أسامر بدر .. أهداء لجميع الأعضاء الأعزاء ...!
بسم الله الرحمن الرحيم
*
**
*
,,,....السلام عليكم ورحمة الله وبركاته .....,,,
هنا اضع بين يديكم احدا قصائدي عسى أن تنال رضاكم , وتصل إلى ذائقتكم المميزه
إهداء - للجميع .. وأخص بالذكر
المشرف الغالي السلطاني
والأخ ابو علي (عبد اللطيف )
والأخ M-Adel وأعتذر عن عدم ردي على رسالتك بالمنتدى لنقطاعي عن المنتدى
لفترهـ ..,
القصيدة لكم جميعاً واتمنى ان تنال رضاكم وتتشرف بردودكم
*هلا بنور البدر في ليلة الوحـده حبيـب وجـار
. . . . تسامرني وأنا اللي بالعشق قد طال به ليله
*هلا بالي يغيـب .. وطلتـه فـي ليلتـه لا زار
. . . . تفـز إلهـا نجـوم الليـل تتغـنـى بتدليـلـه
*هلا بذكرى الحبيب اللي بصدري له مشب ونار
. . . . بنار الشـوق فـارت للعشـق أغـلا معاميلـه
*أبهر دلتي بهيل الوفـا والصـدق لـه مقـدار
. . . . وقدم له قدوع إخلاص حبـي كـود تكفـي لـه
*واقول اختار من بين الخفوق وبين عينـي دار
. . . . إذا ما جاز له طيـب الخفـوق العيـن بتشيلـه
*إلا من شافته عيني تخيـل إبهالجمـال إبحـار
. . . . ولا ترمش تخاف يفوتها من الزين لـو حيلـه
*عيون الحب ترسم عيبته وسط الخفوق أزهـار
. . . . مع نبض المشاعر كـل شـي ً سهـل تحويلـه
*يجي مر الزعل لاهبـة ريـاح العتـاب الحـار
. . . . ضما ! .. لكنها عنـدي توردنـي حـلا نيلـه
*حلا غير الحلا بعذوبة عتابه ,, ولا مـن ثـار
. . . . مسك بلجام قلبي وامتطى المفتـون بـه خيلـه
*تبسـم ياقمـر دامـك علـى كـل المـلا دوار
. . . . تشوفه كل ليـل.. وصاحبـك كثـرة عراقيلـه
*اسولف لك وأشاهد وجنتـك يابـدر كنـه مـار
. . . . من الذكـرى بقايـا خالـده والقلـب يرويلـه
*طرت ذكراه وغيوم الحزن تنشي لها الأبصـار
. . . . بعد ما قاوم الرمش الصبـور وهـد لـه حيلـه
*تشاهدني وتنشدني بسؤالك وش جرا وش صار؟!
. . . . وش اللي عاند أمواج الغرام وجاب لك ويله؟!
*ترى عذب المحبه عكـره مـر الهـوا لا جـار
. . . . بحور الملح تبقى والعـذب مـا ينفعـه سيلـه
*زمانك تعتفس فيـه الأمـور وتختلـف لأقـدار
. . . . أبد ما طاب لـك جـو الزمـان ولا وفـا كيلـه
*عسى طير السعد لا بت جنحان الـوداع وطـار
. . . . يعود إبـه القـدر يمـي يغـرد لـي مواويلـه
*تفرقنا على أمـل(ن) نعـود نكمـل المشـوار
. . . . على ساحل غراماً للوفـا سفنـه بترسـي لـه
*بقى نبع الوفـا فينـا يسقـي بالأمـل لأعمـار
. . . . ولو كان الأمل لمعة سـراب ومنتهـى الحيلـه
*على الفرقا حزن بين الضلوع ..ويعزف القيتار
. . . . على وجنتك يا نـور القمـر تاصـل مراسيلـه
*تصبرني واشاهد صورته فـي وجنتـك سمـار
. . . . لمع نوره بنـورك يـا قمـر والناظـر ايخيلـه
*لجل عينه سهرت بليلتي وأسامـرك يـا جـار
. . . . وأكيد إنه لجل ذكـرى الغـرام يسامـرك ليلـه
*
*
*
وسلامتكم جميعاً
أخوكم : ثابت عبدالله القحطاني
الوضع الشجري
