بسم الله الرحمن الرحيم

مراااااحب لكل الزعماء...

اولا:::
بقولكم شيء الحين الواحد اذا بغى يسوي شيء يشوف قبل اذا هو قد هالشيء ولاينسحب ابركله واعتقد الكل معي بهالنقطه <والي مومعي ياأنه مهايطي ولاأنه مهستر..
طيب الحين (قناة الرياضيه السعوديه)
سؤال:متى بتحترف بالنقل؟
جواب:اذا اسحبوا عليها الناس<< اكثر من ماهم ساحبين
بالبطوله العربيه لكرة الطائره اكسبت حقوق النقل ولوتشوفون النقل
<والله باصات دله اكشخ
وازيدكم كانت فيه مباراه ماانقلوهاوكانت للهلال مع فريق ليبي وناس شافوها عالقناه الليبيه وناس لا...
والحين تنقل البطوله الخليجيه والله يستر
ولا عاد المعلقين تقول ماشافوا خير مايمديه أحمد البخيت يجيب لناهدف الا ويجيب علينا من عيونهم...
وبالمباريات كرة القدم انا اذا بشوفها عالرياضيه اوطي صوت المعلق مستحيل اسمعه تدرون ليه(( انواع القلق وانواع الأزعاج تشوف المباراه بوادي وهو بوادي ولا الكوره بالدفاع يجلس يصاارخ ويقلق اووم مخي كأنه هدف...واذا جت هجمه خطيره ودخل الهدف الا الرجال توه صاحي من النوووم..
مانقول الأ الحمدالله ان البطوله الاسيويه تنقلها القنوات الثانيه ولا كان شنسوي..,,
(( يعني وعلى طاري قطع الغيار والسكراب والتشليح <<صرنا بو رشه
اتمنى القناة الرياضيه تتطور وتجيب كاميرات جديده ومراسلين ومذيعين زي الناس))

ثانيا:::
احسن شي سواه البطل قيرتس انه بلعب عبدالعزيز الدوسري مع الشباب وهذا كلام الصحف بس اتمنى انه صدق لأن عزوز محتاج يلعب عشان يرجع مستواه ويرجع لجو المباريات لأن اذا أحتجناه بالاسيويه نلقاه جاهزوهو لاعب عنده مواهب ولعبه احس يشبه لعب الشلهوب اذا كان بمستواه


ثالثا:::
سمعت وحطوا تحت سمعت خطوط
ان العابد اخو نايف هزازي من الأم
مدري اشاعه مدري صدق الي عنده معلومه لايبخل وأنا صراحه كنت اشبه نواف بنايف واذا طلعوا اخوان بطلع بطل
وبما أني طريت العابد <<أسلم على صديقي التعبان والي اليوم ماراح المدرسه والي صاير محامي لنواف من بعد ماقابله وقاله:انشاالله اشوفك اسطوره وقاله نواف: بدعواتكم
>> وراسه صاير كبر خشم دنحي
,
,
وبالنهايه تقبلوا تحياتي والله يوفق الزعيم بالاسيويه والله يوفقكم بالردود