السلام عليكم
مبروك لـ عُشاق الميلان الفوز .. و الوصول إلى فارق نقطة عن المتصدر الانتر ،
و بتكون الجولات القادمة حريقه و ليت روما منتصر بعد علشان تكمل و الأحق في
النهاية بالدوري بـ نبارك له .. و يعتبر الانتر حالياً متقدم حتى لو بفارق نقطة لكن
هو الاقرب نظرياً مع ان ميلان بيكون له كلمة في الاخير ،

و بالتوفيق للانتر يوم الثلاثاء

تسلل

السلام عليكم ورحمة الله وبركاته

صباح الخير ,,

مبرووك الميلان الفووز وهاردلك لرومـا التغثر بالتعادل وهاردلك يوفي ,,

المراحـــل القادمه بيكون الصراع على اشده بمواجهات ناريــه ..

اكــثر ما جعلــني مبسوووط بفوووز الميــلان هذا المعلق في قناة ميلان

لا يفوتكــم المعــلق الايطالي في قناة الميلان الرياضيهـ بصراحــه معلق يخليك تضحك من القلب ..



للتـــحميـــل من هـــنا


بالتوفيق للجميع

شباب وش سالفه الضربة اللي بوجه بيكام ؟
لا يكون جزمة جديدة جاية بالغلط والا شي خخخ

مبروك للي فازوا .. هاردلك للي تعثروا

إقتباس شباب وش سالفه الضربة اللي بوجه بيكام ؟ لا يكون جزمة جديدة جاية بالغلط والا شي خخخ

يقولون واحد مازعه بوجهه وانا اقول واحد شات وجهه ههه

برونزيتي:"رومآ يتعآدل بسبب بدآيته السيئه!" [يتكلم عن حظوظ روما وميلن وأنتر للفوز بالأسكوديتو]



إرنستو برونزيتي الوكيل الدولي للاعبين تكلم عن المنآفسه على الأسكوديتو وقآل:"برأيي في نهآيه هذا الشهر ستتضح ملامح البطل ، الأنتر هو الأقوى على الورق ولكنه يتعرض للضغط وسيتمر الضغط عليه ولهذا السبب سيعآني النيرآزوري من النواحي العقليه والجسديه خصوصا وأنه سيسآفر للندن ومن بعدها في الدوري سيوآجه بآليرمو في صقليه وروما في روما وهذهـ المواجهآت ستكلف الأنتر الكثير من جميع النواحي خصوصا الليآقيه ، أما الميلن فهو فريق جيد وتبقى له بعض المواجهآت القويه وأذا أنتصر فيهآ قد يحرز الأسكوديتو حتى وأن كنت أرى بأنه للأنتر ولكن كل شئ ممكن ، أما روما فقد تسلقت الترتيب للوصول من المركز الأخير الى المركز الثالث فمن الطبيعي جدا أن نرى أنخفآض في الليآقه بعد الجهد العظيم الذي بذلوهـ وكنت أتوقع أن يحدث ذلك عآجلا أو آجلا".

إقتباس معليش مشهور .. كنت نايم العصر .. ولا أدري عن شيء .. ممكن أعرف وش السالفة ..؟! لأني أشوف الجزيرة من أفضل القنوات

قناة الجزيرة حاطين مباراة يوفي صاحب المركز الخامس وسيينا مباراة الاستوديو اللي يحللونها وكأن روما ماهو منافس على اللقب

وبالنسبة للجزيرة هذا رأيك بس شكلك مالحقت على قنوات ابوظبي صحيح انها بس قناة وحيدة وماكانت تنقل الا مباريات قليلة لايف بس اللي تابعها يعرفها من ناحية الاخراج و الاعداد اللي كان يقوم فيه رضا فطوم واللي يبي يعرف من رضا فطوم يتابع استوديو دبي الرياضية حالياً للدوري الألماني تشوفون كيف الاستوديو مثري ويفيد المشاهد وانا اشسوفه افضل معد برامج رياضية بجميع القنوات الرياضية اضافة الى برنامج اسبوعي مسابقات عن توقع النتايج وفي جوايز للي يجمع اكثر نقاط من المشاهدين برامج كانت تجيبها

إقتباس وإذ فاز روما أو الانتر بالسكوديتتو .. سنكون أول من سيبارك لهم ..

ماظن روما بيفوز بالدوري روما مشكلته ضعيف وماعنده نفوذ سياسية

إقتباس لكن حبيت أقولك .. أن مشكلة التاريخ أنه ما يسجل إلا نتيجة المباراة فقط ! المستوى والأداء والفرص والأخطاء التحكيمة أو الغش والأمور هذي كلها .. تنسى !

لا تكلم عن نفسك فقط بالعكس التاريخ ماينسى الاخطاء التحكيمية مثل موسم 98 اللي فاز فيه اليوفي او حتى المؤمرات مثل مؤامرة النمسا والمانيا على الجزائر ومؤامر السويد والدنمارك 2004 على ايطاليا واللي يبي ينسى اللي ضده ينسى بكيفه
وبالنهاية مثل ماقلت بنابرك للي يفوز باللقب بس مايهمنا هي حقيقة واحدة مهما كانت النهاية لهذا الموسم حقيقة ان الميلان مايستحق هذا الاسكوديتو لانه فاز فيه بأخطاء تحيكيمة

جوزيه مورينهو : " نحن جميعا نعلم لماذا ميلان وصل إلى -1 "




