![]() |
احداث المدرجات الهلال ومس كرمان السلام عليكم ورحمة الله وبركاته الف الف الف مبروووك الفوووز الرائع وعقبال ما نهنئ بعض بالاسيوية حبيت الخص لكم ما دار في المدرجات من الساعه 4/45 الى نهاية المباراة في الخامسة الا ثلث وصلت للملعب وتفاجات بان المواقف خاليه الا من بعض السيارات اتجهت لشراء تذكرة الا واحد يصوت لي التفت الا معه تذكرتين يقول خذها هدية وعط اي واحد تبي .. تبسمت له لانه قال كلام واجد بس ما فهمت شي اللي فهمته ان التذكرة مجانية وهدية لا اعلم سببها .. الزبده تلفت حولي لقيت واحد وعطيته التذكرة وسويت فيها عضو شرف عقبها مرينا على التفتيش وما حصلوا اللي يبون .. دخلت للملعب وانصدمت اكثر بعدم الحضور تكيت وحجزت لي ثلاث مقاعد .. ادارة الملعب بدت بتشغيل بعض الاغاني الهلاليه والوطنيه لتحميس عشرة انفار في الملعب .. مع مرور الوقت بدا الحضور يزداد ببطئ شديد كانه عبدالله وهو يمشي ( عادي يا ابو عابد امس خذت راحتك والحين باخذ راحتي ). في السادسه تقريبا اذن المغرب اخذت نفسي ورحت صليت ورجعت ( طيب وش نسويلك ) والحضور يزداد شيئا فشيئا ولكن كان واضح جدا ان الواجهه لن تمتلئ بالكامل الساسده والنصف بدت الرابطة في اهازيجها اللي بصراحه ما تليق بالزعيم .. بس الغريب ان الجمهور تفاعل معها .. ووسط الاجواء الجميلة بدا يرتفع ضغطي لان اخوياي ما وصلوا وبدا مسلسل الاتصالات .. طبعا فيه اثنين وراي اذوني وين اخوياك .. كانهم يعرفوني والا يعرفون اخوياي طبعا وزعتلهم كم ابتسامه .. بعدها دخل الحكام بلبس رياضي اعتقد الجمهور انه الفريق الايراني وبداؤوا باطلاق صافرات الاستهجان .. عقب تذكروا انه الحكم وصفقوا لهم ( ما فيه ترقيع) السابعه والنصف امتلاء تقريبي لواجهة الاستاد بعد اذان العشاء شرفنا ابو عبدالعزيز الشايب وبدا الجمهور بالتصفيق الحار وترديد دعيع دعيع .. الخ شوي الا اخوياي ياصلون طبعا ما سلمت عليهم تعبيرا عن الغضب الدفين بس اعطوني سبب مقنع وسامحتهم . بعد ما وصلوا بشوي ويخش لاعبي الزعيم طبعا ما يبيلها كلام حسيت من كثر ما قافزت اني باطير للدور الثاني .. الحين البعض منكم يقول ليه ما صلى العشاء لا ابشركم صليت ادعولي بس خش لاعبي مس كرمان وقوبلوا بصافرات استهجان .. وش يبون نصفقلهم زي .. والا خلوها بوقتها تمرن اللاعبين واطلعوا وبعدها طلع لاعبي مس كرمان ورفع ضغطي بعض اللي مسوين ما ادري وش مسوين بس الزبده مسوين انهم شي ما ادري عنه وصفقوا لهم طبعا الاكثرية صافرات استهجان . طبعا احسن شي سوته الرابطة في المباراة اثناء حركات الاحماء بدات بترديد اسماء اللاعبين ما لاقى تفاعل كبير من الجمهور الحاضر للمباراة . بقى نقطة اخيرة اقولها صارت قبل المباراة وهي صافرات الاستهجان لحسن العتيبي ( لاتعليق ) دخل اللاعبين مرة اخرى لارض الملعب وكان التفاؤل سائد من الجميع . ركلة البداية مع الفريق الايراني والجمهور مو راضي يجلس تعبت وانا واقف .. بس ازين انه ما جلس الهدف كان له طعم والجمهور واقف حسيت انه جمهور المان يونايتد .. بعد الهدف وكالعادة تم ترديد اسم ويلهامسون كثيرا احتفالا بالهدف الجميل صراحه بعد الهدف بثلاث دقائق بدا الجمهور بالجلوس مما جعلني اسعد رجل بالعالم كانت اجواء جميلة جدا عكر صفوها اداء الرابطة الركيك .. مما جعل البعض يبدي امتعاضه ( متعوب عليها امتعاضه ) الدقيقه 14 ابو كلبشة يطلق سهم متسلفه من ياسر للشبكة طبعا جن جنون المدرج بالتاكيد لانه هدف ولان اللي مسجله ابو كلبشة وتم ترديد اسم هوساوي كثيرا وبصوت واحد الجميع . في الدقيقه 30 خرج احد الجماهير للخارج يبي يشرب ماء رجع وقالي والعهده عليه ان فيه جمهور كبير عند شباك التذاكر منع من الدخول والسبب ان الموظف ما هو فيه وما يقدرون يدخلونهم مجانا ( عذر منطقي جدا ليه ما جو من البداية ) طبعا اخر الشوط خوفونا شوي هالايرانيين بس الحمد لله عدت على خير . بين الشوطين بدا المحللين الكروويين في الملعب بابداء ارائهم والبعض بدا يتوقعها خماسية وسداسيه الشوط الثاني ركلة البداية عند الهلال اول عشر دقايق يد الجمهور على قلبه بس مالا قصر الدعيع رغم الهفوات وما قصر افضل لاعب بالمباراة اسامه هوساوي الذي ررد الجمهور اسمه كثيرا .. بعدها عادت