضعيفه انها مخططه لهذا الشي<<

ابوالذهب رد لبيته وتغدى ذاك الغدا السنع ونام شوي . طبعا ما ياكل الا الكبسه عاد تعرفون قمــsamـر ما شاء الله عليها
قام العصر وفتح الدولاب بغير ملابسه عشان يروح محله ……مفاجأة قطعة القماش وعرف أن المرأة اللي يبيها ولد العنود هي زوجته يعني تخونه قام عليها وطقها وطردها بالشارع>>ما خلها تتكلم لاحول ولا قوة الا بالله<<

العنود كانت تنتظر هاللحظه في أخر الشارع فراحت لها تركض

العنود: وش فيك يا بنيتي ليش تبكين؟؟؟

قمـــــــر : زوجي طردني …وما عطاني فرصه أتكلم . >>والله رحمتك ما لقيتي الا ابو الذهب<<

العنود: خلاص أنا بأوديك بيتي وأنا بروح أحل المشكله

راحت العنود لبيتها ودخلت الزوجه >قمــــر< في غرفة بينما الشاب شموخ كان في غرفه ثانيه وأمرته أنه ما يطلع منها راحت العنود للشرطه تبكي وتقول :كنت قاعدة في بيتي وفجأة دخل رجل ومعه مرأة وقعدوا ببيتي حاولت أطلعهم ما قدرت (أحتلوا بيتي )

ذهبت الشرطه وقبضت على الشاب والزوجه ….وقطوهم بالسجن.

العنود: ها ها وش رايك يا أبليس ؟؟ دورك اللحين حل المشكله

أبليس : لا لا ما أقدر أحلها السالفه تشربكت مرررررررة وهو متفاجا من ذكائها

العنود: أنا راح أحلها وكأن شيء لم يكن . وراح أربح الرهان

راحت العنود تزور الزوجه>>قمر<< بالسجن وقالت لها :أنتي ساعدتي مرة وأنا اللحين بأساعدك …..يلا ألبسي عباتي وغطي نفسك وأطلعي من السجن كأنك أنا وأنا بأقعد مكانك.

الزوجة قمــر:مشكووورة ….لكن أنتي ؟؟؟<<راعيت اصول ما نست العنود

العنود: مالك شغل مثل ما طلعتك بطلع نفسي. <<<ما انتي هينه يالعنود

تمت عملية الهروب بنجاح….

الوالي طبعا الكنز نواف أمر الحراس يحضرون المسجونين عشان يحكم عليهم

حضرت العنود والشاب شموخ وقال لهم الوالي الكنز نواف :ليش قابضين عليكم وشو مسوين؟؟

ردت العنود:احنا ما سوينا شيء كنا قاعدين ببيتنا أنا وولدي ولا الشرطه طابه علينا وماخذينا السجن .

عصب الوالي الكنز نواف وهزأ الشرطه وما عطاهم فرصه يتكلمون ويقول:غلطانين وتبون تتكلمون.شين و قوات عين

طلعت العنود من عند الوالي الكنز نواف مستانسه وعطت الشاب شموخ فلوس وأنهت خدمته عندها.

راحت العنود لتاجر القماش ابوالذهب وقالت له أنها تعبت بالطريق وأن زوجته أصيله>> قمـsamـــر<< وأكرمتها وهي من كثر التعب نست القماش عندها وأن زوجته بريئه وقالت خذ قماشتك لأن ولدي شموخ سافر هو و زوجته الجديدة.

رجع التاجر ابو الذهب زوجته قمــر وتأسف منها و راضاها بعد.

العنود : وش رايك يا أبليس أنا فككت السالفه سهله

أبليس :أنتي ربحتي ….يما………يما أن كيدهن عظيم

ابليس انهبل من ذهنتها وقال انتي اللي ربحتي الرهان وانحاش

ت

ح

ي

ا

ت

ي