البرتغالي جوزيه مورينيو يعود ليتحدث في المؤتمر الصحفي
وكانت المناسبة عشية السباق الحاسم ضد تشلسي مع آنشلوتي في دوري ابطال أوروبا
إلا أن المدرب لا يزال يأخذ الفرصة للحديث عن بعض التغيرات في الدوري الايطالي :
" الانتر هو بطل الدوري ، تلك مسألة أخرى . ولكننا جميعا نعرف لماذا تغيرت الحالة
ولماذا ميلان قد وصل إلى -1 ، أفضل عدم الحديث أكثر عن ذلك
لأني أخاف إن تكلمت سيكون هناك إيقاف لثلاث مباريات أخرى . "




،،،

تلك هي فائدة العقوبات .. الإتحاد الإيطالي أدب مورينهو ..
بعد أن كان يهتف بالكلمات هنا وهناك دون أن يلقي لها بال ..
أصبح يحسب ألف حساب قبل أن يتكلم .. أو يحتفط بها لنفسه ..

إقتباس الرسالة الأصلية كتبت بواسطة الغرناطي جوان كان ماسك الدنيا ورى إذا ما كان بمستواه فاعرف ان اقل شي 3 اهداف بتدخل ..

الحين بما أن جوان هو اللي ماسك الدنيا إذاً هو أطلق مدافع عندكم
ومع ذلك تقول أنه لعب وما كان بمستواه

إقتباس الرسالة الأصلية كتبت بواسطة الغرناطي دي روسي مب لم مستواه ابد من سالفة وفاة ابو زوجته و هو مب على بعضه ..

الكابيتانو حقكم دي روسي .. تقول أنه موب على بعضه

وبكذا نفهم أن لاعبي روما اللي يعتمد عليهم .. ما هم ثقة ..
وأحيانا يخبطون .. مثل جوان ودي روسي ..

إقتباس الرسالة الأصلية كتبت بواسطة الغرناطي مستوى الميلان ما يأهله أنه يكمل للصدراة , مع احترامي فريق ما به لاعبين صاحين إلا نيستا و باتو , و لا البقية يا مباراة فوق و مباراة تحت و لا ما حولك أحد ,, فوز على كييفو و بالدقيقة 90 مع مستوى باهت /

هنا تقول أن باتو نيستا لاعبين ثقة ، أما البقية زلابة ..
يعني طلع ميلان أطلق من روما .. كمستوى الموسم هذا ..
طيب كيف تبي روما هو اللي يستحق وليس ميلان .. ؟
تناقضات ..!

ما أقول إلا يا روح روحي على هالمستوى الباهت ..

،،،

إقتباس الرسالة الأصلية كتبت بواسطة GIALLO ROSSO قناة الجزيرة حاطين مباراة يوفي صاحب المركز الخامس وسيينا مباراة الاستوديو اللي يحللونها وكأن روما ماهو منافس على اللقب

هنا تقول متعجبا ً: ( وكأن روما ليس منافس )

إقتباس الرسالة الأصلية كتبت بواسطة GIALLO ROSSO ما أظن روما بيفوز بالدوري روما مشكلته ضعيف وماعنده نفوذ سياسية

وهنا تعترف وتقول : ( ما أظن روما بيفوز بالدوري )

تناقضات سريعة !

إقتباس الرسالة الأصلية كتبت بواسطة GIALLO ROSSO لا تكلم عن نفسك فقط بالعكس التاريخ ماينسى الاخطاء التحكيمية مثل موسم 98 اللي فاز فيه اليوفي او حتى المؤمرات مثل مؤامرة النمسا والمانيا على الجزائر ومؤامر السويد والدنمارك 2004 على ايطاليا واللي يبي ينسى اللي ضده ينسى بكيفه وبالنهاية مثل ماقلت بنابرك للي يفوز باللقب بس مايهمنا هي حقيقة واحدة مهما كانت النهاية لهذا الموسم حقيقة ان الميلان مايستحق هذا الاسكوديتو لانه فاز فيه بأخطاء تحيكيمة

يعني تبي تقنعني أنك ما راح تنسى مستوى ميلان قدام المانيو بدور الـ 16 ذهاب .
وأنه كان يستحق النقاط الثلاث نسبة للفرص الحقيقة الضائعة

حبيبي .. الكل راح يتذكر نتيجة مجمل اللقاء 7/2 .. فقط !
وسينسى من كان بالتشكيلة ، ومن لعب ومن غاب ..
سينسى من قدم مستوى باهت وآخر جيد ..

تبي تقنعني أنك ما راح تنسى أن تشلسي كان الأجدر بالتأهل للنهائي بالأبطال الموسم الماضي
على حساب برشلونة ..

الكل راح يتذكر النتيجة .. والتي تفسر عدم انهزامية برشلونة ومقاتلته حتى الدقيقة الأخيرة .
وسينسى الأخطاء الفاضحة .. الفادحة ..
سينسى ما فعله النرويجي بالإنجليز ..
سينسى مستوى تشلسي بتلك المباراة ..

،،،

روماوية .. ليه مقهورين من ميلان بعكس الانتراوية اللي إلى الحين ماسكين أعصابهم وواثقين من فريقهم وأنفسهم .. ؟
اللوم ما هو على ميلان .. اللوم عليكم أنتم ..
فرطتوا في الفوز على الوصيف بالأولمبيكو ..
فرطتوا في الفوز على المتصدر في أرضه .. بإضاعة فرص حقيقة .. كان أولها انفراده بسيزار ..
6 نقاط كانت كفيلة بخطف الصدارة .. !