السيطرة للهلال مع بعض الغارات الايرانيه التي تكفل بها الثلاثي الدعيع والمرشدي والافضل اسامه هوساوي .. مع عودة السيطرة الهلاليه بدات الجمهور الهلاليه بالتفاعل مع الهجمات حتى اتت ركلة الجزاء اللي تخوفت منها وبالفعل ضاعت من تياقو نيفيز .. بس الجمهور ما قصر ردد اسمه ورفع من معنوياته .. بس هو الله يهيديه خربها في الهجمه اللي بعدها مما جعل الجمهور يبدي امتعاضه مرة اخرى ( اعجبتني امتعاضه ) .. بس ما قصر ابو عبدالعزيز الكاسر بدا بتهديد الايرانين حتى جاب الهدف اللي خلى الجمهور يرتاح ويضمن النتيجه .. طبعا اخر المباراة ابو كلبشة ضيع مفتاح الكلبشة بس شفعله اللي قدمه طول المبارة وطبعا الجمهور ما قصر ردد اسمه وهو تفاعل معهم وصفق للجمهور . بعدا طلعت من الملعب واكيد فرحة لقانا لازم تشتغل .. بعض المشاهدات الجانبيه للمباراة ... 1/ طبعا بم ان المبارايات السابقه شاهدنا اسلوب سيء من رجال الامن بس امس ما قصروا بالعكس بعض الجمهور والله يستفزهم مثلا واحد واقف على الدرج ما لقى مكان يجلس فيه قاله العسكري يا تنزل تحت في المدرات الفاضية او تطلع .. طبعا مسوي فيها ذيب اخونا مسوي انه بيطلع الين يتجاهله العسكري ويرجع مرة ثانيه يوقف .. هذي الحركة استفزتني انا فما بالك بالعسكري اللي ما قصر معه في النهاية مسكة بيدهع ودخله الغرفه اللي جنب الكشك 2/ الجمهور اللي حضر في نص الشوط الاول اقولهم كان بدرتوا شوي مو معقوله نص الشوط تجون 3/اكثر لاعب تم ترديد اسمه في المدرج الافضل اسامه هوساوي 4/ استاء الجمهور كثيرا من الاداء المتواضع للفريدي 5/ الرابطة كانت سيئه جدا .. حتى اهازيجها كانت موضع استهجان من الجميع 6/لاول مرة اشوف الجمهور ما ينتقد باسلوب استفزازي عبدالله الزوري 7/لاول مرة جمهور الهلال ما يعرف يطبق حركة الموج .. والسبب الرئيسي الرابطة 8/الف الف الف مبرووووووووووك الفوز وعقبال الاسيوية واسف على الاطالة ختاما .. حلي محلي لو جرحتك وقفيت .. ما ظني يصفح خافقك عن خطايا |
إقتباس:
الله يهديكم ان شاء الله . |
يعطيك العافيه والله وذكرت الاحداث بالتفصيل ما شاء الله عليك وان شاء الله الرابطه تكون بالشكل المطلوب في المبارايات الجايه للاسف صافرات الاستهجان لـ حسن ما يستاهل والله ! والله يوفق هلالنا فوق كل ارض وتحت كل سماء ~ |
الله يعطيك العافيه وماقصرت جبت كل الي صار امس ماشاء الله عليك وبالنسبة للرابطه حدث ولا حرج اشوفهم متحمسين الرابطه بقيادة البطاطي اذا ماغلطت بالاسم واسف اذا غلطت بس اهازيج تحوم التسبد لا صوت ولا طرق تشجيع زي الناس ألف شكر لك مرة ثانيه |
ماقصرت رايتك بيضاء وانا كنت من الحضور الصراحة حركتهم مع حسن فقعت قلبي لان مهما كان يظل لاعب هلالي حتى وان كان في قائمة الانتقال |
موضوع جدا رااائع ان شاء الله بس تكون الراابطه احسن من كذا وربي امس ماعجبني الجمهور دايم كنت اعلي صوت التلفزيون واجلس استمتع بالاهازييج لكن امس كان جدا سي مافيه اهازيج روووعه خلتني استمتع بس ان شاء الله تكون في القادم افضــــــــــل بالتوفيييييييق للزعيييم |
مشكووووووووووووووووور اخوي على قصت حياتك |
مـــــآإقــصرت وألــــــف آلف آلف مبرووووك آلأفوز .. وآلآسيوه لنآ آن شآء آلله .. مشكور يآلغآلي .. |
يعطيك العافيه ألف مبروك النقاط الثلاث والصداره |
امس الفريدي كاااااااااان مبدع مشكو رعالوصف |
مشكووور ماقصرت رايتك بيضاء وبالتوفيق للزعيم |
وضعتنا بالملعب ونحن لم نحضر وبكلمات بسيطه :d:smilie47: يعطيك الف عافيه :rose: |
عيشتني في الملعب والله ... خلاص كل يووووووم عطنااااا تعبير عن مااافي المدرج من احداث وقضايااا.... والله عندكـ اسلووووووب رااائع وجميل.. يعطيكـ العافية ماقصرت.. |
الله يهديهم الجمآهير .. وانشآء الله آحسسن في الجآيْ .. الجمهور اذا بدا بالهتافات يحفز اللاعبيين والدليل مباراه الاهلي يوم الاهلي كان واحد الهلال يوم بدوا الجماهير بالهتافات العاليـه جآ الهدفِ .. تحيـآإتيْ .. |
مـــــآإقــصرت وألــــــف آلف آلف مبرووووك آلفوز .. وآلآسيويه لنآ آن شآء آلله .. مشكور يآلغآلي .. |
الوقت المعتمد في المنتدى بتوقيت جرينتش +3.
الوقت الان » 03:37 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd