إقتباس الرسالة الأصلية كتبت بواسطة سعودالرياض بصراحه وبدون لف ولادوران ونكون صريحين أخوي ( أكبر قاعدة جماهيريه الزعيم من ناحية الحضور ولكن من ناحية التفاعل صفر على الشمال) وهذا شي معروف عن جماهير الهلال من فتره طويله اللهم تفاعلهم مع الهجمات الخطره فقط . وبالنسبه لأمور الرابطه فأنا أقول ليتهم يغيرون طاقم الرابطه ككل لإنهم بصراحه مايحمسون الجماهير ولاحتى صوت رئيس الرابطه يساعد على التفاعل . وهذا الشي الوحيد اللي ناقص الزعيم اللي هو التفاعل الجماهيري طوال المبارأه وتغيير الرابطه بأجمعها ,, بصراحه أتابع مباريات الإتحاد دائمآ مب حب فيهم إلا أستمتع لما أسمع القرني كيف يتغنى بالإتحاد وتفاعل جماهيري غير طبيعي وإلا الجمهور الأهلاوي ورابطتهم الرائعه .. بس حنا الله يخلف علينا.

انت الحين تتكلم عن الجمهور بشكل عام او الرابطه !
لان واضح من كلامك بالبدايه انه عن الجمهور عامة وبالاخير حولت على الرابطة وذكرت الاهلي والاتحاد !!

اذا على الجمهور عامه فمافي مثل جمهور الزعيم في التفاعل اذا قارناه بالجماهير الثانية
على الاقل نشوف حركة الزلزال .. نشوف الامواج .. نشوف الشالات وحتى كثير من الاحيان نشوف ترديدهم مع الرابط بالذات في الاهزوجة الهلالية المعروفة ( ياهلال )

واذا بتتكلم عن الرابطه فاقول معاك حق ... هي اقل مستوى من فريق كبير زي الزعيم
وفرق بينها وبين ايام حقوي
وسلامتك

مع احترامي الشديد للرابطة

فهي سيئه سيئه سيئه

خصوصا لما يجي واحد

يقول ياهلاااااااااااااااااال

ياخي فقع روسنا من صياحه

والله شي يقهر

.

السلام عليكمـ (◕‿◕✿)
.
انا ماحضرت
بس حتى لو غنو لكم
للاسف الصوت مكتوم عندنا
::
Thank you
يعاااااااافيك ربي
وبالتوفيق للزعيم دائماً وابداً
.

.

اقول سلملي على صالح القرني اذا بتقول رابطه صدق من بداية المباراه والجمهور معه يتحرك صح مو رابطتنا ماعندها الاالموج ماتو الي يسوون الموج

اما الرابطة الله يهديهم مايدخلون المنتدى ويقرون وجهات نظر الجمهور?????????????????

اجل كيك وحلاوه بشكلك ؟؟


ذبحنا بهالاغنيه ولحنها


حسين ان الايرانيين الحين في بيوتهم يرددونها منكثر ما سمعوها .!!

فكونا من شغل فوازير رمضان للصغار وبرامج طيور الجنه

جاهزين جاهزين


نريد مؤلفين لأهازيج
ملحنين أهازيج
تدريبات خاصه قبل المباراه
تفاعل اثناء المباراه

الكثير من الناس يلومون جماهير الزعيم لانها ماتتفاعل مع الرابطة وخاصة اثناء المباراة ... انا بقولكم على شغله يمكن غابت عن اذهان كثير من الناس ... انا احمل الخطأ الاتحاد السعودي .. تسالوني ليه؟؟؟ اقولكم .. انا وكثير من الجماهير علشان نحصل على مكان ممتاز بالملعب نضطر نروح من العصر او من قبل المغرب علشان نحجز مكان مناسب ... واكثر هالجماهير من توصل الملعب تبدا بالاهازيج والصراخ والتغني لمدة ساعتين وثلاث واحيانا اربع .. ولما تبدا المباراة يكونون جميعهم منتهين من التعب والارهاق ... نرجع لموضوع الاتحاد السعودي ... لانه لو يرقم الكراسي ويبيع التذاكر على رقم الكرسي كان كل الجماهير تجي قبل المباراة بربع ساعه او حتى بدقايق ويكون الحماس موجود على اوجه (بتشديد الجيم )

وبالنسبة للرابطه انا اشوفها فاشله واتمنى انها تستفيد من جماهير الدوري الاوربي

كيك وحلاوه بشكلك ياصاحب الموضوع

زلزال يخرب بيت العدو

راحت اصواتنا وحنا نطالب لكن الشكوى لله

والله في مباراة مس كرمان انا بالمدرج والاغلبيه قالبين على حق الرابطه ويطالبونه بالسكوت عجزنا نركز بالمباراة المباراة بوادي وهو كيك وحلاوه بشكلك واجيبه يعني اجيبه

بس الحق ينقال الرجال مجتهد وبقووهـ لكن اقل موب بمكانه رابطة الرقم الصعب

اتحفظ كثير على رابطة الزعيم

....................................

ما نبغى نسمع خبر اقالة ادارة ولا التعاقد مع مهاجم عالمي ولا تغيير الظهير بظهير افضل

نب نسمع خبر جلب رئيس رابطة بمعنى الكلمة هذه هي امنية شعب الهلال العظيم

إقتباس الرسالة الأصلية كتبت بواسطة هلالي - يوفاوي انت تتابع مباراة قدم ولامطرب شعبي اسمه القرني القرني يغني وخذ مواويل وهو في واد والمبارة بواد ثاني ولم نشاهد التفاعل الذي تزعمه فمدرجات الدرجة الثانيه لاعلاقة لها بالقرني فقط المجموعه التي جنبه ربما مئة واحد منهم الافريقي الذي يذبح الباكستاني وحتى رابطة الاهلي مجموعة يذكروني بمشجعي فرق الدرجة الاولى يجتمعون بالمدرج اشبه بفرقة يساعدهم صغر الملعب والمخرج الذي يعلي الصوت وخذ من الغناء يعني تشجيع كروي لايوجد لايختلفون عن رابطة الهلال بشيء

انا ضدك في كل كلمة قلتها
والله يا شيخ مثل جمهو الغربية ما تلقى سواءا في التفاعل مع الرابطة او كتشجيع طوال المباراة وخاصة جمهور الاتحاد اي نبي مطرب شعبي وش المشكلة دام انه اللي يغني ويشجع ودي المباراة جوها تسميه مطرب شعبي فانا ابغى مطرب شعبي والله ما يعطي لاعبي الاتحاد طاقتهم وقوتهم ولعبهم الا هالجمهور وهالاهازيج

يا شيخ لو يجيبون شعبولة انا موافق