الهلال والاسيويه ,, وبعض الجمهور بالمدرج ماودك انه يحظر!!
السلام عليكم ورحمة الله وبركاته
مسائكم زعامه وانتصارات زرقاااء
الف مبروك انتصار المارد الازرق وعقبال باقي الانديه وناخذ الكاس بدون اي هزيمه باذن الله
اخواني
موضوعي يتطرق لعدة محاور المحور الاول خالد عزيز <<< لا ياشيخ
امزح
المحور الاول وهو المنشاطات وماصاحب صدور نتائجها من اصداء كبيره وجدل واسع
هذه الاحداث كانت عن طريق بعض انديه المؤخره والوسط أخرها لاعب النصر غالي
زي ماسمعت ان لجنة المنشطات ارتبطت الان بالفيفا واصبحت مراقبه من قبل الفيفا وهذا الي جعل النتايج تطلع ولايصير فيه اخفاء للنتائج ,,
المهم
دعواتكم ان الله يحمي لاعبين المملكة عامه والهلال خاصه من المنشطات وان تطلع جميع النتائج سلبيه
المحور الثاني
وهو يتكلم عن بعض الجماهيرالي اسميها جمهور ماشفش حاجه<<على وزن شاهد ماشفش حاجه
وهي الجماهير الي تحضر للمباريات وليس لتشجيع الزعيم بل من اجل التخريب والصراخ و (التميلح) وياناس شوفوني قوي وفله وانكت
هذا اكثر شي يرفع ظغطي في المدرجات اذا حضرت
واذا جيت وجلست ولقيت اليجنبي يشجعون بدون تميلح وتنكيت وتخريب احمد ربي
في مباراة مس كرمان جلست وكان جنبي ناس كانو بصراحه هادين بس الله يهديهم اعمونا بالدخان وقدامي اثنين اعمارهم يمكن 15 الى 17 مايسكتون طول الوقت على بالهم ينكتون ويسبون بعض اللعيبه بصوت عالي ومسموع ومنبينهم ياسر القحطاني والزوري وكل مانكتو يتلفتون يشوفون الناس تضحك ولا لا <<< ابوووو الامراااض النفسيه وقدام شوي واحد عمره يمكن 35 على الاقل كنه بزر يناقز ويستهبل الى الحين انا ماعندي مشكله بكيفهم جعلهم يتشقلبون يحقلهم مدامهم يشجعون الازرق لكن الي قهرني اول مادخل لاعبين الهلال نزل من المدرج الي فوق الاعلام الزرقا البلاستيكيه الي تنمد من اول المدرج الى اخر المدرج وتعطي منظر جميييييييل
طبعا اعضاء مجلس الجمهور فوق نزلوها شوي استعداد اول ماتبدا المباراه ينزلونها كااامله
طبعا العينات الي انا قلتلكم عنها فوق قامت تنطنط فوق الكرسي تبي تسحب العلم البلاستيكي وواحد منهم تمكن انه يمسك العلم وقعد يسحبه ويبغا يقطعه ويظحححك مدري وش يحس وقتها لين صيحو عليه الي فوق وتركها
اول مابدت الاعلام تنزل انا مسكت ومديت للي قدامي لقيت الجنبي يسحبه بقوه يبغا الطوق كاامل يطيح من فوق وفعلا قعد يسحب بقوه الين طاح عليه الطوق لما طاح الطوق قام وقطع وحاول يحط الباقي بجيبه باقي كميه كبيره اتوقع لاتقل عن 15 متر وهو فراحان يقول بحطها بالسياره<<< تفكيرررك الجميييل ووقتها ماوصل لنص المدرج وابو 35 سنه قام يقطع في العلم ويظحك ويناقز يقول هذا سفرة اكل << يعني نظحك ولا وش نسوي طبعا انا كنت وقتها شوي واتلاكم انا وكم ورع يسحب بالعلم واعلمهم اقول لاتقطعون الكاميرات بتصور بيطلع المنظر حلو ياناااس ياعاالم والي معاي يقولون يارجال خلهم مافيهم حيله وبالاخير استسلمت
طبعا فيه ناس اشوفهم من بعيد يسون نفس حركات الي عندي
طبعا المفروض المدرج يكون بالكاااااااااامل ازرق ولكن الفراغات الي تشوفونها هذي بسبة بعض المبزره الي جايين للملعب بس للصراخ والهياط اخواني انا لقيت موضوع لاحد الاخوان حاط صورة علمه في الملعب وهذا كان فوقي بالضبط ولقيت اثبات للحركات الي اتكلم عنها ولاحظو الي معاه علم ازرق طويل بالمدرج الي تحت هذا ابو 35 الي يقطع في العلم ويرمى على الناس اشكر الاخ ســ زعيم دير على الصوره
اتمنى مننا كجمهور هلالي الارتقاء بتفكيرنا واننا نهتم بمصلحة الفريق ونشجع التشجيع المثالي لان بهالحركات الصبيانيه في كثير من الجمهور يعافون الحضور للمدرجات وانا متاكد ان فيه كثير مايحضرون لانهم يلقون مضايقات من هالاشكال لهم ولاخوانهم الصغار
هذا مالدي
واتمنى ان يكون فيه فائده
واتمنى من يرد يرد على محورين النقاش الي طرحتها ,,,
والله صادق في عينات ودك تطلعها من المدرج وتحط اسمائهم على القائمة السودا ممنوع يدخلون للملعب لأنهم يخربون ولا يخلونك تتفرج زين ويناقزون لكن الله يعين عليهم.
بالنسبة للمنشطات الله يستر بس على لاعبينا لايجي واحد منهم وهو مخربها.
ألف شكر لك على إهتمامك نيابه عن نفسك وأصاله عن جماهير زعيم القرن التي تساند الزعيم في كل مدرج .
بالنسبه لموضوع المدرج فهناك كثير من مشجعي الزعيم من هم في سن المراهقه فلنعذرنهم لكي يكبرو ويتعلمو أو نبدي لهم النصيحه إن إستجابو فخيرآ وإن لم يستجيبو ( يكبرو ويعقلو) .
وبالنسبه لأبو 35 ما أقول إلا ((((( الله يخلف على عيالك ويخلف على شيبانك اللي خلفوك وربوك))))
الله يعطيك العافيه أخوي عزوووز
انا انصح بعض الجماهير الي تحضر ولا تشجع طول المباراه وهو جالس
انصحه يروح المقاهي الي جمب الملعب
احسن له
ياخي جمهور ما ادري وش يحس فيه كل ما اقوم معا هجمه الا الي وراي
هاي هاي اجلس وارد عليهم واقول ليه تجي الملعب
من جد الواحد يحضر يحمس ناديه ويآزر الى آخر دقيقه
الف مشكور أخوي ع موضوعك
بالتوفيق للزعيم وعشااااااااااقه ,,,
ياخي بالملعب الله يفكنا من فأتين ... صغار العقول وبعض الشباب الغير متحضر: بلنسبة لصغار العقول انواااااع الهياط والبثارة وثقالة الدم .. اما الشباب الغير متحضر لا اخلاق زي الناس ولا وروايح مثل البشر !!
ههههههههههههههههههههه اعذرني على التعبير بس يجيبون المرض
ياخي بالملعب الله يفكنا من فأتين ... صغار العقول وبعض الشباب الغير متحضر: بلنسبة لصغار العقول انواااااع الهياط والبثارة وثقالة الدم .. اما الشباب الغير متحضر لا اخلاق زي الناس ولا وروايح مثل البشر !!
ههههههههههههههههههههه اعذرني على التعبير بس يجيبون المرض
الهلال والاسيويه ,, وبعض الجمهور بالمدرج ماودك انه يحظر!! 
.
) .
))))
الوضع المتطور
